TITUS
Vetus Testamentum graece iuxta LXX interpretes
Part No. 761
Previous part

Chapter: 24 
Verse: 23  Ταῦτα δὲ λέγω ὑμῖν τοῖς σοϕοῖς ἐπιγινώσκειν·
αἰδεῖσθαι πρόσωπον ἐν κρίσει οὐ καλόν·
Verse: 24  ὁ εἰπὼν τὸν ἀσεβῆ Δίκαιός ἐστιν,
ἐπικατάρατος λαοῖς ἔσται καὶ μισητὸς εἰς ἔθνη·
Verse: 25  οἱ δὲ ἐλέγχοντες βελτίους ϕανοῦνται,
ἐπ' αὐτοὺς δὲ ἥξει εὐλογία ἀγαθή·
Verse: 26  χείλη δὲ ϕιλήσουσιν ἀποκρινόμενα λόγους ἀγαθούς.
Verse: 27  ἑτοίμαζε εἰς τὴν ἔξοδον τὰ ἔργα σου
καὶ παρασκευάζου εἰς τὸν ἀγρὸν
καὶ πορεύου κατόπισθέν μου
καὶ ἀνοικοδομήσεις τὸν οἶκόν σου.
Verse: 28  μὴ ἴσθι ψευδὴς μάρτυς ἐπὶ σὸν πολίτην
μηδὲ πλατύνου σοῖς χείλεσιν·
Verse: 29  μὴ εἴπῃς ῝Ον τρόπον ἐχρήσατό μοι χρήσομαι αὐτῷ,
τείσομαι δὲ αὐτὸν ἅ με ἠδίκησεν.
Verse: 30  ὥσπερ γεώργιον ἀνὴρ ἄϕρων,
καὶ ὥσπερ ἀμπελὼν ἄνθρωπος ἐνδεὴς ϕρενῶν·
Verse: 31  ἐὰν ἀϕῇς αὐτόν, χερσωθήσεται
καὶ χορτομανήσει ὅλος καὶ γίνεται ἐκλελειμμένος,
οἱ δὲ ϕραγμοὶ τῶν λίθων αὐτοῦ κατασκάπτονται.
Verse: 32  ὕστερον ἐγὼ μετενόησα,
ἐπέβλεψα τοῦ ἐκλέξασθαι παιδείαν.
Verse: 33  ὀλίγον νυστάζω, ὀλίγον δὲ καθυπνῶ,
ὀλίγον δὲ ἐναγκαλίζομαι χερσὶν στήθη·
Verse: 34  ἐὰν δὲ τοῦτο ποιῇς, ἥξει προπορευομένη ἡ πενία σου
καὶ ἡ ἔνδειά σου ὥσπερ ἀγαθὸς δρομεύς.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.