TITUS
Alexanderroman (Der Grosse Seelentrost): Part No. 10

Subchapter: 2_c._Der_Bel_zu_Babel 

2 c. Der Bel zu Babel


Line: 14 
    Dar na quam Daniel wedder to Babilonien vnde wart weldich bij deme konninge.
Line: 15 
    Do hadden de van Babilonien enen affgod, de hete Bel, dat was eyn
Line: 16 
    bilde vnde stunt in eyme temple. Dar stunt eyn grot disch vor eme. Dar
Line: 17 
    legede men alle dage vp semelen van twelff schepele vnde vlesch van vertich
Line: 18 
    schapen vnde ses grote kannen vul wynes. Do hadden de prestere gemaket
Line: 19 
    vnder der erden eynen wech, de hadde eyne hemelike kulen vnder deme
Line: 20 
    dische. Dar gengen se des nachtes in myt eren wyuen vnde myt eren kinderen
Line: 21 
    vnde vordeden alle de spise vnde segeden, ere god Bel hedde se gegeten. Do
Line: 22 
    sprak de koningk to Daniele: ʼWarumme bedestu Bel nicht an?ʼ Do sprak
Line: 23 
    Daniel: ʼIk en wil neyne makede gode anbeden, ik bede den leuendigen god
Line: 24 
    an.ʼ Do sprak de koningk: ʼDunket dij Bel nicht leuendich wesen, de alle
Line: 25 
    dage so vele eth?ʼ Do sprak Daniel: ʼBel is buten goten van ere vnde is bynnen
Line: 26 
    van erden, he ne mach nicht eten.ʼ Do sprak de koning to den presteren:
Line: 27 
    ʼIk wil weten, wur de spise hen komen sij. Kunne gij my dat bewisen, dat se
Line: 28 
    Bel eth, so mot Daniel steruen; kunne gij des nicht don, so mote gij alle steruen.ʼ
Line: 29 
    Se spreken, yd were ene leff. Daniel sprak ok also. Dar nemen se de spise vnde
Line: 30 
    satten se vp den disch vnde gengen vt. Da nam Daniel asschen in eyn seue vnde
Line: 31 
    sichtede de ouer al den tempel. Dat sach de konningk, vnde deprestere en segen
Line: 32 
    des nicht. Do slot de konningk den tempel vaste to vnde satte sin ingesegel vor
Line: 33 
    dat slot. Des nachtes quemen se vnde eten de spise also se gewonet weren.
Line: 34 
    Des morgens dede de konnyngk de dore vp vnde sach, dat de spise to male
Line: 35 
    vppe was, vnde rep: ʼO wu grot eyn god is Bel!ʼ Do lachede Daniel vnde
Line: 36 
    helt den konningk vnde let en nicht in den tempel ghan vnde sprak: ʼKonningk,

Page: 11 
Line: 1 
    sustu icht de votspor in der asschen?ʼ Do sprak de konningk: ʼHijr hebben
Line: 2 
    gegan man vnde wijff vnde kindere.ʼ Do wart de konningk tornich vnde venk
Line: 3 
    te prestere vnde let se to male doden myt wiff vnde myt kinderen vnde
Line: 4 
    vorstorede den tempel vnde den affgod.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.