TITUS
Mahabharata
Part No. 1534
Previous part

Chapter: 206 
Adhyāya 206


Verse: 1  {Gurur uvāca}
Halfverse: a    rajasā sādʰyate mohas   tamasā ca nararṣabʰa
   rajasā sādʰyate mohas   tamasā ca nara-r̥ṣabʰa /
Halfverse: c    krodʰalobʰau bʰayaṃ darpa   eteṣāṃ sādʰanāc cʰuciḥ
   krodʰa-lobʰau bʰayaṃ darpa eteṣāṃ sādʰanāt śuciḥ /1/

Verse: 2 
Halfverse: a    paramaṃ paramātmānaṃ   devam akṣayam avyayam
   paramaṃ parama_ātmānaṃ   devam akṣayam avyayam /
Halfverse: c    viṣṇum avyaktasaṃstʰānaṃ   viśante deva sattamam
   viṣṇum avyakta-saṃstʰānaṃ   viśante deva sattamam /2/

Verse: 3 
Halfverse: a    tasya māyā vidagdʰāṅgā   jñānabʰraṣṭā nirāśiṣaḥ {!}
   tasya māyā vidagdʰa_aṅgā   jñāna-bʰraṣṭā nirāśiṣaḥ / {!}
Halfverse: c    mānavā jñānasaṃmohāt   tataḥ kāmaṃ prayānti vai
   mānavā jñāna-saṃmohāt   tataḥ kāmaṃ prayānti vai /3/

Verse: 4 
Halfverse: a    kāmāt krodʰam avāpyātʰa   lobʰamohau ca mānavāḥ
   kāmāt krodʰam avāpya_atʰa   lobʰa-mohau ca mānavāḥ /
Halfverse: c    mānadarpād ahaṃkāram   ahaṃkārāt tataḥ kriyāḥ
   māna-darpād ahaṃkāram   ahaṃkārāt tataḥ kriyāḥ /4/

Verse: 5 
Halfverse: a    kriyābʰiḥ snehasaṃbandʰaḥ   snehāc cʰokam anantaram
   kriyābʰiḥ sneha-saṃbandʰaḥ   snehāt śokam anantaram /
Halfverse: c    sukʰaduḥkʰasamārambʰāj   janmājanma kr̥takṣaṇāḥ
   sukʰa-duḥkʰa-samārambʰāt   janma_ajanma kr̥ta-kṣaṇāḥ /5/

Verse: 6 
Halfverse: a    janmato garbʰavāsaṃ tu   śukraśonita saṃbʰavam
   janmato garbʰa-vāsaṃ tu   śukra-śonita saṃbʰavam /
Halfverse: c    purīṣa mūtra vikleda   śonita prabʰavāvilam
   purīṣa mūtra vikleda   śonita prabʰava_āvilam /6/

Verse: 7 
Halfverse: a    tr̥ṣṇābʰibʰūtas tair baddʰas   tān evābʰipariplavan
   tr̥ṣṇā_abʰibʰūtas tair baddʰas   tān eva_abʰipariplavan /
Halfverse: c    saṃsāratantra vāhinyas   tatra budʰyeta yoṣitaḥ
   saṃsāra-tantra vāhinyas   tatra budʰyeta yoṣitaḥ /7/

Verse: 8 
Halfverse: a    prakr̥tyā kṣetrabʰūtās tā   narāḥ kṣetrajñalakṣaṇāḥ
   prakr̥tyā kṣetra-bʰūtās tā   narāḥ kṣetrajña-lakṣaṇāḥ /
Halfverse: c    tasmād etā viśeṣeṇa   naro 'tīyur vipaścitaḥ
   tasmād etā viśeṣeṇa   naro_atīyur vipaścitaḥ /8/

Verse: 9 
Halfverse: a    kr̥tyā hy etā gʰorarūpā   mohayanty avicakṣaṇān
   kr̥tyā hy etā gʰora-rūpā   mohayanty avicakṣaṇān /
Halfverse: c    rajasy antarhitā mūrtir   indriyāṇāṃ sanātanī
   rajasy antarhitā mūrtir   indriyāṇāṃ sanātanī /9/

Verse: 10 
Halfverse: a    tasmāt tarṣātmakād rājād   bījāj jāyanti jantavaḥ
   tasmāt tarṣa_ātmakād rājād   bījāt jāyanti jantavaḥ /
Halfverse: c    svadehajān asva saṃjñān   yadvad aṅgāt kr̥mīṃs tyajet
   sva-dehajān asva saṃjñān   yadvad aṅgāt kr̥mīṃs tyajet /
Halfverse: e    svasaṃjñān asvajāṃs tadvat   suta saṃjñān kr̥mīṃs tyajet
   sva-saṃjñān asvajāṃs tadvat   suta saṃjñān kr̥mīṃs tyajet /10/

Verse: 11 
Halfverse: a    śukrato rajataś caiva   snehāj jāyanti jantavaḥ
   śukrato rajataś caiva   snehāt jāyanti jantavaḥ /
Halfverse: c    svabʰāvāt karmayogād vā   tān upekṣeta buddʰimān
   svabʰāvāt karma-yogād vā   tān upekṣeta buddʰimān /11/

Verse: 12 
Halfverse: a    rajas tamasi paryastaṃ   sattvaṃ tamasi saṃstʰitam
   rajas tamasi paryastaṃ   sattvaṃ tamasi saṃstʰitam /
Halfverse: c    jñānādʰiṣṭʰānam ajñānaṃ   buddʰyahaṃkāralakṣaṇam
   jñāna_adʰiṣṭʰānam ajñānaṃ   buddʰy-ahaṃkāra-lakṣaṇam /12/

Verse: 13 
Halfverse: a    tad bījaṃ dehinām āhus   tad bījaṃ jīva saṃjñitam
   tad bījaṃ dehinām āhus   tad bījaṃ jīva saṃjñitam /
Halfverse: c    karmaṇā kālayuktena   saṃsāraparivartakam
   karmaṇā kāla-yuktena   saṃsāra-parivartakam /13/

Verse: 14 
Halfverse: a    ramaty ayaṃ yatʰā svapne   manasā dehavān iva
   ramaty ayaṃ yatʰā svapne   manasā dehavān iva /
Halfverse: c    karma garbʰair guṇair dehī   garbʰe tad upapadyate
   karma garbʰair guṇair dehī   garbʰe tad upapadyate /14/

Verse: 15 
Halfverse: a    karmaṇā bījabʰūtena   codyate yad yad indriyam
   karmaṇā bīja-bʰūtena   codyate yad yad indriyam /
Halfverse: c    jāyate tad ahaṃkārād   rāgayuktena cetasā
   jāyate tad ahaṃkārād   rāga-yuktena cetasā /15/

Verse: 16 
Halfverse: a    śabdarāgāc cʰrotram asya   jāyate bʰāvitātmanaḥ
   śabda-rāgāt śrotram asya   jāyate bʰāvita_ātmanaḥ /
Halfverse: c    rūparāgāt tatʰā cakṣur   gʰrāṇaṃ gandʰacikīrṣayā
   rūpa-rāgāt tatʰā cakṣur   gʰrāṇaṃ gandʰa-cikīrṣayā /16/

Verse: 17 
Halfverse: a    sparśanebʰyas tatʰā vāyuḥ   prāṇāpāna vyapāśrayaḥ {!}
   sparśanebʰyas tatʰā vāyuḥ   prāṇa_apāna vyapāśrayaḥ / {!}
Halfverse: c    vyānodānau samānaś ca   pañcadʰā dehayāpanā
   vyāna_udānau samānaś ca   pañcadʰā deha-yāpanā /17/

Verse: 18 
Halfverse: a    saṃjātair jāyate gātaiḥ   karmajair brahmaṇā vr̥taḥ
   saṃjātair jāyate gātaiḥ   karmajair brahmaṇā vr̥taḥ /
Halfverse: c    duḥkʰādy antair duḥkʰamadʰyair   naraḥ śārīra mānasaiḥ
   duḥkʰa_ādy antair duḥkʰa-madʰyair   naraḥ śārīra mānasaiḥ /18/

Verse: 19 
Halfverse: a    duḥkʰaṃ vidyād upādānād   abʰimānāc ca vardʰate
   duḥkʰaṃ vidyād upādānād   abʰimānāc ca vardʰate /
Halfverse: c    tyāgāt tebʰyo nirodʰaḥ syān   nirodʰajño vimucyate
   tyāgāt tebʰyo nirodʰaḥ syān   nirodʰajño vimucyate /19/

Verse: 20 
Halfverse: a    indriyāṇāṃ rajasy eva   prabʰava pralayāv ubʰau
   indriyāṇāṃ rajasy eva   prabʰava pralayāv ubʰau /
Halfverse: c    parīkṣya saṃcared vidvān   yatʰāvac cʰāstra cakṣuṣā {!}
   parīkṣya saṃcared vidvān   yatʰāvat śāstra cakṣuṣā /20/ {!}

Verse: 21 
Halfverse: a    jñānendriyāṇīndriyārtʰān   nopasarpanty atarṣulam
   jñāna_indriyāṇi_indriya_artʰān   na_upasarpanty atarṣulam /
Halfverse: c    jñātaiś ca kāraṇair dehī   na dehaṃ punar arhati
   jñātaiś ca kāraṇair dehī   na dehaṃ punar arhati /21/ (E)21


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.