TITUS
Alexanderroman (Der Grosse Seelentrost): Part No. 126
Subchapter: 4._Noah_und_seine_Söhne
4. Noah und seine Söhne
Line: 9
Noe hadde dre sone, de ene de hette Kam, de andere Sem, de dridde laphet
Line: 10
Noe hadde win gedrunken, de was starck; des en wiste he nicht, dat he so grote
Line: 11
macht hadde. De win de vorwan ene, dat he vordrunken wart vnde legede
Line: 12
sijk slapen vnder sin paulun. Dar quam inghan sin sone Kam vnde sach, dat
Line: 13
eme de kledere aff gevallen weren, vnde belachede ene vnde segede dat synen
Line: 14
broderen. De nemen eyn klet vnde hengden dat vp ere schulderen vnde
Line: 15
gengen to rugge to, dat se eren vader nicht schemeliken segen, vnde deckeden
Line: 16
eren vader. Do he vntwaken wart, do gaff he den twen synen segen
Line: 17
vnde vorvlokede allet, dat van Kamme gheboren wart.
Line: 18
Kint leue, du ne schalt dynen elderen nicht horsam wesen an den dingen, de
Line: 19
wedder god sin. Nym eyn bilde an Sunte Cristinen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
