TITUS
Vikramacarita (JR)
Part No. 20
Previous part

Chapter: S11 
11. Story of the Eleventh Statuette
Vicarious sacrifice for a man who was dedicated to an ogre

Jainistic Recension of 11


Paragraph: 1 
Line: 1    punar aparamuhūrte bʰojarājaḥ sakalābʰiṣekasāmagrīṃ kr̥tvā yāvat sim̐hāsanam
Line: 2    ārohati, tāvad ekādaśī putrikā 'vadat: rājann asmin sim̐hāsane sa upaviśati, yasya
Line: 3    vikramādityasadr̥śam audāryaṃ bʰavati. kīdr̥śaṃ tad audāryam iti rājñā pr̥ṣṭā
Line: 4    putrikā prāha: rājan, uktaṃ ca:


Strophe: 1 
Verse: a    deśāntaś caratā kvacin nr̥patinā rātrau mahīruṭtala-
Verse: b    stʰeno 'rdʰvastʰakʰageṣu kʰinnavayasaḥ kasyāpi vāk saṃśrutā:
Verse: c    prātar me suhr̥d antarīpanagare *bʰakṣyeta hā rakṣase 'ty
Verse: d    āptaṃ tan nijapādukābalavaśād rakṣārtʰam ātmā 'rpitaḥ. \\1\\
Strophe:   Verse:  


Paragraph: 2 
Line: 1    avantīpuryāṃ śrīvikramanr̥paḥ. sa cā 'nyadā nānāścaryabʰr̥tabʰūmaṇḍalavilokanā/yai
Line: 2     'kākī nirgataḥ. yataḥ:


Strophe: 2 
Verse: a    dīsaï vivihaccʰariyaṃ jāṇijjaï suyaṇadujjaṇaviseso,
Verse: b    appāṇaṃ ca kalijjaï hiṇḍijjaï teṇa puhavīe. \\2\\
Strophe:   Verse:  


Paragraph: 3 
Line: 1    tataḥ paryaṭan kvāpi girigahvarastʰavr̥kṣādʰaḥ saṃdʰyāsamaye stʰitaḥ. tatra vr̥kṣe
Line: 2    ciraṃjīvī nāma pakṣī vasati. tadā rātrau tatparivārapakṣiṇaḥ parasparam avocan:
Line: 3    adya caraṇāya gatena kena kim āścaryaṃ dr̥ṣṭam? tatas teṣv ekeno 'ktam: mamā
Line: 4     'dya mahāduḥkʰam asti. anyaiḥ pakṣibʰiḥ proktam: tava kiṃ duḥkʰam asti katʰaya.
Line: 5    sa cā 'ha: manoduḥkʰaṃ kasyā 'gre katʰyate?


Strophe: 3 
Verse: a    asmābʰiś caturamburāśiraśanāvicʰedinīṃ medinīṃ
Verse: b    bʰrāmyadbʰiḥ, sa na ko 'pi nistuṣaguṇo dr̥ṣṭo viśiṣṭo janaḥ,
Verse: c    yasyā 'gre cirasaṃcitāni hr̥daye duḥkʰāni saukʰyāni vā
Verse: d    vyākʰyāya kṣaṇam ekam ardʰam atʰavā niḥśvasya viśramyate. \\3\\
Strophe: 4  
Verse: a    so kovi na 'ttʰi suyaṇo, jassa kahijjanti hiyayadukkʰāïṃ;
Verse: b    hiyayāü inti kaṇṭʰe, kaṇṭʰāü puṇo vilijjanti. \\4\\
Strophe:   Verse:  


Paragraph: 4 
Line: 1    tatas taiḥ punaḥ pr̥ṣṭam. bʰoḥ katʰaya svaduḥkʰam kim? akatʰite na pratīkāro
Line: 2    bʰavati. tataḥ sa pakṣī prāha. samudrāntara ekaṃ dvīpam asti. tatra rākṣasasya
Line: 3    rājyam asti; tasyai 'kaiko manuṣyo gr̥haparipāṭyā pratyahaṃ dīyate. tatra mama
Line: 4    prāgbʰavamitram asti; tasya cai 'kaḥ putro 'sti, sa ca lagʰīyān. tad adya mama mit/rasya
Line: 5    paripaṭī samāyātā. tena me mahāduḥkʰam asti; yataḥ:


Strophe: 5 
Verse: a    mitrāṇi tāni vidʰureṣu bʰavanti yāni;
Verse: b    te paṇḍitā jagati ye puruṣāntarajñāḥ;
Verse: c    tyāgī sa yaḥ kr̥śadʰano 'pi hi saṃvibʰāgī;
Verse: d    kāryaṃ vinā bʰajati yaḥ sa paropakārī. \\5\\
Strophe:   Verse:  


Paragraph: 5 
Line: 1    etat svarūpaṃ vr̥kṣādʰaḥ stʰito rājā sarvaṃ śrutvā 'tyantaṃ duḥkʰaduḥkʰito yoga/pādukām
Line: 2    āruhya tasmin dvīpe gataḥ. tataḥ saṃdʰyāsamaye svakuṭambasya śikṣāṃ
Line: 3    dattvā paripāṭyā 'yātaṃ maraṇabʰayena dīnavadanaṃ rākṣasabʰavanapuraḥ
Line: 4    śilāniviṣṭaṃ taṃ purusaṃ dr̥ṣṭvā sakaruṇaḥ śrīvikramaḥ prāha: bʰo yāhi tvam, adya
Line: 5    tava stʰāṇe 'ham asmi. teno 'ktam: kas tvam? kasmān mriyase? rajño 'ktam:
Line: 6    mama svarūpeṇa tava kiṃ kāryam? yāhi tvam. tataḥ sa rājño guṇagrahaṇaṃ
Line: 7    kurvan gataḥ. tato rātrau rākṣasaḥ samāyāto rājānaṃ sānandavadanaṃ dr̥ṣṭvā
Line: 8    prāha: bʰoḥ kas tvam evaṃvidʰaḥ sattvaśiromaṇir yo maraṇān na bibʰeṣi? rājño
Line: 9     'ce: matsvarūpeṇa kiṃ kariṣyasi? tvaṃ svakāryaṃ kuru; gr̥hāṇa svabʰakṣam;
Line: 10    yataḥ:


Strophe: 6 
Verse: a    prāyenā 'kr̥takr̥tyatvān mr̥tyor udvijate janaḥ;
Verse: b    kr̥takr̥tyāḥ samīhante mr̥tyuṃ priyam ivā 'gatam. \\6\\
Strophe:   Verse:  


Paragraph: 6 
Line: 1    tataḥ sa rākṣasaḥ pratyakṣībʰūya prāha: bʰoḥ sāttvika, tuṣṭo 'smi, yācasva 'bʰima/taṃ
Line: 2    varam. rājā 'pi jagāda: yadi tuṣṭo 'si, tarhi tvayā 'dyā 'rabʰya prāṇivadʰo na
Line: 3    vidʰeyaḥ. pratipannaṃ tad rākṣasena. tato rajā yogapādukām āruhya svapurīm
Line: 4    agāt. rāksasadvīpasya lokaḥ sukʰī jātaḥ.
Line: 5    ato rājann īdr̥śam audāryaṃ yadi tvayi syāt, tadā 'smin sim̐hāsane tvam upaviśa.

Line: 6    iti sim̐hāsanadvātrim̐śakāyām ekādaśamī katʰā




Next part


This text is part of the TITUS edition of Vikramacarita (JR).

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.