Dat was eyn hillich ensedelingk, de sath in syner cellen vnde bath vnsen leuen
Line: 2
heren van eme innigen herten, dat he em bewisen wolde, welk denst eme aller
Line: 3
behegelikest were. Do horde he dar butene vor syner cellen eynen kranken
Line: 4
mynschen anken vnde ghellen. He sach vt vnde wolde weten, wat dar were. Dar
Line: 5
sach he vnsen leuen heren Jhesum Christum in jamerliker scepnisse, de droch
Line: 6
vp syme rugge eyn grot swar cruce. Do sprak vnse leue here to eme: ʼLeue
Line: 7
kint, du bedest my, dat ik dij wolde bewisen, welk denst my aller annemest
Line: 8
were. Du nemachst my an neyme denste so wol behagen, alse du my helpest
Line: 9
myn sware cruce dragen.ʼ Do antworde de jenne vnde sprak: ʼLeue here
Line: 10
wodanewijs schal yk dij helpen dragen?ʼ Do sprak vnse leue here: ʼMyt dangsamicheit,
Line: 11
dat du dij latest to danke syn, dat ik dat dorch dynen willen hebbe
Line: 12
geleden, vnde ock myt rechter medelidunge, dat du dij my vnde myne pyne
Line: 13
latest to herten ghan.ʼ Do he dijt hadde gesproken, do en sach he en nicht mer. -Kint
Line: 14
leue, lat dij dijt eyn lere syn vnde bedenke gerne myt hertesere de martere
Line: 15
vnses leuen heren vnde danke eme darumme alle dage to seuen stunden: To vesper
Line: 16
tijd, to conplete tijd, to mettentijd, to primetijd, to tercie tijd, to sexte tijd, to none
Line: 17
tijd; vnde denke, wat he to ener jewelikentijd dorch dynen willen heuet geleden.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
