TITUS
Alexanderroman (Der Grosse Seelentrost): Part No. 72

Subchapter: 4._Die_Tänzer_von_Kölbecke 

4. Die Tänzer von Kölbecke


Line: 11 
    Dat geschach in deme lande to Sassen in eyneme dorpe, dat het Kolbeke. In
Line: 12 
    des hilgen kerstes nacht, do men de mettene sangk, do stunden vrie lude vppe
Line: 13 
    deme kerkhoue, vnde eyn sprak to den anderen: ʼWil wij eyn weynich springen,
Line: 14 
    dat wij warm werden.ʼ Dar begunden se to dansen vnde sprungen. Do de
Line: 15 
    prester beghynnen scholde des hilgen kerstes mysse, do genk he vt vnde bat
Line: 16 
    se, dat se affleten. Se enleten nicht aff. Do sprak he: ʼNu geue god vnde de
Line: 17 
    hilge here Sunte Magnus, de hijr houet here ys, dat gij aldus eyn gantz jar
Line: 18 
    moten springen vnde dansen.ʼ Dat geschach. Se danseden so al dat jar vmme,
Line: 19 
    dat se nu enrauweden, vnde newisten nicht vmme de synne. Des presteres
Line: 20 
    dochter was in deme danse. Ere broder quam vnde grep se bij deme arme
Line: 21 
    vnde wolde se affteyn vnde toch ere den arm vte deme liue, vnde dar negenk
Line: 22 
    neyn blot vth. Nochtan dansede se vort myt eyme arme. Dat wunder quam
Line: 23 
    ouer al dat lant. Dar togen de lude to van verne landen vnde sogen den jamer
Line: 24 
    an den luden. Ere cledere vnde ere scho vorsleten nicht, vppe se ne vel neyn
Line: 25 
    sne noch regen. Se hadden gesprungen eyne kulen in de erden bitte to deme
Line: 26 
    gordele. Do dat jar vmme quam, do horden se vp. Do brochtemen se vor dat
Line: 27 
    altar. Dar legen se vnde slepen dre dage vnde dre nacht, do worden se vntwaken.
Line: 28 
    Ichteswelke lude storuen alto hand, ichteswelke lude leueden nicht lange dar na.
Line: 29 
    Erer weren oueral vifteyn man vnde dre fruwen. -Kint leue, lat dij dijt eyn lere wesen.
Line: 30 
    Kynt leue, du ne schalt nicht allene dansen vormyden in deme hilgen dage,
Line: 31 
    sunder ock to allen tij den schaltu vormyden den dans vnde allerleye erdesche vraude,
Line: 32 
    vppe dat dij god geue de ewigen vraude. Hijr van wil ik dij eyn bylde seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.