TITUS
Alexanderroman (Der Grosse Seelentrost): Part No. 138
Subchapter: 16._Vater_und_Sohn_und_S._Jakob
16. Vater und Sohn und S. Jakob
Line: 28
Dat was eyn gut man, de scholde myt syneme sone to Sunte Jacobe riden
Line: 29
vnde quemen to eyner stad, de het Tolosa, dar reden se in eyne herberge. De
Line: 30
wert vntfengk se vnde dachte, wo he en er guth mochte affbreken. Des auendes
Line: 31
drank he en to den starkesten win, den he hebben mochte. Do se to bedde
Line: 32
weren komen vnde wol weren vntslapen, do nam he syne sulueren schalen
Line: 33
vnde stack se in ere malen, dat is eyn pouwe. Des morgens stunden se vp vnde
Page: 139
Line: 1
reden eren wech vnde ne wisten van desser schalen nicht. Do se vte der stad
Line: 2
weren komen, do red he en na vnde sprak se an vor deue vnde segede also, se
Line: 3
hedden eme sine sulueren schalen vorstolen. Se spreken, dat se dar van nicht
Line: 4
newisten. Do besochte he er malen vnde vant de schalen darinne. Do vorde
Line: 5
he se wedder in de stad vnde brachte se vor dat richte. Dar wart deme werde
Line: 6
al ere haue to delet, vnde er eynen scholdemen hengen. Do wolde de vader
Line: 7
vor den sone hangen vnde de sone vor den vader. To lest leyt sijk de sone
Line: 8
hengen, vnde de vader gengk bedrouet vort tho Sunte Jacobe. Dar na ouer
Line: 9
sees vnde dryttich daghe quam de vader wedder, dar de sone hengk, vnde
Line: 10
gengk to dem galgen vnde wenede bitterliken sere. Do beghan de sone to dem
Line: 11
vadere to spreken vnde troste ene vnde sprak: ʼMyn herte leue vader, du en
Line: 12
schalt dij nicht bedrouen vmme my. Ik byn wol gesunt, my ne was nu so wol,
Line: 13
alse my nu ys. Myn here Sunte Jacob ys hir bij my vnde heldet my vp, dat my
Line: 14
nicht en weret.ʼ Do dat de vader horde, do wart he vro vnde leip in de stad
Line: 15
vnde segede dat deme richtere vnde alle de stad. Dar gingen se vt algemeyne
Line: 16
vnde nemen en van dem galgen vnde hengen den wert wedder in sin stede.
Line: 17
De sone was synem vader truwe, dat he vor en steruen wolde. -- Kint leue,
Line: 18
dijt lat dij eyn lere wesen vnde wes dynen elderen truwe. Kynt leue, du schalt
Line: 19
dyne elderen so leff hebben, er du en yennich vngemak to bringest, du scholdest
Line: 20
leuer vte deme lande ghan. Also dede de hilge Sunte Julianus. De gengk vte
Line: 21
syneme lande vnde vortech alles, des he hadde, vp dat he syne elderen nicht
Line: 22
enbedrouede. Van syneme leuende wil ik dij eyn cleyne seggen:
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
