TITUS
Hartmann, Iwein
Part No. 44
Previous part

Verse group: (44) 
Verse: 4301    wand er niht wider wolde komen,
Verse: 4302    ern ervüere wie sî wære genomen'

Verse: 4303    Nû was im daz mære
Verse: 4304    durch sînen gesellen swære.

Verse: 4305    er sprach 'nû müez in got bewarn.
Verse: 4306    vrouwe, ich muoz von hinnen varn

Verse: 4307    und mich bereiten dar zuo.
Verse: 4308    und wartet mîn morgen vruo:

Verse: 4309    ich kume ze guoter kampfzît.
Verse: 4310    und alsô hövesch sô ir sît,

Verse: 4311    sone saget niemen wer ich sî.
Verse: 4312    deiswâr ich slahe sî alle drî,

Verse: 4313    ich hilfe iu von dirre nôt,
Verse: 4314    od ich gelige durch iuch tôt.'

Verse: 4315    Sî sprach 'lieber herre,
Verse: 4316    sô stüende iuch al ze verre

Verse: 4317    ze wâgen ein als vorder lîp
Verse: 4318    umb ein alsus armez wîp.

Verse: 4319    mir wær der rede gar ze vil:
Verse: 4320    und wizzet daz ich immer wil

Verse: 4321    den willen vür diu werc hân:
Verse: 4322    ir sult der rede sîn erlân.

Verse: 4323    iuwer leben ist nützer danne daz mîn.
Verse: 4324    und möht ez ein wâge sîn,

Verse: 4325    sô getorste ichs iuch biten:
Verse: 4326    diz ist gar wider den siten

Verse: 4327    daz einer kempfe drî man.
Verse: 4328    die liute habent sich joch dar an

Verse: 4329    daz zwêne sîn eines her:
Verse: 4330    sô wære diz gar âne wer.

Verse: 4331    verlüret ir durch mich den lîp,
Verse: 4332    sone wart nie dehein armez wîp

Verse: 4333    als unsælec als ich,
Verse: 4334    und dannoch slüegen sî ouch mich.

Verse: 4335    so ist bezzer mîn verderben
Verse: 4336    danne ob wir beidiu sterben.'

Verse: 4337    Er sprach 'diu rede sol bezzer wesen:
Verse: 4338    wan wir suln beidiu wol genesen.

Verse: 4339    deiswâr ich wil iuch trœsten wol,
Verse: 4340    wan ichz ouch bewaren sol.

Verse: 4341    ir hât so vîl durch mich getân:
Verse: 4342    ob ich deheine triuwe hân,

Verse: 4343    sone sol ich daz niht gerne sehen
Verse: 4344    daz iu dehein schade mac geschehen

Verse: 4345    dâ ichz kan erwenden.
Verse: 4346    diu rede sol sich enden:

Verse: 4347    sî müezen iuch lâzen vrî,
Verse: 4348    od ich erslahe sî alle drî.'

Verse: 4349    nû was ir durch ir vrümekheit
Verse: 4350    ir êre unde ir vrume leit.

Verse: 4351    sî wære gerne genesen,
Verse: 4352    und möht ez alô sîn gewesen

Verse: 4353    daz er den lîp niht verlür.
Verse: 4354    sît ab er mit vrîer kür

Verse: 4355    den kampf wolde bestân,
Verse: 4356    so lie sîz sîn und muosez lân.

Verse: 4357    Nû entwelter dâ niht mê
Verse: 4358    (sîn lewe volget im als ê)

Verse: 4359    und reit unz er ein hûs ersach.
Verse: 4360    dâ was guot rîters gemach.

Verse: 4361    diu burc was harte veste
Verse: 4362    und allen wîs diu beste

Verse: 4363    vür stürme und vür mangen:
Verse: 4364    den berc hete bevangen

Verse: 4365    ein burcmûre hôch und dic.
Verse: 4366    doch sach vil leiden anblic

Verse: 4367    der dâ wirt was genant:
Verse: 4368    im was diu vorburc verbrant

Verse: 4369    unz an die burcmûre gar.
Verse: 4370    nû kam mîn her Îwein dar,

Verse: 4371    als in der wec lêrte.
Verse: 4372    dô er ze dem hûse kêrte,

Verse: 4373    dô wart diu brücke nider lân,
Verse: 4374    und sach engegen im gân

Verse: 4375    sehs knappen wætlîche:
Verse: 4376    sî zæmen wol dem rîche

Verse: 4377    von aller ir getât
Verse: 4378    an ir lîbe und an ir wât.

Verse: 4379    von den wart er wol enpfangen.
Verse: 4380    vil schiere kam gegangen

Verse: 4381    der wirt als ein bescheiden man:
Verse: 4382    der gruozt in unde vuort in dan

Verse: 4383    ûf daz hûs an guot gemach,
Verse: 4384    dâ er rîter und vrouwen sach

Verse: 4385    eine sûberlîche schar.
Verse: 4386    dô nam er ir beider war,

Verse: 4387    ir gebærde unde ir muotes:
Verse: 4388    done vander niht wan guotes.

Verse: 4389    Swer ie kumber erleit,
Verse: 4390    den erbarmet des mannes arbeit

Verse: 4391    michels harter dan den man
Verse: 4392    der nie deheine nôt gewan.

Verse: 4393    der wirt het selbe vil gestriten
Verse: 4394    und dicke ûf den lîp geriten,

Verse: 4395    und geloupte dem gaste deste baz;
Verse: 4396    wander allez bi im saz

Verse: 4397    unz daz er entwâfent wart.
Verse: 4398    der wille was dâ ungespart

Verse: 4399    von manne und von wîbe,
Verse: 4400    er wart sînem lîbe

Next part


This text is part of the TITUS edition of Hartmann, Iwein.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.