TITUS
Sachsenspiegel
Part No. 174
Previous part

Chapter: VI 
VI. Vertoppelt ein knecht sines herren gut adir sines selbis. Wirt deme knechte sin gut verstoln in des herren dienste.


Paragraph: 1.     Vertoppelt ein knecht sines herren gut, versetzt herz ader verkouft herz, der herre mag ez wol weder vorderen mit rechte, daz her sich darzu zie alse recht iz.
Paragraph: 2.     Vertoppelt her abir sines selbis gut, versetzt herz adir verkouft herz adir zu welcher wiz her ez geloset mit sime willen, der herre en mag dar nicht uf vorderen, wen her en ist ez im nicht phlichtig zu geldene, alleine habe her im sine verlust gesatzt, also en ist man im nicht phlichtig da vor zu antwertene.
Paragraph: 3.     Wirt abir im sin phert adir ander sin gut duplich adir rouplich genomen in des herren dinste ane des knechtes schult, daz muz im der herre gelden. Da vor muz man ouch deme herren antworten, ab her dar uf klaget.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.