TITUS
Mahabharata
Part No. 48
Previous part

Chapter: 48 
Adhyāya 48


Verse: 1  {Śaunaka uvāca}
Halfverse: a    sarpasatre tadā rājñaḥ   pāṇḍaveyasya dʰīmataḥ
   sarpa-satre tadā rājñaḥ   pāṇḍaveyasya dʰīmataḥ /
Halfverse: c    janamejayasya ke tv āsann   r̥tvijaḥ paramarṣayaḥ
   janamejayasya ke tv āsann   r̥tvijaḥ parama-r̥ṣayaḥ /1/ q

Verse: 2 
Halfverse: a    ke sadasyā babʰūvuś ca   sarpasatre sudāruṇe
   ke sadasyā babʰūvuś ca   sarpa-satre sudāruṇe /
Halfverse: c    viṣādajanane 'tyartʰaṃ   pannagānāṃ mahābʰaye
   viṣāda-janane_atyartʰaṃ   pannagānāṃ mahā-bʰaye /2/

Verse: 3 
Halfverse: a    sarvaṃ vistaratas tāta   bʰavāñ śaṃsitum arhati
   sarvaṃ vistaratas tāta   bʰavān śaṃsitum arhati /
Halfverse: c    sarpasatra vidʰānajñā   vijñeyās te hi sūtaja
   sarpa-satra vidʰānajñā   vijñeyās te hi sūtaja /3/

Verse: 4  {Sūta uvāca}
Halfverse: a    hanta te katʰayiṣyāmi   nāmānīha manīṣiṇām
   hanta te katʰayiṣyāmi   nāmāni_iha manīṣiṇām /
Halfverse: c    ye r̥tvijaḥ sadasyāś ca   tasyāsan nr̥pates tadā
   ye\ r̥tvijaḥ sadasyāś ca   tasya_āsan nr̥pates tadā /4/

Verse: 5 
Halfverse: a    tatra hotā babʰūvātʰa   brāhmaṇaś caṇḍabʰārgavaḥ
   tatra hotā babʰūva_atʰa   brāhmaṇaś caṇḍa-bʰārgavaḥ / q
Halfverse: c    cyavanasyānvaye jātaḥ   kʰyāto vedavidāṃ varaḥ
   cyavanasya_anvaye jātaḥ   kʰyāto vedavidāṃ varaḥ /5/

Verse: 6 
Halfverse: a    udgātā brāhmaṇo vr̥ddʰo   vidvān kautsārya jaiminiḥ
   udgātā brāhmaṇo vr̥ddʰo   vidvān kautsa_ārya jaiminiḥ /
Halfverse: c    brahmābʰavac cʰārṅga ravo   adʰvaryur bodʰa piṅgalaḥ
   brahmā_abʰavat śārṅga ravo adʰvaryur bodʰa piṅgalaḥ /6/

Verse: 7 
Halfverse: a    sadasyaś cābʰavad vyāsaḥ   putra śiṣyasahāyavān
   sadasyaś ca_abʰavad vyāsaḥ   putra śiṣya-sahāyavān /
Halfverse: c    uddālakaḥ śamaṭʰakaḥ   śvetaketuś ca pañcamaḥ
   uddālakaḥ śamaṭʰakaḥ   śveta-ketuś ca pañcamaḥ /7/

Verse: 8 
Halfverse: a    asito devalaś caiva   nāradaḥ parvatas tatʰā
   asito devalaś caiva   nāradaḥ parvatas tatʰā /
Halfverse: c    ātreyaḥ kuṇḍa jaṭʰaro   dvijaḥ kuṭi gʰaṭas tatʰā
   ātreyaḥ kuṇḍa jaṭʰaro   dvijaḥ kuṭi gʰaṭas tatʰā /8/

Verse: 9 
Halfverse: a    vātsyaḥ śrutaśravā vr̥ddʰas   tapaḥsvādʰyāyaśīlavān
   vātsyaḥ śruta-śravā vr̥ddʰas   tapaḥ-svādʰyāya-śīlavān /
Halfverse: c    kahoḍo deva śarmā ca   maudgalyaḥ śama saubʰaraḥ
   kahoḍo deva śarmā ca   maudgalyaḥ śama saubʰaraḥ /9/

Verse: 10 
Halfverse: a    ete cānye ca bahavo   brāhmaṇāḥ saṃśitavratāḥ
   ete ca_anye ca bahavo   brāhmaṇāḥ saṃśita-vratāḥ /
Halfverse: c    sadasyā abʰavaṃs tatra   satre pārikṣitasya ha
   sadasyā\ abʰavaṃs tatra   satre pārikṣitasya ha /10/

Verse: 11 
Halfverse: a    juhvatsv r̥tvikṣv atʰa tadā   sarpasatre mahākratau
   juhvatsv r̥tvikṣv atʰa tadā   sarpa-satre mahā-kratau /
Halfverse: c    ahayaḥ prāpataṃs tatra   gʰorāḥ prāṇibʰayāvahāḥ {!}
   ahayaḥ prāpataṃs tatra   gʰorāḥ prāṇi-bʰaya_āvahāḥ /11/ {!}

Verse: 12 
Halfverse: a    vasā medo vahāḥ kulyā   nāgānāṃ saṃpravartitāḥ
   vasā medo vahāḥ kulyā   nāgānāṃ saṃpravartitāḥ / ՙ
Halfverse: c    vavau gandʰaś ca tumulo   dahyatām aniśaṃ tadā
   vavau gandʰaś ca tumulo   dahyatām aniśaṃ tadā /12/

Verse: 13 
Halfverse: a    patatāṃ caiva nāgānāṃ   dʰiṣṭʰitānāṃ tatʰāmbare
   patatāṃ caiva nāgānāṃ   dʰiṣṭʰitānāṃ tatʰā_ambare /
Halfverse: c    aśrūyatāniśaṃ śabdaḥ   pacyatāṃ cāgninā bʰr̥śam
   aśrūyata_aniśaṃ śabdaḥ   pacyatāṃ ca_agninā bʰr̥śam /13/

Verse: 14 
Halfverse: a    takṣakas tu sa nāgendraḥ   puraṃdara niveśanam
   takṣakas tu sa nāga_indraḥ   puraṃdara niveśanam /
Halfverse: c    gataḥ śrutvaiva rājānaṃ   dīkṣitaṃ janamejayam
   gataḥ śrutvā_eva rājānaṃ   dīkṣitaṃ janamejayam /14/

Verse: 15 
Halfverse: a    tataḥ sarvaṃ yatʰāvr̥ttam   ākʰyāya bʰujagottamaḥ
   tataḥ sarvaṃ yatʰā-vr̥ttam   ākʰyāya bʰujaga_uttamaḥ /
Halfverse: c    agaccʰac cʰaraṇaṃ bʰīta   āgaḥ kr̥tvā puraṃdaram
   agaccʰat śaraṇaṃ bʰīta āgaḥ kr̥tvā puraṃdaram /15/

Verse: 16 
Halfverse: a    tam indraḥ prāha suprīto   na tavāstīha takṣaka
   tam indraḥ prāha suprīto   na tava_asti_iha takṣaka /
Halfverse: c    bʰayaṃ nāgendra tasmād vai   sarpasatrāt katʰaṃ cana
   bʰayaṃ nāga_indra tasmād vai   sarpa-satrāt katʰaṃcana /16/

Verse: 17 
Halfverse: a    prasādito mayā pūrvaṃ   tavārtʰāya pitāmahaḥ
   prasādito mayā pūrvaṃ   tava_artʰāya pitāmahaḥ /
Halfverse: c    tasmāt tava bʰayaṃ nāsti   vyetu te mānaso jvaraḥ
   tasmāt tava bʰayaṃ na_asti   vyetu te mānaso jvaraḥ /17/

Verse: 18 
Halfverse: a    evam āśvāsitas tena   tataḥ sa bʰujagottamaḥ
   evam āśvāsitas tena   tataḥ sa bʰujaga_uttamaḥ /
Halfverse: c    uvāsa bʰavane tatra   śakrasya muditaḥ sukʰī
   uvāsa bʰavane tatra   śakrasya muditaḥ sukʰī /18/

Verse: 19 
Halfverse: a    ajasraṃ nipatatsv agnau   nāgeṣu bʰr̥śaduḥkʰitaḥ
   ajasraṃ nipatatsv agnau   nāgeṣu bʰr̥śa-duḥkʰitaḥ /
Halfverse: c    alpaśeṣa parīvāro   vāsukiḥ paryatapyata
   alpa-śeṣa parīvāro   vāsukiḥ paryatapyata /19/

Verse: 20 
Halfverse: a    kaśmalaṃ cāviśad gʰoraṃ   vāsukiṃ pannageśvaram
   kaśmalaṃ ca_āviśad gʰoraṃ   vāsukiṃ pannaga_īśvaram /
Halfverse: c    sa gʰūrṇamāna hr̥dayo   bʰaginīm idam abravīt
   sa gʰūrṇamāna hr̥dayo   bʰaginīm idam abravīt /20/

Verse: 21 
Halfverse: a    dahyante 'ṅgāni me bʰadre   diśo na pratibʰānti ca
   dahyante_aṅgāni me bʰadre   diśo na pratibʰānti ca /
Halfverse: c    sīdāmīva ca saṃmohād   gʰūrṇatīva ca me manaḥ
   sīdāmi_iva ca saṃmohād   gʰūrṇati_iva ca me manaḥ /21/

Verse: 22 
Halfverse: a    dr̥ṣṭir bʰramati me 'tīva   hr̥dayaṃ dīryatīva ca
   dr̥ṣṭir bʰramati me_atīva   hr̥dayaṃ dīryati_iva ca /
Halfverse: c    patiṣyāmy avaśo 'dyāhaṃ   tasmin dīpte vibʰāvasau
   patiṣyāmy avaśo_adya_ahaṃ   tasmin dīpte vibʰāvasau /22/

Verse: 23 
Halfverse: a    pārikṣitasya yajño 'sau   vartate 'smaj jigʰāṃsayā
   pārikṣitasya yajño_asau   vartate_asmaj jigʰāṃsayā /
Halfverse: c    vyaktaṃ mayāpi gantavyaṃ   pitr̥rāja niveśanam
   vyaktaṃ mayā_api gantavyaṃ   pitr̥-rāja niveśanam /23/

Verse: 24 
Halfverse: a    ayaṃ sa kālaḥ saṃprāpto   yadartʰam asi me svasaḥ
   ayaṃ sa kālaḥ saṃprāpto   yad-artʰam asi me svasaḥ /
Halfverse: c    jaratkāroḥ purā dattā   sā trāhy asmān sabāndʰavān
   jaratkāroḥ purā dattā   sā trāhy asmān sabāndʰavān /24/

Verse: 25 
Halfverse: a    āstīkaḥ kila yajñaṃ taṃ   vartantaṃ bʰujagottame
   āstīkaḥ kila yajñaṃ taṃ   vartantaṃ bʰujaga_uttame /
Halfverse: c    pratiṣetsyati māṃ pūrvaṃ   svayam āha pitāmahaḥ
   pratiṣetsyati māṃ pūrvaṃ   svayam āha pitāmahaḥ /25/

Verse: 26 
Halfverse: a    tad vatse brūhi vatsaṃ svaṃ   kumāraṃ vr̥ddʰasaṃmatam
   tad vatse brūhi vatsaṃ svaṃ   kumāraṃ vr̥ddʰa-saṃmatam /
Halfverse: c    mamādya tvaṃ sabʰr̥tyasya   mokṣārtʰaṃ veda vittamam
   mama_adya tvaṃ sabʰr̥tyasya   mokṣa_artʰaṃ veda vittamam /26/ (E)26



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.