TITUS
Hartmann, Iwein
Part No. 35
Previous part

Verse group: (35) 
Verse: 3401    nie rîter dehein
Verse: 3402    danne mîn her Îwein,

Verse: 3403    den ich sô swache sihe leben.
Verse: 3404    im ist benamen vergeben,

Verse: 3405    ode ez ist von minnen komen
Verse: 3406    daz im der sin ist benomen.

Verse: 3407    und ich weiz daz als mînen tôt,
Verse: 3408    vrouwe, daz alle iuwer not,

Verse: 3409    die iu durch sînen übermuot
Verse: 3410    der grâve Âliers lange tuot

Verse: 3411    und noch ze tuonne willen hât,
Verse: 3412    der wirt iu buoz unde rât,

Verse: 3413    ob er von uns wirt gesunt.
Verse: 3414    mir ist sîn manheit wol kunt:

Verse: 3415    wirt er des lîbes gereit,
Verse: 3416    er hât in schiere hin geleit:

Verse: 3417    und sult ir ouch vor im genesen,
Verse: 3418    daz muoz mit sîner helfe wesen.'

Verse: 3419    Diu vrouwe was des trôstes vrô.
Verse: 3420    sî sprach 'und ist der suht alsô

Verse: 3421    daz sî von dem hirne gât,
Verse: 3422    der tuon ich im vil guoten rât,

Verse: 3423    wand ich noch einer salben hân
Verse: 3424    die dâ Feimorgân

Verse: 3425    machte mit ir selber hant.
Verse: 3426    dâ ist ez umbe sô gewant

Verse: 3427    daz niemen hirnsühte lite,
Verse: 3428    wurd er bestrichen dâ mite,

Verse: 3429    erne wurde dâ zestunt
Verse: 3430    wol varende und gesunt.'

Verse: 3431    sus wurden sî ze râte
Verse: 3432    und riten alsô drâte

Verse: 3433    nâch der salben alle drî:
Verse: 3434    wand ir hûs was dâ bî

Verse: 3435    vil kûme in einer mîle.
Verse: 3436    nû wart der selben wîle

Verse: 3437    diu juncvrouwe wider gesant,
Verse: 3438    diu in noch slâfende vant.

Verse: 3439    Diu vrouwe gebôt ir an daz leben,
Verse: 3440    dô sî ir hâte gegeben

Verse: 3441    die bühsen mit der salben,
Verse: 3442    daz sî in allenthalben

Verse: 3443    niht bestriche dâ mite.
Verse: 3444    niuwan dâ er die nôt lite,

Verse: 3445    dâ hiez sî sî strîchen an:
Verse: 3446    sô entwiche diu suht dan,

Verse: 3447    under wær zehant genesen.
Verse: 3448    dâ mite es gnuoc möhte wesen,

Verse: 3449    daz hiez sî an strîchen,
Verse: 3450    und daz sî ir nämelîchen

Verse: 3451    brachte wider daz ander teil:
Verse: 3452    daz wære maneges mannes heil

Verse: 3453    ouch sante sî bî ir dan
Verse: 3454    vrischiu kleider, seit von gran

Verse: 3455    und cleiner lînwæte zwei,
Verse: 3456    schuohe unde hosen von sei.

Verse: 3457    Nû reit sî alsô balde
Verse: 3458    daz sî in in dem walde

Verse: 3459    dannoch slâfende vant,
Verse: 3460    und zôch ein pfärit an der hant,

Verse: 3461    daz vil harte sanfte truoc
Verse: 3462    (ouch was der zoum rîche gnuoc,

Verse: 3463    daz gereite guot von golde),
Verse: 3464    daz er rîten solde,

Verse: 3465    ob ir daz got bescherte
Verse: 3466    daz sî in ernerte

Verse: 3467    Dô sî in ligen sach als ê,
Verse: 3468    nûne twelte sî niht mê,

Verse: 3469    sî hafte zeinem aste
Verse: 3470    diu pfärit beidiu vaste,

Verse: 3471    und sleich alsô lîse dar
Verse: 3472    daz er ir niene wart gewar,

Verse: 3473    unz sî in allenthalben bestreich.
Verse: 3474    dâ zuo sî vil stille sweich.

Verse: 3475    mit ter vil edelen salben
Verse: 3476    bestreich sî in allenthalben

Verse: 3477    über houbet und über vüeze.
Verse: 3478    ir wille was sô süeze

Verse: 3479    daz sî daz alsô lange treip
Verse: 3480    unz in der bühsen niht beleip.

Verse: 3481    des wær doch alles unnôt,
Verse: 3482    dâ zuo und man irz verbôt;

Verse: 3483    wan daz sî im den willen truoc,
Verse: 3484    esn dûhtes dannoch niht genuoc,

Verse: 3485    und wær ir sehsstunt mê gewesen:
Verse: 3486    sô gerne sach sî in genesen.

Verse: 3487    und dô sîz gar an in gestreich,
Verse: 3488    vil drâte sî von im entweich,

Verse: 3489    wand sî daz wol erkande
Verse: 3490    daz schämelîchiu schande

Verse: 3491    dem vrumen manne wê tuot,
Verse: 3492    und barc sich durch ir höfschen muot,

Verse: 3493    daz sî in sach und er sî niht.
Verse: 3494    sî gedâhte 'ob daz geschiht

Verse: 3495    daz er kumt ze sinnen,
Verse: 3496    und wirt er danne innen

Verse: 3497    daz ich in nacket hân gesehen,
Verse: 3498    sô ist mir übele geschohen:

Verse: 3499    wan des schamt er sich sô sêre
Verse: 3500    daz er mich nimmer mêre

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.