TITUS
Alexanderroman (Der Grosse Seelentrost): Part No. 70
Subchapter: 2._Ein_Pflüger_am_Festtag
2. Ein Pflüger am Festtag
Line: 12
Dat was eyn man, de dwank syn stefkint dar to, dat yd eme scholde helpen
Line: 13
plogen an Sunte Marien Magdalenen dage. Do he vp dem ackere was vnde
Line: 14
plogede, dar quam de blixem vnde vorbrande de perde in der ploch, vnde dat
Line: 15
vur quam deme manne in den vot vnde brande ene so sere, dat eme neyn arste
Line: 16
helpen kunde. Do leit he sijk voren to Sunte Marien Magdalenen kerken.
Line: 17
Dar dede he eyne louede, dat he nummer mer in deme hilgen dage arbeyden
Line: 18
wolde. Also wart he gesunt. -- Kint leue, lat dij dijt eyn lere wesen, vnde holt
Line: 19
dyne vire in deme hilgen daghe.
Line: 20
Kynt leue, wultu dyne vire wol holden, so ne schaltu in deme hilgen daghe
Line: 21
nicht dansen. Sunte Augustinus sprekt also: Welk mynsche in deme hilgen
Line: 22
dage danset, de mochte also leff plogen edder hacken edder ander werk don.
Line: 23
Hijr van wil ek dij eyn bilde seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
