TITUS
Alexanderroman (Der Grosse Seelentrost): Part No. 67

Subchapter: 33._König_Cosdras 

33. König Cosdras


Line: 16 
    Dat was eyn heydensch konningk, de het Cosdroe. De toch myt groter macht
Line: 17 
    alle de lant vmme vnde makede se sijk vnder dan vnde quam ock to Jherusalem
Line: 18 
    to deme hilgen graue. Dar quam eme alsulk vorvernisse to, dat he dar nicht
Line: 19 
    ne dorste bliuen. Dar nam he dat holt des hilgen cruces vnde vordet myt
Line: 20 
    sijk in syn lant vnde leit buwen eynen hogen torn van suluere vnde van golde
Line: 21 
    vnde van duren steynen. Dar let he anmaken sunnen vnde manen vnde sterne.
Line: 22 
    Dar hadde he vp laten leiden myt hemeliken pipen water vnde let dat van bouene
Line: 23 
    nedder vallen, also oft yd regen were. Dar bouen weren perde vnde wagene,
Line: 24 
    de lepen dar bouen vnde rummelden, dat scholde donre wesen. Dar sat he
Line: 25 
    vppe deme torne in eyme guldenen trone vnde satte dat hilge cruce to syner
Line: 26 
    vorderen hant vnde eynen hanen to syner luchteren hand. Vnde he scholde
Line: 27 
    wesen de hemmelsche vader, dat cruce de sone, de hane de hilge geyst.
Line: 28 
    Dar quam dat volk vnde mosten ene anbeden vor eynen god. Dar sat he, vnde syn
Line: 29 
    sone wareden dat konningkryke. Dijt vornam de keyser van Rome, Eraclius,
Line: 30 
    vnde sammede eyn grot her vnde toch dar hen. Do entmotte eme jennes
Line: 31 
    konninges sone myt eyneme groten here. Dar quemen se des ouer eyn, dat de
Line: 32 
    heren twe alleyne scholden vechten. Weme god den seghe geue, de scholde
Line: 33 
    here wesen ouer beyde her. Dar gaff god deme keysere den seghe. Do wart eme
Line: 34 
    de andere vnderdan myt alle syneme volke vnde vntfengen den rechten gelouen.
Line: 35 
    Do toch de keyser vorbat in deme lande vnde quam to jenneme torne, dar
Line: 36 
    jenne Cosdre vppe sat, vnde vengk ene vnde sprak eme to: ʼHijrumme, dat
Line: 37 
    du dat hilge cruce ichteswo geeret heuest, des schaltu geneten.Wultu de dope

Page: 67 
Line: 1 
    vntfan, ik wil dij dat leuent geuen.ʼ Des en wolde he nicht don. Do toch he
Line: 2 
    syn swert vt vnde heu eme dat houet aff. Also nam syn gotheit eyn ende. Des
Line: 3 
    gelijk lest men ock van eyme, de het Magymet, da de Betsermenien an gelouen.
Line: 4 
    Dar van wil ik dij eyn cleyne seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.