TITUS
Hartmann, Iwein
Part No. 39
Previous part

Verse group: (39) 
Verse: 3801    ern wolde dehein ander lôn.
Verse: 3802    dô diu vrouwe von Nârisôn

Verse: 3803    ir nôt überwant
Verse: 3804    von sîner gehülfigen hant,

Verse: 3805    dô begunder urloubes gern.
Verse: 3806    desn wolde sî in niht gewern:

Verse: 3807    wan an in stuont al ir muot.
Verse: 3808    sî bedûhte des, er wære guot

Verse: 3809    ze herren in ir lande:
Verse: 3810    und endûhtez sî niht schande,

Verse: 3811    sî hete geworben umb in.
Verse: 3812    und mich entriege mîn sin,

Verse: 3813    swie ez deheiniu entuo,
Verse: 3814    da hwͤœlig;ret groezer wîsheit zuo

Verse: 3815    daz sî umb den wurbe
Verse: 3816    von dem sî niht verdurbe,

Verse: 3817    dan sî sich den lieze erwerben
Verse: 3818    von dem sî müese verderben.

Verse: 3819    sî bat in mit gebærden gnuoc;
Verse: 3820    daz er doch harte ringe truoc.

Verse: 3821    beide gebærde unde bete
Verse: 3822    die man in durch belîben tete,

Verse: 3823    daz was verloren arbeit:
Verse: 3824    wan er nam urloup unde reit,

Verse: 3825    unde suochte dâ zehant
Verse: 3826    den næhsten wec den er vant,

Verse: 3827    und volget einer strâze.
Verse: 3828    Iûte ane mâze

Verse: 3829    hôrter eine stimme
Verse: 3830    clägelich und doch grimme.

Verse: 3831    nune weste mîn her Îwein
Verse: 3832    von wederm sî wære under den zwein,

Verse: 3833    von wurme ode von tiere:
Verse: 3834    er bevandez aber schiere.

Verse: 3835    wan diu selbe stimme wîst in
Verse: 3836    durch michel waltgevelle hin

Verse: 3837    dâ er an einer blœze ersach
Verse: 3838    wâ ein grimmer kampf geschach,

Verse: 3839    dâ mit unverzagten siten
Verse: 3840    ein wurm unde ein lewe striten.

Verse: 3841    der wurm was starc unde grôz:
Verse: 3842    daz viur im ûz dem munde schôz.

Verse: 3843    im half diu hitze und der stanc,
Verse: 3844    daz er den lewen des betwanc

Verse: 3845    daz er alsô Iûte schrê.
Verse: 3846    hern Îwein tete der zwîvel wê

Verse: 3847    wederm er helfen solde
Verse: 3848    und bedâhte sich daz er wolde

Verse: 3849    helfen dem edelen tiere.
Verse: 3850    doch vorhter des, swie schiere

Verse: 3851    des wurmes tôt ergienge,
Verse: 3852    daz in daz niht vervienge,

Verse: 3853    der lewe bestüende in zehant.
Verse: 3854    wan alsô ist ez gewant

Verse: 3855    als ez ouch undern liuten stât:
Verse: 3856    sô man aller beste gedienet hât

Verse: 3857    dem ungewissen manne,
Verse: 3858    sô hüete sich danne

Verse: 3859    daz ern iht beswîche.
Verse: 3860    dem was diz wol gelîche.

Verse: 3861    doch wâgterz als ein vrum man,
Verse: 3862    er erbeizte und lief den wurm an

Verse: 3863    und sluoc in harte schiere tôt
Verse: 3864    und half dem lewen ûz der nôt.

Verse: 3865    Dannoch dô er den wurm ersluoc,
Verse: 3866    dô heter zwîvel genuoc

Verse: 3867    daz in der lewe wolde bestân:
Verse: 3868    daz wart im anders kunt getân.

Verse: 3869    sich bôt der lewe ûf sînen vuoz
Verse: 3870    und zeict im unsprechende gruoz

Verse: 3871    mit gebærde und mit stimme.
Verse: 3872    hie liez er sîne grimme

Verse: 3873    und erzeict im sîne minne
Verse: 3874    als er von sînem sinne

Verse: 3875    aller beste mohte
Verse: 3876    und einem tiere tohte.

Verse: 3877    er antwurt sich in sîne pflege,
Verse: 3878    alser in sît alle wege

Verse: 3879    mit seinem dienste êrte
Verse: 3880    und volgt im swar er kêrte

Verse: 3881    und gestuont im zaller sîner nôt,
Verse: 3882    unz sî beide schiet der tôt.

Verse: 3883    Der lewe und sîn herre
Verse: 3884    die vuoren unverre

Verse: 3885    unz er ein tier ersmahte.
Verse: 3886    nû twanc in des sîn ahte,

Verse: 3887    beidiu der hunger und sîn art,
Verse: 3888    dô er des tieres innen wart,

Verse: 3889    daz er daz gerne wolde jagen.
Verse: 3890    dazn kunderm anders niht gesagen,

Verse: 3891    wan er stuont und sach in an
Verse: 3892    und zeicte mit dem munde dan:

Verse: 3893    dâ mite teterz im kunt.
Verse: 3894    dô gruoztern als einn suochhunt

Verse: 3895    und volgt im von der strâze
Verse: 3896    wol eines wurfes mâze,

Verse: 3897    dâ er ein rêch stânde vant,
Verse: 3898    unde vienc ouch daz zehant

Verse: 3899    und souc im ûz daz warme bluot:
Verse: 3900    dazn wær sînem herren doch niht guot.

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.