TITUS
Sachsenspiegel
Part No. 255
Previous part

Chapter: LXXXVII 
LXXXVII. Welch leie einen leien vor geistlich gerichte adir in uzwendigen gerichte beklait. Wie man rechtes weigeret.


Paragraph: 1.     Welch leie einen anderen leien vor geistlichem gerichte beklaget umme sogetane schult, die der wertliche richter durch recht richten sal, unde brenget her en in schaden, unde wirt her dar umme beklaget zu lantrechte, her muz deme richtere wetten unde ieneme sine buze geben unde in von deme schaden nemen.
Paragraph: 2.     Diz selbe muz tun ein lantman dem anderen, ab her in beklaget in wichbilde ader in eime uzwendigen gerichte, unde ab se beide in eime dorfe ader in einer goschaft sitzen, im en si rechtes geweigert vor deme richtere
Paragraph: 3.     Rechtes weigeret der richter, wenne her nicht richten wil ader sine rechten dingzale nicht en helt.
Paragraph: 4.     Rechtes weigeret ouch der man, uf den man klaget, wenne her vervest wirt ader nicht en gilt schult, de her gelden sal, unde man in von gerichtes halben des mit phanden nicht getwingen mag, so muz man wol obir in klagen, wor man rechtes ubir in bekomen mag.



Next part


This text is part of the TITUS edition of Sachsenspiegel.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.