TITUS
Alexanderroman (Der Grosse Seelentrost): Part No. 9

Subchapter: 2_b._Daniel_in_der_Löwengrube 

2 b. Daniel in der Löwengrube


Line: 25 
    Konningk Darius wan de stad to Babilonien. Dar nam he den propheten
Line: 26 
    Daniel vnde vorde ene myt sijk in syn lant vnde hogede ene bouen alle syne
Line: 27 
    vorsten, wente eme nekunde neyn man geliken an wisheit. Dat hateden de
Line: 28 
    vorsten vnde dachten eynen valschen rad, wo se ene mochten wrogen to deme
Line: 29 
    konninge, wente he was so truwe, dat men eme nye valsche schult mochte
Line: 30 
    vinden. Do spreken se to deme konninge: ʼAIIe de vorsten dynes landes vnde
Line: 31 
    mestere vnde ryttere de synt des to rade worden, dat du schalt eyn bot laten
Line: 32 
    vt ghan ouer all dyn lant, dat bynnen drittich dagen schal neyn man nicht
Line: 33 
    bidden van neyneme gode, sunder alleyne van dij. Suwe dar tegen deit, den
Line: 34 
    schalmen werpen in de lauwen kulen.ʼ Dat bot let de konningk beden. Do
Line: 35 
    Daniel dat vornam, he en letes vmme dat nicht, he ne bedede yo alle dage
Line: 36 
    vnsen heren god an. Des nemen syne viende ware vnde segeden dat deme

Page: 10 
Line: 1 
    konninge. Do wart de konningk sere bedrouet vnde hedde ene gerne los
Line: 2 
    ghelaten. Do spreken se, dat bot moste vort ghan. Dar nemen se Daniele
Line: 3 
    vnde worpen ene in de lauwen kulen to den lauwen; de ne deden eme nicht.
Line: 4 
    De koningk was alle de nacht sere bedrouet. Des morgens was he vro vppe
Line: 5 
    vnde leip to der lauwenkulen vnde rep: ʼO Daniel, kunde dij din god nycht
Line: 6 
    bewaren vor den lauwen?ʼ Do antwerde eme Daniel vnde sprak: ʼKonningk,
Line: 7 
    ewichliken mothestu leuen! Myn god heft my gesant synen engel, vnde de
Line: 8 
    heuet besloten der lauwen munt, dat se my nicht ne hebben gheschadet, wente
Line: 9 
    an my ys rechticheit gevunden.ʼ Do wart de konningk sere gevrauwet vnnde
Line: 10 
    leit ene wedder vt der kulen nemen vnde let alle de jenne nemen, de en gewroget
Line: 11 
    hadden, vnde let se werpen in de lauwen kulen myt wijff vnde myt kinderen.
Line: 12 
    Altohand toreten se de lauwen so deghere, dat dar nergen eyn let bij dem anderen
Line: 13 
    bleff.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.