TITUS
Alexanderroman (Der Grosse Seelentrost): Part No. 136

Subchapter: 14._Vergleich_der_Kinder_mit_Tieren 

14. Vergleich der Kinder mit Tieren


Line: 19 
    Ichteswelke kindere liket den hunden. Wan de hunt jungk ys, so heft de moder
Line: 20 
    grote sorge vor en. Se slepet se van eynem winkele to dem anderen vnde
Line: 21 
    nemach des nicht seen, dat en icht to kome; also leff heft se en. Wan auer de
Line: 22 
    hunt olt wert, so vorgeth he alle de leue, de eme syn moder bewiset heuet,
Line: 23 
    vnde heft eynen vromeden hunt so leff alse sine moder. He bit sijk myt syner
Line: 24 
    moder vmme eynen knoken alse myt eme vromeden hunde. Also deyt mannich
Line: 25 
    bose mynsche. De vorghettet alle der leue, de eme sin moder heit bewiset, de
Line: 26 
    en myt groten sorgen heft vpgetogen, vnde he hefft eynen vromeden also
Line: 27 
    leff alse syne moder vnde bijt sijk myt der moder vnde kiuet vmme dat erue,
Line: 28 
    bewile vmme eyn snode dingk, alse ofte se vromede were. De kindere sint
Line: 29 
    gelijk den hunden.
Line: 30 
    Ichteswelke kindere sint gelijk den jungen vossen. De wile, dat de moder
Line: 31 
    melk in den brusten heft, so suget se de moder vnde volget er. Wanne se
Line: 32 
    neyne melk mer ne vinden, so toriten se er de bruste vnde biten se van sijk.
Line: 33 
    Also don ichteswelke kindere. De wile, dat de moder heft ichteswat to geuene,
Line: 34 
    so hebben se de kindere sere leff. Wan dat vte ys, so ys de leue vte, so hedden
Line: 35 
    se se gerne dot. Ichteswelke lude sin gelijk deme krone. Wan syne elderen
Line: 36 
    olt sin edder wan se muten, dat en de vedderen vntvallen, dat se nicht vleghen
Line: 37 
    mochten, so vodden de jungen de olden vnde bringen en ere spise. Also don

Page: 138 
Line: 1 
    alle gude kindere, de eren elderen denen, wan se olt werden vnde krank.
Line: 2 
    Ichteswelke kindere sint gelijk deme ghire. De vodet sine elderen wan se olt
Line: 3 
    sin ene wile. Wan he dat sut, dat se wol etten mogen, so bit he se dot. Also don
Line: 4 
    ichteswelke kindere, de voden ere olderen wol eyne wile. Darna so vordruttes
Line: 5 
    en vnde wunschet en des dodes.
Line: 6 
    Kint leue, also neschaltu nicht don. Du schalt dyne elderen eren, vnde kundestu
Line: 7 
    en dynen egenen licham to eyner spise geuen, du werest des wol plichtich,
Line: 8 
    wente du van en geboren bist. Dar van wil ik dij eyn bilde seggen:




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.