TITUS
Mahabharata
Part No. 1537
Previous part

Chapter: 209 
Adhyāya 209


Verse: 1  {Gurur uvāca}
Halfverse: a    niṣkalmaṣaṃ brahmacaryam   iccʰatā carituṃ sadā {!}
   niṣkalmaṣaṃ brahmacaryam   iccʰatā carituṃ sadā / {!}
Halfverse: c    nidrā sarvātmanā tyājyā   svapnadoṣān avekṣatā
   nidrā sarva_ātmanā tyājyā   svapna-doṣān avekṣatā /1/

Verse: 2 
Halfverse: a    svapne hi rajasā dehī   tamasā cābʰibʰūyate
   svapne hi rajasā dehī   tamasā ca_abʰibʰūyate /
Halfverse: c    dehāntaram ivāpannaś   caraty apagata smr̥tiḥ
   deha_antaram iva_āpannaś   caraty apagata smr̥tiḥ /2/

Verse: 3 
Halfverse: a    jñānābʰyāsāj jāgarato   jijñāsārtʰam anantaram
   jñāna_abʰyāsāt jāgarato   jijñāsa_artʰam anantaram /
Halfverse: c    vijñānābʰiniveśāt tu   jāgaraty aniśaṃ sadā
   vijñāna_abʰiniveśāt tu   jāgaraty aniśaṃ sadā /3/

Verse: 4 
Halfverse: a    ahāha ko nv ayaṃ bʰāvaḥ   svapne viṣayavān iva
   aha_āha ko nv ayaṃ bʰāvaḥ   svapne viṣayavān iva /
Halfverse: c    pralīnair indriyair dehī   vartate dehavān iva
   pralīnair indriyair dehī   vartate dehavān iva /4/

Verse: 5 
Halfverse: a    atrocyate yatʰā hy etad   veda yogeśvaro hariḥ
   atra_ucyate yatʰā hy etad   veda yoga_īśvaro hariḥ /
Halfverse: c    tatʰaitad upapannārtʰaṃ   varṇayanti maharṣayaḥ
   tatʰā_etad upapanna_artʰaṃ   varṇayanti mahā-r̥ṣayaḥ /5/

Verse: 6 
Halfverse: a    indriyāṇāṃ śramāt svapnam   āhuḥ sarvagataṃ budʰāḥ
   indriyāṇāṃ śramāt svapnam   āhuḥ sarva-gataṃ budʰāḥ /
Halfverse: c    manasas tu pralīnatvāt   tat tad āhur nidarśanam
   manasas tu pralīnatvāt   tat tad āhur nidarśanam /6/

Verse: 7 
Halfverse: a    kāryavyāsaktamanasaḥ   saṃkalpo jāgrato hy api
   kārya-vyāsakta-manasaḥ   saṃkalpo jāgrato hy api /
Halfverse: c    yadvan manoratʰaiśvaryaṃ   svapne tadvan manogatam
   yadvad manoratʰa_aiśvaryaṃ   svapne tadvan mano-gatam /7/

Verse: 8 
Halfverse: a    saṃsārāṇām asaṃkʰyānāṃ   kāmātmā tad avāpnuyāt
   saṃsārāṇām asaṃkʰyānāṃ   kāma_ātmā tad avāpnuyāt /
Halfverse: c    manasy antarhitaṃ sarvaṃ   veda sottama pūruṣaḥ {!}
   manasy antarhitaṃ sarvaṃ   veda sa_uttama pūruṣaḥ /8/ {!}

Verse: 9 
Halfverse: a    guṇānām api yad yat tat   karma jānāty upastʰitam
   guṇānām api yad yat tat   karma jānāty upastʰitam /
Halfverse: c    tat tac cʰaṃsanti bʰūtāni   mano yad bʰāvitaṃ yatʰā
   tat tat śaṃsanti bʰūtāni   mano yad bʰāvitaṃ yatʰā /9/

Verse: 10 
Halfverse: a    tatas tam upavartante   guṇā rājasa tāmasāḥ
   tatas tam upavartante   guṇā rājasa tāmasāḥ /
Halfverse: c    sāttviko vā yatʰāyogam   ānantarya pʰalodayaḥ
   sāttviko vā yatʰā-yogam   ānantarya pʰala_udayaḥ /10/

Verse: 11 
Halfverse: a    tataḥ paśyaty asaṃbaddʰān   vātapitta kapʰottarān
   tataḥ paśyaty asaṃbaddʰān   vāta-pitta kapʰa_uttarān /
Halfverse: c    rajas tamo bʰāvair bʰāvais   tad apy āhur duranvayam
   rajas tamo bʰāvair bʰāvais   tad apy āhur duranvayam /11/

Verse: 12 
Halfverse: a    prasannair indriyair yad yat   saṃkalpayati mānasam
   prasannair indriyair yad yat   saṃkalpayati mānasam /
Halfverse: c    tat tat svapne 'py uparate   mano dr̥ṣṭir nirīkṣate
   tat tat svapne_apy uparate   mano dr̥ṣṭir nirīkṣate /12/

Verse: 13 
Halfverse: a    vyāpakaṃ sarvabʰūteṣu   vartate 'pratigʰaṃ manaḥ
   vyāpakaṃ sarva-bʰūteṣu   vartate_apratigʰaṃ manaḥ /
Halfverse: c    manasy antarhitaṃ dvāraṃ   deham āstʰāya mānasam
   manasy antarhitaṃ dvāraṃ   deham āstʰāya mānasam /13/

Verse: 14 
Halfverse: a    yat tat sadasad avyaktaṃ   svapity asmin nidarśanam
   yat tat sat-asat avyaktaṃ   svapity asmin nidarśanam /
Halfverse: c    sarvabʰūtātmabʰūtastʰaṃ   tad adʰyātmaguṇaṃ viduḥ
   sarva-bʰūta_ātma-bʰūtastʰaṃ   tad adʰyātma-guṇaṃ viduḥ /14/

Verse: 15 
Halfverse: a    lipseta manasā yaś ca   saṃkalpād aiśvaraṃ guṇam
   lipseta manasā yaś ca   saṃkalpād aiśvaraṃ guṇam /
Halfverse: c    ātmaprabʰāvāt taṃ vidyāt   sarvā hy ātmani devatāḥ
   ātma-prabʰāvāt taṃ vidyāt   sarvā hy ātmani devatāḥ /15/

Verse: 16 
Halfverse: a    evaṃ hi tapasā yuktam   arkavat tamasaḥ param
   evaṃ hi tapasā yuktam   arkavat tamasaḥ param /
Halfverse: c    trailokyaprakr̥tir dehī   tapasā taṃ maheśvaram
   trailokya-prakr̥tir dehī   tapasā taṃ mahā_īśvaram /16/

Verse: 17 
Halfverse: a    tapo hy adʰiṣṭʰitaṃ devais   tapo gʰnam asurais tamaḥ
   tapo hy adʰiṣṭʰitaṃ devais   tapo gʰnam asurais tamaḥ /
Halfverse: c    etad devāsurair guptaṃ   tad āhur jñānalakṣaṇam
   etad deva_asurair guptaṃ   tad āhur jñāna-lakṣaṇam /17/

Verse: 18 
Halfverse: a    sattvaṃ rajas tamaś ceti   devāsuraguṇān viduḥ
   sattvaṃ rajas tamaś ca_iti   deva_asura-guṇān viduḥ /
Halfverse: c    sattvaṃ deva guṇaṃ vidyād   itarāv āsurau guṇau
   sattvaṃ deva guṇaṃ vidyād   itarāv āsurau guṇau /18/

Verse: 19 
Halfverse: a    brahma tatparamaṃ vedyam   amr̥taṃ jyotir akṣaram
   brahma tat-paramaṃ vedyam   amr̥taṃ jyotir akṣaram /
Halfverse: c    ye vidur bʰāvitātmānas   te yānti paramāṃ gatim
   ye vidur bʰāvita_ātmānas   te yānti paramāṃ gatim /19/

Verse: 20 
Halfverse: a    hetumac cʰakyam ākʰyātum   etāvaj jñānacakṣuṣā {!}
   hetumat śakyam ākʰyātum   etāvat jñāna-cakṣuṣā / {!}
Halfverse: c    pratyāhāreṇa vā śakyam   avyaktaṃ brahma veditum
   pratyāhāreṇa vā śakyam   avyaktaṃ brahma veditum /20/ (E)20


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.