TITUS
Sachsenspiegel
Part No. 47
Previous part

Chapter: XXI 
XXI. Wie man eigen der vrowen zu irme libe geben mag. War an si ire lipgedinge vorleisen moge. Waz daz gescheidene wip von irme manne behalden moge.


Paragraph: 1.     Man muz ouch wol vrowen eigen geben zu irem libe mit erben gelobe, wie iung si sin, binnen deme gerichte, da daz eigen inne lit, in itlicher stat, da des koninges ban si.
Paragraph: 2.     Lipgedinge en kan den vrowen nimant gebrechen, weder geborne erbe noch nimant, uf den daz gut erstirbit, si en verwirkes denne selbir, so daz si obizboume ufhowe adir lute von deme gute vorwiset, de zu deme gute geboren sint adir zu welcherwiz si ir lipgedinge uz iren geweren lesit, si en widertu ez binnen iren rechten teidingen, wenne si dar umme beschuldiget wirt; dar mag si ez mete vorlisen. Wirt san ein man mit rechte von sime wibe gescheiden, si behelt doch ir lipgedinge, daz her ir gegeben hat an sime eigene.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.