TITUS
Alexanderroman (Der Grosse Seelentrost): Part No. 69
Chapter: DAS_DRITTE_GEBOT
DAS DRITTE GEBOT
Page: 69
Line: 1
Vader leue, ik bidde dij dorch vnsen heren god, lere my ock dat drydde bot.
Line: 2
Kynt leue, dat wil ik gerne leren dij, vppe dat du god biddest vor my. Dat
Line: 3
drydde bot ys dijt: Mynsche, du schalt de hilgen dage viren. Kint leue, du
Line: 4
schalt in deme hilgen dage nicht arbeyden noch dyn ingesinde laten arbeyden,
Line: 5
wente dat myshaget vnseme leuen heren sere. Dar van wil ik dij eyn bilde seggen:
Subchapter: 1._Die_Kinder_Israel_und_der_Sabbat
1. Die Kinder Israel und der Sabbat
Line: 6
Do de kindere van Ysrahel weren in der wostenie, dar vunden se eynen man,
Line: 7
de las holt to samne in deme hilgen dage. Den brochten se vor Moyses vnde
Line: 8
vrageden en, wat syn broke were. Moyses vragede vort vnsen heren. Vnse
Line: 9
here antwordede vnde sprak, dat men ene stenen scholde. Dar wart he gestenet.
Line: 10
-- Kint leue, lat dij dijt eyn lere wesen vnde proue, oft du dyne vire icht
Line: 11
so vde hebbest gebroken. Noch wil ik dij eyn ander seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
