TITUS
Alexanderroman (Der Grosse Seelentrost): Part No. 56

Subchapter: 22._Judas_Ischariot 

22. Judas Ischariot


Line: 32 
    In der stad to Jerusalem wonede eyn man, de het Ruben vnde hadde eyne
Line: 33 
    husfruwen, de heyt Siborea, der dromede eynes nachtes eyn drom. Den drom
Line: 34 
    segede se erem manne vnde sprak: ʼMy heft gedromet eynen swaren drom.
Line: 35 
    My duchte, dat ik eyn kint hedde to der werlde gebracht, dat scholde so bose

Page: 49 
Line: 1 
    werden, dat van syner bosheit wegene scholde al vnse slechte vordomet
Line: 2 
    werden.ʼ Do antworde er de man vnde sprak: ʼSwich stille, wat bringestu vore!
Line: 3 
    Dat heft eyn drom gewesen, dat en was neyn recht bewisinge.ʼ De fruwe
Line: 4 
    sprak: ʼDat geue god. So sage ek dij: Is dat also, dat ik in desser nacht eynen
Line: 5 
    sone entfangen hebbe van dij, so schaltu dat vor ware wetten, dat yd neyn droch
Line: 6 
    heft gewesen, sunder eyn war bewisunge.ʼ Dar na beuant de fruwe dat, dat
Line: 7 
    se in der suluen tijd myt eyner bort worden was. Do ere tijd quam, do brochte
Line: 8 
    se eynen sone to der werlde. Do en dorste se dat kint nicht beholden. Dar nam
Line: 9 
    se eyn scrin vnde lachte dat kint dar in vnde satte dat in dat mer vnde leit dat
Line: 10 
    vleten. Dat scrin vlot to eyme lande, dat het Scarioth. De koningkynne van
Line: 11 
    dem lande de en hadde neyn kint. De scholde bij dat mer ghan doch kortewile
Line: 12 
    vade sach dat scrin vleten vnde leit sijk dat bringen vnde sach, dat dar eyn
Line: 13 
    schone kint inne lach. ʼO,ʼ sprak se, ʼwere ik so salich, dat ik eyn sulk kint
Line: 14 
    hedde!ʼ Do genk se to vnde legede sijk hemelike vnde sprak, se genge swar
Line: 15 
    myt eyner bort vnde segede, dat se eynen sone to der werlde brocht hedde.
Line: 16 
    Den sone heten se Judas. Vnde do van deme kinde de mere quemen vt, do wart
Line: 17 
    de konningk gevrauwet vnde al dat lant. Dat kint wart vp getogen myt
Line: 18 
    groten eren. Dar na geschach dat, dat de sulue fruwe eyn kint vntfengk van
Line: 19 
    deme konninge vnde brachte eynen sone to der werlde. Do de kindere twe vp
Line: 20 
    gewossen vnde to sammende speleden, do sloch yo Judas des konninges kint
Line: 21 
    vnde ouerghenget, dat yd dicke wenede vnde quam to syner moder. Hirumme
Line: 22 
    beghan de moder Judase to hatene vnde vorwet eme, dat he eyn fundelingk
Line: 23 
    were. Also wart dat vt gebracht, dat Yudas des konninges kint nicht en were.
Line: 24 
    Do Judas dat horde, do schemede he sijk vnde mordede hemeliken des
Line: 25 
    konninges kint vnde leip vte deme lande vnde quam to Jerusalem, dar syn
Line: 26 
    rechte vader was vnde sin moder vnde enwiste des doch nicht vnde quam to
Line: 27 
    Pylatus houe vnde wart sin knecht. Do Pylatus synen sede sach, do prouede
Line: 28 
    he wol, dat he eme euene queme, wente de geliken vinden sijk gerne. De eyne
Line: 29 
    was eyn schalk also de andere. Darumme quemen se wol to sammende. Enes
Line: 30 
    dages stunt Pylatus vppe synem palase vnde sach vte eynem venstere in eynen
Line: 31 
    bomgarden. Do sach he appelle, der luste eme sere, vnde de appelle horden
Line: 32 
    Ruben to, Judas vader. Do sprak Yudas to Pylatus: ʼIk wil dij der appelle wat
Line: 33 
    halen.ʼ Do stech he in den bomgarden vnde brak der appelle. Ruben, sin vader,
Line: 34 
    quam vt vnde wolde eme dat keren. Do begunden se to kyuene also lange,
Line: 35 
    dat Judas begrep eynen steyn vnde sloch Ruben in dat houet, dat he to hant
Line: 36 
    dod bleff. Judas nam de appelle vnde brochte se Pilato. Do de fruwe eren
Line: 37 
    man dot vant, do en wiste se nicht, wo eme geschein was vnde bedrouede

Page: 50 
Line: 1 
    sijk sere. Dar na genk Pylatus to vnde gaff Judas alle des mannes gut vnde syn
Line: 2 
    hoff vnde dwangk de fruwen darto, dat se Judase moste nemen to eynem
Line: 3 
    manne. Dar na to eyner tijd laghen se vp eyme bedde. Do beghan de fruwe
Line: 4 
    sere to suchtene. Do vragede Judas, wat ere were. Se sprak: ʼIk besuchte myn
Line: 5 
    vngelucke. Ik byn der vngeluckegesten eyn, de juw geboren wart. Ik moste
Line: 6 
    myn egene kint werpen in dat mer vnde en weyt des nicht, wat dar van geworden
Line: 7 
    ys. Ock vant ik mynen leuen man dot vnde en weyt nicht, wu em
Line: 8 
    geschein ys. Bouen dat heuet mek Pilatus noch serer bedrouet vnde heft my
Line: 9 
    ane mynen willen eynen man gegeuen.ʼ Do Judas dat horde, do beghan he to
Line: 10 
    vragene, wo lange des were, dat se dat kint in dat mer satte vnde vragede so
Line: 11 
    lange, dat he begunde to prouene, dat he synen vader gemordet hadde vn
Line: 12 
    syne moder to wiue genomen. Do gaff eme syn moder den rad, dat he gnade
Line: 13 
    sochte to vnseme heren Ihesu Christo. Vnde vnse leue here vntfengk ene to
Line: 14 
    eyme jungeren vnde vorgaff eme alle syne sunde vnde was eme so hemelijk,
Line: 15 
    dat en vnse here makede to syneme schaffere, dat he den budel droch, dar de
Line: 16 
    penninge inne weren, de vnseme leuen heren worden gegeuen vnde synen
Line: 17 
    jungeren. Allene dat eme vnse here so wol getruwede, doch was he valsch
Line: 18 
    vnde vngetruwe vnde vorstal yo den teynden penningk van alle deme, dat eme
Line: 19 
    beualen was. To eyner tijd quam Sunte Maria Magdalena vnde brochte eddele
Line: 20 
    dure saluen, de was wol drehundert penninge wert. De wolde Judas vorkoft
Line: 21 
    hebben, vnde were se eme to der hant gekomen, so wolde he yo den dridden
Line: 22 
    penningk vorstolen hebben, so hedden eme to geboret rittich penninge. Do
Line: 23 
    genk Maria Magdalena to vnde ghot de duren saluen vnseme heren vppe syn
Line: 24 
    houet vnde saluede vnseme heren sin houet mede vnde syne vote. Also plecht
Line: 25 
    men dar in deme lande dorch de groten hitte, de dar ys. Do Judas dat sach,
Line: 26 
    dat de salue vorgoten was, do wart he tornich vnde wolde synes schaden
Line: 27 
    nakomen vnde genk to den yoden vnde vorkofte vnsen heren vor
Line: 28 
    drittich penninge. Do men vnsen leuen heren wolde to deme dode bringen ,
Line: 29 
    do ruwede eme dat vnde nam de penninge vnde warp se den joden vor de
Line: 30 
    vote vnde vel an eynen mystrost vnde genk hen vnde hengede sijk suluen.
Line: 31 
    Also nam he synen ende, want he eyn valsch cristen mynsche was. He hadde
Line: 32 
    den namen vnde nicht de werk. -- Kynt leue, lat dij dijt eyn lere wesen. Hefstu
Line: 33 
    cristenen namen, sta dar na, dat du ock hebbest cristene werk. Men vint vele
Line: 34 
    boser lude, de cristen synt, de erger don wen Judas. Judas begink sunde an
Line: 35 
    synen elderen vnwitteliken, mannige cristene lude beghan sunde an eren elderen
Line: 36 
    witliken. Judas gaff vnsen heren vmme dryttich penninge, mannich mynsche
Line: 37 
    gift ene wol vmme eyn scherff edder vmme eynen snoden solt, vnde der lude
Line: 38 
    pyne wert noch groter wan Judas pyne.

Page: 51 
Line: 1 
    Kynt leue, du en schalt den namen dynes godes nicht vorgeues an dick nemen.
Line: 2 
    Dat schaltu an eyner bedudinge aldus vorstan. Hefstu cristenen namen vntfangen,
Line: 3 
    du en schalt des cristendomes nicht vortigen vnde varen to der hey-
Line: 4 
    denscop. We dat deyt, de heuet den namen godes vorgeues an sijk genomen,
Line: 5 
    vnde de lude nemen nummer eynen guden ende. Dar van wil ik dij eyn bilde
Line: 6 
    seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.