TITUS
Mahabharata
Part No. 26
Previous part

Chapter: 26 
Adhyāya 26


Verse: 1  {Sūta uvāca}
Halfverse: a    spr̥ṣṭamātrā tu padbʰyāṃ sa   garuḍena balīyasā
   spr̥ṣṭa-mātrā tu padbʰyāṃ sa   garuḍena balīyasā /
Halfverse: c    abʰajyata taroḥ śākʰā   bʰagnāṃ cainām adʰārayat
   abʰajyata taroḥ śākʰā   bʰagnāṃ ca_enām adʰārayat /1/

Verse: 2 
Halfverse: a    tāṃ bʰagnāṃ sa mahāśākʰāṃ   smayan samavalokayan
   tāṃ bʰagnāṃ sa mahā-śākʰāṃ   smayan samavalokayan /
Halfverse: c    atʰātra lambato 'paśyad   vālakʰilyān adʰomukʰān
   atʰa_atra lambato_apaśyad   vālakʰilyān adʰo-mukʰān /2/

Verse: 3 
Halfverse: a    sa tadvināśasaṃtrāsād   anupatya kʰagādʰipaḥ
   sa tad-vināśa-saṃtrāsād   anupatya kʰaga_adʰipaḥ /
Halfverse: c    śākʰām āsyena jagrāha   teṣām evānvavekṣayā
   śākʰām āsyena jagrāha   teṣām eva_anvavekṣayā /
Halfverse: e    śanaiḥ paryapatat pakṣī   parvatān praviśātayan
   śanaiḥ paryapatat pakṣī   parvatān praviśātayan /3/

Verse: 4 
Halfverse: a    evaṃ so 'bʰyapatad deśān   bahūn sagaja kaccʰapaḥ
   evaṃ so_abʰyapatad deśān   bahūn sagaja kaccʰapaḥ /
Halfverse: c    dayārtʰaṃ vālakʰilyānāṃ   na ca stʰānam avindata
   dayā_artʰaṃ vālakʰilyānāṃ   na ca stʰānam avindata /4/

Verse: 5 
Halfverse: a    sa gatvā parvataśreṣṭʰaṃ   gandʰamādanam avyayam
   sa gatvā parvata-śreṣṭʰaṃ   gandʰa-mādanam avyayam /
Halfverse: c    dadarśa kaśyapaṃ tatra   pitaraṃ tapasi stʰitam
   dadarśa kaśyapaṃ tatra   pitaraṃ tapasi stʰitam /5/

Verse: 6 
Halfverse: a    dadarśa taṃ pitā cāpi   divyarūpaṃ vihaṃgamam
   dadarśa taṃ pitā ca_api   divya-rūpaṃ vihaṃgamam /
Halfverse: c    tejo vīryabalopetaṃ   manomārutaraṃhasam
   tejo vīrya-bala_upetaṃ   mano-māruta-raṃhasam /6/

Verse: 7 
Halfverse: a    śailaśr̥ṅgapratīkāśaṃ   brahmadaṇḍam ivodyatam
   śaila-śr̥ṅga-pratīkāśaṃ   brahma-daṇḍam iva_udyatam /
Halfverse: c    acintyam anabʰijñeyaṃ   sarvabʰūtabʰayaṃkaram
   acintyam anabʰijñeyaṃ   sarva-bʰūta-bʰayaṃ-karam /7/

Verse: 8 
Halfverse: a    māyāvīryadʰaraṃ sākṣād   agnim iddʰam ivodyatam
   māyā-vīrya-dʰaraṃ sākṣād   agnim iddʰam iva_udyatam /
Halfverse: c    apradʰr̥ṣyam ajeyaṃ ca   devadānavarākṣasaiḥ
   apradʰr̥ṣyam ajeyaṃ ca   deva-dānava-rākṣasaiḥ /8/

Verse: 9 
Halfverse: a    bʰettāraṃ giriśr̥ṅgāṇāṃ   nadī jalaviśoṣaṇam
   bʰettāraṃ giri-śr̥ṅgāṇāṃ   nadī jala-viśoṣaṇam /
Halfverse: c    lokasaṃloḍanaṃ gʰoraṃ   kr̥tāntasamadarśanam
   loka-saṃloḍanaṃ gʰoraṃ   kr̥ta_anta-sama-darśanam /9/

Verse: 10 
Halfverse: a    tam āgatam abʰiprekṣya   bʰagavān kaśyapas tadā
   tam āgatam abʰiprekṣya   bʰagavān kaśyapas tadā /
Halfverse: c    viditvā cāsya saṃkalpam   idaṃ vacanam abravīt
   viditvā ca_asya saṃkalpam   idaṃ vacanam abravīt /10/

Verse: 11 
Halfverse: a    putra mā sāhasaṃ kārṣīr   mā sadyo lapsyase vyatʰām
   putra mā sāhasaṃ kārṣīr   mā sadyo lapsyase vyatʰām /
Halfverse: c    mā tvā daheyuḥ saṃkruddʰā   vālakʰilyā marīcipāḥ
   mā tvā daheyuḥ saṃkruddʰā   vālakʰilyā marīcipāḥ /11/

Verse: 12 
Halfverse: a    prasādayām āsa sa tān   kaśyapaḥ putrakāraṇāt
   prasādayām āsa sa tān   kaśyapaḥ putra-kāraṇāt /
Halfverse: c    vālakʰilyāṃs tapaḥsiddʰān   idam uddiśya kāraṇam
   vālakʰilyāṃs tapaḥ-siddʰān   idam uddiśya kāraṇam /12/

Verse: 13 
Halfverse: a    prajāhitārtʰam ārambʰo   garuḍasya tapodʰanāḥ
   prajā-hita_artʰam ārambʰo   garuḍasya tapo-dʰanāḥ /
Halfverse: c    cikīrṣati mahat karma   tadanujñātum arhatʰa
   cikīrṣati mahat karma   tad-anujñātum arhatʰa /13/

Verse: 14 
Halfverse: a    evam uktā bʰagavatā   munayas te samabʰyayuḥ
   evam uktā bʰagavatā   munayas te samabʰyayuḥ /
Halfverse: c    muktvā śākʰāṃ giriṃ puṇyaṃ   himavantaṃ tapo 'rtʰinaḥ
   muktvā śākʰāṃ giriṃ puṇyaṃ   himavantaṃ tapo_artʰinaḥ /14/

Verse: 15 
Halfverse: a    tatas teṣv apayāteṣu   pitaraṃ vinatātmajaḥ
   tatas teṣv apayāteṣu   pitaraṃ vinatā_ātmajaḥ /
Halfverse: c    śākʰā vyākṣiptavadanaḥ   paryapr̥ccʰata kaśyapam
   śākʰā vyākṣipta-vadanaḥ   paryapr̥ccʰata kaśyapam /15/

Verse: 16 
Halfverse: a    bʰagavan kva vimuñcāmi   taruśākʰām imām aham
   bʰagavan kva vimuñcāmi   taru-śākʰām imām aham /
Halfverse: c    varjitaṃ brāhmaṇair deśam   ākʰyātu bʰagavān mama
   varjitaṃ brāhmaṇair deśam   ākʰyātu bʰagavān mama /16/

Verse: 17 
Halfverse: a    tato niṣpuruṣaṃ śailaṃ   himasaṃruddʰa kandaram
   tato niṣpuruṣaṃ śailaṃ   hima-saṃruddʰa kandaram /
Halfverse: c    agamyaṃ manasāpy anyais   tasyācakʰyau sa kaśyapaḥ
   agamyaṃ manasā_apy anyais   tasya_ācakʰyau sa kaśyapaḥ /17/ q

Verse: 18 
Halfverse: a    taṃ parvata mahākukṣim   āviśya manasā kʰagāḥ
   taṃ parvata mahā-kukṣim   āviśya manasā kʰagāḥ /
Halfverse: c    javenābʰyapatat tārkṣyaḥ   saśākʰā gajakaccʰapaḥ
   javena_abʰyapatat tārkṣyaḥ   saśākʰā gaja-kaccʰapaḥ /18/

Verse: 19 
Halfverse: a    na tāṃ vadʰraḥ pariṇahec   cʰatacarmā mahān aṇuḥ
   na tāṃ vadʰraḥ pariṇahet   śata-carmā mahān aṇuḥ /
Halfverse: c    śākʰino mahatīṃ śākʰāṃ   yāṃ pragr̥hya yayau kʰagaḥ
   śākʰino mahatīṃ śākʰāṃ   yāṃ pragr̥hya yayau kʰagaḥ /19/

Verse: 20 
Halfverse: a    tataḥ sa śatasāhasraṃ   yojanāntaram āgataḥ
   tataḥ sa śata-sāhasraṃ   yojana_antaram āgataḥ /
Halfverse: c    kālena nātimahatā   garuḍaḥ patatāṃ varaḥ
   kālena nātimahatā   garuḍaḥ patatāṃ varaḥ /20/

Verse: 21 
Halfverse: a    sa taṃ gatvā kṣaṇenaiva   parvataṃ vacanāt pituḥ
   sa taṃ gatvā kṣaṇena_eva   parvataṃ vacanāt pituḥ /
Halfverse: c    amuñcan mahatīṃ śākʰāṃ   sasvanāṃ tatra kʰecaraḥ
   amuñcan mahatīṃ śākʰāṃ   sasvanāṃ tatra kʰe-caraḥ /21/

Verse: 22 
Halfverse: a    pakṣānilahataś cāsya   prākampata sa śailarāṭ
   pakṣa_anila-hataś ca_asya   prākampata sa śaila-rāṭ /
Halfverse: c    mumoca puṣpavarṣaṃ ca   samāgalita pādapaḥ
   mumoca puṣpa-varṣaṃ ca   samāgalita pādapaḥ /22/

Verse: 23 
Halfverse: a    śr̥ṅgāṇi ca vyaśīryanta   gires tasya samantataḥ
   śr̥ṅgāṇi ca vyaśīryanta   gires tasya samantataḥ /
Halfverse: c    maṇikāñcanacitrāṇi   śobʰayanti mahāgirim
   maṇi-kāñcana-citrāṇi   śobʰayanti mahā-girim /23/

Verse: 24 
Halfverse: a    śākʰino bahavaś cāpi   śākʰayābʰihatās tayā
   śākʰino bahavaś ca_api   śākʰayā_abʰihatās tayā /
Halfverse: c    kāñcanaiḥ kusumair bʰānti   vidyutvanta ivāmbudāḥ
   kāñcanaiḥ kusumair bʰānti   vidyutvanta\ iva_ambudāḥ /24/

Verse: 25 
Halfverse: a    te hemavikacā bʰūyo   yuktāḥ parvatadʰātubʰiḥ
   te hema-vikacā bʰūyo   yuktāḥ parvata-dʰātubʰiḥ /
Halfverse: c    vyarājañ śākʰinas tatra   sūryāṃśupratirañjitāḥ
   vyarājan śākʰinas tatra   sūrya_aṃśu-pratirañjitāḥ /25/

Verse: 26 
Halfverse: a    tatas tasya gireḥ śr̥ṅgam   āstʰāya sa kʰagottamaḥ
   tatas tasya gireḥ śr̥ṅgam   āstʰāya sa kʰaga_uttamaḥ /
Halfverse: c    bʰakṣayām āsa garuḍas   tāv ubʰau gajakaccʰapau
   bʰakṣayām āsa garuḍas   tāv ubʰau gaja-kaccʰapau /26/

Verse: 27 
Halfverse: a    tataḥ parvatakūṭāgrād   utpapāta manojavaḥ
   tataḥ parvata-kūṭa_agrād   utpapāta mano-javaḥ /
Halfverse: c    prāvartantātʰa devānām   utpātā bʰayavedinaḥ
   prāvartanta_atʰa devānām   utpātā bʰaya-vedinaḥ /27/

Verse: 28 
Halfverse: a    indrasya varjaṃ dayitaṃ   prajajvāla vyatʰānvitam
   indrasya varjaṃ dayitaṃ   prajajvāla vyatʰā_anvitam /
Halfverse: c    sadʰūmā cāpatat sārcir   divolkā nabʰasaś cyutā
   sadʰūmā ca_apatat sārcir   diva_ulkā nabʰasaś cyutā /28/

Verse: 29 
Halfverse: a    tatʰā vasūnāṃ rudrāṇām   ādityānāṃ ca sarvaśaḥ
   tatʰā vasūnāṃ rudrāṇām   ādityānāṃ ca sarvaśaḥ /
Halfverse: c    sādʰyānāṃ marutāṃ caiva   ye cānye devatā gaṇāḥ
   sādʰyānāṃ marutāṃ caiva   ye ca_anye devatā gaṇāḥ /
Halfverse: e    svaṃ svaṃ praharaṇaṃ teṣāṃ   parasparam upādravat
   svaṃ svaṃ praharaṇaṃ teṣāṃ   parasparam upādravat /29/

Verse: 30 
Halfverse: a    abʰūtapūrvaṃ saṃgrāme   tadā devāsure 'pi ca
   abʰūta-pūrvaṃ saṃgrāme   tadā deva_asure_api ca /
Halfverse: c    vavur vātāḥ sanirgʰātāḥ   petur ulkāḥ samantataḥ
   vavur vātāḥ sanirgʰātāḥ   petur ulkāḥ samantataḥ /30/

Verse: 31 
Halfverse: a    nirabʰram api cākāśaṃ   prajagarja mahāsvanam
   nirabʰram api ca_ākāśaṃ   prajagarja mahā-svanam /
Halfverse: c    devānām api yo devaḥ   so 'py avarṣad asr̥k tadā
   devānām api yo devaḥ   so_apy avarṣad asr̥k tadā /31/

Verse: 32 
Halfverse: a    mamlur mālyāni devānāṃ   śemus tejāṃsi caiva hi
   mamlur mālyāni devānāṃ   śemus tejāṃsi caiva hi /
Halfverse: c    utpātamegʰā raudrāś ca   vavarṣuḥ śoṇitaṃ bahu
   utpāta-megʰā raudrāś ca   vavarṣuḥ śoṇitaṃ bahu /
Halfverse: e    rajāṃsi mukuṭāny eṣām   uttʰitāni vyadʰarṣayan
   rajāṃsi mukuṭāny eṣām   uttʰitāni vyadʰarṣayan /32/

Verse: 33 
Halfverse: a    tatas trāsasamudvignaḥ   sahadevaiḥ śatakratuḥ
   tatas trāsa-samudvignaḥ   saha-devaiḥ śata-kratuḥ /
Halfverse: c    utpātān dāruṇān paśyann   ity uvāca br̥haspatim
   utpātān dāruṇān paśyann   ity uvāca br̥haspatim /33/

Verse: 34 
Halfverse: a    kimartʰaṃ bʰagavan gʰorā   mahotpātāḥ samuttʰitāḥ
   kim-artʰaṃ bʰagavan gʰorā   mahā_utpātāḥ samuttʰitāḥ /
Halfverse: c    na ca śatruṃ prapaśyāmi   yudʰi yo naḥ pradʰarṣayet
   na ca śatruṃ prapaśyāmi   yudʰi yo naḥ pradʰarṣayet /34/

Verse: 35  {Br̥haspatir uvāca}
Halfverse: a    tavāparādʰād devendra   pramādāc ca śatakrato
   tava_aparādʰād deva_indra   pramādāc ca śata-krato /
Halfverse: c    tapasā vālakʰilyānāṃ   bʰūtam utpannam adbʰutam
   tapasā vālakʰilyānāṃ   bʰūtam utpannam adbʰutam /35/

Verse: 36 
Halfverse: a    kaśyapasya muneḥ putro   vinatāyāś ca kʰecaraḥ
   kaśyapasya muneḥ putro   vinatāyāś ca kʰe-caraḥ /
Halfverse: c    hartuṃ somam anuprāpto   balavān kāmarūpavān
   hartuṃ somam anuprāpto   balavān kāma-rūpavān /36/

Verse: 37 
Halfverse: a    samartʰo balināṃ śreṣṭʰo   hartuṃ somaṃ vihaṃgamaḥ
   samartʰo balināṃ śreṣṭʰo   hartuṃ somaṃ vihaṃgamaḥ /
Halfverse: c    sarvaṃ saṃbʰāvayāmy asminn   asādʰyam api sādʰayet
   sarvaṃ saṃbʰāvayāmy asminn   asādʰyam api sādʰayet /37/

Verse: 38  {Sūta uvāca}
Halfverse: a    śrutvaitad vacanaṃ śakraḥ   provācāmr̥ta rakṣiṇaḥ
   śrutvā_etad vacanaṃ śakraḥ   provāca_amr̥ta rakṣiṇaḥ /
Halfverse: c    mahāvīryabalaḥ pakṣī   hartuṃ somam ihodyataḥ
   mahā-vīrya-balaḥ pakṣī   hartuṃ somam iha_udyataḥ /38/

Verse: 39 
Halfverse: a    yuṣmān saṃbodʰayāmy eṣa   yatʰā sa na hared balāt
   yuṣmān saṃbodʰayāmy eṣa   yatʰā sa na hared balāt /
Halfverse: c    atulaṃ hi balaṃ tasya   br̥haspatir uvāca me
   atulaṃ hi balaṃ tasya   br̥haspatir uvāca me /39/

Verse: 40 
Halfverse: a    tac cʰrutvā vibudʰā vākyaṃ   vismitā yatnam āstʰitāḥ
   tat śrutvā vibudʰā vākyaṃ   vismitā yatnam āstʰitāḥ /
Halfverse: c    parivāryāmr̥taṃ tastʰur   vajrī cendraḥ śatakratuḥ
   parivārya_amr̥taṃ tastʰur   vajrī ca_indraḥ śata-kratuḥ /40/

Verse: 41 
Halfverse: a    dʰārayanto mahārhāṇi   kavacāni manasvinaḥ
   dʰārayanto mahā_arhāṇi   kavacāni manasvinaḥ /
Halfverse: c    kāñcanāni vicitrāṇi   vaiḍūrya vikr̥tāni ca
   kāñcanāni vicitrāṇi   vaiḍūrya vikr̥tāni ca /41/

Verse: 42 
Halfverse: a    vividʰāni ca śastrāṇi   gʰorarūpāṇy anekaśaḥ
   vividʰāni ca śastrāṇi   gʰora-rūpāṇy anekaśaḥ /
Halfverse: c    śitatīkṣṇāgra dʰārāṇi   samudyamya sahasraśaḥ
   śita-tīkṣṇa_agra dʰārāṇi   samudyamya sahasraśaḥ /42/

Verse: 43 
Halfverse: a    savispʰuliṅgajvālāni   sadʰūmāni ca sarvaśaḥ
   savispʰuliṅga-jvālāni   sadʰūmāni ca sarvaśaḥ /
Halfverse: c    cakrāṇi parigʰāṃś caiva   triśūlāni paraśvadʰān
   cakrāṇi parigʰāṃś caiva   tri-śūlāni paraśvadʰān /43/

Verse: 44 
Halfverse: a    śaktīś ca vividʰās tīkṣṇāḥ   karavālāṃś ca nirmalān
   śaktīś ca vividʰās tīkṣṇāḥ   kara-vālāṃś ca nirmalān /
Halfverse: c    svadeharūpāṇy ādāya   gadāś cograpradarśanāḥ
   sva-deha-rūpāṇy ādāya   gadāś ca_ugra-pradarśanāḥ /44/

Verse: 45 
Halfverse: a    taiḥ śastrair bʰānumadbʰis te   divyābʰaraṇabʰūṣitāḥ
   taiḥ śastrair bʰānumadbʰis te   divya_ābʰaraṇa-bʰūṣitāḥ /
Halfverse: c    bʰānumantaḥ suragaṇās   tastʰur vigatakalmaṣāḥ
   bʰānumantaḥ sura-gaṇās   tastʰur vigata-kalmaṣāḥ /45/


Verse: 46 
Halfverse: a    anupama balavīryatejaso; dʰr̥tamanasaḥ parirakṣaṇe 'mr̥tasya
   anupama bala-vīrya-tejaso   dʰr̥ta-manasaḥ parirakṣaṇe_amr̥tasya / q
Halfverse: c    asurapuravidāraṇāḥ surā; jvalanasamiddʰa vapuḥ prakāśinaḥ
   asura-pura-vidāraṇāḥ surā   jvalana-samiddʰa vapuḥ prakāśinaḥ /46/ q

Verse: 47 
Halfverse: a    iti samaravaraṃ surāstʰitaṃ; parigʰasahasraśataiḥ samākulam
   iti samara-varaṃ sura_āstʰitaṃ   parigʰa-sahasra-śataiḥ samākulam / q
Halfverse: c    vigalitam iva cāmbarāntare; tapana marīcivibʰāsitaṃ babʰau
   vigalitam iva ca_ambara_antare   tapana marīci-vibʰāsitaṃ babʰau /47/ (E)47q



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.