TITUS
Mahabharata
Part No. 1644
Previous part

Chapter: 316 
Adhyāya 316


Verse: 1  {Bʰīṣma uvāca}
Halfverse: a    etasminn antare śūnye   nāradaḥ samupāgamat
   etasminn antare śūnye   nāradaḥ samupāgamat /
Halfverse: c    śukaṃ svādʰyāyanirataṃ   vedārtʰān vaktum īpsitān
   śukaṃ svādʰyāya-nirataṃ   veda_artʰān vaktum īpsitān /1/

Verse: 2 
Halfverse: a    devarṣiṃ tu śuko dr̥ṣṭvā   nāradaṃ samupastʰitam
   deva-r̥ṣiṃ tu śuko dr̥ṣṭvā   nāradaṃ samupastʰitam /
Halfverse: c    argʰya pūrveṇa vidʰinā   vedoktenābʰyapūjayat
   argʰya pūrveṇa vidʰinā   veda_uktena_abʰyapūjayat /2/

Verse: 3 
Halfverse: a    nārado 'tʰābravīt prīto   brūhi brahmavidāṃ varan
   nārado_atʰa_abravīt prīto   brūhi brahmavidāṃ varan /
Halfverse: c    kena tvāṃ śreyasā tāta   yojayāmīti hr̥ṣṭavat
   kena tvāṃ śreyasā tāta   yojayāmi_iti hr̥ṣṭavat /3/

Verse: 4 
Halfverse: a    nāradasya vacaḥ śrutvā   śukaḥ provāca bʰārata
   nāradasya vacaḥ śrutvā   śukaḥ provāca bʰārata /
Halfverse: c    asmim̐l loke hitaṃ yat syāt   tena māṃ yoktum arhasi
   asmim̐l loke hitaṃ yat syāt   tena māṃ yoktum arhasi /4/

Verse: 5  {Nārada uvāca}
Halfverse: a    tattvaṃ jijñāsatāṃ pūrvam   r̥ṣīṇāṃ bʰāvitātmanām
   tattvaṃ jijñāsatāṃ pūrvam   r̥ṣīṇāṃ bʰāvita_ātmanām /
Halfverse: c    sanatkumāro bʰagavān   idaṃ vacanam abravīt
   sanatkumāro bʰagavān   idaṃ vacanam abravīt /5/

Verse: 6 
Halfverse: a    nāsti vidyā samaṃ cakṣur   nāsti vidyā samaṃ tapaḥ
   na_asti vidyā samaṃ cakṣur   na_asti vidyā samaṃ tapaḥ /
Halfverse: c    nāsti rāgasamaṃ duḥkʰaṃ   nāsti tyāgasamaṃ sukʰam
   na_asti rāga-samaṃ duḥkʰaṃ   na_asti tyāga-samaṃ sukʰam /6/

Verse: 7 
Halfverse: a    nivr̥ttiḥ karmaṇaḥ pāpāt   satataṃ puṇyaśīlatā
   nivr̥ttiḥ karmaṇaḥ pāpāt   satataṃ puṇya-śīlatā /
Halfverse: c    sadvr̥ttiḥ samudācāraḥ   śreya etad anuttamam
   sadvr̥ttiḥ samudācāraḥ   śreya\ etad anuttamam /7/

Verse: 8 
Halfverse: a    mānuṣyam asukʰaṃ prāpya   yaḥ sajjati sa muhyati
   mānuṣyam asukʰaṃ prāpya   yaḥ sajjati sa muhyati /
Halfverse: c    nālaṃ sa duḥkʰamokṣāya   saṅgo vai duḥkʰalakṣaṇam
   na_alaṃ sa duḥkʰa-mokṣāya   saṅgo vai duḥkʰa-lakṣaṇam /8/

Verse: 9 
Halfverse: a    saktasya buddʰiś calati   mohajālavivardʰinī
   saktasya buddʰiś calati   moha-jāla-vivardʰinī /
Halfverse: c    mohajālāvr̥to duḥkʰam   iha cāmutra cāśnute
   moha-jāla_āvr̥to duḥkʰam   iha ca_amutra ca_aśnute /9/

Verse: 10 
Halfverse: a    sarvopāyena kāmasya   krodʰasya ca vinigrahaḥ
   sarva_upāyena kāmasya   krodʰasya ca vinigrahaḥ /
Halfverse: c    kāryaḥ śreyo 'rtinā tau hi   śreyo gʰātārtʰam udyatau
   kāryaḥ śreyo_artinā tau hi   śreyo gʰāta_artʰam udyatau /10/

Verse: 11 
Halfverse: a    nityaṃ krodʰāt tapo rakṣec   cʰriyaṃ rakṣeta matsarāt
   nityaṃ krodʰāt tapo rakṣet   śriyaṃ rakṣeta matsarāt /
Halfverse: c    vidyāṃ mānāvamānābʰyām   ātmānaṃ tu pramādataḥ
   vidyāṃ māna_avamānābʰyām   ātmānaṃ tu pramādataḥ /11/

Verse: 12 
Halfverse: a    ānr̥śaṃsyaṃ paro dʰarmaḥ   kṣamā ca paramaṃ balam
   ānr̥śaṃsyaṃ paro dʰarmaḥ   kṣamā ca paramaṃ balam /
Halfverse: c    ātmajñānaṃ paraṃ jñānaṃ   na satyād vidyate param
   ātma-jñānaṃ paraṃ jñānaṃ   na satyād vidyate param /12/

Verse: 13 
Halfverse: a    satyasya vacanaṃ śreyaḥ   satyād api hitaṃ bʰavet
   satyasya vacanaṃ śreyaḥ   satyād api hitaṃ bʰavet /
Halfverse: c    yad bʰūtahitam atyantam   etat satyaṃ mataṃ mama
   yad bʰūta-hitam atyantam   etat satyaṃ mataṃ mama /13/

Verse: 14 
Halfverse: a    sarvārambʰapʰalatyāgī   nirāśīr niṣparigrahaḥ {!}
   sarva_ārambʰa-pʰala-tyāgī   nirāśīr niṣparigrahaḥ / {!}
Halfverse: c    yena sarvaṃ parityaktaṃ   sa vidvān sa ca paṇḍitaḥ
   yena sarvaṃ parityaktaṃ   sa vidvān sa ca paṇḍitaḥ /14/

Verse: 15 
Halfverse: a    indriyair indriyārtʰebʰyaś   caraty ātmavaśair iha
   indriyair indriya_artʰebʰyaś   caraty ātma-vaśair iha /
Halfverse: c    asajjamānaḥ śāntātmā   nirvikāraḥ samāhitaḥ
   asajjamānaḥ śānta_ātmā   nirvikāraḥ samāhitaḥ /15/

Verse: 16 
Halfverse: a    ātmabʰūtair atadbʰūtaḥ   saha caiva vinaiva ca
   ātma-bʰūtair atad-bʰūtaḥ   saha caiva vinā_eva ca /
Halfverse: c    sa vimuktaḥ paraṃ śreyo   nacireṇādʰigaccʰati
   sa vimuktaḥ paraṃ śreyo   nacireṇa_adʰigaccʰati /16/

Verse: 17 
Halfverse: a    adarśanam asaṃsparśas   tatʰāsaṃbʰāsanaṃ sadā
   adarśanam asaṃsparśas   tatʰā_asaṃbʰāsanaṃ sadā /
Halfverse: c    yasya bʰūtaiḥ saha mune   sa śreyo vindate param
   yasya bʰūtaiḥ saha mune   sa śreyo vindate param /17/

Verse: 18 
Halfverse: a    na hiṃsyāt sarvabʰūtāni   maitrāyaṇa gataś caret
   na hiṃsyāt sarva-bʰūtāni   maitrāyaṇa gataś caret /
Halfverse: c    nedaṃ janma samāsādya   vairaṃ kurvīta kena cit
   na_idaṃ janma samāsādya   vairaṃ kurvīta kenacit /18/

Verse: 19 
Halfverse: a    ākiṃcanyaṃ susaṃtoṣo   nirāśīs tvam acāpalam
   ākiṃcanyaṃ susaṃtoṣo   nirāśīs tvam acāpalam /
Halfverse: c    etad āhuḥ paraṃ śreya   ātmajñasya jitātmanaḥ
   etad āhuḥ paraṃ śreya ātmajñasya jita_ātmanaḥ /19/

Verse: 20 
Halfverse: a    parigrahaṃ parityajya   bʰava tāta jitendriyaḥ
   parigrahaṃ parityajya   bʰava tāta jita_indriyaḥ /
Halfverse: c    aśokaṃ stʰānam ātiṣṭʰa   iha cāmutra cābʰayam
   aśokaṃ stʰānam ātiṣṭʰa iha ca_amutra ca_abʰayam /20/

Verse: 21 
Halfverse: a    nirāmiṣā na śocanti   tyajehāmiṣam ātmanaḥ {!}
   nirāmiṣā na śocanti   tyaja_iha_āmiṣam ātmanaḥ / {!}
Halfverse: c    parityajyāmiṣaṃ saumya   duḥkʰatāpād vimokṣyase {!}
   parityajya_āmiṣaṃ saumya   duḥkʰa-tāpād vimokṣyase /21/ {!}

Verse: 22 
Halfverse: a    taponityena dāntena   muninā saṃyatātmanā
   tapo-nityena dāntena   muninā saṃyata_ātmanā /
Halfverse: c    ajitaṃ jetukāmena   bʰāvyaṃ saṅgeṣv asaṅginā
   ajitaṃ jetu-kāmena   bʰāvyaṃ saṅgeṣv asaṅginā /22/

Verse: 23 
Halfverse: a    guṇasaṅgeṣv anāsakta   ekacaryā rataḥ sadā
   guṇa-saṅgeṣv anāsakta eka-caryā rataḥ sadā /
Halfverse: c    brāhmaṇe nacirād eva   sukʰam āyāty anuttamam
   brāhmaṇe nacirād eva   sukʰam āyāty anuttamam /23/

Verse: 24 
Halfverse: a    dvandvārāmeṣu bʰūteṣu   ya eko ramate muniḥ
   dvandva_ārāmeṣu bʰūteṣu   ya\ eko ramate muniḥ /
Halfverse: c    viddʰi prajñāna tr̥ptaṃ taṃ   jñānatr̥pto na śocati
   viddʰi prajñāna tr̥ptaṃ taṃ   jñāna-tr̥pto na śocati /24/

Verse: 25 
Halfverse: a    śubʰair labʰatidevatvaṃ   vyāmiśrair janma mānuṣam
   śubʰair labʰatidevatvaṃ   vyāmiśrair janma mānuṣam /
Halfverse: c    aśubʰaiś cāpy adʰo janma   karmabʰir labʰate 'vaśaḥ
   aśubʰaiś ca_apy adʰo janma   karmabʰir labʰate_avaśaḥ /25/

Verse: 26 
Halfverse: a    tatra mr̥tyujarāduḥkʰaiḥ   satataṃ samabʰidrutaḥ
   tatra mr̥tyu-jarā-duḥkʰaiḥ   satataṃ samabʰidrutaḥ /
Halfverse: c    saṃsāre pacyate jantus   tat katʰaṃ nāvabudʰyase
   saṃsāre pacyate jantus   tat katʰaṃ na_avabudʰyase /26/

Verse: 27 
Halfverse: a    ahite hitasaṃjñas tvam   adʰruve dʰruvasaṃjñakaḥ
   ahite hita-saṃjñas tvam   adʰruve dʰruva-saṃjñakaḥ /
Halfverse: c    anartʰe cārtʰasaṃjñas tvaṃ   kimartʰaṃ nāvabudʰyase
   anartʰe ca_artʰa-saṃjñas tvaṃ   kim-artʰaṃ na_avabudʰyase /27/

Verse: 28 
Halfverse: a    saṃveṣṭyamānaṃ bahubʰir   mohatantubʰir ātmajaiḥ {!}
   saṃveṣṭyamānaṃ bahubʰir   moha-tantubʰir ātmajaiḥ / {!}
Halfverse: c    kośakāravad ātmānaṃ   veṣṭayan nāvabudʰyase {!}
   kośa-kāravad ātmānaṃ   veṣṭayan na_avabudʰyase /28/ {!}

Verse: 29 
Halfverse: a    alaṃ parigraheneha   doṣavān hi parigrahaḥ
   alaṃ parigrahena_iha   doṣavān hi parigrahaḥ /
Halfverse: c    kr̥mir hi kośakāras tu   badʰyate svaparigrahāt
   kr̥mir hi kośa-kāras tu   badʰyate sva-parigrahāt /29/

Verse: 30 
Halfverse: a    putradārakuṭumbeṣu   saktāḥ sīdanti jantavaḥ {!}
   putra-dāra-kuṭumbeṣu   saktāḥ sīdanti jantavaḥ / {!}
Halfverse: c    saraḥ paṅkārṇave magnā   jīrṇā vanagajā iva
   saraḥ paṅka_arṇave magnā   jīrṇā vana-gajā\ iva /30/

Verse: 31 
Halfverse: a    mahājālasamākr̥ṣṭān   stʰale matyān ivoddʰr̥tān
   mahā-jāla-samākr̥ṣṭān   stʰale matyān iva_uddʰr̥tān /
Halfverse: c    snehajālasamākr̥ṣṭān   paśya jantūn suduḥkʰitān
   sneha-jāla-samākr̥ṣṭān   paśya jantūn suduḥkʰitān /31/

Verse: 32 
Halfverse: a    kuṭumbaṃ putradāraṃ ca   śarīraṃ dravyasaṃcayāḥ
   kuṭumbaṃ putra-dāraṃ ca   śarīraṃ dravya-saṃcayāḥ /
Halfverse: c    pārakʰyam adʰruvaṃ sarvaṃ   kiṃ svaṃ sukr̥taduṣkr̥tam {!}
   pārakʰyam adʰruvaṃ sarvaṃ   kiṃ svaṃ sukr̥ta-duṣkr̥tam /32/ {!}

Verse: 33 
Halfverse: a    yadā sarvaṃ parityajya   gantavyam avaśena te
   yadā sarvaṃ parityajya   gantavyam avaśena te /
Halfverse: c    anartʰe kiṃ prasaktas tvaṃ   svam artʰaṃ nānutiṣṭʰasi
   anartʰe kiṃ prasaktas tvaṃ   svam artʰaṃ na_anutiṣṭʰasi /33/

Verse: 34 
Halfverse: a    aviśrāntam anālambam   apātʰeyam adaiśikam
   aviśrāntam anālambam   apātʰeyam adaiśikam /
Halfverse: c    tamaḥ kāntāram adʰvānaṃ   katʰam eko gamiṣyasi
   tamaḥ kāntāram adʰvānaṃ   katʰam eko gamiṣyasi /34/

Verse: 35 
Halfverse: a    na hi tvā prastʰitaṃ kaś cit   pr̥ṣṭʰato 'nugamiṣyati
   na hi tvā prastʰitaṃ kaścit   pr̥ṣṭʰato_anugamiṣyati /
Halfverse: c    sukr̥taṃ duṣkr̥taṃ ca tvā   yāsyantam anuyāsyati {!}
   sukr̥taṃ duṣkr̥taṃ ca tvā   yāsyantam anuyāsyati /35/ {!}

Verse: 36 
Halfverse: a    vidyā karma ca śauryaṃ ca   jñānaṃ ca bahuvistaram
   vidyā karma ca śauryaṃ ca   jñānaṃ ca bahu-vistaram /
Halfverse: c    artʰārtʰam anusāryante   siddʰārtʰas tu vimucyate
   artʰa_artʰam anusāryante   siddʰa_artʰas tu vimucyate /36/

Verse: 37 
Halfverse: a    nibandʰanī rajjur eṣā   yā grāme vasato ratiḥ
   nibandʰanī rajjur eṣā   yā grāme vasato ratiḥ /
Halfverse: c    cʰittvaināṃ sukr̥to yānti   naināṃ cʰindanti duṣkr̥taḥ {!}
   cʰittvā_enāṃ sukr̥to yānti   na_enāṃ cʰindanti duṣkr̥taḥ /37/ {!}

Verse: 38 
Halfverse: a    rūpakūlāṃ manaḥ srotāṃ   sparśadvīpāṃ rasāvahām
   rūpa-kūlāṃ manaḥ srotāṃ   sparśa-dvīpāṃ rasa_āvahām /
Halfverse: c    gandʰapaṅkāṃ śabdajalāṃ   svargamārgadurāvahām
   gandʰa-paṅkāṃ śabda-jalāṃ   svarga-mārga-durāvahām /38/

Verse: 39 
Halfverse: a    kṣamāritrāṃ satyamayīṃ   dʰarmastʰair yavatākarām
   kṣama_aritrāṃ satya-mayīṃ   dʰarmastʰair yavata_ākarām /
Halfverse: c    tyāgavātādʰvagāṃ śīgʰrāṃ   buddʰināvā nadīṃ taret
   tyāga-vāta_adʰvagāṃ śīgʰrāṃ   buddʰi-nāvā nadīṃ taret /39/

Verse: 40 
Halfverse: a    tyaja dʰarmam adʰarmaṃ ca   jubʰe satyānr̥te tyaja
   tyaja dʰarmam adʰarmaṃ ca   jubʰe satya_anr̥te tyaja /
Halfverse: c    ubʰe satyānr̥te tyaktvā   yena tyajasi taṃ tyaja
   ubʰe satya_anr̥te tyaktvā   yena tyajasi taṃ tyaja /40/

Verse: 41 
Halfverse: a    tyaja dʰarmam asaṃkalpād   adʰarmaṃ cāhy ahiṃsayā
   tyaja dʰarmam asaṃkalpād   adʰarmaṃ ca_ahy ahiṃsayā /
Halfverse: c    ubʰe satyānr̥te buddʰyā   buddʰiṃ paramaniścayāt
   ubʰe satya_anr̥te buddʰyā   buddʰiṃ parama-niścayāt /41/

Verse: 42 
Halfverse: a    astʰi stʰūnaṃ snāyu yutaṃ   māṃsaśonita lepanam
   astʰi stʰūnaṃ snāyu yutaṃ   māṃsa-śonita lepanam /
Halfverse: c    carmāvanaddʰaṃ durgandʰi   pūrṇaṃ mūtra purīṣayoḥ
   carma_avanaddʰaṃ durgandʰi   pūrṇaṃ mūtra purīṣayoḥ /42/

Verse: 43 
Halfverse: a    jarā śokasamāviṣṭaṃ   rogāyatanam āturam
   jarā śoka-samāviṣṭaṃ   roga_āyatanam āturam /
Halfverse: c    rajasvalam anityaṃ ca   bʰūtāvāsaṃ samutsr̥ja
   rajasvalam anityaṃ ca   bʰūta_āvāsaṃ samutsr̥ja /43/

Verse: 44 
Halfverse: a    idaṃ viśvaṃ jagat sarvam   ajagac cāpi yad bʰavet
   idaṃ viśvaṃ jagat sarvam   ajagac ca_api yad bʰavet / [ajagat?]
Halfverse: c    mahābʰūtātmakaṃ sarvaṃ   mahad yat paramānu yat
   mahā-bʰūta_ātmakaṃ sarvaṃ   mahat yat parama_anu yat /44/

Verse: 45 
Halfverse: a    indriyāṇi ca pañcaiva   tamaḥ sattvaṃ rajas tatʰā
   indriyāṇi ca pañca_eva   tamaḥ sattvaṃ rajas tatʰā /
Halfverse: c    ity eṣa sapta daśako   rāśir avyaktasaṃjñakaḥ
   ity eṣa sapta daśako   rāśir avyakta-saṃjñakaḥ /45/

Verse: 46 
Halfverse: a    sarvair ihendriyārtʰaiś ca   vyaktāvyaktair hi saṃhitaḥ
   sarvair iha_indriya_artʰaiś ca   vyakta_avyaktair hi saṃhitaḥ /
Halfverse: c    pañcaviṃśaka ity eṣa   vyaktāvyaktamayo guṇaḥ
   pañcaviṃśaka\ ity eṣa   vyakta_avyaktamayo guṇaḥ /46/

Verse: 47 
Halfverse: a    etaiḥ sarvaiḥ samāyuktaḥ   pumān ity abʰidʰīyate
   etaiḥ sarvaiḥ samāyuktaḥ   pumān ity abʰidʰīyate /
Halfverse: c    trivargo 'tra sukʰaṃ duḥkʰaṃ   jīvitaṃ maraṇaṃ tatʰā
   trivargo_atra sukʰaṃ duḥkʰaṃ   jīvitaṃ maraṇaṃ tatʰā /47/

Verse: 48 
Halfverse: a    ya idaṃ veda tattvena   sa veda prabʰavāpyayau
   ya\ idaṃ veda tattvena   sa veda prabʰava_apyayau /
Halfverse: c    pārāśaryeha boddʰavyaṃ   jñānānāṃ yac ca kiṃ cana
   pārāśarya_iha boddʰavyaṃ   jñānānāṃ yac ca kiṃcana /48/

Verse: 49 
Halfverse: a    indriyair gr̥hyate yad yat   tat tad vyaktam iti stʰitiḥ
   indriyair gr̥hyate yad yat   tat tad vyaktam iti stʰitiḥ /
Halfverse: c    avyaktam iti vijñeyaṃ   liṅgagrāhyam atīndriyam
   avyaktam iti vijñeyaṃ   liṅga-grāhyam atīndriyam /49/

Verse: 50 
Halfverse: a    indriyair niyatair dehī   dʰārābʰir iva tarpyate
   indriyair niyatair dehī   dʰārābʰir iva tarpyate /
Halfverse: c    loke vitatam ātmānaṃ   lokaṃ cātmani paśyati
   loke vitatam ātmānaṃ   lokaṃ ca_ātmani paśyati /50/

Verse: 51 
Halfverse: a    parāvaradr̥śaḥ śaktir   jñānavelāṃ na paśyati
   parāvara-dr̥śaḥ śaktir   jñāna-velāṃ na paśyati /
Halfverse: c    paśyataḥ sarvabʰūtāni   sarvāvastʰāsu sarvadā
   paśyataḥ sarva-bʰūtāni   sarva_avastʰāsu sarvadā /51/

Verse: 52 
Halfverse: a    brahmabʰūtasya saṃyogo   nāśubʰenopapadyate
   brahma-bʰūtasya saṃyogo   na_aśubʰena_upapadyate /
Halfverse: c    jñānena vividʰān kleśān   ativr̥ttasya mohajān
   jñānena vividʰān kleśān   ativr̥ttasya mohajān /
Halfverse: e    loke buddʰiprakāśena   lokamārgo na riṣyate
   loke buddʰi-prakāśena   loka-mārgo na riṣyate /52/

Verse: 53 
Halfverse: a    anādi nidʰanaṃ jantum   ātmani stʰitam avyayam
   anādi nidʰanaṃ jantum   ātmani stʰitam avyayam /
Halfverse: c    akartāram amūrtaṃ ca   bʰagavān āha tīrtʰavit
   akartāram amūrtaṃ ca   bʰagavān āha tīrtʰavit /53/

Verse: 54 
Halfverse: a    yo jantuḥ svakr̥tais tais taiḥ   karmabʰir nityaduḥkʰitaḥ
   yo jantuḥ sva-kr̥tais tais taiḥ   karmabʰir nitya-duḥkʰitaḥ /
Halfverse: c    sa duḥkʰapratigʰātārtʰaṃ   hanti jantūn anekadʰā
   sa duḥkʰa-pratigʰāta_artʰaṃ   hanti jantūn anekadʰā /54/

Verse: 55 
Halfverse: a    tataḥ karma samādatte   punar anyan navaṃ bahu
   tataḥ karma samādatte   punar anyat navaṃ bahu /
Halfverse: c    tapyate 'tʰa punas tena   bʰuktvāpatʰyam ivāturaḥ
   tapyate_atʰa punas tena   bʰuktvā_apatʰyam iva_āturaḥ /55/

Verse: 56 
Halfverse: a    ajasram eva mohārto   duḥkʰeṣu sukʰasaṃjñitaḥ
   ajasram eva moha_ārto   duḥkʰeṣu sukʰa-saṃjñitaḥ /
Halfverse: c    badʰyate matʰyate caiva   karmabʰir mantʰavat sadā
   badʰyate matʰyate caiva   karmabʰir mantʰavat sadā /56/

Verse: 57 
Halfverse: a    tato nivr̥tto bandʰāt svāt   karmaṇām udayād iha
   tato nivr̥tto bandʰāt svāt   karmaṇām udayād iha /
Halfverse: c    paribʰramati saṃsāraṃ   cakravad bahu vedanaḥ
   paribʰramati saṃsāraṃ   cakravad bahu vedanaḥ /57/

Verse: 58 
Halfverse: a    sa tvaṃ nivr̥ttabandʰus tu   nivr̥ttaś cāpi karmataḥ
   sa tvaṃ nivr̥tta-bandʰus tu   nivr̥ttaś cāpi karmataḥ /
Halfverse: c    sarvavit sarvajit siddʰo   bʰava bʰāvavivarjitaḥ
   sarvavit sarvajit siddʰo   bʰava bʰāva-vivarjitaḥ /58/

Verse: 59 
Halfverse: a    saṃyamena navaṃ bandʰaṃ   nivartya tapaso balāt
   saṃyamena navaṃ bandʰaṃ   nivartya tapaso balāt /
Halfverse: c    saṃprāptā bahavaḥ siddʰim   apy abādʰāṃ sukʰodayām
   saṃprāptā bahavaḥ siddʰim   apy abādʰāṃ sukʰa_udayām /59/ (E)59


Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.