TITUS
Mahabharata
Part No. 75
Previous part

Chapter: 75 
Adhyāya 75


Verse: 1  {Vaiśampāyana uvāca}
Halfverse: a    tataḥ kāvyo bʰr̥guśreṣṭʰaḥ   samanyur upagamya ha
   tataḥ kāvyo bʰr̥gu-śreṣṭʰaḥ   samanyur upagamya ha /
Halfverse: c    vr̥ṣaparvāṇam āsīnam   ity uvācāvicārayan
   vr̥ṣa-parvāṇam āsīnam   ity uvāca_avicārayan /1/

Verse: 2 
Halfverse: a    nādʰarmaś carito rājan   sadyaḥ pʰalati gaur iva
   na_adʰarmaś carito rājan   sadyaḥ pʰalati gaur iva /
Halfverse: c    putreṣu vā naptr̥ṣu vā   na ced ātmani paśyati
   putreṣu vā naptr̥ṣu vā   na ced ātmani paśyati /
Halfverse: e    pʰalaty eva dʰruvaṃ pāpaṃ   guru bʰuktam ivodare
   pʰalaty eva dʰruvaṃ pāpaṃ   guru bʰuktam iva_udare /2/

Verse: 3 
Halfverse: a    yad agʰātayatʰā vipraṃ   kacam āṅgirasaṃ tadā
   yad agʰātayatʰā vipraṃ   kacam āṅgirasaṃ tadā /
Halfverse: c    apāpaśīlaṃ dʰarmajñaṃ   śuśrūṣaṃ madgr̥he ratam
   apāpa-śīlaṃ dʰarmajñaṃ   śuśrūṣaṃ mad-gr̥he ratam /3/

Verse: 4 
Halfverse: a    vadʰād anarhatas tasya   vadʰāc ca duhitur mama
   vadʰād anarhatas tasya   vadʰāc ca duhitur mama /
Halfverse: c    vr̥ṣaparvan nibodʰedaṃ   tyakṣyāmi tvāṃ sabāndʰavam
   vr̥ṣa-parvan nibodʰa_idaṃ   tyakṣyāmi tvāṃ sabāndʰavam /
Halfverse: e    stʰātuṃ tvad viṣaye rājan   na śakṣyāmi tvayā saha
   stʰātuṃ tvad viṣaye rājan   na śakṣyāmi tvayā saha /4/

Verse: 5 
Halfverse: a    aho mām abʰijānāsi   daitya mitʰyā pralāpinam
   aho mām abʰijānāsi   daitya mitʰyā pralāpinam /
Halfverse: c    yatʰemam ātmano doṣaṃ   na niyaccʰasy upekṣase
   yatʰā_imam ātmano doṣaṃ   na niyaccʰasy upekṣase /5/

Verse: 6  {Vr̥ṣaparvovāca}
Halfverse: a    nādʰarmaṃ na mr̥ṣāvādaṃ   tvayi jānāmi bʰārgava
   na_adʰarmaṃ na mr̥ṣā-vādaṃ   tvayi jānāmi bʰārgava /
Halfverse: c    tvayi dʰarmaś ca satyaṃ ca   tat prasīdatu no bʰavān
   tvayi dʰarmaś ca satyaṃ ca   tat prasīdatu no bʰavān /6/

Verse: 7 
Halfverse: a    yady asmān apahāya tvam   ito gaccʰasi bʰārgava
   yady asmān apahāya tvam   ito gaccʰasi bʰārgava /
Halfverse: c    samudraṃ saṃpraveṣkyāmo   nānyad asti parāyaṇam
   samudraṃ saṃpraveṣkyāmo   na_anyad asti parāyaṇam /7/

Verse: 8  {Śukra uvāca}
Halfverse: a    samudraṃ praviśadʰvaṃ vā   diśo vā dravatāsurāḥ
   samudraṃ praviśadʰvaṃ vā   diśo vā dravata_asurāḥ /
Halfverse: c    duhitur nāpriyaṃ soḍʰuṃ   śakto 'haṃ dayitā hi me
   duhitur na_apriyaṃ soḍʰuṃ   śakto_ahaṃ dayitā hi me /8/

Verse: 9 
Halfverse: a    prasādyatāṃ deva yānī   jīvitaṃ hy atra me stʰitam
   prasādyatāṃ deva yānī   jīvitaṃ hy atra me stʰitam /
Halfverse: c    yogakṣema karas te 'ham   indrasyeva br̥haspatiḥ
   yoga-kṣema karas te_aham   indrasya_iva br̥haspatiḥ /9/

Verse: 10  {Vr̥ṣaparvovāca}
Halfverse: a    yat kiṃ cid asurendrāṇāṃ   vidyate vasu bʰārgava
   yat kiṃcid asura_indrāṇāṃ   vidyate vasu bʰārgava /
Halfverse: c    bʰuvi hastigavāśvaṃ vā   tasya tvaṃ mama ceśvaraḥ
   bʰuvi hasti-gava_aśvaṃ vā   tasya tvaṃ mama ca_īśvaraḥ /10/

Verse: 11  {Śukra uvāca}
Halfverse: a    yat kiṃ cid asti draviṇaṃ   daityendrāṇāṃ mahāsura
   yat kiṃcid asti draviṇaṃ   daitya_indrāṇāṃ mahā_asura /
Halfverse: c    tasyeśvaro 'smi yadi te   deva yānī prasādyatām
   tasya_īśvaro_asmi yadi te   deva yānī prasādyatām /11/

Verse: 12  {Devayāny uvāca}
Halfverse: a    yadi tvam īśvaras tāta   rājño vittasya bʰārgava
   yadi tvam īśvaras tāta   rājño vittasya bʰārgava /
Halfverse: c    nābʰijānāmi tat te 'haṃ   rājā tu vadatu svayam
   na_abʰijānāmi tat te_ahaṃ   rājā tu vadatu svayam /12/

Verse: 13  {Vr̥ṣaparvovāca}
Halfverse: a    yaṃ kāmam abʰikāmāsi   deva yāni śucismite
   yaṃ kāmam abʰikāmā_asi   deva yāni śuci-smite /
Halfverse: c    tat te 'haṃ saṃpradāsyāmi   yadi ced api durlabʰam
   tat te_ahaṃ saṃpradāsyāmi   yadi ced api durlabʰam /13/

Verse: 14  {Devayāny uvāca}
Halfverse: a    dāsīṃ kanyā sahasreṇa   śarmiṣṭʰām abʰikāmaye
   dāsīṃ kanyā sahasreṇa   śarmiṣṭʰām abʰikāmaye /
Halfverse: c    anu māṃ tatra gaccʰet sā   yatra dāsyati me pitā
   anu māṃ tatra gaccʰet sā   yatra dāsyati me pitā /14/

Verse: 15  {Vr̥ṣaparvovāca}
Halfverse: a    uttiṣṭʰa he saṃgrahītri   śarmiṣṭʰāṃ śīgʰram ānaya
   uttiṣṭʰa he saṃgrahītri   śarmiṣṭʰāṃ śīgʰram ānaya /
Halfverse: c    yaṃ ca kāmayate kāmaṃ   deva yānī karotu tam
   yaṃ ca kāmayate kāmaṃ   deva yānī karotu tam /15/

Verse: 16  {Vaiśampāyana uvāca}
Halfverse: a    tato dʰātrī tatra gatvā   śarmiṣṭʰāṃ vākyam abravīt
   tato dʰātrī tatra gatvā   śarmiṣṭʰāṃ vākyam abravīt /
Halfverse: c    uttiṣṭʰa bʰadre śarmiṣṭʰe   jñātīnāṃ sukʰam āvaha
   uttiṣṭʰa bʰadre śarmiṣṭʰe   jñātīnāṃ sukʰam āvaha /16/

Verse: 17 
Halfverse: a    tyajati brāhmaṇaḥ śiṣyān   deva yānyā pracoditaḥ
   tyajati brāhmaṇaḥ śiṣyān   deva yānyā pracoditaḥ /
Halfverse: c    sā yaṃ kāmayate kāmaṃ   sa kāryo 'dya tvayānagʰe
   sā yaṃ kāmayate kāmaṃ   sa kāryo_adya tvayā_anagʰe /17/

Verse: 18  {Śarmiṣṭʰovāca}
Halfverse: a    sā yaṃ kāmayate kāmaṃ   karavāṇy aham adya tam
   sā yaṃ kāmayate kāmaṃ   karavāṇy aham adya tam /
Halfverse: c    mā tv evāpagamac cʰukro   deva yānī ca matkr̥te
   mā tv eva_apagamat śukro   deva yānī ca mat-kr̥te /18/

Verse: 19  {Vaiśampāyana uvāca}
Halfverse: a    tataḥ kanyā sahasreṇa   vr̥tā śibikayā tadā
   tataḥ kanyā sahasreṇa   vr̥tā śibikayā tadā /
Halfverse: c    pitur niyogāt tvaritā   niścakrāma purottamāt
   pitur niyogāt tvaritā   niścakrāma pura_uttamāt /19/

Verse: 20  {Śarmiṣṭʰovāca}
Halfverse: a    ahaṃ kanyā sahasreṇa   dāsī te paricārikā
   ahaṃ kanyā sahasreṇa   dāsī te paricārikā /
Halfverse: c    anu tvāṃ tatra yāsyāmi   yatra dāsyati te pitā
   anu tvāṃ tatra yāsyāmi   yatra dāsyati te pitā /20/

Verse: 21  {Devayāny uvāca}
Halfverse: a    stuvato duhitā te 'haṃ   bandinaḥ pratigr̥hṇataḥ
   stuvato duhitā te_ahaṃ   bandinaḥ pratigr̥hṇataḥ /
Halfverse: c    stūyamānasya duhitā   katʰaṃ dāsī bʰaviṣyasi
   stūyamānasya duhitā   katʰaṃ dāsī bʰaviṣyasi /21/

Verse: 22  {Śarmiṣṭʰovāca}
Halfverse: a    yena kena cid ārtānāṃ   jñātīnāṃ sukʰam āvahet
   yena kenacid ārtānāṃ   jñātīnāṃ sukʰam āvahet /
Halfverse: c    atas tvām anuyāsyāmi   yatra dāsyati te pitā
   atas tvām anuyāsyāmi   yatra dāsyati te pitā /22/

Verse: 23  {Vaiśampāyana uvāca}
Halfverse: a    pratiśrute dāsabʰāve   duhitrā vr̥ṣaparvaṇaḥ
   pratiśrute dāsa-bʰāve   duhitrā vr̥ṣa-parvaṇaḥ /
Halfverse: c    deva yānī nr̥paśreṣṭʰa   pitaraṃ vākyam abravīt
   deva yānī nr̥pa-śreṣṭʰa   pitaraṃ vākyam abravīt /23/

Verse: 24 
Halfverse: a    praviśāmi puraṃ tāta   tuṣṭāsmi dvijasattama
   praviśāmi puraṃ tāta   tuṣṭā_asmi dvija-sattama /
Halfverse: c    amogʰaṃ tava vijñānam   asti vidyā balaṃ ca te
   amogʰaṃ tava vijñānam   asti vidyā balaṃ ca te /24/

Verse: 25 
Halfverse: a    evam ukto duhitrā sa   dvijaśreṣṭʰo mahāyaśāḥ
   evam ukto duhitrā sa   dvija-śreṣṭʰo mahā-yaśāḥ /
Halfverse: c    praviveśa puraṃ hr̥ṣṭaḥ   pūjitaḥ sarvadānavaiḥ
   praviveśa puraṃ hr̥ṣṭaḥ   pūjitaḥ sarva-dānavaiḥ /25/ (E)25



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.