TITUS
Sachsenspiegel
Part No. 254
Previous part

Chapter: LXXXVI 
LXXXVI. Wer siner gebure gemeine adir anderer gebure gemeine abe eret adir grebit adir zunet.


Paragraph: 1.     Wer siner gebure gemeine abe eret adir grebit adir zunet, wirt her vor deme burmeistere dar umme beklaget, her muz dar umme wetten dri schillinge. Weigert her abir rechtes vor deme burmeistere, unde wirt her beklaget vor deme oberen richter, her muz deme richtere wetten unde den geburen buzen drisig schillinge unde ir gemeine weder geben.
Paragraph: 2.     Zu der selben wiz bezzeret ein burschaft der anderen mit dren schillingen unde gilt en iren schaden, ab se de ummesessen nach rechte beklagen. Weigeren se abir da rechtes unde werden se zu dem oberen richter beklaget, ir burmeister muz vor se alle antwerten unde wetten ein gewette unde den geburen mit drisig schillingen buzen unde iren schaden gelden.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.