TITUS
Lancelot und Ginover I: Prosalancelot
Part No. 3
Previous part

Page: (14) 
Sentence: 20    Zu den zyten was kumen von Rome ein greve, der was geheißen Anthonies, von hohem prise und von hohem namen, Pontes Antonies; der qwam zu hilffe Claudas und gab im alle die macht von Gaule und von allem land allumbe, und lieffen off den konig von Bonewig und namen im die statt und alles syn lant, biß an ein burgk, die hieß Trebe und lag engegen sim lande.
Sentence: 21    Sie was so starck das sie nymant kund gewinnen ane verhungern oder verretterye.
Sentence: 22    Eyns tages gewunnen sin fynd ein syn burgk mit krafft, die naher by der andern búrg gesehen was dann dry milen, und er fur dar zu beschutenne die burg und wolt sich darinn thun.
Sentence: 23    Da er sah das jhene by ußen yczo darinn waren, da reyt er in ir here mit synen rittern, der er mangen guten hett, und erselber hatt gewesen von wúnderlicher hoher ritterschafft.
Sentence: 24    Alda schlugen sie viel volckes im here und machten sie so unmüßig das der sturm aller beleib, und das here fur alles umb zu bekümern den konig Ban und all syn lute; die zu wald waren gelegen allzu lange, kamen zu Pontes Anthonio, also das der konig Ban und die sinen so gar uberladen wurden mit fynden das sie yn nicht mochten wiedderstan.
Sentence: 25    Da beliben alle syn gesellen dot und gefangen, biß an dry.
Sentence: 26    Wande als viel rach sich der konig Ban das er schlug Ponten Anthonien yren herren, und det so viel mit den wapen das er beleib salb vierd off dem felde, und treib alle die Römer hinwegk und jagt sie als ferre das Claudas vor yn allen kam gerant mit großer stolczkeyt.
Sentence: 27    Da das der konig Ban gesah, da sprach er eyn rede, die wol gezimpt zu sprechenn eym unerforchten manne:
Sentence: 28    »Hai herre gott, yczo sieh ich myn tötlichen fynt, der mit so manig leytt hatt gethan.
Sentence: 29    Herre gott, gebe hut das ich yn zu tode muß erschlagen!

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.