TITUS
Alexanderroman (Der Grosse Seelentrost): Part No. 66
Subchapter: 32._Antichrist
32. Antichrist
Line: 8
Entekerst schal geboren werden to Babilonien van yodescher art van eynes
Line: 9
patriarchen slechte, de het Dan, vnde wert geboren van vnechte vnde wert
Line: 10
besneden also eyn yode, vnde eme wert erst gegeuen eyn hillich engel, also
Line: 11
eneme anderen mynschen. Darna, wan he so vormeten wert, dat he
Line: 12
sprekt, he sij Christus, godes sone, so vortiget syner de engel, vnde de duuel vnderwyndet
Line: 13
sijk syner. He wert weldich. Alle de yoden volgen eme. De roden yoden,
Line: 14
de besloten sin, de komet vt vnde volgen eme. Se bouwen den tempel to
Line: 15
Iherusalem wedder vnde beden en an also eynen god vnde spreken, he sij
Line: 16
Christus, vnde vnse here Ihesus Cristus dat hebbe Entekerst gewesen.
Line: 17
Verleye wijs bedruget he de lude; To deme ersten male myt syner valschen lere. He
Line: 18
sendet syne boden vt ouer alle de werlt. De bewisen sijk alse hilge lude vnde
Line: 19
predeken yegen den rechten gelouen vnde vorkeret vele volkes. To deme
Line: 20
anderen male bedruget he de lude myt synen valschen tekenen. He deyt myt
Line: 21
der swarten kunst vele tekene. He let doden vpstan, he let belde spreken, he let
Line: 22
bome bloyen vnde dorren, he let dat mer stormen vnde makedet wedder
Line: 23
stille. He let dat vur van deme hemmele komen vppe syne jungeren vnde let
Line: 24
se spreken allerhande tungen. He maket sijk also he dot sij vnde let sijk vpuoren
Line: 25
aIso he to hemmele varen sij. So kumpt he wedder vnde sprikt, he sij van dode
Line: 26
vp stan vnde bedruget myt synen tekenen vele volkes. To deme dridden male
Line: 27
so bedruget he de lude myt gaue. He wert sere rijke. He vint alle den schat,
Line: 28
de nu behut ys, vnde ghift alle den genoch, de eme volghen. To dem verden male
Line: 29
so bedwinget he de lude myt pyne. He leth den luden alle de pyne an, de he
Line: 30
bedenken kan, de eme nicht en volgen. Vnde den ne mot neymant nicht
Line: 31
vorkopen noch wedder enkopen, dat en sij also, dat se syn merk hebben. Dar
Line: 32
na kumpt Enoch vnde Elyas vte deme paradise. De predeken wedder em vnde
Line: 33
bekeren vde volkes, beyde yoden vnde heyden. De let Entekerst doden. So
Line: 34
liggen ere lichamme vp der straten tho Jherusalem verdenhaluen dach, dat se
Line: 35
neymant dar begrauen. Dar na, wan se so gelegen hebben verdenhaluen dach,
Line: 36
so se stan wedder vp van deme dode. So kumpt eyn stemme van deme hemele,
Page: 66
Line: 1
de spreket also: ʼEnoch vnde Elyas, varet her vp.ʼ So varen se vp myt eme
Line: 2
claren wolken. Dar na so leuet noch Entekerst veiteyn dage vnde settet
Line: 3
synen stol vp den berch to Olyueti vnder syn pauluun. So kompt Sunte Michael vnde
Line: 4
dodet en al dar. Al syn tijd, de he weldich ys, ne waret nicht lengk wan verdehalf
Line: 5
jar. Were de tijd nicht so kort, so nekunde neyn mynsche salich bliuen.
Line: 6
Syne knechte nemen dar na wiff vnde sint blide vnde vro vnde spreken also:
Line: 7
ʼAllene vnse furste dot ys, wij sint doch al seker.ʼWan se so spreken, so kumpt
Line: 8
snelliken de geye dot vnde slet se alle. Dar na so werden de yoden vnde de
Line: 9
heyden eyn cristendom vnde wert eyn gut vrede ouer alle de werlt. Wu lange
Line: 10
de werlt dar na stan schal bijt to deme jungesten dage, dat en weit neyn hilge in
Line: 11
deme hemmelrike noch ntyn mynsche in deme ertrike, sunder god alleyne.
Line: 12
Aldus nemet Entekerst synen ende, de sijk vor eynen god hebben wil. Alle,
Line: 13
de sijk vor eynen god nomen, de synd syne boden. Den nympt yd yo eynen
Line: 14
basen ende. Also genget ock deme konninge Cosdroe. Van deme wil ik dij
Line: 15
eyn cleyne seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
