TITUS
Alexanderroman (Der Grosse Seelentrost): Part No. 95

Subchapter: 27._Die_Gebete_eines_Raubritters 

27. Die Gebete eines Raubritters


Line: 8 
    Dat was eyn rydder, de plach vele to rouene vnde dede vele boser werk. Den
Line: 9 
    vengk keyser Frederick vnde let en ane bicht altohant hengen an eynen bom.
Line: 10 
    Dar na ouer mannigen dach do reden dar lude vore, dar he hengk, vnde begunden
Line: 11 
    van ome to spreken vnde clageden, dat de vrome rydder syn lijff also
Line: 12 
    vorloren hedde. Do horden se ene stemme van jenneme bome, de reip se, dat
Line: 13 
    se dar quemen. Do worden se vorveret vnde ne dorsten nicht komen. Do
Line: 14 
    sprak jenne noch eyns: ʼKomet here, leuen brodere, ik byn also recht kristen
Line: 15 
    also gij syn.ʼ Do reden se to eme vnde vrageden, wo he leuen mochte so lange.
Line: 16 
    He sprak: ʼIk leue van der gnade vnses leuen heren godes, wente syn barmherticheit
Line: 17 
    ys so grot, dat se neyn herte kan vuldenken. Ik hadde vnsem leuen
Line: 18 
    heren eyn klene denstes gedan; darumme heft he my dusse grote gnade bewiset.
Line: 19 
    Ik was eyn grot sunder vnde hadde eyn bister leuent. Doch so plach
Line: 20 
    ik des, dat ik alle dage tein Pater noster sprak, vnde dat heft my gehulpen.ʼ
Line: 21 
    Do vrageden se, wu dat he de tein Pater noster plege to sprekene. Do sogede
Line: 22 
    he: ʼIk sprak yo dre Pater noster vnde dre Aue Marien der hilgen dreuoldicheit,
Line: 23 
    de my gheschapen heft, vnde viff Pater noster vnde viff Aue Marien den hilgen
Line: 24 
    viff wunden, de my geloset hebben, eyn Pater noster vnde eyn Aue Maria
Line: 25 
    myneme hilgen engele, de myn hoder is, eyn Pater noster vnde eyn Aue Maria
Line: 26 
    deme hilgen lichamme vnses leuen heren, dat he my nummer lete scheiden van
Line: 27 
    desseme leuende, syn hilge licham en worde my to dele. Dar vmme nemach
Line: 28 
    ik nicht steruen, ik ne hebbe bichtet vnde hebbe den hilgen licham vntfangen.ʼ
Line: 29 
    Do nemen se ene aff vnde brochten ene in de stad. Do he bichted hadde vnde
Line: 30 
    den hilgen Iycham vntfangen hadde, do gaff he den geyst vp. -- Kint
Line: 31 
    leue, lat dij dijt eyn lere syn vnde sprek yo din beth, allene bistu in eme sundechliken
Line: 32 
    leuende.
Line: 33 
    Kynt leue, bouen alle bed so schaltu yo de martere vnses heren gerne eren vnde
Line: 34 
    schalt se dicke bedenken myt rechter innicheit vnde mede lidunge vnde myt
Line: 35 
    dangsamicheit, dat du eme darumme dankes van al deme herten; dat ys eme
Line: 36 
    sere anneme. Dar van wil ik dij eyn cleyne seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.