TITUS
Alexanderroman (Der Grosse Seelentrost): Part No. 73

Subchapter: 5._Die_Bekehrung_einer_Tänzerin 

5. Die Bekehrung einer Tänzerin


Line: 33 
    Dat was eyn eddel junckfruwe, de horde guden luden to. Der was so leue tho
Line: 34 
    dansene, dat se leuer dansede wan se ete edder drunke vnde vorsumede dicke
Line: 35 
    er eten dorch des dansens willen, vnde wan se neynen dans ne hadde, so en

Page: 71 
Line: 1 
    wort se nummer vro. Darumme was ere vader vnde ere moder sere bedrouet.
Line: 2 
    To eyner tijd quam dar eyn broder, deme clageden se ouer ere dochter vnde
Line: 3 
    beden en, dat he se dar van sturen wolde. He nam se vt vnde sprak to er:
Line: 4 
    ʼLeue dochter, segge my: Oft men dij geue den kore, dat du enberen scholdest
Line: 5 
    eynen dach vraude vnde scholdest dar na eyn gans jar in vrauden leuen, woldestu
Line: 6 
    des nicht don?ʼJaʼ, sprak se, ʼdat wolde ik don.ʼDo sprak de broder: ʼWultu icht
Line: 7 
    in desseme korten leuende erdescher vraude vnberen, vppe dat du dick ewichliken
Line: 8 
    vrauwest myt vnseme heren gode vnde myt vnser leuen fruwen vnde
Line: 9 
    myt allen saligen hilgen?ʼ Se swech alle wile. Darna sprak se: ʼIk newolde
Line: 10 
    vmme alle desse werlt nicht vorlouen den dans in eyme dage, id newere
Line: 11 
    also, dat ik in deme hemelrike ewichliken dansen scholde.ʼ He sprak: ʼDochter,
Line: 12 
    ik louet dijk bij myner sele: Wanne du to deme hemelrike kumst, wat du
Line: 13 
    begerest, dat schal dij werden. Begerestu dansen, des schal dij genoch werden.ʼ
Line: 14 
    ʼJa,ʼ sprak se, ʼdar genoget my wol an, deste my dansens genoch werde. Nu
Line: 15 
    vorloue ik vnsem heren gode alle den dans vnde alle erdessche vraude, vppe
Line: 16 
    dat ik ewichliken myt eme mote dansen.ʼ Dar toch se geystlike cleder an vnde
Line: 17 
    denede vnseme leuen heren in eres vader huß bijt in dat verde jar. Do wart se
Line: 18 
    seik. Do manede se ere moder, dat se bichten scholde vnde vntfan dat hilge
Line: 19 
    sacrament. Se sprak, se en woldes nicht don, dat en were also, dat de broder
Line: 20 
    queme, de er gelouet hedde den dans in deme hemmelrike. Do weren de
Line: 21 
    frunt bedrouet, wente de broder wonede verne van danne. Se, also dat god
Line: 22 
    wolde, dar quam de broder in dat hus ghande. Do worden se alle gevrauwet.
Line: 23 
    Dar dede se ere bicht vnde vntfengk vnses heren licham vnde leyt sijk don
Line: 24 
    dat hilge ammet. Dar lach se vnde sloch yo de ogen vp to deme hemele vnde
Line: 25 
    swech alstille lange wile. To lest beghan se vroliken to lachen vnde sprak to
Line: 26 
    deme brodere: ʼVader, do gij my bekarden, do louede gij my, dat ik ewichliken
Line: 27 
    myt gode scholde dansen. Der louede lat ik juw nu quit, wente ik se
Line: 28 
    mynen heren nu komen myt eyneme danse, dar an geyt syn benedide moder
Line: 29 
    Maria vnde alle de hilgen junckfruwen, de in deme hemelrike sin, vnde in den
Line: 30 
    dans trede ik nu. Wol my, dat ik yu geboren wart.ʼ Darmede gaff se den geyst
Line: 31 
    vp. -- Kynt leue, lat dij dijt eyn lere wesen, vnde vle desse erdeschen vraude,
Line: 32 
    vppe dat juw werde de ewige vraude.
Line: 33 
    Kynt leue, wultu dyne vire wol holden, so ne schaltu des hilgen dages vnde
Line: 34 
    des hilgen nachtes vnde an hilger tijd neyne ouermate don an etene vnde an
Line: 35 
    drinkene. Allene dat yd to allen tijden grot sunde sij, doch so yset an hilger
Line: 36 
    tijd groter sunde vnde myshaget vnsem leuen heren. Dar van wil ik dij eyn
Line: 37 
    bilde seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.