TITUS
Mahabharata
Part No. 42
Previous part

Chapter: 42 
Adhyāya 42


Verse: 1  {Sūta uvāca}
Halfverse: a    etac cʰrutvā jaratkārur   duḥkʰaśokaparāyaṇaḥ
   etat śrutvā jaratkārur   duḥkʰa-śoka-parāyaṇaḥ / ՙ
Halfverse: c    uvāca svān pitr̥̄n duḥkʰād   bāṣpasaṃdigdʰayā girā
   uvāca svān pitr̥̄n duḥkʰād   bāṣpa-saṃdigdʰayā girā /1/

Verse: 2 
Halfverse: a    aham eva jaratkāruḥ   kilbiṣī bʰavatāṃ sutaḥ
   aham eva jaratkāruḥ   kilbiṣī bʰavatāṃ sutaḥ /
Halfverse: c    tad daṇḍaṃ dʰārayata me   duṣkr̥ter akr̥tātmanaḥ
   tad daṇḍaṃ dʰārayata me   duṣkr̥ter akr̥ta_ātmanaḥ /2/

Verse: 3  {Pitaraḥ ūcuḥ}
Halfverse: a    putra diṣṭyāsi saṃprāpta   imaṃ deśaṃ yadr̥ccʰayā
   putra diṣṭyā_asi saṃprāpta imaṃ deśaṃ yadr̥ccʰayā /
Halfverse: c    kimartʰaṃ ca tvayā brahman   na kr̥to dārasaṃgrahaḥ
   kim-artʰaṃ ca tvayā brahman   na kr̥to dāra-saṃgrahaḥ /3/

Verse: 4  {Jaratkārur uvāca}
Halfverse: a    mamāyaṃ pitaro nityaṃ   hr̥dy artʰaḥ parivartate
   mama_ayaṃ pitaro nityaṃ   hr̥dy artʰaḥ parivartate /
Halfverse: c    ūrdʰvaretāḥ śarīraṃ vai   prāpayeyam amutra vai
   ūrdʰva-retāḥ śarīraṃ vai   prāpayeyam amutra vai /4/

Verse: 5 
Halfverse: a    evaṃ dr̥ṣṭvā tu bʰavataḥ   śakuntān iva lambataḥ
   evaṃ dr̥ṣṭvā tu bʰavataḥ   śakuntān iva lambataḥ /
Halfverse: c    mayā nivartitā buddʰir   brahmacaryāt pitāmahāḥ
   mayā nivartitā buddʰir   brahma-caryāt pitāmahāḥ /5/

Verse: 6 
Halfverse: a    kariṣye vaḥ priyaṃ kāmaṃ   nivekṣye nātra saṃśayaḥ
   kariṣye vaḥ priyaṃ kāmaṃ   nivekṣye na_atra saṃśayaḥ /
Halfverse: c    sanāmnīṃ yady ahaṃ kanyām   upalapsye kadā cana
   sanāmnīṃ yady ahaṃ kanyām   upalapsye kadācana /6/

Verse: 7 
Halfverse: a    bʰaviṣyati ca yā kā cid   bʰaikṣavat svayam udyatā
   bʰaviṣyati ca yā kācid   bʰaikṣavat svayam udyatā /
Halfverse: c    pratigrahītā tām asmi   na bʰareyaṃ ca yām aham
   pratigrahītā tām asmi   na bʰareyaṃ ca yām aham /7/

Verse: 8 
Halfverse: a    evaṃvidʰam ahaṃ kuryāṃ   niveśaṃ prāpnuyāṃ yadi
   evaṃ-vidʰam ahaṃ kuryāṃ   niveśaṃ prāpnuyāṃ yadi /
Halfverse: c    anyatʰā na kariṣye tu   satyam etat pitāmahāḥ
   anyatʰā na kariṣye tu   satyam etat pitāmahāḥ /8/

Verse: 9  {Sūta uvāca}
Halfverse: a    evam uktvā tu sa pitr̥̄ṃś   cacāra pr̥tʰivīṃ muniḥ
   evam uktvā tu sa pitr̥̄ṃś   cacāra pr̥tʰivīṃ muniḥ /
Halfverse: c    na ca sma labʰate bʰāryāṃ   vr̥ddʰo 'yam iti śaunaka
   na ca sma labʰate bʰāryāṃ   vr̥ddʰo_ayam iti śaunaka /9/

Verse: 10 
Halfverse: a    yadā nirvedam āpannaḥ   pitr̥bʰiś coditas tatʰā
   yadā nirvedam āpannaḥ   pitr̥bʰiś coditas tatʰā /
Halfverse: c    tadāraṇyaṃ sa gatvoccaiś   cukrośa bʰr̥śaduḥkʰitaḥ
   tadā_araṇyaṃ sa gatvā_uccaiś   cukrośa bʰr̥śa-duḥkʰitaḥ /10/

Verse: 11 
Halfverse: a    yāni bʰūtāni santīha   stʰāvarāṇi carāṇi ca
   yāni bʰūtāni santi_iha   stʰāvarāṇi carāṇi ca /
Halfverse: c    antarhitāni vā yāni   tāni śr̥ṇvantu me vacaḥ
   antar-hitāni vā yāni   tāni śr̥ṇvantu me vacaḥ /11/

Verse: 12 
Halfverse: a    ugre tapasi vartantaṃ   pitaraś codayanti mām
   ugre tapasi vartantaṃ   pitaraś codayanti mām /
Halfverse: c    niviśasveti duḥkʰārtās   teṣāṃ priyacikīrṣayā
   niviśasva_iti duḥkʰa_ārtās   teṣāṃ priya-cikīrṣayā /12/

Verse: 13 
Halfverse: a    niveśārtʰy akʰilāṃ bʰūmiṃ   kanyā bʰaikṣaṃ carāmi bʰoḥ
   niveśa_artʰy akʰilāṃ bʰūmiṃ   kanyā bʰaikṣaṃ carāmi bʰoḥ / ՙ
Halfverse: c    daridro duḥkʰaśīlaś ca   pitr̥bʰiḥ saṃniyojitaḥ
   daridro duḥkʰa-śīlaś ca   pitr̥bʰiḥ saṃniyojitaḥ /13/

Verse: 14 
Halfverse: a    yasya kanyāsti bʰūtasya   ye mayeha prakīrtitāḥ
   yasya kanyā_asti bʰūtasya   ye mayā_iha prakīrtitāḥ /
Halfverse: c    te me kanyāṃ prayaccʰantu   carataḥ sarvatodiśam
   te me kanyāṃ prayaccʰantu   carataḥ sarvato-diśam /14/

Verse: 15 
Halfverse: a    mama kanyā sanāmnī yā   bʰaikṣavac codyatā bʰavet
   mama kanyā sanāmnī yā   bʰaikṣavac codyatā bʰavet / [ca_udyatā?]
Halfverse: c    bʰareyaṃ caiva yāṃ nāhaṃ   tāṃ me kanyāṃ prayaccʰata
   bʰareyaṃ caiva yāṃ na_ahaṃ   tāṃ me kanyāṃ prayaccʰata /15/

Verse: 16 
Halfverse: a    tatas te pannagā ye vai   jaratkārau samāhitāḥ
   tatas te pannagā ye vai   jaratkārau samāhitāḥ /
Halfverse: c    tām ādāya pravr̥ttiṃ te   vāsukeḥ pratyavedayan
   tām ādāya pravr̥ttiṃ te   vāsukeḥ pratyavedayan /16/

Verse: 17 
Halfverse: a    teṣāṃ śrutvā sa nāgendraḥ   kanyāṃ tāṃ samalaṃkr̥tām
   teṣāṃ śrutvā sa nāga_indraḥ   kanyāṃ tāṃ samalaṃkr̥tām /
Halfverse: c    pragr̥hyāraṇyam agamat   samīpaṃ tasya pannagaḥ
   pragr̥hya_araṇyam agamat   samīpaṃ tasya pannagaḥ /17/

Verse: 18 
Halfverse: a    tatra tāṃ bʰaikṣavat kanyāṃ   prādāt tasmai mahātmane
   tatra tāṃ bʰaikṣavat kanyāṃ   prādāt tasmai mahātmane /
Halfverse: c    nāgendro vāsukir brahman   na sa tāṃ pratyagr̥hṇata
   nāga_indro vāsukir brahman   na sa tāṃ pratyagr̥hṇata /18/

Verse: 19 
Halfverse: a    asanāmeti vai matvā   bʰaraṇe cāvicārite
   asanāmā_iti vai matvā   bʰaraṇe ca_avicārite /
Halfverse: c    mokṣabʰāve stʰitaś cāpi   dvandvī bʰūtaḥ parigrahe
   mokṣa-bʰāve stʰitaś ca_api   dvandvī bʰūtaḥ parigrahe /19/

Verse: 20 
Halfverse: a    tato nāma sa kanyāyāḥ   papraccʰa bʰr̥gunaṅgana
   tato nāma sa kanyāyāḥ   papraccʰa bʰr̥gu-naṅgana /
Halfverse: c    vāsuke bʰaraṇaṃ cāsyā   na kuryām ity uvāca ha
   vāsuke bʰaraṇaṃ ca_asyā   na kuryām ity uvāca ha /20/ (E)20



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.