TITUS
Vetus Testamentum graece iuxta LXX interpretes
Part No. 851
Previous part

Book: Sir. 
ΣΟΦΙΑ ΣΙΡΑΧ


Chapter: 0 
Verse: 0  ΠΡΟΛΟΓΟΣ
Verse: 1  Πολλῶν καὶ μεγάλων ἡμῖν διὰ τοῦ νόμου καὶ τῶν προϕητῶν
Verse: 2  καὶ τῶν ἄλλων τῶν κατ' αὐτοὺς ἠκολουθηκότων δεδομένων,
Verse: 3  ὑπὲρ ὧν δέον ἐστὶν ἐπαινεῖν τὸν Ισραηλ παιδείας καὶ
σοϕίας,
Verse: 4  καὶ ὡς οὐ μόνον αὐτοὺς τοὺς ἀναγινώσκοντας δέον
ἐστὶν ἐπιστήμονας γίνεσθαι,
Verse: 5  ἀλλὰ καὶ τοῖς ἐκτὸς δύνασθαι τοὺς ϕιλομαθοῦντας χρησίμους
εἶναι
Verse: 6  καὶ λέγοντας καὶ γράϕοντας,
Verse: 7  ὁ πάππος μου ᾽Ιησοῦς ἐπὶ πλεῖον ἑαυτὸν δοὺς
Verse: 8  εἴς τε τὴν τοῦ νόμου
Verse: 9  καὶ τῶν προϕητῶν
Verse: 10  καὶ τῶν ἄλλων πατρίων βιβλίων ἀνάγνωσιν
Verse: 11  καὶ ἐν τούτοις ἱκανὴν ἕξιν περιποιησάμενος
Verse: 12  προήχθη καὶ αὐτὸς συγγράψαι τι τῶν εἰς παιδείαν καὶ
σοϕίαν ἀνηκόντων,
Verse: 13  ὅπως οἱ ϕιλομαθεῖς καὶ τούτων ἔνοχοι γενόμενοι
Verse: 14  πολλῷ μᾶλλον ἐπιπροσθῶσιν διὰ τῆς ἐννόμου βιώσεως.
Verse: 15  Παρακέκλησθε οὖν
Verse: 16  μετ' εὐνοίας καὶ προσοχῆς
Verse: 17  τὴν ἀνάγνωσιν ποιεῖσθαι
Verse: 18  καὶ συγγνώμην ἔχειν
Verse: 19  ἐϕ' οἷς ἂν δοκῶμεν
Verse: 20  τῶν κατὰ τὴν ἑρμηνείαν πεϕιλοπονημένων τισὶν τῶν
λέξεων ἀδυναμεῖν·
Verse: 21  οὐ γὰρ ἰσοδυναμεῖ
Verse: 22  αὐτὰ ἐν ἑαυτοῖς Εβραϊστὶ λεγόμενα καὶ ὅταν μεταχθῇ
εἰς ἑτέραν γλῶσσαν·
Verse: 23  οὐ μόνον δὲ ταῦτα,
Verse: 24  ἀλλὰ καὶ αὐτὸς ὁ νόμος καὶ αἱ προϕητεῖαι
Verse: 25  καὶ τὰ λοιπὰ τῶν βιβλίων
Verse: 26  οὐ μικρὰν ἔχει τὴν διαϕορὰν ἐν ἑαυτοῖς λεγόμενα.
Verse: 27  ᾽Εν γὰρ τῷ ὀγδόῳ καὶ τριακοστῷ ἔτει ἐπὶ τοῦ Εὐεργέτου
βασιλέως
Verse: 28  παραγενηθεὶς εἰς Αἴγυπτον καὶ συγχρονίσας
Verse: 29  εὑρὼν οὐ μικρᾶς παιδείας ἀϕόμοιον
Verse: 30  ἀναγκαιότατον ἐθέμην καὶ αὐτός τινα προσενέγκασθαι σπουδὴν
καὶ ϕιλοπονίαν τοῦ μεθερμηνεῦσαι τήνδε τὴν
βίβλον
Verse: 31  πολλὴν ἀγρυπνίαν καὶ ἐπιστήμην προσενεγκάμενος
Verse: 32  ἐν τῷ διαστήματι τοῦ χρόνου
Verse: 33  πρὸς τὸ ἐπὶ πέρας ἀγαγόντα τὸ βιβλίον ἐκδόσθαι
Verse: 34  καὶ τοῖς ἐν τῇ παροικίᾳ βουλομένοις ϕιλομαθεῖν
Verse: 35  προκατασκευαζομένους τὰ ἤθη
Verse: 36  ἐννόμως βιοτεύειν.


Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 23.1.2025. No parts of this document may be republished in any form without prior permission by the copyright holder.