TITUS
Vetus Testamentum graece iuxta LXX interpretes
Part No. 760
Previous part

Chapter: 30 
Verse: 1  Τοὺς ἐμοὺς λόγους, υἱέ, ϕοβήθητι
καὶ δεξάμενος αὐτοὺς μετανόει·
τάδε λέγει ὁ ἀνὴρ τοῖς πιστεύουσιν θεῷ, καὶ παύομαι·
Verse: 2  ἀϕρονέστατος γάρ εἰμι πάντων ἀνθρώπων,
καὶ ϕρόνησις ἀνθρώπων οὐκ ἔστιν ἐν ἐμοί·
Verse: 3  θεὸς δεδίδαχέν με σοϕίαν,
καὶ γνῶσιν ἁγίων ἔγνωκα.
Verse: 4  τίς ἀνέβη εἰς τὸν οὐρανὸν καὶ κατέβη;
τίς συνήγαγεν ἀνέμους ἐν κόλπῳ;
τίς συνέστρεψεν ὕδωρ ἐν ἱματίῳ;
τίς ἐκράτησεν πάντων τῶν ἄκρων τῆς γῆς;
τί ὄνομα αὐτῷ, ἢ τί ὄνομα τοῖς τέκνοις αὐτοῦ, ἵνα γνῷς;
Verse: 5  πάντες λόγοι θεοῦ πεπυρωμένοι,
ὑπερασπίζει δὲ αὐτὸς τῶν εὐλαβουμένων αὐτόν·
Verse: 6  μὴ προσθῇς τοῖς λόγοις αὐτοῦ,
ἵνα μὴ ἐλέγξῃ σε καὶ ψευδὴς γένῃ.
Verse: 7  δύο αἰτοῦμαι παρὰ σοῦ,
μὴ ἀϕέλῃς μου χάριν πρὸ τοῦ ἀποθανεῖν με·
Verse: 8  μάταιον λόγον καὶ ψευδῆ μακράν μου ποίησον,
πλοῦτον δὲ καὶ πενίαν μή μοι δῷς,
σύνταξον δέ μοι τὰ δέοντα καὶ τὰ αὐτάρκη,
Verse: 9  ἵνα μὴ πλησθεὶς ψευδὴς γένωμαι καὶ εἴπω Τίς με ὁρᾷ;
ἢ πενηθεὶς κλέψω καὶ ὀμόσω τὸ ὄνομα τοῦ θεοῦ.
Verse: 10  μὴ παραδῷς οἰκέτην εἰς χεῖρας δεσπότου.
μήποτε καταράσηταί σε καὶ ἀϕανισθῇς.
Verse: 11  ἔκγονον κακὸν πατέρα καταρᾶται,
τὴν δὲ μητέρα οὐκ εὐλογεῖ·
Verse: 12  ἔκγονον κακὸν δίκαιον ἑαυτὸν κρίνει,
τὴν δὲ ἔξοδον αὐτοῦ οὐκ ἀπένιψεν·
Verse: 13  ἔκγονον κακὸν ὑψηλοὺς ὀϕθαλμοὺς ἔχει,
τοῖς δὲ βλεϕάροις αὐτοῦ ἐπαίρεται·
Verse: 14  ἔκγονον κακὸν μαχαίρας τοὺς ὀδόντας ἔχει
καὶ τὰς μύλας τομίδας, ὥστε ἀναλίσκειν
καὶ κατεσθίειν τοὺς ταπεινοὺς ἀπὸ τῆς γῆς
καὶ τοὺς πένητας αὐτῶν ἐξ ἀνθρώπων.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.