TITUS
Lancelot und Ginover I: Prosalancelot
Part No. 6
Previous part

Page: (20) 
Sentence: 57    »Was herre«, sprach er, »ich ratt uch wol das irselb farent zu dem konig Artus und bietent yn gnade, wann uwer burgk wirt wol behut biß ir wiedder koment.« Da ging der konig zu der koniginn und sagt ir wie yn Claudas hett gebetten syn burgk offzugeben, »so mach er mich wiedder der burg geweltig und alles myns landes.
Sentence: 58    Wann ich enweiß yn so getruw nicht, gebe ich myn burgk off und myn lant, das er mirs ymer wiedder gegebe.
Sentence: 59    Und ich muß im morn antwurten was ich darumb wöl thun, wann er eyschett mir das ich sende zu mym herren dem konig Artus, und er gitt mir frist vierczig tag, ob er mir nicht wol helffen in den vierczig tagen, das ich yn gewaltig thu myner burg.« Die koniginne entsaß sere enterbniß und riet im das er also dete, »wann«, sprach sie, »so uch der konig Artus abegeet, wer mag uch dann ymmer me gehelffen?« »Frauwe«, sprach er, »duncket uch dann dirre ratt gut, so wil ich yn gern thun, und wißt ir was ich me thun wil?
Sentence: 60    Ich wil selb farn zu mym herren dem konig Artus und wil yn bitten gnad von myner enterbniß.
Sentence: 61    Ich hoffen das ich yn me soll erbarmen, dann ob ich da nit enwere, als er mich daselbs siecht.
Sentence: 62    Sante ich im andern botten, er gleubet im licht als wol nicht, wann nymanne ist als gut zu gleuben böser mere als jhenem der selb da von zeugen bringt.
Sentence: 63    Nu bereytent uch schier, wann ir mußent selb mit mir, wir ensollen anders nymans mit uns furen dann unsern sune und einen knecht der uns dienen sol, wann ich wen wol das wir unsern herren den konig sollen sere erbarmen, als er unsern großen ruwen ersicht.
Sentence: 64    Und wißent das wir noch hint múßen off den weg, und suchent uns allen den schacz den wir han, und all die schonheit und all die silbrin vaß und guldin die wir hant.
Sentence: 65    Die solt ir thun in myn großen sumschryn, wann ich nit enweiß wies mit myner burg kum ee ich wiedder kere, wann ich ließ uch umb keynerleyslahte gut mit sorgen oder mit engsten.
Sentence: 66    Ich ensprichs darumb doch nit das keyn man die burgk mit gewalt gewinnen mög; wann nymant kan sich behuten vor verretery.« Also als der konig vor sprach, also dett die konigin.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.