TITUS
Gottfried von Strassburg, Tristan
Part No. 21
Previous part

Chapter: 21 
21: List und Gegenlist


Verse: 13673    Jedoch versuohte ez Marke
Verse: 13674    
anclîchen unde starke

Verse: 13675    
und wartete es naht unde tac.
Verse: 13676    
eines nahtes, er ir lac

Verse: 13677    
und zwei triben under in
Verse: 13678    
ir wehselrede her unde hin,

Verse: 13679    
er rihtete unde leite
Verse: 13680    
mit einer kündekeite

Verse: 13681    
einen stric der küniginne
Verse: 13682    
und vienc si ouch dar inne.

Verse: 13683    
'nu vrouwe' sprach er 'saget mir,
Verse: 13684    
wie dunket iuch, wie râtet ir?

Verse: 13685    
ich wil in kurzen zîten
Verse: 13686    
in beteverte rîten

Verse: 13687    
und bin vil lîhte lange in wege.
Verse: 13688    
in wes huote und in wes pflege

Verse: 13689    
welt ir al die wîle sîn?'
Verse: 13690    
'got segene!' sprach diu künigîn

Verse: 13691    
'durch nôt sprechet ir daz!
Verse: 13692    
in wes huote waere ich baz

Verse: 13693    
und iuwer liut und iuwer lant
Verse: 13694    
danne in iuwers neven hant,

Verse: 13695    
der unser wol gepflegen kan?
Verse: 13696    
iuwer swestersun, hêr Tristan,

Verse: 13697    
der ist manhaft unde wîs
Verse: 13698    
und wol bedaehtic alle wîs.'

Verse: 13699    
Die rede begunde Marke
Verse: 13700    
bewaenen harte starke

Verse: 13701    
und misseviel im harte.
Verse: 13702    
sîne lâge und sîne warte

Verse: 13703    
leite er ir aber unde
Verse: 13704    
und huote ir aber dan ê

Verse: 13705    
und seite dem truhsaezen ,
Verse: 13706    
als er ez haete ervunden .

Verse: 13707    
der truhsaeze antwurte im
Verse: 13708    
'zewâre hêrre, im ist alsô.

Verse: 13709    
ir muget hie selbe merken an,
Verse: 13710    
daz sich niht gehelen kan

Verse: 13711    
der grôzen liebe, die s' im treit,
Verse: 13712    
und ist ein michel tumpheit,

Verse: 13713    
daz ir in lîdet .
Verse: 13714    
als liep iu wîp und êre ,

Verse: 13715    
so enlîdet in nimêre.'
Verse: 13716    
diz muote Marken sêre.

Verse: 13717    
der zwîvel unde der arcwân,
Verse: 13718    
den er zem neven solte hân,

Verse: 13719    
der tôte in z' allen stunden,
Verse: 13720    
und in ouch unervunden

Verse: 13721    
und unervaren haete
Verse: 13722    
an aller slahte untaete.

Verse: 13723    
Diu betrogen Îsôt diu was vrô.
Verse: 13724    
si seite Brangaenen

Verse: 13725    
vil vrôlîche lachende
Verse: 13726    
und michel vröude machende

Verse: 13727    
von ir hêrren betevart,
Verse: 13728    
und ouch wie gevrâget wart,

Verse: 13729    
in wes pflege si wolte sîn.
Verse: 13730    
Brangaene sprach : 'vrouwe mîn,

Verse: 13731    
lieget mir niht und saget mir,
Verse: 13732    
helfe iu got, wen ieschet ir?'

Verse: 13733    
Îsôt seite ir die wârheit,
Verse: 13734    
rehte alse ez wart ûf geleit.

Verse: 13735    
tumbe!' sprach Brangaene
Verse: 13736    
'war umbe sprâchet ir alsô?

Verse: 13737    
swaz hier an geredet ist,
Verse: 13738    
daz hoere ich wol, daz ist ein list,

Verse: 13739    
und weiz vür wâr, daz disen rât
Verse: 13740    
der truhsaeze ûf geleget hât.

Verse: 13741    
hie mite wellent s' iuch ervarn.
Verse: 13742    
ir sult iuch her nâch baz bewarn.

Verse: 13743    
gewehene er 's iu iht mêre,
Verse: 13744    
tuot, als ich iuch lêre.

Verse: 13745    
sprechet sus unde .'
Verse: 13746    
ir vrouwen lêrte si ,

Verse: 13747    
waz antwürte ir gebaere
Verse: 13748    
ze disen listen waere.

Verse: 13749    
Hier under was ie Marke
Verse: 13750    
bekumbert harte starke

Verse: 13751    
mit zweier hande leide:
Verse: 13752    
in leideten beide

Verse: 13753    
der zwîvel unde der arcwân,
Verse: 13754    
den er haete und muose hân.

Verse: 13755    
er arcwânde genôte
Verse: 13756    
sîn herzeliep Îsôte.

Verse: 13757    
er zwîvelte an Tristande,
Verse: 13758    
an dem er niht erkande,

Verse: 13759    
daz valsche gebaere
Verse: 13760    
und wider den triuwen waere.

Verse: 13761    
sîn vriunt Tristan, sîn vröude Îsôt
Verse: 13762    
diu zwei wâren sîn meistiu nôt.

Verse: 13763    
si twungen ime herze unde sin.
Verse: 13764    
er arcwânde und in

Verse: 13765    
und zwîvelte ouch beide.
Verse: 13766    
dem gebeidetem leide

Verse: 13767    
dem gieng er rehte nâch dem site
Verse: 13768    
und nâch dem billîche mite.

Verse: 13769    
wan alse er an Îsolde
Verse: 13770    
der liebe dienen wolde,

Verse: 13771    
wante es in der arcwân.
Verse: 13772    
dem wolte er danne ie nâch gân

Verse: 13773    
und volgen ûf die wârheit.
Verse: 13774    
als ime diu danne wart verseit,

Verse: 13775    
tete im aber der zwîvel ,
Verse: 13776    
was ez aber rehte als ê.

Verse: 13777    
Waz mag ouch liebe nâher gân
Verse: 13778    
dan zwîvel und arcwân?

Verse: 13779    
waz anget liebe gernden muot
Verse: 13780    
sêre, der zwîvel tuot?

Verse: 13781    
mite enweiz er, war er sol;
Verse: 13782    
wan iezuo geswüere er wol

Verse: 13783    
von eteslîcher ungeschiht,
Verse: 13784    
die er gehoeret oder gesiht,

Verse: 13785    
er waere ûf dem ende.
Verse: 13786    
ê man die hant gewende,

Verse: 13787    
widerwirfet sich daz
Verse: 13788    
und gesiht aber eteswaz,

Verse: 13789    
daz im aber zwîvel birt,
Verse: 13790    
von er aber verirret wirt.

Verse: 13791    
wan daz ez al diu werlt tuot,
Verse: 13792    
ist ez ein harte unwîser muot

Verse: 13793    
und ist ein michel tumpheit,
Verse: 13794    
daz man an liebe zwîvel treit.

Verse: 13795    
wan nieman ist mit liebe wol,
Verse: 13796    
an dem er zwîvel haben sol.

Verse: 13797    
so ist aber noch sêrre missetân,
Verse: 13798    
swer den zwîvel unde den wân

Verse: 13799    
ûf die gewisheit bringet.
Verse: 13800    
wan swanne er daz erringet,

Verse: 13801    
daz er den zwîvel wâren weiz,
Verse: 13802    
swes er sich ie vor gevleiz

Verse: 13803    
ze pirsene ûf die wârheit,
Verse: 13804    
daz ist im danne ein herzeleit

Verse: 13805    
vor allem herzeleide.
Verse: 13806    
diu vorderen beide,

Verse: 13807    
diu im ê beswaereten den muot,
Verse: 13808    
diu diuhten in danne guot.

Verse: 13809    
möhte er si danne wider hân,
Verse: 13810    
naeme er zwîvel unde wân,

Verse: 13811    
daz er der wâren künde
Verse: 13812    
niemer niht bevünde.

Verse: 13813    
sus kumet, daz übel übele vrumet,
Verse: 13814    
biz daz daz ergere kumet.

Verse: 13815    
daz danne wirs tuot,
Verse: 13816    
diuhte danne übel guot.

Verse: 13817    
swie swaere an liebe zwîvel ,
Verse: 13818    
ern ist nie swaere ,

Verse: 13819    
man lîde in vil und verre baz
Verse: 13820    
dan den bewaereten haz.

Verse: 13821    
ouch mag daz nieman verbern,
Verse: 13822    
diu liebe müeze zwîvel bern.

Verse: 13823    
zwîvel sol an liebe wesen.
Verse: 13824    
mit dem muoz liebe genesen.

Verse: 13825    
die wîle den zwîvel hât,
Verse: 13826    
die wîle mag ir werden rât.

Verse: 13827    
die wârheit ersiht,
Verse: 13828    
zehant enist ir dinges niht.

Verse: 13829    
ouch hât diu liebe einen site,
Verse: 13830    
sich allermeiste mite

Verse: 13831    
verwirret und verworren hât:
Verse: 13832    
swâ ir dinc nâch ir willen stât,

Verse: 13833    
dane wil si keiner staete warn,
Verse: 13834    
lât si harte lîhte varn.

Verse: 13835    
und swâ den zwîvel siht,
Verse: 13836    
von enscheidet sich niht,

Verse: 13837    
dar ist ir nôt unde gâch.
Verse: 13838    
dem gât si lâgende nâch

Verse: 13839    
und strebet noch mêre durch daz dar,
Verse: 13840    
daz herzeleit ervar

Verse: 13841    
dan durch die lust, die dar an
Verse: 13842    
ervinden unde gehaben kan.

Verse: 13843    
dem selben sinnelôsen site
Verse: 13844    
dem gieng ouch Marke vaste mite.

Verse: 13845    
er wante spâte unde vruo
Verse: 13846    
allen sînen sin dar zuo,

Verse: 13847    
daz er den zwîvel unde den wân
Verse: 13848    
gerne haete hin getân

Verse: 13849    
und daz er mit der wârheit
Verse: 13850    
ûf sîn herzeclîchez leit

Verse: 13851    
vil gerne komen waere.
Verse: 13852    
des was er gevaere.

Verse: 13853    
Aber kam ez eines nahtes ,
Verse: 13854    
als er ez unde Marjodô

Verse: 13855    
ensamet haeten ûf geleit,
Verse: 13856    
daz er aber sîne kündekeit

Verse: 13857    
Îsolde vür leite
Verse: 13858    
und mit kündekeite

Verse: 13859    
gerne haete ervaren baz.
Verse: 13860    
verkêrte sich daz.

Verse: 13861    
den stric, den er ir rihtete
Verse: 13862    
und ûf ir schaden tihtete,

Verse: 13863    
vie diu küniginne
Verse: 13864    
den künec ir hêrren inne

Verse: 13865    
mit ir Brangaenen lêre.
Verse: 13866    
half Brangaene sêre.

Verse: 13867    
vrumete in beiden samet, daz list
Verse: 13868    
wider list gesetzet ist.

Verse: 13869    
der künec der twanc die künigîn
Verse: 13870    
vil nâhen an daz herze sîn

Verse: 13871    
und kuste ze maneger stunt
Verse: 13872    
in ir ouge und in ir munt.

Verse: 13873    
'schoene' sprach er 'nû enist mir
Verse: 13874    
niht herzeclîche liep wan ir.

Verse: 13875    
und ich von iu nu scheiden sol,
Verse: 13876    
daz wizze got von himele wol,

Verse: 13877    
daz nimet mir mîne sinne.'
Verse: 13878    
diu gelêrte küniginne

Verse: 13879    
si stiez sin wider sin.
Verse: 13880    
siuftende sprach si wider in:

Verse: 13881    
'ôwê mir, inneclîche ôwê!
Verse: 13882    
ôwê! nu wânde ich allez ê,

Verse: 13883    
daz diz vertâne maere
Verse: 13884    
durch schimpf gesprochen waere.

Verse: 13885    
nu hoere ich unde weiz ez wol,
Verse: 13886    
daz ez ein ernest wesen sol.'

Verse: 13887    
si huob an unde begunde
Verse: 13888    
mit ougen und mit munde

Verse: 13889    
leitlîche clage erscheinen,
Verse: 13890    
clegelîche weinen,

Verse: 13891    
daz dem einvalten man
Verse: 13892    
sînen zwîvel allen an gewan

Verse: 13893    
und wol gesworen haete,
Verse: 13894    
daz 'z von herzen taete.

Verse: 13895    
wan an den vrouwen allen
Verse: 13896    
enist nimêre gallen,

Verse: 13897    
also man ûz ir munde giht,
Verse: 13898    
noch enhabent dekeiner trüge niht

Verse: 13899    
noch aller valsche keinen,
Verse: 13900    
wan daz si kunnen weinen

Verse: 13901    
âne meine und âne muot,
Verse: 13902    
als ofte si dunket guot.

Verse: 13903    
Îsôt diu weinde starke.
Verse: 13904    
der geloubege Marke

Verse: 13905    
'schoene' sprach er 'saget mir,
Verse: 13906    
waz wirret iu, waz weinet ir?'

Verse: 13907    
'ich mag wol weinen' sprach Îsôt
Verse: 13908    
'clage ich, daz tuot mir michel nôt.

Verse: 13909    
ich bin ein ellende wîp
Verse: 13910    
und hân nimê wan einen lîp

Verse: 13911    
und vil sinne, ich hân.
Verse: 13912    
diu zwei hân ich gâr verlân

Verse: 13913    
an iuch und iuwer minne,
Verse: 13914    
daz ich in mînem sinne

Verse: 13915    
niht dinges kan gemeinen
Verse: 13916    
noch geminnen wan iuch einen.

Verse: 13917    
mirn ist niht rehte liep wan ir
Verse: 13918    
und weiz daz wârez, daz ir mir

Verse: 13919    
holdez herze niht entraget,
Verse: 13920    
als ir gebâret unde saget.

Verse: 13921    
daz ir den muot gewunnet ie,
Verse: 13922    
daz ir hin vüeret und mich hie

Verse: 13923    
in dirre vremede soltet lân,
Verse: 13924    
mac ich mich wol enstân,

Verse: 13925    
daz ich iu vil unmaere bin.
Verse: 13926    
des sol mîn herze und mîn sin

Verse: 13927    
vil selten iemer werden vrô.'
Verse: 13928    
'war umbe, schoene?' sprach er

Verse: 13929    
'ir habet doch z' iuwerre hant
Verse: 13930    
beidiu liute unde lant,

Verse: 13931    
diu sint iuwer unde mîn.
Verse: 13932    
dar über sît gebietaerîn.

Verse: 13933    
daz sol z' iuwerm gebote stân.
Verse: 13934    
swaz ir gebietet, deist getân.

Verse: 13935    
die wîle ouch ich bin under wegen,
Verse: 13936    
die wîle müeze iuwer pflegen,

Verse: 13937    
der iuwer wol gepflegen kan:
Verse: 13938    
mîn neve der höfsche Tristan.

Verse: 13939    
der ist bedaehtic unde wîs,
Verse: 13940    
der vlîzet sich in alle wîs,

Verse: 13941    
wie er iu vröude und êre
Verse: 13942    
gemach unde gemêre.

Verse: 13943    
dem getrûwe ich alse wol,
Verse: 13944    
als ich von grôzem rehte sol.

Verse: 13945    
dem sît ir liep, alsô bin ich.
Verse: 13946    
der tuot ez durch iuch und durch mich.'

Verse: 13947    
'Hêr Tristan?' sprach diu schoene Îsôt
Verse: 13948    
'zewâre ich waere gerner tôt

Verse: 13949    
und ê wolt ich begraben sîn,
Verse: 13950    
ê danne ich mit dem willen mîn

Verse: 13951    
in sîner pflege waere.
Verse: 13952    
der selbe lôsaere,

Verse: 13953    
der ist mir z' allen zîten
Verse: 13954    
gelîchsende an der sîten

Verse: 13955    
und allez smeichende
Verse: 13956    
und giht, wie liep ich im .

Verse: 13957    
iedoch weiz got wol sînen muot,
Verse: 13958    
in welhen triuwen er ez tuot.

Verse: 13959    
ouch weiz ich 's selbe genuoc.
Verse: 13960    
wan er mir mînen oeheim sluoc

Verse: 13961    
und an mir vürhtet den haz,
Verse: 13962    
durch die vorhte und umbe daz

Verse: 13963    
ist er mich allez streichende,
Verse: 13964    
listende unde smeichende

Verse: 13965    
in einem velschlîchem site
Verse: 13966    
und waenet allez mite

Verse: 13967    
erwerben mîne vriuntschaft.
Verse: 13968    
nu hât ez aber arme craft,

Verse: 13969    
sîn smeichen hilfet cleine.
Verse: 13970    
und weizgot wan ir eine,

Verse: 13971    
daz ich durch iuch noch mêre
Verse: 13972    
dan durch mîn selbes êre

Verse: 13973    
vriuntlîche dar gebâre,
Verse: 13974    
sone gesaehe ich in zewâre

Verse: 13975    
mit vriundes ougen niemer an.
Verse: 13976    
und sît ich niht verberen kan,

Verse: 13977    
ine müeze in hoeren unde sehen,
Verse: 13978    
sol ez aber alsô geschehen,

Verse: 13979    
daz mînes herzen
Verse: 13980    
und mîner triuwen lützel .

Verse: 13981    
ich hân, daz ist unlougen,
Verse: 13982    
mit herzelôsen ougen,

Verse: 13983    
mit lügelîchem munde
Verse: 13984    
dicke und ze maneger stunde

Verse: 13985    
an in gewendet mînen vlîz
Verse: 13986    
niuwan durch den itewîz.

Verse: 13987    
man sprichet von den vrouwen daz,
Verse: 13988    
si tragen ir manne vriunden haz.

Verse: 13989    
durch daz hân ich im dicke
Verse: 13990    
mit manegem lüggem blicke,

Verse: 13991    
mit herzelôsem munde
Verse: 13992    
betrogen sîne stunde,

Verse: 13993    
daz er wol gesworen haete,
Verse: 13994    
daz ich 'z von herzen taete.

Verse: 13995    
Hêrre, enlât iuch niht dar an.
Verse: 13996    
iuwer neve, mîn hêr Tristan

Verse: 13997    
dern gepfliget mîn niemer tac.
Verse: 13998    
ob ich 's iuch erbiten mac,

Verse: 13999    
ir müezet mîn zwâre under wegen,
Verse: 14000    
ob ir gebietet, selbe pflegen.

Verse: 14001    
swar ir wellet, dar wil ich,
Verse: 14002    
ir eine enwendet es mich

Verse: 14003    
und es enirre mich der tôt.'
Verse: 14004    
sus lôsete diu lôse Îsôt

Verse: 14005    
wider ir hêrren unde ir man,
Verse: 14006    
biz daz si 'm lôsend an gewan

Verse: 14007    
beidiu zwîvel unde zorn
Verse: 14008    
und er wol haete gesworn,

Verse: 14009    
daz ir ernest waere.
Verse: 14010    
Marke der zwîvelaere

Verse: 14011    
der was wider ze wege komen.
Verse: 14012    
sîn gesellîn diu haete ime benomen

Verse: 14013    
beidiu zwîvel unde wân.
Verse: 14014    
ez was allez wol getân,

Verse: 14015    
daz gesprach unde getete.
Verse: 14016    
der künec der seite ze stete

Verse: 14017    
dem truhsaezen von grunde,
Verse: 14018    
so er ebeneste kunde,

Verse: 14019    
ir antwürte unde ir maere,
Verse: 14020    
und an ir dingen waere

Verse: 14021    
dekeiner slahte valscheit.
Verse: 14022    
diz was dem truhsaezen leit

Verse: 14023    
und tete im in dem herzen .
Verse: 14024    
iedoch lêrte er in aber

Verse: 14025    
und seite im, wie er Îsolde
Verse: 14026    
aber versuochen solde.

Verse: 14027    
Des nahtes, Marke aber lac,
Verse: 14028    
sîner bettemaere mit ir pflac,

Verse: 14029    
er leite ir aber mit vrâge
Verse: 14030    
sîne stricke und sîne lâge

Verse: 14031    
unde betrouc si aber dar în.
Verse: 14032    
'seht' sprach er 'vrouwe künigîn,

Verse: 14033    
ich waene, es muoz uns nôt geschehen.
Verse: 14034    
nu lât mich kiesen unde sehen,

Verse: 14035    
wie vrouwen kunnen lant bewarn.
Verse: 14036    
vrouwe, ich muoz von dem lande varn,

Verse: 14037    
und ir hie derbî bestân
Verse: 14038    
mînen vriunden, die ich hân.

Verse: 14039    
ez der mâc, ez der man,
Verse: 14040    
der mir dekeines guotes gan,

Verse: 14041    
der muoz iu guot und êre bern,
Verse: 14042    
als ir an in es wellet gern.

Verse: 14043    
und swer iu niht vil senfte
Verse: 14044    
und liep in iuwern ougen

Verse: 14045    
under vrouwen unde mannen,
Verse: 14046    
die scheidet alle dannen.

Verse: 14047    
irn sult wider iuwerm muote
Verse: 14048    
an liuten noch an guote

Verse: 14049    
niht weder hoeren noch gesehen,
Verse: 14050    
dar an iu leide müge geschehen.

Verse: 14051    
ine wil ouch niht des minnen
Verse: 14052    
von herzen noch von sinnen,

Verse: 14053    
dem ir unholdez herze traget.
Verse: 14054    
daz iu vür wâr gesaget.

Verse: 14055    
weset ir vrô unde vruot
Verse: 14056    
und lebet, swie iuch dunke guot.

Verse: 14057    
habet ir mînen willen an.
Verse: 14058    
und sît mîn neve Tristan

Verse: 14059    
unsenfte in iuwerm herzen ist,
Verse: 14060    
so scheide ich in in kurzer vrist

Verse: 14061    
von hove und von gesinde,
Verse: 14062    
swie ich die vuoge vinde.

Verse: 14063    
er sol ze Parmenîe varn
Verse: 14064    
und sol sîn selbes dinc bewarn.

Verse: 14065    
des ist im unde dem lande nôt.'
Verse: 14066    
'Genâde hêrre' sprach Îsôt

Verse: 14067    
'ir redet getriulîche unde wol.
Verse: 14068    
sît ich an iu nu wizzen sol,

Verse: 14069    
daz ir daz gerne unmaeret,
Verse: 14070    
daz mînem herzen swaeret,

Verse: 14071    
dunket ouch mich reht ,
Verse: 14072    
swaz iuwern ougen senfte

Verse: 14073    
und iuwerm muote lîche,
Verse: 14074    
daz ich dar an entwîche,

Verse: 14075    
ich verreste müge.
Verse: 14076    
und swaz iu z' iuwern êren tüge,

Verse: 14077    
daz ich spâte unde vruo
Verse: 14078    
rât unde helfe biete zuo.

Verse: 14079    
und seht ir, hêrre, waz ir tuot.
Verse: 14080    
ez enwirt mîn rât noch mîn muot

Verse: 14081    
weder hiute noch niemer,
Verse: 14082    
daz ir iuwern neven iemer

Verse: 14083    
von iuwerm hove gekêret,
Verse: 14084    
wan waere ich g' unêret.

Verse: 14085    
mite seite man zehant
Verse: 14086    
über hof und über lant,

Verse: 14087    
ich haete iu gerâten daz
Verse: 14088    
durch die schulde und durch den haz,

Verse: 14089    
daz er mînen oeheim sluoc.
Verse: 14090    
würde rede von genuoc,

Verse: 14091    
diu mir lasterbaere
Verse: 14092    
und iu kein êre waere.

Verse: 14093    
ine gevolge es niemer,
Verse: 14094    
daz ir durch mich iemer

Verse: 14095    
iuwer vriunt gunmaeret
Verse: 14096    
oder ieman beswaeret

Verse: 14097    
und hazzet durch den willen mîn,
Verse: 14098    
dem ir genaedic sület sîn.

Verse: 14099    
Ouch sult ir iuch versinnen:
Verse: 14100    
und kêret ir von hinnen,

Verse: 14101    
wer beschirmet iuwer zwei lant?
Verse: 14102    
diu enstânt in eines wîbes hant

Verse: 14103    
noch wol noch vridelîche.
Verse: 14104    
swer zweier künicrîche

Verse: 14105    
reht und nâch êren pflegen sol,
Verse: 14106    
der bedarf sinne und herzen wol.

Verse: 14107    
so enist in disen zwein landen
Verse: 14108    
âne mînen hêrn Tristanden

Verse: 14109    
kein hêrre, lâzet ir 'n ,
Verse: 14110    
daz er den landen vrume .

Verse: 14111    
âne in kumet nieman zuo,
Verse: 14112    
durch den man lâze oder tuo.

Verse: 14113    
ist daz urliuges nôt geschiht,
Verse: 14114    
des man sich alle tage versiht

Verse: 14115    
und z' allen zîten muoz versehen,
Verse: 14116    
mag ez lîhte alsô geschehen,

Verse: 14117    
daz uns misselinget an.
Verse: 14118    
wirt mir mîn hêr Tristan

Verse: 14119    
mit itewîze und mit archeit
Verse: 14120    
dicke under ougen geleit.

Verse: 14121    
wirt des maeres vil gelesen:
Verse: 14122    
'waere Tristan hie gewesen,

Verse: 14123    
uns enwaere niht ze dirre vrist
Verse: 14124    
misselungen, alse ez ist.'

Verse: 14125    
und werdent mir dan alle
Verse: 14126    
mit gemeinem schalle

Verse: 14127    
gebende die schulde,
Verse: 14128    
ich habe im iuwer hulde

Verse: 14129    
iu und in ze schaden verlorn.
Verse: 14130    
hêrre, ez ist bezzer verborn.

Verse: 14131    
versinnet iuch der dinge baz.
Verse: 14132    
bedenket diz unde daz.

Verse: 14133    
eintweder lât mich mit iu varn
Verse: 14134    
oder heizet in diu lant bewarn.

Verse: 14135    
swie mîn herze hin z' im ,
Verse: 14136    
erst mir doch lieber ,

Verse: 14137    
danne ob uns ein ander man
Verse: 14138    
sûme unde velle dar an.

Verse: 14139    
Der künec enstuont sich al zehant,
Verse: 14140    
daz al ir herze was gewant

Verse: 14141    
ze Tristandes êren,
Verse: 14142    
und begunde ouch iesâ kêren

Verse: 14143    
an zwîvel unde an wân als ê.
Verse: 14144    
hie von was er aber

Verse: 14145    
versunken und vervallen
Verse: 14146    
wider in die zorngallen.

Verse: 14147    
Îsôt tet ouch Brangaenen kunt
Verse: 14148    
ir beider rede unz ûf den grunt

Verse: 14149    
und seite ir wider diz unde daz,
Verse: 14150    
daz nie wortes vergaz.

Verse: 14151    
diz was Brangaenen sêre leit,
Verse: 14152    
daz s' alsô haete geseit

Verse: 14153    
und daz diu rede ergangen was.
Verse: 14154    
einen niuwen brief s' ir aber las,

Verse: 14155    
waz aber ir rede solte sîn.
Verse: 14156    
Des nahtes, diu künigîn

Verse: 14157    
z' ir hêrren aber slafen kam,
Verse: 14158    
under ir arme in nam.

Verse: 14159    
si halseten, si kusten,
Verse: 14160    
z' ir senften linden brusten

Verse: 14161    
twanc 'n vil harte nâhen
Verse: 14162    
und begunde aber vâhen

Verse: 14163    
wider an ir wortlâge
Verse: 14164    
mit antwürte und mit vrâge.

Verse: 14165    
'hêrre' sprach si 'saget mir
Verse: 14166    
durch mînen willen: habet ir

Verse: 14167    
von rehtem ernest ûf geleit
Verse: 14168    
iuwer dinc, als ir mir habet geseit

Verse: 14169    
von mînem hêrn Tristande,
Verse: 14170    
daz ir in wider ze lande

Verse: 14171    
welt senden durch den willen mîn?
Verse: 14172    
möhte ich der rede gewis sîn,

Verse: 14173    
ich wolte es iu genâde sagen
Verse: 14174    
hiute unde in allen mînen tagen.

Verse: 14175    
hêrre, ich getrûwe iu harte wol,
Verse: 14176    
als ich wol mac und alse ich sol.

Verse: 14177    
doch ist mîn vorhte hie ,
Verse: 14178    
daz ez gâr ein versuochen .

Verse: 14179    
und wiste ich es gewisheit,
Verse: 14180    
als ir mir habet vür geleit,

Verse: 14181    
daz ir mir woltet vremeden daz,
Verse: 14182    
dem ich waere gehaz,

Verse: 14183    
erkande ich an dem maere,
Verse: 14184    
daz ich iu liep waere.

Verse: 14185    
ich haete lange mîne bete,
Verse: 14186    
wan daz ich ez ungerne tete,

Verse: 14187    
hier umbe gerne an iuch gewant.
Verse: 14188    
wan mir ist harte wol bekant,

Verse: 14189    
waz mir von ime mac ûf erstân,
Verse: 14190    
sol ich sîn lange künde hân.

Verse: 14191    
nu hêrre, bedenket daz
Verse: 14192    
und iedoch niht durch mînen haz:

Verse: 14193    
sol er nu dirre lande pflegen,
Verse: 14194    
die wîle und ir sît underwegen,

Verse: 14195    
ist daz iu danne missegât,
Verse: 14196    
als lîhte an verten ûf erstât,

Verse: 14197    
nimet er mir êre unde lant.
Verse: 14198    
nu habet ir ez gâr erkant,

Verse: 14199    
daz mir an ime gewerren kan.
Verse: 14200    
gedenket ouch dar an

Verse: 14201    
ze guote und alse der vriunt sol,
Verse: 14202    
und loeset mich, tuot ir wol,

Verse: 14203    
von mînem hêrn Tristande.
Verse: 14204    
schicket in wider ze lande

Verse: 14205    
oder schaffet, daz er mit iu var
Verse: 14206    
und mich die wîle bewar

Verse: 14207    
der truhsaeze Marjodô.
Verse: 14208    
stüende aber iuwer muot alsô,

Verse: 14209    
daz ir mich mit iu liezet varn,
Verse: 14210    
ich lieze hie diu lant bewarn

Verse: 14211    
und berihten, swer der wolte,
Verse: 14212    
et daz ich mit iu solte.

Verse: 14213    
über daz allez tuot ir
Verse: 14214    
mit den landen und mit mir,

Verse: 14215    
reht alse iuch selbe dunke guot.
Verse: 14216    
daz ist mîn wille und mîn muot.

Verse: 14217    
et ich gedenke dar zuo,
Verse: 14218    
daz ich iuwern willen tuo,

Verse: 14219    
ich lâze ez allez z' einer hant
Verse: 14220    
beidiu liute unde lant.'

Verse: 14221    
Sus gie s' ir hêrren lôsende an,
Verse: 14222    
biz daz si 'm aber an gewan,

Verse: 14223    
daz er den zwîvel aber lie
Verse: 14224    
und aber von dem wâne gie

Verse: 14225    
ir muotes unde ir minne
Verse: 14226    
und aber die küniginne

Verse: 14227    
mitalle unschuldic haete
Verse: 14228    
vor aller slahte untaete.

Verse: 14229    
den truhsaezen Marjodô
Verse: 14230    
den haete er aber mitalle

Verse: 14231    
ze einem lügenaere,
Verse: 14232    
doch er 'm diu wâren maere

Verse: 14233    
und die rehten wârheit
Verse: 14234    
von ir haete geseit.




Next part



This text is part of the TITUS edition of Gottfried von Strassburg, Tristan.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.