TITUS
Homer, Odyssee
Part No. 8
Previous part

Chapter: 8    
ΟΔΥΣΣΕΙΑΣ Θ


Verse: 1       ῎Ημος δ' ἠριγένεια ϕάνη ῥοδοδάκτυλος ᾽Ηώς,
Verse: 2    ὤρνυτ' ἄρ' ἐξ εὐνῆς ἱερὸν μένος ᾽Αλκινόοιο,
Verse: 3    ἂν δ' ἄρα Διογενὴς ὦρτο πτολίπορθος ᾽Οδυσσεύς.
Verse: 4    τοῖσιν δ' ἡγεμόνευ' ἱερὸν μένος ᾽Αλκινόοιο
Verse: 5    Φαιήκων ἀγορήν δ', ἥ σϕιν παρὰ νηυσὶ τέτυκτο.
Verse: 6    ἐλθόντες δὲ κάθιζον ἐπὶ ξεστοῖσι λίθοισι
Verse: 7    πλησίον· ἡ δ' ἀνὰ ἄστυ μετῴχετο Παλλὰς ᾽Αθήνη
Verse: 8    εἰδομένη κήρυκι δαί:ϕρονος ᾽Αλκινόοιο,
Verse: 9    νόστον ᾽Οδυσσῆιὴ μεγαλήτορι μητιόωσα,
Verse: 10    καί ῥα ἑκάστῳ ϕωτὶ παρισταμένη ϕάτο μῦθον·

Verse: 11       "δεῦτ' ἄγε, Φαιήκων ἡγήτορες ἠδὲ μέδοντες,
Verse: 12    εἰς ἀγορὴν ἰέναι, ὄϕρα ξείνοιο πύθησθε,
Verse: 13    ὃς νέον ᾽Αλκινόοιο δαί:ϕρονος ἵκετο δῶμα
Verse: 14    πόντον ἐπιπλαγχθείς, δέμας ἀθανάτοισιν ὁμοῖος."

Verse: 15       ὣς εἰποῦσ' ὤτρυνε μένος καὶ θυμὸν ἑκάστου.
Verse: 16    καρπαλίμως δ' ἔμπληντο βροτῶν ἀγοραί τε καὶ ἕδραι
Verse: 17    ἀγρομένων· πολλοὶ δ' ἄρ' ἐθηήσαντο ἰδόντες
Verse: 18    υἱὸν Λαέρταο δαί:ϕρονα. τῷ δ' ἄρ' ᾽Αθήνη
Verse: 19    θεσπεσίην κατέχευε χάριν κεϕαλῇ τε καὶ ὤμοις
Verse: 20    καί μιν μακρότερον καὶ πάσσονα θῆκεν ἰδέσθαι,
Verse: 21    ὥς κεν Φαιήκεσσι ϕίλος πάντεσσι γένοιτο
Verse: 22    δεινός τ' αἰδοῖός τε, καὶ ἐκτελέσειεν ἀέθλους
Verse: 23    πολλούς, τοὺς Φαίηκες ἐπειρήσαντ' ᾽Οδυσῆος.
Verse: 24    αὐτὰρ ἐπεί ῥ' ἤγερθεν ὁμηγερέες τ' ἐγένοντο,
Verse: 25    τοῖσιν δ' ᾽Αλκίνοος ἀγορήσατο καὶ μετέειπε·

Verse: 26       "κέκλυτε, Φαιήκων ἡγήτορες ἠδὲ μέδοντες,
Verse: 27    ὄϕρ' εἴπω, τά με θυμὸς ἐνὶ στήθεσσι κελεύει.
Verse: 28    ξεῖνος ὅδ', οὐκ οἶδ' ὅς τις, ἀλώμενος ἵκετ' ἐμὸν δῶ,
Verse: 29    ἠὲ πρὸς ἠοίων ἦ ἑσπερίων ἀνθρώπων·
Verse: 30    πομπὴν δ' ὀτρύνει καὶ λίσσεται ἔμπεδον εἶναι.
Verse: 31    ἡμεῖς δ', ὡς τὸ πάρος περ, ἐποτρυνώμεθα πομπήν·
Verse: 32    οὐδὲ γὰρ οὐδέ τις ἄλλος, ὅτις κ' ἐμὰ δώμαθ' ἵκηται,
Verse: 33    ἐνθάδ' ὀδυρόμενος δηρὸν μένει εἵνεκα πομπῆς.
Verse: 34    ἀλλ' ἄγε νῆα μέλαιναν ἐρύσσομεν εἰς ἅλα δῖαν
Verse: 35    πρωτόπλοον, κούρω δὲ δύω καὶ πεντήκοντα
Verse: 36    κρινάσθων κατὰ δῆμον, ὅσοι πάρος εἰσὶν ἄριστοι.
Verse: 37    δησάμενοι δ' εὖ πάντες ἐπὶ κληῖσιν ἐρετμὰ
Verse: 38    ἔκβητ'· αὐτὰρ ἔπειτα θοὴν ἀλεγύνετε δαῖτα
Verse: 39    ἡμέτερόνδ' ἐλθόντες: ἐγὼ δ' ἐὺ: πᾶσι παρέξω.
Verse: 40    κούροισιν μὲν ταῦτ' ἐπιτέλλομαι· αὐτὰρ οἱ ἄλλοι
Verse: 41    σκηπτοῦχοι βασιλῆες ἐμὰ πρὸς δώματα καλὰ
Verse: 42    ἔρχεσθ', ὄϕρα ξεῖνον ἐνὶ μεγάροισι ϕιλέωμεν·
Verse: 43    μηδέ τις ἀρνείσθω. καλέσασθε δὲ θεῖον ἀοιδόν,
Verse: 44    Δημόδοκον· τῷ γάρ ῥα θεὸς περὶ δῶκεν ἀοιδὴν
Verse: 45    τέρπειν, ὅππῃ θυμὸς ἐποτρύνῃσιν ἀείδειν."

Verse: 46       ὣς ἄρα ϕωνήσας ἡγήσατο, τοὶ δ' ἅμ' ἕποντο
Verse: 47    σκηπτοῦχοι· κῆρυξ δὲ μετῴχετο θεῖον ἀοιδόν.
Verse: 48    κούρω δὲ κρινθέντε δύω καὶ πεντήκοντα
Verse: 49    βήτην, ὡς ἐκέλευσ', ἐπὶ θῖν' ἁλὸς ἀτρυγέτοιο.
Verse: 50    αὐτὰρ ἐπεί ῥ' ἐπὶ νῆα κατήλυθον ἠδὲ θάλασσαν,
Verse: 51    νῆα μὲν οἵ γε μέλαιναν ἁλὸς βένθοσδε ἔρυσσαν,
Verse: 52    ἐν δ' ἱστόν τ' ἐτίθεντο καὶ ἱστία νηὶ: μελαίνῃ,
Verse: 53    ἠρτύναντο δ' ἐρετμὰ τροποῖσ' ἐν δερματίνοισι
Verse: 54    πάντα κατὰ μοῖραν· ἀνὰ δ' ἱστία λευκὰ πέτασσαν.
Verse: 55    ὑψοῦ δ' ἐν νοτίῳ τήν γ' ὥρμισαν· αὐτὰρ ἔπειτα
Verse: 56    βάν ῥ' ἴμεν ᾽Αλκινόοιο δαί:ϕρονος ἐς μέγα δῶμα.
Verse: 57    πλῆντο δ' ἄρ' αἴθουσαί τε καὶ ἕρκεα καὶ δόμοι ἀνδρῶν
Verse: 59    τοῖσιν δ' ᾽Αλκίνοος δυοκαίδεκα μῆλ' ἱέρευσεν,
Verse: 60    ὀκτὼ δ' ἀργιόδοντας ὕας, δύο δ' εἰλίποδας βοῦς:
Verse: 61    τοὺς δέρον ἀμϕί θ' ἕπον, τετύκοντό τε δαῖτ' ἐρατεινήν.

Verse: 62       κῆρυξ δ' ἐγγύθεν ἦλθεν ἄγων ἐρίηρον ἀοιδόν,
Verse: 63    τὸν περὶ Μοῦσ' ἐϕίλησε, δίδου δ' ἀγαθόν τε κακόν τε·
Verse: 64    ὀϕθαλμῶν μὲν ἄμερσε, δίδου δ' ἡδεῖαν ἀοιδήν.
Verse: 65    τῷ δ' ἄρα Ποντόνοος θῆκε θρόνον ἀργυρόηλον
Verse: 66    μέσσῳ δαιτυμόνων, πρὸς κίονα μακρὸν ἐρείσας:
Verse: 67    κὰδ δ' ἐκ πασσαλόϕι κρέμασεν ϕόρμιγγα λίγειαν
Verse: 68    αὐτοῦ ὑπὲρ κεϕαλῆς καὶ ἐπέϕραδε χερσὶν ἑλέσθαι
Verse: 69    κῆρυξ· πὰρ δ' ἐτίθει κάνεον καλήν τε τράπεζαν,
Verse: 70    πὰρ δὲ δέπας οἴνοιο, πιεῖν ὅτε θυμὸς ἀνώγοι.
Verse: 71    οἱ δ' ἐπ' ὀνείαθ' ἑτοῖμα προκείμενα χεῖρας ἴαλλον.
Verse: 72    αὐτὰρ ἐπεὶ πόσιος καὶ ἐδητύος ἐξ ἔρον ἕντο,
Verse: 73    Μοῦσ' ἄρ' ἀοιδὸν ἀνῆκεν ἀειδέμεναι κλέα ἀνδρῶν,
Verse: 74    οἴμης, τῆς τότ' ἄρα κλέος οὐρανὸν εὐρὺν ἵκανε,
Verse: 75    νεῖκος ᾽Οδυσσῆος καὶ Πηλεί:δεω ᾽Αχιλῆος,
Verse: 76    ὥς ποτε δηρίσαντο θεῶν ἐν δαιτὶ θαλείῃ
Verse: 77    ἐκπάγλοισ' ἐπέεσσιν, ἄναξ δ' ἀνδρῶν ᾽Αγαμέμνων
Verse: 78    χαῖρε νόῳ, ὅ τ' ἄριστοι ᾽Αχαιῶν δηριόωντο.
Verse: 79    ὣς γάρ οἱ χρείων μυθήσατο Φοῖβος ᾽Απόλλων
Verse: 80    Πυθοῖ ἐν ἠγαθέῃ, ὅθ' ὑπέρβη λάιὴνον οὐδὸν
Verse: 81    χρησόμενος: τότε γάρ ῥα κυλίνδετο πήματος ἀρχὴ
Verse: 82    Τρωσί τε καὶ Δαναοῖσι Διὸς μεγάλου διὰ βουλάς.

Verse: 83       ταῦτ' ἄρ' ἀοιδὸς ἄειδε περικλυτός: αὐτὰρ ᾽Οδυσσεὺς
Verse: 84    πορϕύρεον μέγα ϕᾶρος ἑλὼν χερσὶ στιβαρῇσι
Verse: 85    κὰκ κεϕαλῆς εἴρυσσε, κάλυψε δὲ καλὰ πρόσωπα·
Verse: 86    αἴδετο γὰρ Φαίηκας ὑπ' ὀϕρύσι δάκρυα λείβων.
Verse: 87    ἦτοι ὅτε λήξειεν ἀείδων θεῖος ἀοιδός,
Verse: 88    δάκρυ' ὀμορξάμενος κεϕαλῆς ἄπο ϕᾶρος ἕλεσκε
Verse: 89    καὶ δέπας ἀμϕικύπελλον ἑλὼν σπείσασκε θεοῖσιν·
Verse: 90    αὐτὰρ ὅτ' ἂψ ἄρχοιτο καὶ ὀτρύνειαν ἀείδειν
Verse: 91    Φαιήκων οἱ ἄριστοι, ἐπεὶ τέρποντ' ἐπέεσσιν,
Verse: 92    ἂψ ᾽Οδυσεὺς κατὰ κρᾶτα καλυψάμενος γοάασκεν.
Verse: 93    ἔνθ' ἄλλους μὲν πάντας ἐλάνθανε δάκρυα λείβων,
Verse: 94    ᾽Αλκίνοος δέ μιν οἶος ἐπεϕράσατ' ἠδὲ νόησεν
Verse: 95    ἥμενος ἄγχ' αὐτοῦ, βαρὺ δὲ στενάχοντος ἄκουσεν.
Verse: 96    αἶψα δὲ Φαιήκεσσι ϕιληρέτμοισι μετηύδα·

Verse: 97       "κέκλυτε, Φαιήκων ἡγήτορες ἠδὲ μέδοντες:
Verse: 98    ἤδη μὲν δαιτὸς κεκορήμεθα θυμὸν ἐί:σης
Verse: 99    ϕόρμιγγός θ', ἣ δαιτὶ συνήορός ἐστι θαλείη
Verse: 100    νῦν δ' ἐξέλθωμεν καὶ ἀέθλων πειρηθῶμεν
Verse: 101    πάντων, ὥς χ' ὁ ξεῖνος ἐνίσπῃ οἷσι ϕίλοισιν,
Verse: 102    οἴκαδε νοστήσας, ὅσσον περιγινόμεθ' ἄλλων
Verse: 103    πύξ τε παλαισμοσύνῃ τε καὶ ἅλμασιν ἠδὲ πόδεσσιν."

Verse: 104       ὣς ἄρα ϕωνήσας ἡγήσατο, τοὶ δ' ἅμ' ἕποντο.
Verse: 105    κὰδ δ' ἐκ πασσαλόϕι κρέμασεν ϕόρμιγγα λίγειαν,
Verse: 106    Δημοδόκου δ' ἕλε χεῖρα καὶ ἔξαγεν ἐκ μεγάροιο
Verse: 107    κῆρυξ· ἦρχε δὲ τῷ αὐτὴν ὁδὸν ἥν περ οἱ ἄλλοι
Verse: 108    Φαιήκων οἱ ἄριστοι, ἀέθλια θαυμανέοντες.
Verse: 109    βὰν δ' ἴμεν εἰς ἀγορήν, ἅμα δ' ἕσπετο πουλὺς ὅμιλος
Verse: 110    μυρίοι· ἂν δ' ἵσταντο νέοι πολλοί τε καὶ ἐσθλοί.
Verse: 111    ὦρτο μὲν ᾽Ακρόνεώς τε καὶ ᾽Ωκύαλος καὶ ᾽Ελατρεὺς
Verse: 112    Ναυτεύς τε Πρυμνεύς τε καὶ ᾽Αγχίαλος καὶ ᾽Ερετμεὺς
Verse: 113    Ποντεύς τε Πρῳρεύς τε, Θόων ᾽Αναβησίνεώς τε
Verse: 114    ᾽Αμϕίαλός θ', υἱὸς Πολυνήου Τεκτονίδαο·
Verse: 115    ἂν δὲ καὶ Εὐρύαλος, βροτολοιγῷ ἶσος ῎Αρηιὴ,
Verse: 116    Ναυβολίδης, ὃς ἄριστος ἔην εἶδός τε δέμας τε
Verse: 117    πάντων Φαιήκων μετ' ἀμύμονα Λαοδάμαντα.
Verse: 118    ἂν δ' ἔσταν τρεῖς παῖδες ἀμύμονος ᾽Αλκινόοιο,
Verse: 119    Λαοδάμας θ' ῞Αλιός τε καὶ ἀντίθεος Κλυτόνηος.
Verse: 120    οἱ δ' ἤτοι πρῶτον μὲν ἐπειρήσαντο πόδεσσι·
Verse: 121    τοῖσι δ' ἀπὸ νύσσης τέτατο δρόμος: οἱ δ' ἅμα πάντες
Verse: 122    καρπαλίμως ἐπέτοντο κονίοντες πεδίοιο.
Verse: 123    τῶν δὲ θέειν ὄχ' ἄριστος ἔην Κλυτόνηος ἀμύμων·
Verse: 124    ὅσσον τ' ἐν νειῷ οὖρον πέλει ἡμιόνοιιὴν,
Verse: 125    τόσσον ὑπεκπροθέων λαοὺς ἵκεθ', οἱ δ' ἐλίποντο.
Verse: 126    οἱ δὲ παλαιμοσύνης ἀλεγεινῆς πειρήσαντο·
Verse: 127    τῇ δ' αὖτ' Εὐρύαλος ἀπεκαίνυτο πάντας ἀρίστους.
Verse: 128    ἅλματι δ' ᾽Αμϕίαλος πάντων προϕερέστατος ἦεν·
Verse: 129    δίσκῳ δ' αὖ πάντων πολὺ ϕέρτατος ἦεν ᾽Ελατρεύς,
Verse: 130    πὺξ δ' αὖ Λαοδάμας, ἀγαθὸς πάιὴς ᾽Αλκινόοιο.

Verse: 131       αὐτὰρ ἐπεὶ δὴ πάντες ἐτέρϕθησαν ϕρέν' ἀέθλοις,
Verse: 132    τοῖσ' ἄρα Λαοδάμας μετέϕη, πάιὴς ᾽Αλκινόοιο·

Verse: 133       "δεῦτε, ϕίλοι, τὸν ξεῖνον ἐρώμεθα, εἴ τιν' ἄεθλον
Verse: 134    οἶδέ τε καὶ δεδάηκε· ϕυήν γε μὲν οὐ κακός ἐστι,
Verse: 135    μηρούς τε κνήμας τε καὶ ἄμϕω χεῖρας ὕπερθεν
Verse: 136    αὐχένα τε στιβαρὸν μέγα τε σθένος: οὐδέ τι ἥβης
Verse: 137    δεύεται, ἀλλὰ κακοῖσι συνέρρηκται πολέεσσιν.
Verse: 138    οὐ γὰρ ἔγωγέ τί ϕημι κακώτερον ἄλλο θαλάσσης
Verse: 139    ἄνδρα γε συγχεῦαι, εἰ καὶ μάλα καρτερὸς εἴη."

Verse: 140       τὸν δ' αὖτ' Εὐρύαλος ἀπαμείβετο ϕώνησέν τε·

Verse: 141       "Λαοδάμα, μάλα τοῦτο ἔπος κατὰ μοῖραν ἔειπες.
Verse: 142    αὐτὸς νῦν προκάλεσσαι ἰὼν καὶ πέϕραδε μῦθον."

Verse: 143       αὐτὰρ ἐπεὶ τό γ' ἄκουσ' ἀγαθὸς πάιὴς ᾽Αλκινόοιο,
Verse: 144    στῆ ῥ' ἐς μέσσον ἰὼν καὶ ᾽Οδυσσῆα προσέειπε·

Verse: 145       "δεῦρ' ἄγε καὶ σύ, ξεῖνε πάτερ, πείρησαι ἀέθλων,
Verse: 146    εἴ τινά που δεδάηκας: ἔοικε δέ σ' ἴδμεν ἀέθλους.
Verse: 147    οὐ μὲν γὰρ μεῖζον κλέος ἀνέρος, ὄϕρα κεν ᾖσιν,
Verse: 148    ἢ ὅ τι ποσσίν τε ῥέξῃ καὶ χερσὶν ἑῇσιν.
Verse: 149    ἀλλ' ἄγε πείρησαι, σκέδασον δ' ἀπὸ κήδεα θυμοῦ·
Verse: 150    σοὶ δ' ὁδὸς οὐκέτι δηρὸν ἀπέσσεται, ἀλλά τοι ἤδη
Verse: 151    νηῦς τε κατείρυσται καὶ ἐπαρτέες εἰσὶν ἑταῖροι."

Verse: 152       τὸν δ' ἀπαμειβόμενος προσέϕη πολύμητις ᾽Οδυσσεύς:

Verse: 153       "Λαοδάμα, τί με ταῦτα κελεύετε κερτομέοντες...
Verse: 154    κήδεά μοι καὶ μᾶλλον ἐνὶ ϕρεσὶν ἤ περ ἄεθλοι,
Verse: 155    ὃς πρὶν μὲν μάλα πολλὰ πάθον καὶ πολλὰ μόγησα,
Verse: 156    νῦν δὲ μεθ' ὑμετέρῃ ἀγορῇ νόστοιο χατίζων
Verse: 157    ἧμαι, λισσόμενος βασιλῆά τε πάντα τε δῆμον."

Verse: 158       τὸν δ' αὖτ' Εὐρύαλος ἀπαμείβετο νείκεσέ τ' ἄντην·

Verse: 159       "οὐ γάρ σ' οὐδέ, ξεῖνε, δαήμονι ϕωτὶ ἐί:σκω
Verse: 160    ἄθλων, οἷά τε πολλὰ μετ' ἀνθρώποισι πέλονται,
Verse: 161    ἀλλὰ τῷ, ὅς θ' ἅμα νηὶ: πολυκλήιὴδι θαμίζων,
Verse: 162    ἀρχὸς ναυτάων, οἵ τε πρηκτῆρες ἔασι,
Verse: 163    ϕόρτου τε μνήμων καὶ ἐπίσκοπος ᾖσιν ὁδαίων
Verse: 164    κερδέων θ' ἁρπαλέων· οὐδ' ἀθλητῆρι ἔοικας."

Verse: 165       τὸν δ' ἄρ' ὑπόδρα ἰδὼν προσέϕη πολύμητις ᾽Οδυσσεύς:

Verse: 166       "ξεῖν', οὐ καλὸν ἔειπες: ἀτασθάλῳ ἀνδρὶ ἔοικας.
Verse: 167    οὕτως οὐ πάντεσσι θεοὶ χαρίεντα διδοῦσιν
Verse: 168    ἀνδράσιν, οὔτε ϕυὴν οὔτ' ἂρ ϕρένας οὔτ' ἀγορητύν.
Verse: 169    ἄλλος μὲν γὰρ εἶδος ἀκιδνότερος πέλει ἀνήρ,
Verse: 170    ἀλλὰ θεὸς μορϕὴν ἔπεσι στέϕει, οἱ δέ τ' ἐς αὐτὸν
Verse: 171    τερπόμενοι λεύσσουσιν· ὁ δ' ἀσϕαλέως ἀγορεύει
Verse: 172    αἰδοῖ μειλιχίῃ, μετὰ δὲ πρέπει ἀγρομένοισιν,
Verse: 173    ἐρχόμενον δ' ἀνὰ ἄστυ θεὸν ὣς εἰσορόωσιν.
Verse: 174    ἄλλος δ' αὖ εἶδος μὲν ἀλίγκιος ἀθανάτοισιν,
Verse: 175    ἀλλ' οὔ οἱ χάρις ἀμϕὶ περιστέϕεται ἐπέεσσιν,
Verse: 176    ὡς καὶ σοὶ εἶδος μὲν ἀριπρεπές, οὐδέ κεν ἄλλως
Verse: 177    οὐδὲ θεὸς τεύξειε, νόον δ' ἀποϕώλιός ἐσσι.
Verse: 178    ὤρινάς μοι θυμὸν ἐνὶ στήθεσσι ϕίλοισιν
Verse: 179    εἰπὼν οὐ κατὰ κόσμον· ἐγὼ δ' οὐ νῆιὴς ἀέθλων,
Verse: 180    ὡς σύγε μυθεῖαι, ἀλλ' ἐν πρώτοισιν ὀί:ω
Verse: 181    ἔμμεναι, ὄϕρ' ἥβῃ τε πεποίθεα χερσί τ' ἐμῇσι.
Verse: 182    νῦν δ' ἔχομαι κακότητι καὶ ἄλγεσι· πολλὰ γὰρ ἔτλην,
Verse: 183    ἀνδρῶν τε πτολέμους ἀλεγεινά τε κύματα πείρων.
Verse: 184    ἀλλὰ καὶ ὧς, κακὰ πολλὰ παθών, πειρήσομ' ἀέθλων·
Verse: 185    θυμοδακὴς γὰρ μῦθος: ἐπώτρυνας δέ με εἰπών."

Verse: 186       ἦ ῥα, καὶ αὐτῷ ϕάρει ἀναί:ξας λάβε δίσκον
Verse: 187    μείζονα καὶ πάχετον, στιβαρώτερον οὐκ ὀλίγον περ
Verse: 188    ἢ οἵῳ Φαίηκες ἐδίσκεον ἀλλήλοισι.
Verse: 189    τόν ῥα περιστρέψας ἧκε στιβαρῆς ἀπὸ χειρός:
Verse: 190    βόμβησεν δὲ λίθος: κατὰ δὲ πτῆξαν ποτὶ γαίῃ
Verse: 191    Φαίηκες δολιχήρετμοι, ναυσικλυτοὶ ἄνδρες,
Verse: 192    λᾶος ὑπὸ ῥιπῆς: ὁ δ' ὑπέρπτατο σήματα πάντων
Verse: 193    ῥίμϕα θέων ἀπὸ χειρός. ἔθηκε δὲ τέρματ' ᾽Αθήνη
Verse: 194    ἀνδρὶ δέμας εἰκυῖα, ἔπος τ' ἔϕατ' ἔκ τ' ὀνόμαζε·

Verse: 195       "καί κ' ἀλαός τοι, ξεῖνε, διακρίνειε τὸ σῆμα
Verse: 196    ἀμϕαϕόων· ἐπεὶ οὔ τι μεμιγμένον ἐστὶν ὁμίλῳ,
Verse: 197    ἀλλὰ πολὺ πρῶτον. σὺ δὲ θάρσει τόνδε γ' ἄεθλον·
Verse: 198    οὔ τις Φαιήκων τόν γ' ἵξεται οὐδ' ὑπερήσει."

Verse: 199       ὣς ϕάτο, γήθησεν δὲ πολύτλας δῖος ᾽Οδυσσεύς,
Verse: 200    χαίρων οὕνεχ' ἑταῖρον ἐνηέα λεῦσσ' ἐν ἀγῶνι.
Verse: 201    καὶ τότε κουϕότερον μετεϕώνεε Φαιήκεσσι·

Verse: 202       "τοῦτον νῦν ἀϕίκεσθε, νέοι· τάχα δ' ὕστερον ἄλλον
Verse: 203    ἥσειν ἢ τοσσοῦτον ὀί:ομαι ἢ ἔτι μάσσον.
Verse: 204    τῶν δ' ἄλλων ὅτινα κραδίη θυμός τε κελεύει,
Verse: 205    δεῦρ' ἄγε πειρηθήτω, ἐπεί μ' ἐχολώσατε λίην,
Verse: 206    ἢ πὺξ ἠὲ πάλῃ ἢ καὶ ποσίν, οὔ τι μεγαίρω,
Verse: 207    πάντων Φαιήκων πλήν γ' αὐτοῦ Λαοδάμαντος.
Verse: 208    ξεῖνος γάρ μοι ὅδ' ἐστί· τίς ἂν ϕιλέοντι μάχοιτο;
Verse: 209    ἄϕρων δὴ κεῖνός γε καὶ οὐτιδανὸς πέλει ἀνήρ,
Verse: 210    ὅς τις ξεινοδόκῳ ἔριδα προϕέρηται ἀέθλων
Verse: 211    δήμῳ ἐν ἀλλοδαπῷ· ἕο δ' αὐτοῦ πάντα κολούει.
Verse: 212    τῶν δ' ἄλλων οὔ πέρ τιν' ἀναίνομαι οὐδ' ἀθερίζω,
Verse: 213    ἀλλ' ἐθέλω ἴδμεν καὶ πειρηθήμεναι ἄντην.
Verse: 214    πάντα γὰρ οὐ κακός εἰμι, μετ' ἀνδράσιν ὅσσοι ἄεθλοι·
Verse: 215    εὖ μὲν τόξον οἶδα ἐύξοον ἀμϕαϕάασθαι·
Verse: 216    πρῶτός κ' ἄνδρα βάλοιμι ὀιστεύσας ἐν ὁμίλῳ
Verse: 217    ἀνδρῶν δυσμενέων, εἰ καὶ μάλα πολλοὶ ἑταῖροι
Verse: 218    ἄγχι παρασταῖεν καὶ τοξαζοίατο ϕωτῶν.
Verse: 219    οἶος δή με Φιλοκτήτης ἀπεκαίνυτο τόξῳ
Verse: 220    δήμῳ ἔνι Τρώων, ὅτε τοξαζοίμεθ' ᾽Αχαιοί.
Verse: 221    τῶν δ' ἄλλων ἐμέ ϕημι πολὺ προϕερέστερον εἶναι,
Verse: 222    ὅσσοι νῦν βροτοί εἰσιν ἐπὶ χθονὶ σῖτον ἔδοντες.
Verse: 223    ἀνδράσι δὲ προτέροισιν ἐριζέμεν οὐκ ἐθελήσω,
Verse: 224    οὔθ' ῾Ηρακλῆιὴ οὔτ' Εὐρύτῳ Οἰχαλιῆιὴ,
Verse: 225    οἵ ῥα καὶ ἀθανάτοισιν ἐρίζεσκον περὶ τόξων.
Verse: 226    τῶ ῥα καὶ αἶψ' ἔθανεν μέγας Εὔρυτος, οὐδ' ἐπὶ γῆρας
Verse: 227    ἵκετ' ἐνὶ μεγάροισι· χολωσάμενος γὰρ ᾽Απόλλων
Verse: 228    ἔκτανεν, οὕνεκά μιν προκαλίζετο τοξάζεσθαι.
Verse: 229    δουρὶ δ' ἀκοντίζω ὅσον οὐκ ἄλλος τις ὀιστῷ.
Verse: 230    οἴοισιν δείδοικα ποσὶν μή τίς με παρέλθῃ
Verse: 231    Φαιήκων· λίην γὰρ ἀεικελίως ἐδαμάσθην
Verse: 232    κύμασιν ἐν πολλοῖς, ἐπεὶ οὐ κομιδὴ κατὰ νῆα
Verse: 233    ἦεν ἐπηετανός: τῶ μοι ϕίλα γυῖα λέλυνται."

Verse: 234       ὣς ἔϕαθ', οἱ δ' ἄρα πάντες ἀκὴν ἐγένοντο σιωπῇ·
Verse: 235    ᾽Αλκίνοος δέ μιν οἶος ἀμειβόμενος προσέειπε·

Verse: 236       "ξεῖν', ἐπεὶ οὐκ ἀχάριστα μεθ' ἡμῖν ταῦτ' ἀγορεύεις,
Verse: 237    ἀλλ' ἐθέλεις ἀρετὴν σὴν ϕαινέμεν, ἥ τοι ὀπηδεῖ,
Verse: 238    χωόμενος, ὅτι σ' οὗτος ἀνὴρ ἐν ἀγῶνι παραστὰς
Verse: 239    νείκεσεν, ὡς ἂν σὴν ἀρετὴν βροτὸς οὔ τις ὄνοιτο
Verse: 240    ὅς τις ἐπίσταιτο ᾗσι ϕρεσὶν ἄρτια βάζειν·
Verse: 241    ἀλλ' ἄγε νῦν ἐμέθεν ξυνίει ἔπος, ὄϕρα καὶ ἄλλῳ
Verse: 242    εἴπῃς ἡρώων, ὅτε κεν σοῖσ' ἐν μεγάροισι
Verse: 243    δαινύῃ παρὰ σῇ τ' ἀλόχῳ καὶ σοῖσι τέκεσσιν,
Verse: 244    ἡμετέρης ἀρετῆς μεμνημένος, οἷα καὶ ἡμῖν
Verse: 245    Ζεὺς ἐπὶ ἔργα τίθησι διαμπερὲς ἐξ ἔτι πατρῶν.
Verse: 246    οὐ γὰρ πυγμάχοι εἰμὲν ἀμύμονες οὐδὲ παλαισταί,
Verse: 247    ἀλλὰ ποσὶ κραιπνῶς θέομεν καὶ νηυσὶν ἄριστοι,
Verse: 248    αἰεὶ δ' ἡμῖν δαίς τε ϕίλη κίθαρίς τε χοροί τε
Verse: 249    εἵματά τ' ἐξημοιβὰ λοετρά τε θερμὰ καὶ εὐναί.
Verse: 250    ἀλλ' ἄγε, Φαιήκων βητάρμονες ὅσσοι ἄριστοι,
Verse: 251    παίσατε, ὥς χ' ὁ ξεῖνος ἐνίσπῃ οἷσι ϕίλοισιν,
Verse: 252    οἴκαδε νοστήσας, ὅσσον περιγινόμεθ' ἄλλων
Verse: 253    ναυτιλίῃ καὶ ποσσὶ καὶ ὀρχηστυῖ καὶ ἀοιδῇ.
Verse: 254    Δημοδόκῳ δέ τις αἶψα κιὼν ϕόρμιγγα λίγειαν
Verse: 255    οἰσέτω, ἥ που κεῖται ἐν ἡμετέροισι δόμοισιν."

Verse: 256       ὣς ἔϕατ' ᾽Αλκίνοος θεοείκελος, ὦρτο δὲ κῆρυξ
Verse: 257    οἴσων ϕόρμιγγα γλαϕυρὴν δόμου ἐκ βασιλῆος.
Verse: 258    αἰσυμνῆται δὲ κριτοὶ ἐννέα πάντες ἀνέσταν,
Verse: 259    δήμιοι, οἳ κατ' ἀγῶνα ἐὺ: πρήσσεσκον ἕκαστα,
Verse: 260    λείηναν δὲ χορόν, καλὸν δ' εὔρυναν ἀγῶνα.
Verse: 261    κῆρυξ δ' ἐγγύθεν ἦλθε ϕέρων ϕόρμιγγα λίγειαν
Verse: 262    Δημοδόκῳ· ὁ δ' ἔπειτα κί' ἐς μέσον· ἀμϕὶ δὲ κοῦροι
Verse: 263    πρωθῆβαι ἵσταντο, δαήμονες ὀρχηθμοῖο,
Verse: 264    πέπληγον δὲ χορὸν θεῖον ποσίν. αὐτὰρ ᾽Οδυσσεὺς
Verse: 265    μαρμαρυγὰς θηεῖτο ποδῶν, θαύμαζε δὲ θυμῷ.

Verse: 266       αὐτὰρ ὁ ϕορμίζων ἀνεβάλλετο καλὸν ἀείδειν
Verse: 267    ἀμϕ' ῎Αρεος ϕιλότητος ἐυὴστεϕάνου τ' ᾽Αϕροδίτης,
Verse: 268    ὡς τὰ πρῶτ' ἐμίγησαν ἐν ῾Ηϕαίστοιο δόμοισι
Verse: 269    λάθρῃ· πολλὰ δ' ἔδωκε, λέχος δ' ᾔσχυνε καὶ εὐνὴν
Verse: 270    ῾Ηϕαίστοιο ἄνακτος: ἄϕαρ δέ οἱ ἄγγελος ἦλθεν
Verse: 271    ῞Ηλιος, ὅ σϕ' ἐνόησε μιγαζομένους ϕιλότητι.
Verse: 272    ῞Ηϕαιστος δ' ὡς οὖν θυμαλγέα μῦθον ἄκουσε,
Verse: 273    βῆ ῥ' ἴμεν ἐς χαλκεῶνα, κακὰ ϕρεσὶ βυσσοδομεύων·
Verse: 274    ἐν δ' ἔθετ' ἀκμοθέτῳ μέγαν ἄκμονα, κόπτε δὲ δεσμοὺς
Verse: 275    ἀρρήκτους ἀλύτους, ὄϕρ' ἔμπεδον αὖθι μένοιεν.
Verse: 276    αὐτὰρ ἐπεὶ δὴ τεῦξε δόλον κεχολωμένος ῎Αρει,
Verse: 277    βῆ ῥ' ἴμεν ἐς θάλαμον, ὅθι οἱ ϕίλα δέμνι' ἔκειτο,
Verse: 278    ἀμϕὶ δ' ἄρ' ἑρμῖσιν χέε δέσματα κύκλῳ ἁπάντῃ·
Verse: 279    πολλὰ δὲ καὶ καθύπερθε μελαθρόϕιν ἐξεκέχυντο,
Verse: 280    ἠύτ' ἀράχνια λεπτά· τά γ' οὔ κέ τις οὐδὲ ἴδοιτο,
Verse: 281    οὐδὲ θεῶν μακάρων· περὶ γὰρ δολόεντα τέτυκτο.
Verse: 282    αὐτὰρ ἐπεὶ δὴ πάντα δόλον περὶ δέμνια χεῦεν,
Verse: 283    εἴσατ' ἴμεν ἐς Λῆμνον, ἐυκτίμενον πτολίεθρον,
Verse: 284    ἥ οἱ γαιάων πολὺ ϕιλτάτη ἐστὶν ἁπασέων.
Verse: 285    οὐδ' ἀλαὸς σκοπιὴν εἶχε χρυσήνιος ῎Αρης,
Verse: 286    ὡς ἴδεν ῞Ηϕαιστον κλυτοτέχνην νόσϕι κιόντα·
Verse: 287    βῆ δ' ἴμεναι πρὸς δῶμα περικλυτοῦ ῾Ηϕαίστοιο,
Verse: 288    ἰσχανόων ϕιλότητος ἐυστεϕάνου Κυθερείης.
Verse: 289    ἡ δὲ νέον παρὰ πατρὸς ἐρισθενέος Κρονίωνος
Verse: 290    ἐρχομένη κατ' ἄρ' ἕζεθ'· ὁ δ' εἴσω δώματος ᾔει,
Verse: 291    ἔν τ' ἄρα οἱ ϕῦ χειρὶ ἔπος τ' ἔϕατ' ἔκ τ' ὀνόμαζε·

Verse: 292       "δεῦρο, ϕίλη, λέκτρον δέ· τραπείομεν εὐνηθέντε·
Verse: 293    οὐ γὰρ ἔθ' ῞Ηϕαιστος μεταδήμιος, ἀλλά που ἤδη
Verse: 294    οἴχεται ἐς Λῆμνον μετὰ Σίντιας ἀγριοϕώνους."

Verse: 295       ὣς ϕάτο, τῇ δ' ἀσπαστὸν ἐείσατο κοιμηθῆναι.
Verse: 296    τὼ δ' ἐς δέμνια βάντε κατέδραθον· ἀμϕὶ δὲ δεσμοὶ
Verse: 297    τεχνήεντες ἔχυντο πολύϕρονος ῾Ηϕαίστοιο,
Verse: 298    οὐδέ τι κινῆσαι μελέων ἦν οὐδ' ἀναεῖραι.
Verse: 299    καὶ τότε δὴ γίνωσκον, ὅ τ' οὐκέτι ϕυκτὰ πέλοντο.
Verse: 300    ἀγχίμολον δέ σϕ' ἦλθε περικλυτὸς ἀμϕιγυήεις,
Verse: 301    αὖτις ὑποστρέψας πρὶν Λήμνου γαῖαν ἱκέσθαι·
Verse: 302    ᾽Ηέλιος γάρ οἱ σκοπιὴν ἔχεν εἶπέ τε μῦθον.
Verse: 304    ἔστη δ' ἐν προθύροισι, χόλος δέ μιν ἄγριος ᾕρει·
Verse: 305    σμερδαλέον δ' ἐβόησε, γέγωνέ τε πᾶσι θεοῖσι·

Verse: 306       "Ζεῦ πάτερ ἠδ' ἄλλοι μάκαρες θεοὶ αἰὲν ἐόντες,
Verse: 307    δεῦθ', ἵνα ἔργα γελαστὰ καὶ οὐκ ἐπιεικτὰ ἴδησθε,
Verse: 308    ὡς ἐμὲ χωλὸν ἐόντα Διὸς θυγάτηρ ᾽Αϕροδίτη
Verse: 309    αἰὲν ἀτιμάζει, ϕιλέει δ' ἀίδηλον ῎Αρηα,
Verse: 310    οὕνεχ' ὁ μὲν καλός τε καὶ ἀρτίπος, αὐτὰρ ἔγωγε
Verse: 311    ἠπεδανὸς γενόμην· ἀτὰρ οὔ τί μοι αἴτιος ἄλλος,
Verse: 312    ἀλλὰ τοκῆε δύω, τὼ μὴ γείνασθαι ὄϕελλον.
Verse: 313    ἀλλ' ὄψεσθ' ἵνα τώ γε καθεύδετον ἐν ϕιλότητι,
Verse: 314    εἰς ἐμὰ δέμνια βάντες: ἐγὼ δ' ὁρόων ἀκάχημαι.
Verse: 315    οὐ μέν σϕεας ἔτ' ἔολπα μίνυνθά γε κειέμεν οὕτω,
Verse: 316    καὶ μάλα περ ϕιλέοντε· τάχ' οὐκ ἐθελήσετον ἄμϕω
Verse: 317    εὕδειν· ἀλλά σϕωε δόλος καὶ δεσμὸς ἐρύξει,
Verse: 318    εἰς ὅ κέ μοι μάλα πάντα πατὴρ ἀποδῷσιν ἔεδνα,
Verse: 319    ὅσσα οἱ ἐγγυάλιξα κυνώπιδος εἵνεκα κούρης,
Verse: 320    οὕνεκά οἱ καλὴ θυγάτηρ, ἀτὰρ οὐκ ἐχέθυμος."

Verse: 321       ὣς ἔϕαθ', οἱ δ' ἀγέροντο θεοὶ ποτὶ χαλκοβατὲς δῶ·
Verse: 322    ἦλθε Ποσειδάων γαιήοχος, ἦλθ' ἐριούνης
Verse: 323    ῾Ερμείας, ἦλθεν δὲ ἄναξ ἑκάεργος ᾽Απόλλων.
Verse: 324    θηλύτεραι δὲ θεαὶ μένον αἰδοῖ οἴκοι ἑκάστη.
Verse: 325    ἔσταν δ' ἐν προθύροισι θεοί, δωτῆρες ἑάων·
Verse: 326    ἄσβεστος δ' ἄρ' ἐνῶρτο γέλως μακάρεσσι θεοῖσι
Verse: 327    τέχνας εἰσορόωσι πολύϕρονος ῾Ηϕαίστοιο.
Verse: 328    ὧδε δέ τις εἴπεσκεν ἰδὼν ἐς πλησίον ἄλλον·

Verse: 329       "οὐκ ἀρετᾷ κακὰ ἔργα· κιχάνει τοι βραδὺς ὠκύν,
Verse: 330    ὡς καὶ νῦν ῞Ηϕαιστος ἐὼν βραδὺς εἷλεν ῎Αρηα,
Verse: 331    ὠκύτατόν περ ἐόντα θεῶν, οἳ ῎Ολυμπον ἔχουσι,
Verse: 332    χωλὸς ἐών, τέχνῃσι· τὸ καὶ μοιχάγρι' ὀϕέλλει."

Verse: 333       ὣς οἱ μὲν τοιαῦτα πρὸς ἀλλήλους ἀγόρευον·
Verse: 334    ῾Ερμῆν δὲ προσέειπεν ἄναξ Διὸς υἱὸς, ᾽Απόλλων·

Verse: 335       "῾Ερμεία, Διὸς υἱέ, διάκτορε, δῶτορ ἑάων,
Verse: 336    ἦ ῥά κεν ἐν δεσμοῖσ' ἐθέλοις κρατεροῖσι πιεσθεὶς
Verse: 337    εὕδειν ἐν λέκτροισι παρὰ χρυσῇ ᾽Αϕροδίτῃ;"

Verse: 338       τὸν δ' ἠμείβετ' ἔπειτα διάκτορος ᾽Αργειὴϕόντης:

Verse: 339       "αἲ γὰρ τοῦτο γένοιτο, ἄναξ ἑκατηβόλ' ῎Απολλον.
Verse: 340    δεσμοὶ μὲν τρὶς τόσσοι ἀπείρονες ἀμϕὶς ἔχοιεν,
Verse: 341    ὑμεῖς δ' εἰσορόῳτε θεοὶ πᾶσαί τε θέαιναι,
Verse: 342    αὐτὰρ ἐγὼν εὕδοιμι παρὰ χρυσῇ ᾽Αϕροδίτῃ."

Verse: 343       ὣς ἔϕατ', ἐν δὲ γέλως ὦρτ' ἀθανάτοισι θεοῖσιν.
Verse: 344    οὐδὲ Ποσειδάωνα γέλως ἔχε, λίσσετο δ' αἰεὶ
Verse: 345    ῞Ηϕαιστον κλυτοεργόν, ὅπως λύσειεν ῎Αρηα·
Verse: 346    καί μιν ϕωνήσας ἔπεα πτερόεντα προσηύδα·

Verse: 347       "λῦσον· ἐγὼ δέ τοι αὐτὸν ὑπίσχομαι, ὡς σὺ κελεύεις,
Verse: 348    τίσειν αἴσιμα πάντα μετ' ἀθανάτοισι θεοῖσι·"

Verse: 349       τὸν δ' αὖτε προσέειπε περικλυτὸς ἀμϕιγυήεις:

Verse: 350       "μή με, Ποσείδαον γαιήοχε, ταῦτα κέλευε·
Verse: 351    δειλαί τοι δειλῶν γε καὶ ἐγγύαι ἐγγυάασθαι.
Verse: 352    πῶς ἂν ἐγώ σε δέοιμι μετ' ἀθανάτοισι θεοῖσιν,
Verse: 353    εἴ κεν ῎Αρης οἴχοιτο χρέος καὶ δεσμὸν ἀλύξας..."

Verse: 354       τὸν δ' αὖτε προσέειπε Ποσειδάων ἐνοσίχθων·

Verse: 355       "῞Ηϕαιστ', εἴ περ γάρ κεν ῎Αρης χρεῖος ὑπαλύξας
Verse: 356    οἴχηται ϕεύγων, αὐτός τοι ἐγὼ τάδε τίσω."

Verse: 357       τὸν δ' ἠμείβετ' ἔπειτα περικλυτὸς ἀμϕιγυήεις:

Verse: 358       "οὐκ ἔστ' οὐδὲ ἔοικε τεὸν ἔπος ἀρνήσασθαι."

Verse: 359       ὣς εἰπὼν δεσμὸν ἀνίει μένος ῾Ηϕαίστοιο.
Verse: 360    τὼ δ' ἐπεὶ ἐκ δεσμοῖο λύθεν, κρατεροῦ περ ἐόντος,
Verse: 361    αὐτίκ' ἀναί:ξαντε ὁ μὲν Θρῄκην δὲ βεβήκει,
Verse: 362    ἡ δ' ἄρα Κύπρον ἵκανε ϕιλομμειδὴς ᾽Αϕροδίτη,
Verse: 363    ἐς Πάϕον, ἔνθα τέ οἱ τέμενος βωμός τε θυήεις.
Verse: 364    ἔνθα δέ μιν Χάριτες λοῦσαν καὶ χρῖσαν ἐλαίῳ,
Verse: 365    ἀμβρότῳ, οἷα θεοὺς ἐπενήνοθεν αἰὲν ἐόντας,
Verse: 366    ἀμϕὶ δὲ εἵματα ἕσσαν ἐπήρατα, θαῦμα ἰδέσθαι.

Verse: 367       ταῦτ' ἄρ' ἀοιδὸς ἄειδε περικλυτός: αὐτὰρ ᾽Οδυσσεὺς
Verse: 368    τέρπετ' ἐνὶ ϕρεσὶν ᾗσιν ἀκούων ἠδὲ καὶ ἄλλοι
Verse: 369    Φαίηκες δολιχήρετμοι, ναυσικλυτοὶ ἄνδρες.

Verse: 370       ᾽Αλκίνοος δ' ῞Αλιον καὶ Λαοδάμαντα κέλευσε
Verse: 371    μουνὰξ ὀρχήσασθαι, ἐπεί σϕισιν οὔ τις ἔριζεν.
Verse: 372    οἱ δ' ἐπεὶ οὖν σϕαῖραν καλὴν μετὰ χερσὶν ἕλοντο,
Verse: 373    πορϕυρέην, τήν σϕιν Πόλυβος ποίησε δαί:ϕρων,
Verse: 374    τὴν ἕτερος ῥίπτασκε ποτὶ νέϕεα σκιόεντα
Verse: 375    ἰδνωθεὶς ὀπίσω· ὁ δ' ἀπὸ χθονὸς ὑψόσ' ἀερθεὶς
Verse: 376    ῥηιδίως μεθέλεσκε, πάρος ποσὶν οὖδας ἱκέσθαι.
Verse: 377    αὐτὰρ ἐπεὶ δὴ σϕαίρῃ ἀν' ἰθὺν πειρήσαντο,
Verse: 378    ὀρχείσθην δὴ ἔπειτα ποτὶ χθονὶ πουλυβοτείρῃ
Verse: 379    ταρϕέ' ἀμειβομένω· κοῦροι δ' ἐπελήκεον ἄλλοι
Verse: 380    ἑστεῶτες κατ' ἀγῶνα, πολὺς δ' ὑπὸ κόμπος ὀρώρει.
Verse: 381    δὴ τότ' ἄρ' ᾽Αλκίνοον προσεϕώνεε δῖος ᾽Οδυσσεύς:

Verse: 382       "᾽Αλκίνοε κρεῖον, πάντων ἀριδείκετε λαῶν,
Verse: 383    ἠμὲν ἀπείλησας βητάρμονας εἶναι ἀρίστους,
Verse: 384    ἠδ' ἄρ' ἑτοῖμα τέτυκτο· σέβας μ' ἔχει εἰσορόωντα."

Verse: 385       ὣς ϕάτο, γήθησεν δ' ἱερὸν μένος ᾽Αλκινόοιο,
Verse: 386    αἶψα δὲ Φαιήκεσσι ϕιληρέτμοισι μετηύδα·

Verse: 387       "κέκλυτε, Φαιήκων ἡγήτορες ἠδὲ μέδοντες:
Verse: 388    ὁ ξεῖνος μάλα μοι δοκέει πεπνυμένος εἶναι.
Verse: 389    ἀλλ' ἄγε οἱ δῶμεν ξεινήιον, ὡς ἐπιεικές.
Verse: 390    δώδεκα γὰρ κατὰ δῆμον ἀριπρεπέες βασιλῆες
Verse: 391    ἀρχοὶ κραίνουσι, τρισκαιδέκατος δ' ἐγὼ αὐτός:
Verse: 392    τῶν οἱ ἕκαστος ϕᾶρος ἐυπλυνὲς ἠδὲ χιτῶνα
Verse: 393    καὶ χρυσοῖο τάλαντον ἐνείκατε τιμήεντος.
Verse: 394    αἶψα δὲ πάντα ϕέρωμεν ἀολλέα, ὄϕρ' ἐνὶ χερσὶ
Verse: 395    ξεῖνος ἔχων ἐπὶ δόρπον ἴῃ χαίρων ἐνὶ θυμῷ.
Verse: 396    Εὐρύαλος δέ ἑ αὐτὸν ἀρεσσάσθω ἐπέεσσι
Verse: 397    καὶ δώρῳ, ἐπεὶ οὔ τι ἔπος κατὰ μοῖραν ἔειπεν."

Verse: 398       ὣς ἔϕαθ', οἱ δ' ἄρα πάντες ἐπῄνεον ἠδ' ἐκέλευον,
Verse: 399    δῶρα δ' ἄρ' οἰσέμεναι πρόεσαν κήρυκα ἕκαστος.
Verse: 400    τὸν δ' αὖτ' Εὐρύαλος ἀπαμείβετο ϕώνησέν τε·

Verse: 401       "᾽Αλκίνοε κρεῖον, πάντων ἀριδείκετε λαῶν,
Verse: 402    τοὶ γὰρ ἐγὼ τὸν ξεῖνον ἀρέσσομαι, ὡς σὺ κελεύεις.
Verse: 403    δώσω οἱ τόδ' ἄορ παγχάλκεον, ᾧ ἔπι κώπη
Verse: 404    ἀργυρέη, κολεὸν δὲ νεοπρίστου ἐλέϕαντος
Verse: 405    ἀμϕιδεδίνηται· πολέος δέ οἱ ἄξιον ἔσται."

Verse: 406       ὣς εἰπὼν ἐν χερσὶ τίθει ξίϕος ἀργυρόηλον,
Verse: 407    καί μιν ϕωνήσας ἔπεα πτερόεντα προσηύδα·

Verse: 408       "χαῖρε, πάτερ ὦ ξεῖνε· ἔπος δ' εἴ περ τι βέβακται
Verse: 409    δεινόν, ἄϕαρ τὸ ϕέροιεν ἀναρπάξασαι ἄελλαι.
Verse: 410    σοὶ δὲ θεοὶ ἄλοχόν τ' ἰδέειν καὶ πατρίδ' ἱκέσθαι
Verse: 411    δοῖεν, ἐπεὶ δὴ δηθὰ ϕίλων ἄπο πήματα πάσχεις."

Verse: 412       τὸν δ' ἀπαμειβόμενος προσέϕη πολύμητις ᾽Οδυσσεύς:

Verse: 413       "καὶ σύ, ϕίλος, μάλα χαῖρε, θεοὶ δέ τοι ὄλβια δοῖεν·
Verse: 414    μηδέ τί τοι ξίϕεός γε ποθὴ μετόπισθε γένοιτο
Verse: 415    τούτου, ὃ δή μοι δῶκας ἀρεσσάμενος ἐπέεσσιν."

Verse: 416       ἦ ῥα, καὶ ἀμϕ' ὤμοισι θέτο ξίϕος ἀργυρόηλον.
Verse: 417    δύσετό τ' ἠέλιος, καὶ τῷ κλυτὰ δῶρα παρῆεν.
Verse: 418    καὶ τά γ' ἐς ᾽Αλκινόοιο ϕέρον κήρυκες ἀγαυοί·
Verse: 419    δεξάμενοι δ' ἄρα παῖδες ἀμύμονος ᾽Αλκινόοιο
Verse: 420    μητρὶ παρ' αἰδοίῃ ἔθεσαν περικαλλέα δῶρα.
Verse: 421    τοῖσιν δ' ἡγεμόνευ' ἱερὸν μένος ᾽Αλκινόοιο,
Verse: 422    ἐλθόντες δὲ καθῖζον ἐν ὑψηλοῖσι θρόνοισι.
Verse: 423    δή ῥα τότ' ᾽Αρήτην προσέϕη μένος ᾽Αλκινόοιο·

Verse: 424       "δεῦρο, γύναι, ϕέρε χηλὸν ἀριπρεπέ', ἥ τις ἀρίστη·
Verse: 425    ἐν δ' αὐτὴ θὲς ϕᾶρος ἐυπλυνὲς ἠδὲ χιτῶνα.
Verse: 426    ἀμϕὶ δέ οἱ πυρὶ χαλκὸν ἰήνατε, θέρμετε δ' ὕδωρ,
Verse: 427    ὄϕρα λοεσσάμενός τε ἰδών τ' εὖ κείμενα πάντα
Verse: 428    δῶρα, τά οἱ Φαίηκες ἀμύμονες ἐνθάδ' ἔνεικαν,
Verse: 429    δαιτί τε τέρπηται καὶ ἀοιδῆς ὕμνον ἀκούων.
Verse: 430    καί οἱ ἐγὼ τόδ' ἄλεισον ἐμὸν περικαλλὲς ὀπάσσω,
Verse: 431    χρύσεον, ὄϕρ' ἐμέθεν μεμνημένος ἤματα πάντα
Verse: 432    σπένδῃ ἐνὶ μεγάρῳ Διί τ' ἄλλοισίν τε θεοῖσιν."

Verse: 433       ὣς ἔϕατ', ᾽Αρήτη δὲ μετὰ δμῳῇσιν ἔειπεν
Verse: 434    ἀμϕὶ πυρὶ στῆσαι τρίποδα μέγαν ὅττι τάχιστα.
Verse: 435    αἱ δὲ λοετροχόον τρίποδ' ἵστασαν ἐν πυρὶ κηλέῳ,
Verse: 436    ἐν δ' ἄρ' ὕδωρ ἔχεον, ὑπὸ δὲ ξύλα δαῖον ἑλοῦσαι.
Verse: 437    γάστρην μὲν τρίποδος πῦρ ἄμϕεπε, θέρμετο δ' ὕδωρ·
Verse: 438    τόϕρα δ' ἄρ' ᾽Αρήτη ξείνῳ περικαλλέα χηλὸν
Verse: 439    ἐξέϕερεν θαλάμοιο, τίθει δ' ἐνὶ κάλλιμα δῶρα,
Verse: 440    ἐσθῆτα χρυσόν τε, τά οἱ Φαίηκες ἔδωκαν·
Verse: 441    ἐν δ' αὐτὴ ϕᾶρος θῆκεν καλόν τε χιτῶνα,
Verse: 442    καί μιν ϕωνήσασ' ἔπεα πτερόεντα προσηύδα·

Verse: 443       "αὐτὸς νῦν ἴδε πῶμα, θοῶς δ' ἐπὶ δεσμὸν ἴηλον,
Verse: 444    μή τίς τοι καθ' ὁδὸν δηλήσεται, ὁππότ' ἂν αὖτε
Verse: 445    εὕδῃσθα γλυκὺν ὕπνον ἰὼν ἐν νηὶ: μελαίνῃ."

Verse: 446       αὐτὰρ ἐπεὶ τό γ' ἄκουσε πολύτλας δῖος ᾽Οδυσσεύς,
Verse: 447    αὐτίκ' ἐπήρτυε πῶμα, θοῶς δ' ἐπὶ δεσμὸν ἴηλε
Verse: 448    ποικίλον, ὅν ποτέ μιν δέδαε ϕρεσὶ πότνια Κίρκη.
Verse: 449    αὐτόδιον δ' ἄρα μιν ταμίη λούσασθαι ἀνώγει
Verse: 450    ἔς ῥ' ἀσάμινθον βάνθ'· ὁ δ' ἄρ' ἀσπασίως ἴδε θυμῷ
Verse: 451    θερμὰ λοέτρ', ἐπεὶ οὔ τι κομιζόμενός γε θάμιζεν,
Verse: 452    ἐπεὶ δὴ λίπε δῶμα Καλυψοῦς ἠυκόμοιο·
Verse: 453    τόϕρα δέ οἱ κομιδή γε θεῷ ὣς ἔμπεδος ἦεν.
Verse: 454    τὸν δ' ἐπεὶ οὖν δμῳαὶ λοῦσαν καὶ χρῖσαν ἐλαίῳ,
Verse: 455    ἀμϕὶ δέ μιν χλαῖναν καλὴν βάλον ἠδὲ χιτῶνα,
Verse: 456    ἔκ ῥ' ἀσαμίνθου βὰς ἄνδρας μέτα οἰνοποτῆρας
Verse: 457    ἤιε. Ναυσικάα δὲ θεῶν ἄπο κάλλος ἔχουσα
Verse: 458    στῆ ῥα παρὰ σταθμὸν τέγεος πύκα ποιητοῖο,
Verse: 459    θαύμαζεν δ' ᾽Οδυσῆα ἐν ὀϕθαλμοῖσιν ὁρῶσα,
Verse: 460    καί μιν ϕωνήσασ' ἔπεα πτερόεντα προσηύδα·

Verse: 461       "χαῖρε, ξεῖν', ἵνα καί ποτ' ἐὼν ἐν πατρίδι γαίῃ
Verse: 462    μνήσῃ ἐμεῦ, ὅτι μοι πρώτῃ ζωάγρι' ὀϕέλλεις."

Verse: 463       τὴν δ' ἀπαμειβόμενος προσέϕη πολύμητις ᾽Οδυσσεύς:

Verse: 464       "Ναυσικάα, θύγατερ μεγαλήτορος ᾽Αλκινόοιο,
Verse: 465    οὕτω νῦν Ζεὺς θείη, ἐρίγδουπος πόσις ῞Ηρης,
Verse: 466    οἴκαδέ τ' ἐλθέμεναι καὶ νόστιμον ἦμαρ ἰδέσθαι.
Verse: 467    τῶ κέν τοι καὶ κεῖθι θεῷ ὣς εὐχετοῴμην
Verse: 468    αἰεὶ ἤματα πάντα· σὺ γάρ μ' ἐβιώσαο, κούρη."

Verse: 469       ἦ ῥα καὶ ἐς θρόνον ἷζε παρ' ᾽Αλκίνοον βασιλῆα.
Verse: 470    οἱ δ' ἤδη μοίρας τε νέμον κερόωντό τε οἶνον.
Verse: 471    κῆρυξ δ' ἐγγύθεν ἦλθεν ἄγων ἐρίηρον ἀοιδόν,
Verse: 472    Δημόδοκον λαοῖσι τετιμένον· εἷσε δ' ἄρ' αὐτὸν
Verse: 473    μέσσῳ δαιτυμόνων, πρὸς κίονα μακρὸν ἐρείσας.
Verse: 474    δὴ τότε κήρυκα προσέϕη πολύμητις ᾽Οδυσσεύς,
Verse: 475    νώτου ἀπὸ πρὸ ταμών ή ἐπὶ δὲ πλεῖον ἐλέλειπτο ή
Verse: 476    ἀργιόδοντος ὑός, θαλερὴ δ' ἦν ἀμϕὶς ἀλοιϕή·

Verse: 477       "κῆρυξ, τῆ δή, τοῦτο πόρε κρέας, ὄϕρα ϕάγῃσι,
Verse: 478    Δημοδόκῳ, καί μιν προσπτύξομαι, ἀχνύμενός περ·
Verse: 479    πᾶσι γὰρ ἀνθρώποισιν ἐπιχθονίοισιν ἀοιδοὶ
Verse: 480    τιμῆς ἔμμοροί εἰσι καὶ αἰδοῦς, οὕνεκ' ἄρα σϕέας
Verse: 481    οἴμας Μοῦσ' ἐδίδαξε, ϕίλησε δὲ ϕῦλον ἀοιδῶν."

Verse: 482       ὣς ἄρ' ἔϕη, κῆρυξ δὲ ϕέρων ἐν χερσὶν ἔθηκεν
Verse: 483    ἥρῳ Δημοδόκῳ· ὁ δ' ἐδέξατο, χαῖρε δὲ θυμῷ.
Verse: 484    οἱ δ' ἐπ' ὀνείαθ' ἑτοῖμα προκείμενα χεῖρας ἴαλλον.
Verse: 485    αὐτὰρ ἐπεὶ πόσιος καὶ ἐδητύος ἐξ ἔρον ἕντο,
Verse: 486    δὴ τότε Δημόδοκον προσέϕη πολύμητις ᾽Οδυσσεύς:

Verse: 487       "Δημόδοκ', ἔξοχα δή σε βροτῶν αἰνίζομ' ἁπάντων.
Verse: 488    ἢ σέγε Μοῦσ' ἐδίδαξε, Διὸς παῖς, ἢ σέγ' ᾽Απόλλων·
Verse: 489    λίην γὰρ κατὰ κόσμον ᾽Αχαιῶν οἶτον ἀείδεις,
Verse: 490    ὅσσ' ἕρξαν τ' ἔπαθόν τε καὶ ὅσσ' ἐμόγησαν ᾽Αχαιοί,
Verse: 491    ὥς τέ που ἢ αὐτὸς παρεὼν ἢ ἄλλου ἀκούσας.
Verse: 492    ἀλλ' ἄγε δὴ μετάβηθι καὶ ἵππου κόσμον ἄεισον
Verse: 493    δουρατέου, τὸν ᾽Επειὸς ἐποίησεν σὺν ᾽Αθήνῃ,
Verse: 494    ὅν ποτ' ἐς ἀκρόπολιν δόλῳ ἤγαγε δῖος ᾽Οδυσσεὺς,
Verse: 495    ἀνδρῶν ἐμπλήσας οἳ ῥ' ῎Ιλιον ἐξαλάπαξαν.
Verse: 496    αἴ κεν δή μοι ταῦτα κατὰ μοῖραν καταλέξῃς,
Verse: 497    αὐτίκ' ἐγὼ πᾶσιν μυθήσομαι ἀνθρώποισιν
Verse: 498    ὡς ἄρα τοι πρόϕρων θεὸς ὤπασε θέσπιν ἀοιδήν."

Verse: 499       ὣς ϕάθ', ὁ δ' ὁρμηθεὶς θεοῦ ἤρχετο, ϕαῖνε δ' ἀοιδήν,
Verse: 500    ἔνθεν ἑλών ὡς οἱ μὲν ἐυσσέλμων ἐπὶ νηῶν
Verse: 501    βάντες ἀπέπλειον, πῦρ ἐν κλισίῃσι βαλόντες,
Verse: 502    ᾽Αργεῖοι, τοὶ δ' ἤδη ἀγακλυτὸν ἀμϕ' ᾽Οδυσῆα
Verse: 503    εἵατ' ἐνὶ Τρώων ἀγορῇ κεκαλυμμένοι ἵππῳ·
Verse: 504    αὐτοὶ γάρ μιν Τρῶες ἐς ἀκρόπολιν ἐρύσαντο.
Verse: 505    ὣς ὁ μὲν ἑστήκει, τοὶ δ' ἄκριτα πόλλ' ἀγόρευον
Verse: 506    ἥμενοι ἀμϕ' αὐτόν· τρίχα δέ σϕισιν ἥνδανε βουλή,
Verse: 507    ἠὲ διαπλῆξαι κοῖλον δόρυ νηλέι χαλκῷ,
Verse: 508    ἢ κατὰ πετράων βαλέειν ἐρύσαντας ἐπ' ἄκρης,
Verse: 509    ἢ ἐάαν μέγ' ἄγαλμα θεῶν θελκτήριον εἶναι,
Verse: 510    τῇ περ δὴ καὶ ἔπειτα τελευτήσεσθαι ἔμελλεν·
Verse: 511    αἶσα γὰρ ἦν ἀπολέσθαι, ἐπὴν πόλις ἀμϕικαλύψῃ
Verse: 512    δουράτεον μέγαν ἵππον, ὅθ' εἵατο πάντες ἄριστοι
Verse: 513    ᾽Αργεῖοι Τρώεσσι ϕόνον καὶ κῆρα ϕέροντες.
Verse: 514    ἤειδεν δ' ὡς ἄστυ διέπραθον υἷες ᾽Αχαιῶν
Verse: 515    ἱππόθεν ἐκχύμενοι, κοῖλον λόχον ἐκπρολιπόντες.
Verse: 516    ἄλλον δ' ἄλλῃ ἄειδε πόλιν κεραιὴζέμεν αἰπήν,
Verse: 517    αὐτὰρ ᾽Οδυσσῆα προτὶ δώματα Δηιὴϕόβοιο
Verse: 518    βήμεναι, ἠυ?τ' ῎Αρηα, σὺν ἀντιθέῳ Μενελάῳ.
Verse: 519    κεῖθι δὴ αἰνότατον πόλεμον ϕάτο τολμήσαντα
Verse: 520    νικῆσαι καὶ ἔπειτα διὰ μεγάθυμον ᾽Αθήνην.

Verse: 521       ταῦτ' ἄρ' ἀοιδὸς ἄειδε περικλυτός: αὐτὰρ ᾽Οδυσσεὺς
Verse: 522    τήκετο, δάκρυ δ' ἔδευεν ὑπὸ βλεϕάροισι παρειάς.
Verse: 523    ὡς δὲ γυνὴ κλαίῃσι ϕίλον πόσιν ἀμϕιπεσοῦσα,
Verse: 524    ὅς τε ἑῆς πρόσθεν πόλιος λαῶν τε πέσῃσιν,
Verse: 525    ἄστειὴ καὶ τεκέεσσιν ἀμύνων νηλεὲς ἦμαρ·
Verse: 526    ἡ μὲν τὸν θνῄσκοντα καὶ ἀσπαίροντ' ἐσιδοῦσα
Verse: 527    ἀμϕ' αὐτῷ χυμένη λίγα κωκύει· οἱ δέ τ' ὄπισθε
Verse: 528    κόπτοντες δούρεσσι μετάϕρενον ἠδὲ καὶ ὤμους
Verse: 529    εἴρερον εἰσανάγουσι, πόνον τ' ἐχέμεν καὶ ὀιζύν·
Verse: 530    τῆς δ' ἐλεεινοτάτῳ ἄχειὴ ϕθινύθουσι παρειαί·
Verse: 531    ὣς ᾽Οδυσεὺς ἐλεεινὸν ὑπ' ὀϕρύσι δάκρυον εἶβεν.
Verse: 532    ἔνθ' ἄλλους μὲν πάντας ἐλάνθανε δάκρυα λείβων,
Verse: 533    ᾽Αλκίνοος δέ μιν οἶος ἐπεϕράσατ' ἠδ' ἐνόησεν
Verse: 534    ἥμενος ἄγχ' αὐτοῦ, βαρὺ δὲ στενάχοντος ἄκουσεν.
Verse: 535    αἶψα δὲ Φαιήκεσσι ϕιληρέτμοισι μετηύδα·

Verse: 536       "κέκλυτε, Φαιήκων ἡγήτορες ἠδὲ μέδοντες,
Verse: 537    Δημόδοκος δ' ἤδη σχεθέτω ϕόρμιγγα λίγειαν·
Verse: 538    οὐ γάρ πως πάντεσσι χαριζόμενος τάδ' ἀείδει.
Verse: 539    ἐξ οὗ δορπέομέν τε καὶ ὤρορε θεῖος ἀοιδός,
Verse: 540    ἐκ τοῦδ' οὔ πω παύσατ' ὀιζυροῖο γόοιο
Verse: 541    ὁ ξεῖνος: μάλα πού μιν ἄχος ϕρένας ἀμϕιβέβηκεν.
Verse: 542    ἀλλ' ἄγ' ὁ μὲν σχεθέτω, ἵν' ὁμῶς τερπώμεθα πάντες,
Verse: 543    ξεινοδόκοι καὶ ξεῖνος, ἐπεὶ πολὺ κάλλιον οὕτω῎·
Verse: 544    εἵνεκα γὰρ ξείνοιο τάδ' αἰδοίοιο τέτυκται,
Verse: 545    πομπὴ καὶ ϕίλα δῶρα, τὰ οἱ δίδομεν ϕιλέοντες.
Verse: 546    ἀντὶ κασιγνήτου ξεῖνός θ' ἱκέτης τε τέτυκται
Verse: 547    ἀνέρι, ὅς τ' ὀλίγον περ ἐπιψαύῃ πραπίδεσσι.
Verse: 548    τῶ νῦν μηδὲ σὺ κεῦθε νοήμασι κερδαλέοισιν
Verse: 549    ὅττι κέ σ' εἴρωμαι· ϕάσθαι δέ σε κάλλιόν ἐστιν.
Verse: 550    εἴπ' ὄνομ' ὅττι σε κεῖθι κάλεον μήτηρ τε πατήρ τε,
Verse: 551    ἄλλοι θ' οἳ κατὰ ἄστυ καὶ οἳ περιναιετάουσιν.
Verse: 552    οὐ μὲν γάρ τις πάμπαν ἀνώνυμός ἐστ' ἀνθρώπων,
Verse: 553    οὐ κακὸς οὐδὲ μὲν ἐσθλός, ἐπὴν τὰ πρῶτα γένηται,
Verse: 554    ἀλλ' ἐπὶ πᾶσι τίθενται, ἐπεί κε τέκωσι, τοκῆες.
Verse: 555    εἰπὲ δέ μοι γαῖάν τε τεὴν δῆμόν τε πόλιν τε,
Verse: 556    ὄϕρα σε τῇ πέμπωσι τιτυσκόμεναι ϕρεσὶ νῆες.
Verse: 557    οὐ γὰρ Φαιήκεσσι κυβερνητῆρες ἔασιν,
Verse: 558    οὐδέ τι πηδάλι' ἐστί, τά τ' ἄλλαι νῆες ἔχουσιν·
Verse: 559    ἀλλ' αὐταὶ ἴσασι νοήματα καὶ ϕρένας ἀνδρῶν,
Verse: 560    καὶ πάντων ἴσασι πόλιας καὶ πίονας ἀγροὺς
Verse: 561    ἀνθρώπων, καὶ λαῖτμα τάχισθ' ἁλὸς ἐκπερόωσιν
Verse: 562    ἠέρι καὶ νεϕέλῃ κεκαλυμμέναι· οὐδέ ποτέ σϕιν
Verse: 563    οὔτε τι πημανθῆναι ἔπι δέος οὔτ' ἀπολέσθαι.
Verse: 564    ἀλλὰ τόδ' ὥς ποτε πατρὸς ἐγὼν εἰπόντος ἄκουσα
Verse: 565    Ναυσιθόου, ὃς ἔϕασκε Ποσειδάων' ἀγάσεσθαι
Verse: 566    ἡμῖν, οὕνεκα πομποὶ ἀπήμονές εἰμεν ἁπάντων.
Verse: 567    ϕῆ ποτε Φαιήκων ἀνδρῶν εὐεργέα νῆα
Verse: 568    ἐκ πομπῆς ἀνιοῦσαν ἐν ἠεροειδέι πόντῳ
Verse: 569    ῥαισέσθαι, μέγα δ' ἧμιν ὄρος πόλει ἀμϕικαλύψειν.
Verse: 570    ὣς ἀγόρευ' ὁ γέρων· τὰ δέ κεν θεὸς ἢ τελέσειεν,
Verse: 571    ἤ κ' ἀτέλεστ' εἴη, ὥς οἱ ϕίλον ἔπλετο θυμῷ.
Verse: 572    ἀλλ' ἄγε μοι τόδε εἰπὲ καὶ ἀτρεκέως κατάλεξον,
Verse: 573    ὅππῃ ἀπεπλάγχθης τε καὶ ἅς τινας ἵκεο χώρας
Verse: 574    ἀνθρώπων, αὐτούς τε πόλιάς τ' ἐυναιεταώσας,
Verse: 575    ἠμὲν ὅσοι χαλεποί τε καὶ ἄγριοι οὐδὲ δίκαιοι,
Verse: 576    οἵ τε ϕιλόξεινοι καί σϕιν νόος ἐστὶ θεουδής.
Verse: 577    εἰπὲ δ' ὅ τι κλαίεις καὶ ὀδύρεαι ἔνδοθι θυμῷ
Verse: 578    ᾽Αργείων Δαναῶν ἠδ' ᾽Ιλίου οἶτον ἀκούων.
Verse: 579    τὸν δὲ θεοὶ μὲν τεῦξαν, ἐπεκλώσαντο δ' ὄλεθρον
Verse: 580    ἀνθρώποις, ἵνα ᾖσι καὶ ἐσσομένοισιν ἀοιδή.
Verse: 581    ἦ τίς τοι καὶ πηὸς ἀπέϕθιτο ᾽Ιλιόθι πρό
Verse: 582    ἐσθλὸς ἐών, γαμβρὸς ἢ πενθερός... οἵ τε μάλιστα
Verse: 583    κήδιστοι τελέθουσι μεθ' αἷμά τε καὶ γένος αὐτῶν.
Verse: 584    ἦ τίς που καὶ ἑταῖρος ἀνὴρ κεχαρισμένα εἰδώς,
Verse: 585    ἐσθλός... ἐπεὶ οὐ μέν τι κασιγνήτοιο χερείων
Verse: 586    γίνεται, ὅς κεν ἑταῖρος ἐὼν πεπνυμένα εἰδῇ."



Next part


This text is part of the TITUS edition of Homer, Odyssee.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.