TITUS
Mahabharata
Part No. 1545
Previous part

Chapter: 217 
Adhyāya 217


Verse: 1  {Bʰīṣma uvāca}
Halfverse: a    punar eva tu taṃ śakraḥ   prahasann idam abravīt
   punar eva tu taṃ śakraḥ   prahasann idam abravīt /
Halfverse: c    niḥśvasantaṃ yatʰā nāgaṃ   pravyāhārāya bʰārata
   niḥśvasantaṃ yatʰā nāgaṃ   pravyāhārāya bʰārata /1/

Verse: 2 
Halfverse: a    yat tad yānasahasreṇa   jñātibʰiḥ parivāritaḥ
   yat tad yāna-sahasreṇa   jñātibʰiḥ parivāritaḥ /
Halfverse: c    lokān pratāpayan sarvān   yāsy asmān avitarkayan
   lokān pratāpayan sarvān   yāsy asmān avitarkayan /2/

Verse: 3 
Halfverse: a    dr̥ṣṭvā sukr̥paṇāṃ cemām   avastʰām ātmano bale
   dr̥ṣṭvā sukr̥paṇāṃ ca_imām   avastʰām ātmano bale /
Halfverse: c    jñātimitra parityaktaḥ   śocasy āho na śocasi
   jñāti-mitra parityaktaḥ   śocasy āho na śocasi /3/

Verse: 4 
Halfverse: a    prītiṃ prātyātulāṃ pūrvaṃ   lokāṃś cātmavaśe stʰitām
   prītiṃ prātya_atulāṃ pūrvaṃ   lokāṃś ca_ātma-vaśe stʰitām /
Halfverse: c    vinipātam imaṃ cādya   śocasy āho na śocasi
   vinipātam imaṃ ca_adya   śocasy āho na śocasi /4/

Verse: 5  {Balir uvāca}
Halfverse: a    anityam upalakṣyedaṃ   kālaparyāyam ātmanaḥ
   anityam upalakṣya_idaṃ   kāla-paryāyam ātmanaḥ /
Halfverse: c    tasmāc cʰakra na śocāmi   sarvaṃ hy evedam antavat {!}
   tasmāt śakra na śocāmi   sarvaṃ hy eva_idam antavat /5/ {!}

Verse: 6 
Halfverse: a    antavanta ime dehā   bʰūtānām amarādʰipa
   antavanta\ ime dehā   bʰūtānām amara_adʰipa /
Halfverse: c    tena śakra na śocāmi   nāparādʰād idaṃ mama
   tena śakra na śocāmi   na_aparādʰād idaṃ mama /6/

Verse: 7 
Halfverse: a    jīvitaṃ ca śarīraṃ ca   pretya vai saha jāyate
   jīvitaṃ ca śarīraṃ ca   pretya vai saha jāyate /
Halfverse: c    ubʰe saha vivardʰete   ubʰe saha vinaśyataḥ
   ubʰe saha vivardʰete ubʰe saha vinaśyataḥ /7/

Verse: 8 
Halfverse: a    tad īdr̥śam idaṃ bʰāvam   avaśaḥ prāpya kevalam
   tad īdr̥śam idaṃ bʰāvam   avaśaḥ prāpya kevalam /
Halfverse: c    yady evam abʰijānāmi   kā vyatʰā me vijānataḥ
   yady evam abʰijānāmi   kā vyatʰā me vijānataḥ /8/

Verse: 9 
Halfverse: a    bʰūtānāṃ nidʰanaṃ niṣṭʰā   srotasām iva sāgaraḥ
   bʰūtānāṃ nidʰanaṃ niṣṭʰā   srotasām iva sāgaraḥ /
Halfverse: c    naitat samyag vijānanto   narā muhyanti vajrabʰr̥t
   na_etat samyag vijānanto   narā muhyanti vajrabʰr̥t /9/

Verse: 10 
Halfverse: a    ye tv evaṃ nābʰijānanti   rajo mohaparāyanāḥ
   ye tv evaṃ na_abʰijānanti   rajo moha-parāyanāḥ /
Halfverse: c    te kr̥ccʰraṃ prāpya sīdanti   buddʰir yeṣāṃ pranaśyati
   te kr̥ccʰraṃ prāpya sīdanti   buddʰir yeṣāṃ pranaśyati /10/

Verse: 11 
Halfverse: a    buddʰilābʰe hi puruṣaḥ   sarvaṃ nudati kilbiṣam {!}
   buddʰi-lābʰe hi puruṣaḥ   sarvaṃ nudati kilbiṣam / {!}
Halfverse: c    vipāpmā labʰate sattvaṃ   sattvastʰaḥ saṃprasīdati
   vipāpmā labʰate sattvaṃ   sattvastʰaḥ saṃprasīdati /11/

Verse: 12 
Halfverse: a    tatas tu ye nivartante   jāyante vā punaḥ punaḥ
   tatas tu ye nivartante   jāyante vā punaḥ punaḥ /
Halfverse: c    kr̥paṇāḥ paritapyante   te 'nartʰair paricoditāḥ
   kr̥paṇāḥ paritapyante   te_anartʰair paricoditāḥ /12/

Verse: 13 
Halfverse: a    artʰasiddʰim anartʰaṃ ca   jīvitaṃ maraṇaṃ tatʰā
   artʰa-siddʰim anartʰaṃ ca   jīvitaṃ maraṇaṃ tatʰā /
Halfverse: c    sukʰaduḥkʰapʰalaṃ caiva   na dveṣmi na ca kāmaye {!}
   sukʰa-duḥkʰa-pʰalaṃ caiva   na dveṣmi na ca kāmaye /13/ {!}

Verse: 14 
Halfverse: a    hataṃ hanti hato hy eva   yo naro hanti kaṃ cana
   hataṃ hanti hato hy eva   yo naro hanti kaṃcana /
Halfverse: c    ubʰau tau na vijānīto   yaś ca hanti hataś ca yaḥ
   ubʰau tau na vijānīto   yaś ca hanti hataś ca yaḥ /14/

Verse: 15 
Halfverse: a    hatvā jitvā ca magʰavan   yaḥ kaś cit puruṣāyate
   hatvā jitvā ca magʰavan   yaḥ kaścit puruṣāyate /
Halfverse: c    akartā hy eva bʰavati   kartā tv eva karoti tat
   akartā hy eva bʰavati   kartā tv eva karoti tat /15/

Verse: 16 
Halfverse: a    ho hi lokasya kurute   vināśaprabʰavāv ubʰau
   ho hi lokasya kurute   vināśa-prabʰavāv ubʰau /
Halfverse: c    kr̥taṃ hi tat kr̥tenaiva   kartā tasyāpi cāparaḥ
   kr̥taṃ hi tat kr̥tena_eva   kartā tasya_api ca_aparaḥ /16/

Verse: 17 
Halfverse: a    pr̥tʰivī vāyur ākāśam   āpo jyotiś ca pañcamam
   pr̥tʰivī vāyur ākāśam   āpo jyotiś ca pañcamam /
Halfverse: c    etadyonīni bʰūtāni   tatra kā paridevanā
   etad-yonīni bʰūtāni   tatra kā paridevanā /17/

Verse: 18 
Halfverse: a    mahāvidyo 'lpavidyaś ca   balavān durbalaś ca yaḥ
   mahā-vidyo_alpa-vidyaś ca   balavān durbalaś ca yaḥ /
Halfverse: c    darśanīyaś virūpaś ca   subʰago durbʰagaś ca yaḥ
   darśanīyaś virūpaś ca   subʰago durbʰagaś ca yaḥ /18/

Verse: 19 
Halfverse: a    sarvaṃ kālaḥ samādatte   gambʰīraḥ svena tejasā
   sarvaṃ kālaḥ samādatte   gambʰīraḥ svena tejasā /
Halfverse: c    tasmin kālavaśaṃ prāpte   kā vyatʰā me vijānataḥ
   tasmin kāla-vaśaṃ prāpte   kā vyatʰā me vijānataḥ /19/

Verse: 20 
Halfverse: a    dagdʰam evānudahati   hatam evānuhanti ca
   dagdʰam eva_anudahati   hatam eva_anuhanti ca /
Halfverse: c    naśyate naṣṭam evāgre   labdʰavyaṃ labʰate naraḥ {!}
   naśyate naṣṭam eva_agre   labdʰavyaṃ labʰate naraḥ /20/ {!}

Verse: 21 
Halfverse: a    nāsya dvīpaḥ kutaḥ pāraṃ   nāvāraḥ saṃpradr̥śyate
   na_asya dvīpaḥ kutaḥ pāraṃ   na_āvāraḥ saṃpradr̥śyate /
Halfverse: c    nāntam asya prapaśyāmi   vidʰer divyasya cintayam
   na_antam asya prapaśyāmi   vidʰer divyasya cintayam /21/

Verse: 22 
Halfverse: a    yadi me paśyataḥ kālo   bʰūtāni na vināśayet
   yadi me paśyataḥ kālo   bʰūtāni na vināśayet /
Halfverse: c    syān me harśaś ca darpaś ca   krodʰaś caiva śacīpate
   syāt me harśaś ca darpaś ca   krodʰaś caiva śacī-pate /22/

Verse: 23 
Halfverse: a    tuṣabʰakṣaṃ tu māṃ jñātvā   pravivikta jane gr̥he {!}
   tuṣa-bʰakṣaṃ tu māṃ jñātvā   pravivikta jane gr̥he / {!}
Halfverse: c    bibʰrataṃ gārdabʰaṃ rūpam   ādiśya parigarhase
   bibʰrataṃ gārdabʰaṃ rūpam   ādiśya parigarhase /23/

Verse: 24 
Halfverse: a    iccʰann ahaṃ vikuryāṃ hi   rūpāṇi bahudʰātmanaḥ
   iccʰann ahaṃ vikuryāṃ hi   rūpāṇi bahudʰā_ātmanaḥ /
Halfverse: c    vibʰīsanāni yānīkṣya   palāyetʰās tvam eva me
   vibʰīsanāni yāni_īkṣya   palāyetʰās tvam eva me /24/

Verse: 25 
Halfverse: a    kālaḥ sarvaṃ samādatte   kālaḥ sarvaṃ prayaccʰati
   kālaḥ sarvaṃ samādatte   kālaḥ sarvaṃ prayaccʰati /
Halfverse: c    kālena vidʰr̥taṃ sarvaṃ   mā kr̥tʰāḥ śakra pauruṣam
   kālena vidʰr̥taṃ sarvaṃ   mā kr̥tʰāḥ śakra pauruṣam /25/

Verse: 26 
Halfverse: a    purā sarvaṃ pravyatʰate   mayi kruddʰe puraṃdara
   purā sarvaṃ pravyatʰate   mayi kruddʰe puraṃdara /
Halfverse: c    avaimi tv asya lokasya   dʰarmaṃ śakra sanātanam
   avaimi tv asya lokasya   dʰarmaṃ śakra sanātanam /26/

Verse: 27 
Halfverse: a    tvam apy evam apekṣasva   mātmanā vismayaṃ gamaḥ
   tvam apy evam apekṣasva   mā_ātmanā vismayaṃ gamaḥ /
Halfverse: c    prabʰavaś ca prabʰāvaś ca   nātma saṃstʰaḥ kadā cana
   prabʰavaś ca prabʰāvaś ca   na_ātma saṃstʰaḥ kadācana /27/

Verse: 28 
Halfverse: a    kaumāram eva te cittaṃ   tatʰaivādya yatʰā purā
   kaumāram eva te cittaṃ   tatʰā_eva_adya yatʰā purā /
Halfverse: c    samavekṣasva magʰavan   buddʰiṃ vindasva naiṣṭʰikīm
   samavekṣasva magʰavan   buddʰiṃ vindasva naiṣṭʰikīm /28/

Verse: 29 
Halfverse: a    devā manuṣyāḥ pitaro   gandʰarvoragarākṣasāḥ
   devā manuṣyāḥ pitaro   gandʰarva_uraga-rākṣasāḥ /
Halfverse: c    āsan sarve mama vaśe   tat sarvaṃ vettʰa vāsava
   āsan sarve mama vaśe   tat sarvaṃ vettʰa vāsava /29/

Verse: 30 
Halfverse: a    namas tasyai diśe 'py astu   yasyāṃ vairocano baliḥ
   namas tasyai diśe_apy astu   yasyāṃ vairocano baliḥ /
Halfverse: c    iti mām abʰyapadyanta   buddʰimātsaya mohitāḥ
   iti mām abʰyapadyanta   buddʰi-mātsaya mohitāḥ /30/

Verse: 31 
Halfverse: a    nāhaṃ tad anuśocāmi   nātma bʰraṃśaṃ śacīpate
   na_ahaṃ tad anuśocāmi   na_ātma bʰraṃśaṃ śacī-pate /
Halfverse: c    evaṃ me niścitā buddʰiḥ   śāstus tiṣṭʰāmy ahaṃ vaśe
   evaṃ me niścitā buddʰiḥ   śāstus tiṣṭʰāmy ahaṃ vaśe /31/

Verse: 32 
Halfverse: a    dr̥śyate hi kule jāto   darśanīyaḥ pratāpavān
   dr̥śyate hi kule jāto   darśanīyaḥ pratāpavān /
Halfverse: c    duḥkʰaṃ jīvan sahāmātyo   bʰavitavyaṃ hi tat tatʰā
   duḥkʰaṃ jīvan saha_amātyo   bʰavitavyaṃ hi tat tatʰā /32/

Verse: 33 
Halfverse: a    dauṣkulelyas tatʰā mūḍʰo   durjātaḥ śakra dr̥śyate {!}
   dauṣkulelyas tatʰā mūḍʰo   durjātaḥ śakra dr̥śyate / {!}
Halfverse: c    sukʰaṃ jīvan sahāmātya   bʰavitavyaṃ hi tat tatʰā
   sukʰaṃ jīvan saha_amātya   bʰavitavyaṃ hi tat tatʰā /33/

Verse: 34 
Halfverse: a    kalyānī rūpasaṃpannā   durbʰagā śakra dr̥śyate
   kalyānī rūpa-saṃpannā   durbʰagā śakra dr̥śyate /
Halfverse: c    alakṣaṇā virūpā ca   subʰagā śakra dr̥śyate
   alakṣaṇā virūpā ca   subʰagā śakra dr̥śyate /34/

Verse: 35 
Halfverse: a    naitad asmat kr̥taṃ śakra   naitac cʰakra tvayā kr̥tam
   na_etad asmat kr̥taṃ śakra   na_etat śakra tvayā kr̥tam /
Halfverse: c    yat tvam evaṃgato vajrin   yad vāpy evaṃgatā vayam
   yat tvam evaṃ-gato vajrin   yad vā_apy evaṃ-gatā vayam /35/

Verse: 36 
Halfverse: a    na karma tava nānyeṣāṃ   kuto mama śatakrato
   na karma tava na_anyeṣāṃ   kuto mama śata-krato /
Halfverse: c    r̥ddʰir vāpy atʰa vā narddʰiḥ   paryāya kr̥tam eva tat
   r̥ddʰir vā_apy atʰa vā na-r̥ddʰiḥ   paryāya kr̥tam eva tat /36/

Verse: 37 
Halfverse: a    paśyāmi tvā virājantaṃ   devarājam avastʰitam
   paśyāmi tvā virājantaṃ   deva-rājam avastʰitam /
Halfverse: c    śrīmantaṃ dyutimantaṃ ca   garjantaṃ ca mamopari
   śrīmantaṃ dyutimantaṃ ca   garjantaṃ ca mama_upari /37/

Verse: 38 
Halfverse: a    etac caivaṃ na cet kālo   mām ākramya stʰito bʰavet
   etac ca_evaṃ na cet kālo   mām ākramya stʰito bʰavet /
Halfverse: c    pātayeyam ahaṃ tvādya   savarjam api muṣṭinā
   pātayeyam ahaṃ tvā_adya   savarjam api muṣṭinā /38/

Verse: 39 
Halfverse: a    na tu vikramakālo 'yaṃ   kṣamā kālo 'yam āgataḥ
   na tu vikrama-kālo_ayaṃ   kṣamā kālo_ayam āgataḥ /
Halfverse: c    kālaḥ stʰāpayate sarvaṃ   kālaḥ pacati vai tatʰā
   kālaḥ stʰāpayate sarvaṃ   kālaḥ pacati vai tatʰā /39/

Verse: 40 
Halfverse: a    māṃ ced abʰyāgataḥ kālo   dānaveśvaram ūrjitam
   māṃ ced abʰyāgataḥ kālo   dānava_īśvaram ūrjitam /
Halfverse: c    garjantaṃ pratapantaṃ ca   kam anyaṃ nāgamiṣyati
   garjantaṃ pratapantaṃ ca   kam anyaṃ na_āgamiṣyati /40/

Verse: 41 
Halfverse: a    dvādaśānāṃ hi bʰavatām   ādityānāṃ mahātmanām
   dvādaśānāṃ hi bʰavatām   ādityānāṃ mahā_ātmanām /
Halfverse: c    tejāṃsy ekena sarveṣāṃ   devarājahr̥tāni me
   tejāṃsy ekena sarveṣāṃ   deva-rāja-hr̥tāni me /41/

Verse: 42 
Halfverse: a    aham evodvahāmy āpo   visr̥jāmi ca vāsava
   aham eva_udvahāmy āpo   visr̥jāmi ca vāsava /
Halfverse: c    tapāmi caiva trailokyaṃ   vidyotāmy aham eva ca
   tapāmi caiva trailokyaṃ   vidyotāmy aham eva ca /42/

Verse: 43 
Halfverse: a    saṃrakṣāmi vilumpāmi   dadāmy aham atʰādade
   saṃrakṣāmi vilumpāmi   dadāmy aham atʰa_ādade /
Halfverse: c    saṃyaccʰāmi niyaccʰāmi   lokeṣu prabʰur īśvaraḥ
   saṃyaccʰāmi niyaccʰāmi   lokeṣu prabʰur īśvaraḥ /43/

Verse: 44 
Halfverse: a    tad adya vinivr̥ttaṃ me   prabʰutvam amarādʰipa
   tad adya vinivr̥ttaṃ me   prabʰutvam amara_adʰipa /
Halfverse: c    kālasainyāvagādʰasya   sarvaṃ na pratibʰāti me
   kāla-sainya_avagādʰasya   sarvaṃ na pratibʰāti me /44/

Verse: 45 
Halfverse: a    nāhaṃ kartā na caiva tvaṃ   nānyak kartā śacīpate
   na_ahaṃ kartā na caiva tvaṃ   na_anyak kartā śacī-pate /
Halfverse: c    paryāyena hi bʰujyante   lokāḥ śakra yadr̥ccʰayā
   paryāyena hi bʰujyante   lokāḥ śakra yadr̥ccʰayā /45/

Verse: 46 
Halfverse: a    māsārdʰa māsaveśmānam   ahorātrābʰisaṃvr̥tam
   māsa_ardʰa māsa-veśmānam   ahorātra_abʰisaṃvr̥tam /
Halfverse: c    r̥tudvāraṃ varṣamukʰam   āhur vedavido janāḥ
   r̥tu-dvāraṃ varṣa-mukʰam   āhur vedavido janāḥ /46/

Verse: 47 
Halfverse: a    āhuḥ sarvam idaṃ cintyaṃ   janāḥ ke cin manīsayā
   āhuḥ sarvam idaṃ cintyaṃ   janāḥ kecit manīsayā /
Halfverse: c    asyāḥ pañcaiva cintāyāḥ   paryeṣyāmi ca pañcadʰā {!}
   asyāḥ pañca_eva cintāyāḥ   paryeṣyāmi ca pañcadʰā /47/ {!}

Verse: 48 
Halfverse: a    ganbʰīraṃ gahanaṃ brahma   mahat toyārṇavaṃ yatʰā
   ganbʰīraṃ gahanaṃ brahma   mahat toya_arṇavaṃ yatʰā /
Halfverse: c    anādi nidʰanaṃ cāhur   akṣaraṃ param eva ca
   anādi nidʰanaṃ ca_āhur   akṣaraṃ param eva ca /48/

Verse: 49 
Halfverse: a    sattveṣu liṅgam āveśya   naliṅgam api tat svayam
   sattveṣu liṅgam āveśya   naliṅgam api tat svayam /
Halfverse: c    manyante dʰruvam evainaṃ   ye narās tattvadarśinaḥ
   manyante dʰruvam eva_enaṃ   ye narās tattva-darśinaḥ /49/

Verse: 50 
Halfverse: a    bʰūtānāṃ tu viparyāsaṃ   manyate gatavān iti
   bʰūtānāṃ tu viparyāsaṃ   manyate gatavān iti /
Halfverse: c    na hy etāvad bʰaved gamyaṃ   nayasmāt prakr̥teḥ paraḥ
   na hy etāvad bʰaved gamyaṃ   nayasmāt prakr̥teḥ paraḥ /50/

Verse: 51 
Halfverse: a    gatiṃ hi sarvabʰūtānām   agatvā kva gamiṣyasi
   gatiṃ hi sarva-bʰūtānām   agatvā kva gamiṣyasi /
Halfverse: c    yo dʰāvatā na hātavyas   tiṣṭʰann api na hīyate
   yo dʰāvatā na hātavyas   tiṣṭʰann api na hīyate /
Halfverse: e    tam indriyāṇi sarvāṇi   nānupaśyanti pañcadʰā
   tam indriyāṇi sarvāṇi   na_anupaśyanti pañcadʰā /51/

Verse: 52 
Halfverse: a    āhuś cainaṃ ke cid agniṃ   ke cid āhuḥ prajāpatim
   āhuś ca_enaṃ kecid agniṃ   kecid āhuḥ prajāpatim /
Halfverse: c    r̥tumāsārdʰa māmāṃś ca   divasāṃs tu kṣaṇāṃs tatʰā
   r̥tu-māsa_ardʰa māmāṃś ca   divasāṃs tu kṣaṇāṃs tatʰā /52/

Verse: 53 
Halfverse: a    pūrvāhnam aparāhnaṃ ca   madʰyāhnam api cāpare
   pūrva_ahnam apara_ahnaṃ ca   madʰya_ahnam api ca_apare /
Halfverse: c    muhūrtam api caivāhur   ekaṃ santam anekadʰā
   muhūrtam api ca_eva_āhur   ekaṃ santam anekadʰā /
Halfverse: e    taṃ kālam avajānīhi   yasya sarvam idaṃ vaśe
   taṃ kālam avajānīhi   yasya sarvam idaṃ vaśe /53/

Verse: 54 
Halfverse: a    bahunīndra sahasrāṇi   samatītāni vāsava
   bahuni_indra sahasrāṇi   samatītāni vāsava /
Halfverse: c    balavīryopapannāni   yatʰaiva tvaṃ śacīpate
   bala-vīrya_upapannāni   yatʰā_eva tvaṃ śacī-pate /54/

Verse: 55 
Halfverse: a    tvām apy atibalaṃ śakraṃ   devarājaṃ balotkatam
   tvām apy atibalaṃ śakraṃ   deva-rājaṃ bala_utkatam /
Halfverse: c    prāpte kāle mahāvīryaḥ   kālaḥ saṃśamayiṣyati
   prāpte kāle mahā-vīryaḥ   kālaḥ saṃśamayiṣyati /55/

Verse: 56 
Halfverse: a    ya idaṃ sarvam ādatte   tasmāc cʰakra stʰiro bʰava
   ya\ idaṃ sarvam ādatte   tasmāt śakra stʰiro bʰava /
Halfverse: c    mayā tvayā ca pūrvaiś ca   na sa śakyo 'tivartitum {!}
   mayā tvayā ca pūrvaiś ca   na sa śakyo_ativartitum /56/ {!}

Verse: 57 
Halfverse: a    yām etāṃ prāpya jānīse   rājaśriyam anuttamām
   yām etāṃ prāpya jānīse   rāja-śriyam anuttamām /
Halfverse: c    stʰitā mayīti tan mitʰyā   naiṣā hy ekatra tiṣṭʰati
   stʰitā mayi_iti tan mitʰyā   na_eṣā hy ekatra tiṣṭʰati /57/

Verse: 58 
Halfverse: a    stʰitā hīndra sahasreṣu   tvad viśiṣṭatameṣv iyam
   stʰitā hi_indra sahasreṣu   tvad viśiṣṭatameṣv iyam /
Halfverse: c    māṃ ca lolā parityajya   tvām agād vibudʰādʰipa
   māṃ ca lolā parityajya   tvām agād vibudʰa_adʰipa /58/

Verse: 59 
Halfverse: a    maivaṃ śakra punaḥ kārṣīḥ   śānto bʰavitum arhasi
   mā_evaṃ śakra punaḥ kārṣīḥ   śānto bʰavitum arhasi /
Halfverse: c    tvām apy evaṃgataṃ tyaktvā   kṣipram anyaṃ gamiṣyati
   tvām apy evaṃ-gataṃ tyaktvā   kṣipram anyaṃ gamiṣyati /59/ (E)59


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.