TITUS
Mahabharata
Part No. 1695
Previous part

Chapter: 14 
Adhyāya 14


Verse: 1  {Yudʰiṣṭʰira uvāca}
Halfverse: a    pitāmaheśāya vibʰo   nāmāny ācakṣva śambʰave
   pitāmaha_īśāya vibʰo   nāmāny ācakṣva śambʰave /
Halfverse: c    babʰrave viśvamāyāya   mahābʰāgyaṃ ca tattvataḥ
   babʰrave viśva-māyāya   mahā-bʰāgyaṃ ca tattvataḥ /1/

Verse: 2  {Bʰīṣma uvāca}
Halfverse: a    surāsuraguro deva   viṣṇo tvaṃ vaktum arhasi
   sura_asura-guro deva   viṣṇo tvaṃ vaktum arhasi /
Halfverse: c    śivāya viśvarūpāya   yan māṃ pr̥ccʰad yudʰiṣṭʰiraḥ
   śivāya viśva-rūpāya   yan māṃ pr̥ccʰad yudʰiṣṭʰiraḥ /2/

Verse: 3 
Halfverse: a    nāmnāṃ sahasraṃ devasya   taṇḍinā brahmayoninā
   nāmnāṃ sahasraṃ devasya   taṇḍinā brahma-yoninā /
Halfverse: c    niveditaṃ brahmaloke   brahmaṇo yat purābʰavat
   niveditaṃ brahma-loke   brahmaṇo yat purā_abʰavat /3/

Verse: 4 
Halfverse: a    dvaipāyanaprabʰr̥tayas   tatʰaiveme tapodʰanāḥ
   dvaipāyana-prabʰr̥tayas   tatʰaiva_ime tapo-dʰanāḥ /
Halfverse: c    r̥ṣayaḥ suvratā dāntāḥ   śr̥ṇvantu gadatas tava
   r̥ṣayaḥ su-vratā dāntāḥ   śr̥ṇvantu gadatas tava /4/

Verse: 5 
Halfverse: a    dʰruvāya nandine hotre   goptre viśvasr̥je 'gnaye
   dʰruvāya nandine hotre   goptre viśva-sr̥je_agnaye /
Halfverse: c    mahābʰāgyaṃ vibʰo brūhi   muṇḍine 'tʰa kapardine
   mahā-bʰāgyaṃ vibʰo brūhi   muṇḍine_atʰa kapardine /5/

Verse: 6  {Vāsudeva uvāca}
Halfverse: a    na gatiḥ karmaṇāṃ śakyā   vettum īśasya tattvataḥ
   na gatiḥ karmaṇāṃ śakyā   vettum īśasya tattvataḥ /6/

Verse: 7 
Halfverse: a    hiraṇyagarbʰapramukʰā   devāḥ sendrā maharṣayaḥ
   hiraṇya-garbʰa-pramukʰā   devāḥ sa_indrā mahā-r̥ṣayaḥ /
Halfverse: c    na vidur yasya nidʰanam   ādʰiṃ vā sūkṣmadarśinaḥ
   na vidur yasya nidʰanam   ādʰiṃ vā sūkṣma-darśinaḥ /
Halfverse: e    sa katʰaṃ naramātreṇa   śakyo jñātuṃ satāṃ gatiḥ
   sa katʰaṃ nara-mātreṇa   śakyo jñātuṃ satāṃ gatiḥ /7/

Verse: 8 
Halfverse: a    tasyāham asuragʰnasya   kāṃś cid bʰagavato guṇān
   tasya_aham asura-gʰnasya   kāṃścid bʰagavato guṇān /
Halfverse: c    bʰavatāṃ kīrtayiṣyāmi   vrateśāya yatʰātatʰam
   bʰavatāṃ kīrtayiṣyāmi   vrata_īśāya yatʰā-tatʰam /8/

Verse: 9  {Vaiśaṃpāyana uvāca}
Halfverse: a    evam uktvā tu bʰagavān   guṇāṃs tasya mahātmanaḥ
   evam uktvā tu bʰagavān   guṇāṃs tasya mahā_ātmanaḥ /
Halfverse: c    upaspr̥śya śucir bʰūvā   katʰayām āsa dʰīmataḥ
   upaspr̥śya śucir bʰūvā   katʰayām āsa dʰīmataḥ /9/

Verse: 10  {Vaiśaṃpāyana uvāca}
Halfverse: a    śuśrūṣadʰvaṃ brāhmaṇendrās   tvaṃ ca tāta yudʰiṣṭʰira
   śuśrūṣadʰvaṃ brāhmaṇa_indrās   tvaṃ ca tāta yudʰiṣṭʰira /
Halfverse: c    tvaṃ cāpageya nāmāni   niśāmaya jagatpateḥ
   tvaṃ ca_apageya nāmāni   niśāmaya jagat-pateḥ /10/ 10[?]

Verse: 11 
Halfverse: a    yad avāptaṃ ca me pūrvaṃ   sāmba hetoḥ suduṣkaram
   yad avāptaṃ ca me pūrvaṃ   sāmba hetoḥ su-duṣkaram /
Halfverse: c    yatʰā ca bʰagavān dr̥ṣṭo   mayā pūrvaṃ samādʰinā
   yatʰā ca bʰagavān dr̥ṣṭo   mayā pūrvaṃ samādʰinā /11/

Verse: 12 
Halfverse: a    śambare nihate pūrvaṃ   raukmiṇeyena dʰīmatā
   śambare nihate pūrvaṃ   raukmiṇeyena dʰīmatā /
Halfverse: c    atīte dvādaśe varṣe   jāmbavaty abravīd dʰi mām
   atīte dvādaśe varṣe   jāmbavaty abravīdd^hi mām /12/

Verse: 13 
Halfverse: a    pradyumna cārudeṣṇādīn   rukmiṇyā vīkṣya putrakān
   pradyumna cārudeṣṇa_ādīn   rukmiṇyā vīkṣya putrakān /
Halfverse: c    putrārtʰinī mām upetya   vākyam āha yudʰiṣṭʰira
   putra_artʰinī mām upetya   vākyam āha yudʰiṣṭʰira /13/

Verse: 14 
Halfverse: a    śūraṃ balavatāṃ śreṣṭʰaṃ   kānta rūpam alakmaṣam
   śūraṃ balavatāṃ śreṣṭʰaṃ   kānta rūpam alakmaṣam /
Halfverse: c    ātmatulyaṃ mama sutaṃ   prayaccʰācyuta māciram
   ātma-tulyaṃ mama sutaṃ   prayaccʰa_acyuta mā-ciram /14/

Verse: 15 
Halfverse: a    na hi te 'prāpyam astīha   triṣu lokeṣu kiṃ cana
   na hi te_aprāpyam asti_iha   triṣu lokeṣu kiṃcana /
Halfverse: c    lokān sr̥jes tvam aparān   iccʰan yadukulodvaha
   lokān sr̥jes tvam aparān   iccʰan yadu-kula_udvaha /15/

Verse: 16 
Halfverse: a    tvayā dvādaśa varṣāṇi   vāyubʰūtena śuṣyatā
   tvayā dvādaśa varṣāṇi   vāyu-bʰūtena śuṣyatā /
Halfverse: c    ārādʰya paśubʰartāraṃ   rukmiṇyā janitāḥ sutāḥ
   ārādʰya paśu-bʰartāraṃ   rukmiṇyā janitāḥ sutāḥ /16/

Verse: 17 
Halfverse: a    cārudeṣṇaḥ sucāruś ca   cāruveṣo yaśodʰaraḥ
   cārudeṣṇaḥ su-cāruś ca   cāru-veṣo yaśo-dʰaraḥ /
Halfverse: c    cāru śvarāś cāru yaśāḥ   pradyumnaḥ śambʰur eva ca
   cāru śvarāś cāru yaśāḥ   pradyumnaḥ śambʰur eva ca /17/

Verse: 18 
Halfverse: a    yatʰā te janitāḥ putrā   rukmiṇyāś cāru vikramāḥ
   yatʰā te janitāḥ putrā   rukmiṇyāś cāru vikramāḥ /
Halfverse: c    tatʰā mamāpi tanayaṃ   prayaccʰa balaśālinam
   tatʰā mama_api tanayaṃ   prayaccʰa bala-śālinam /18/

Verse: 19 
Halfverse: a    ity evaṃ codito devyā   tām avocaṃ sumadʰyamām
   ity evaṃ ca_udito devyā   tām avocaṃ su-madʰyamām /
Halfverse: c    anujānīhi māṃ rājñi   kariṣye vacanaṃ tava
   anujānīhi māṃ rājñi   kariṣye vacanaṃ tava /
Halfverse: e    sā ca mām abravīd gaccʰa   vijayāya śivāya ca
   sā ca mām abravīd gaccʰa   vijayāya śivāya ca /19/

Verse: 20 
Halfverse: a    brahmā śivaḥ kāśyapaś ca   nadyo devā mano'nugāḥ
   brahmā śivaḥ kāśyapaś ca   nadyo devā mano_anugāḥ /
Halfverse: c    kṣetrauṣadʰyo yajñavāhāc   cʰandāṃsy r̥ṣigaṇā dʰarā
   kṣetra_oṣadʰyo yajña-vāhāt   cʰandāṃsy r̥ṣi-gaṇā dʰarā /20/ 20

Verse: 21 
Halfverse: a    samudrā dakṣiṇā stobʰā   r̥kṣāṇi pitaro grahāḥ
   samudrā dakṣiṇā stobʰā r̥kṣāṇi pitaro grahāḥ / ՙ
Halfverse: c    devapatnyo devakanyā   deva mātara eva ca
   deva-patnyo deva-kanyā   deva mātara\ eva ca /21/ ՙ

Verse: 22 
Halfverse: a    manvantarāṇi gāvaś ca   candramāḥ savitā hariḥ
   manvantarāṇi gāvaś ca   candramāḥ savitā hariḥ /
Halfverse: c    sāvitrī brahma vidyā ca   r̥tavo vatsarāḥ kṣapāḥ
   sāvitrī brahma vidyā ca r̥tavo vatsarāḥ kṣapāḥ /22/ ՙ

Verse: 23 
Halfverse: a    kṣaṇā lavā muhūrtāś ca   nimeṣā yugaparyayāḥ
   kṣaṇā lavā muhūrtāś ca   nimeṣā yuga-paryayāḥ /
Halfverse: c    rakṣantu sarvatragataṃ   tvāṃ yādava sukʰāvaham
   rakṣantu sarvatra-gataṃ   tvāṃ yādava sukʰa_āvaham /
Halfverse: e    ariṣṭaṃ gaccʰa pantʰānam   apramatto bʰavānagʰa
   ariṣṭaṃ gaccʰa pantʰānam   apramatto bʰava_anagʰa /23/


Verse: 24 
Halfverse: a    evaṃ kr̥tasvastyayanas tayāhaṃ; tām abʰyanujñāya kapīndra putrīm
   evaṃ kr̥ta-svastyayanas tayā_ahaṃ   tām abʰyanujñāya kapi_indra putrīm /
Halfverse: c    pituḥ samīpe narasattamasya; mātuś ca rājñaś ca tatʰāhukasya
   pituḥ samīpe nara-sattamasya   mātuś ca rājñaś ca tatʰā_āhukasya /24/

Verse: 25 
Halfverse: a    tam artʰam āvedya yad abravīn māṃ; vidyādʰarendrasya sutā bʰr̥śārtā
   tam artʰam āvedya yad abravīn māṃ   vidyā-dʰara_indrasya sutā bʰr̥śa_ārtā /
Halfverse: c    tān abʰyanujñāya tadāti duḥkʰād; gadaṃ tatʰaivātibalaṃ ca rāmam
   tān abʰyanujñāya tadā_ati duḥkʰād   gadaṃ tatʰaiva_atibalaṃ ca rāmam /25/


Verse: 26 
Halfverse: a    prāpyānunāṃ gurujanād   ahaṃ tārkṣyam acintayam
   prāpya_anunāṃ guru-janād   ahaṃ tārkṣyam acintayam /
Halfverse: c    so 'vahad dʰimavantaṃ māṃ   prāpya cainaṃ vyasarjayam
   so_avahadd^himavantaṃ māṃ   prāpya ca_enaṃ vyasarjayam /26/

Verse: 27 
Halfverse: a    tatrāham adbʰutān bʰāvān   apaśyaṃ girisattame
   tatra_aham adbʰutān bʰāvān   apaśyaṃ giri-sattame /
Halfverse: c    kṣetraṃ ca tapasāṃ śreṣṭʰaṃ   paśyāmy āśramam uttamam
   kṣetraṃ ca tapasāṃ śreṣṭʰaṃ   paśyāmy āśramam uttamam /27/

Verse: 28 
Halfverse: a    divyaṃ vaiyāgʰrapadyasya   upamanyor mahātmanaḥ
   divyaṃ vaiyāgʰrapadyasya upamanyor mahā_ātmanaḥ / ՙ
Halfverse: c    pujitaṃ devagandʰarvair   brāhmyā lakṣmyā samanvitam
   pujitaṃ deva-gandʰarvair   brāhmyā lakṣmyā samanvitam /28/


Verse: 29 
Halfverse: a    dʰava kakubʰa kadambanārikelaiḥ; kura bakaketakajambupāṭalābʰiḥ
   dʰava kakubʰa kadamba-nārikelaiḥ   kura baka-ketaka-jambu-pāṭalābʰiḥ / q
Halfverse: c    vaṭa varuṇaka vatsa nābʰabilvaiḥ; saralakapittʰa priyālasāla tālaiḥ
   vaṭa varuṇaka vatsa nābʰa-bilvaiḥ   sarala-kapittʰa priyāla-sāla tālaiḥ /29/ q


Verse: 30 
Halfverse: a    badarī kundapunnāgair   aśokāmrātimuktakaiḥ
   badarī kunda-punnāgair   aśoka_āmra_atimuktakaiḥ /
Halfverse: c    bʰallātakair madʰūkaiś ca   campakaiḥ panasais tatʰā
   bʰallātakair madʰūkaiś ca   campakaiḥ panasais tatʰā /30/ 30

Verse: 31 
Halfverse: a    vanyair bahuvidʰair vr̥kṣaiḥ   pʰalapuṣpapradair yutam
   vanyair bahu-vidʰair vr̥kṣaiḥ   pʰala-puṣpa-pradair yutam /
Halfverse: c    puṣpagulma latākīrṇaṃ   kadalī ṣaṇḍaśobʰitam
   puṣpa-gulma latā_ākīrṇaṃ   kadalī ṣaṇḍa-śobʰitam /31/

Verse: 32 
Halfverse: a    nānāśakunisaṃbʰojyaiḥ   pʰalair vr̥kṣair alaṃ kr̥tam
   nānā-śakuni-saṃbʰojyaiḥ   pʰalair vr̥kṣair alaṃ kr̥tam /
Halfverse: c    yatʰāstʰānavinikṣiptair   bʰūṣitaṃ vanarājibʰiḥ
   yatʰā-stʰāna-vinikṣiptair   bʰūṣitaṃ vana-rājibʰiḥ /32/

Verse: 33 
Halfverse: a    ruruvāraṇaśārdūla   siṃhadvīpisamākulam
   ruru-vāraṇa-śārdūla   siṃha-dvīpi-samākulam /
Halfverse: c    kuraṅga barhiṇākīrṇaṃ   mārjārabʰujagāvr̥tam
   kuraṅga barhiṇa_ākīrṇaṃ   mārjāra-bʰujaga_āvr̥tam /
Halfverse: e    pūgaiś ca mr̥gajātīnāṃ   mahiṣarkṣa niṣevitam
   pūgaiś ca mr̥ga-jātīnāṃ   mahiṣa-r̥kṣa niṣevitam /33/

Verse: 34 
Halfverse: a    nānāpuṣparajo miśro   gajadānādʰivāsitaḥ
   nānā-puṣpa-rajo miśro   gaja-dāna_adʰivāsitaḥ /
Halfverse: c    divyastrī gītabahulo   māruto 'tra sukʰo vavau
   divya-strī gīta-bahulo   māruto_atra sukʰo vavau /34/


Verse: 35 
Halfverse: a    dʰārā ninādair vihagapraṇādaiḥ; śubʰais tatʰā br̥ṃhitaiḥ kuñjarāṇām
   dʰārā ninādair vihaga-praṇādaiḥ   śubʰais tatʰā br̥ṃhitaiḥ kuñjarāṇām /
Halfverse: c    gītais tatʰā kiṃ narāṇām udāraiḥ; śubʰaiḥ svanaiḥ sāmagānāṃ ca vīra
   gītais tatʰā kiṃ narāṇām udāraiḥ   śubʰaiḥ svanaiḥ sāmagānāṃ ca vīra /35/


Verse: 36 
Halfverse: a    acintyaṃ manasāpy anyaiḥ   sarobʰiḥ samalaṃ kr̥tam
   acintyaṃ manasā_apy anyaiḥ   sarobʰiḥ samalaṃ kr̥tam /
Halfverse: c    viśālaiś cāgniśaraṇair   bʰūṣitaṃ kuśa saṃvr̥tam
   viśālaiś ca_agni-śaraṇair   bʰūṣitaṃ kuśa saṃvr̥tam /36/


Verse: 37 
Halfverse: a    vibʰūṣitaṃ puṇyapavitra toyayā; sadā ca juṣpaṃ nr̥pa jahnukanyayā
   vibʰūṣitaṃ puṇya-pavitra toyayā   sadā ca juṣpaṃ nr̥pa jahnu-kanyayā /
Halfverse: c    mahātmabʰir dʰarmabʰr̥tāṃ variṣṭʰair; maharṣibʰir bʰūṣitam agnikalpaiḥ
   mahā_ātmabʰir dʰarma-bʰr̥tāṃ variṣṭʰair   maha_r̥ṣibʰir bʰūṣitam agni-kalpaiḥ /37/

Verse: 38 
Halfverse: a    vāyvāhārair ambupair japyanityaiḥ; saṃprakṣālair yatibʰir dʰyānanityaiḥ
   vāyv-āhārair ambupair japya-nityaiḥ   saṃprakṣālair yatibʰir dʰyāna-nityaiḥ /
Halfverse: c    dʰūmāśanair ūṣmapaiḥ kṣīrapaiś ca; vibʰūṣitaṃ brāhmaṇendraiḥ samantāt
   dʰūma_aśanair ūṣmapaiḥ kṣīrapaiś ca   vibʰūṣitaṃ brāhmaṇa_indraiḥ samantāt /38/


Verse: 39 
Halfverse: a    gocāriṇo 'tʰāśma kuṭṭā   dantolūkʰalinas tatʰā
   go-cāriṇo_atʰa_aśma kuṭṭā   danta_ulūkʰalinas tatʰā /
Halfverse: c    marīcipāḥ pʰenapāś ca   tatʰaiva mr̥gacāriṇaḥ
   marīcipāḥ pʰenapāś ca   tatʰaiva mr̥ga-cāriṇaḥ /39/

Verse: 40 
Halfverse: a    suduḥkʰān niyamāṃs tāṃs tān   vahataḥ sutapo'nvitān
   su-duḥkʰān niyamāṃs tāṃs tān   vahataḥ su-tapo_anvitān /
Halfverse: c    paśyan utpʰullanayanaḥ   praveṣṭum upacakrame
   paśyan utpʰulla-nayanaḥ   praveṣṭum upacakrame /40/ 40


Verse: 41 
Halfverse: a    supūjitaṃ devagaṇair mahātmabʰiḥ; śivādibʰir bʰārata puṇyakarmabʰiḥ
   su-pūjitaṃ deva-gaṇair mahā_ātmabʰiḥ   śiva_ādibʰir bʰārata puṇya-karmabʰiḥ /
Halfverse: c    rarāja tac cāśramamaṇḍalaṃ sadā; divīva rājan ravimaṇḍalaṃ yatʰā
   rarāja tac ca_āśrama-maṇḍalaṃ sadā   divi_iva rājan ravi-maṇḍalaṃ yatʰā /41/


Verse: 42 
Halfverse: a    krīḍanti sarpair nakulā   mr̥gair vyāgʰrāś ca mitravat
   krīḍanti sarpair nakulā   mr̥gair vyāgʰrāś ca mitravat /
Halfverse: c    prabʰāvād dīptatapasaḥ   saṃnikarṣa guṇānvitāḥ
   prabʰāvād dīpta-tapasaḥ   saṃnikarṣa guṇa_anvitāḥ /42/

Verse: 43 
Halfverse: a    tatrāśramapade śreṣṭʰe   sarvabʰūtamanorame
   tatra_āśrama-pade śreṣṭʰe   sarva-bʰūta-mano-rame /
Halfverse: c    sevite dvija śārdūlair   vedavedāṅgapāragaiḥ
   sevite dvija śārdūlair   veda-veda_aṅga-pāragaiḥ /43/

Verse: 44 
Halfverse: a    nānā niyamavikʰyātair   r̥ṣibʰiś ca mahātmabʰiḥ
   nānā niyama-vikʰyātair   r̥ṣibʰiś ca mahā_ātmabʰiḥ /
Halfverse: c    praviśann eva cāpaśyaṃ   jaṭācīradʰaraṃ prabʰum
   praviśann eva ca_apaśyaṃ   jaṭā-cīra-dʰaraṃ prabʰum /44/

Verse: 45 
Halfverse: a    tejasā tapasā caiva   dīpyamānaṃ yatʰānalam
   tejasā tapasā caiva   dīpyamānaṃ yatʰā_analam /
Halfverse: c    śiṣyamadʰya gataṃ śāntaṃ   yuvānaṃ brāhmaṇarṣabʰam
   śiṣya-madʰya gataṃ śāntaṃ   yuvānaṃ brāhmaṇa-r̥ṣabʰam /
Halfverse: e    śirasā vandamānaṃ mām   upamanyur abʰāṣata
   śirasā vandamānaṃ mām   upamanyur abʰāṣata /45/

Verse: 46 
Halfverse: a    svāgataṃ puṇḍarīkākṣa   sapʰalāni tapāṃsi naḥ
   svāgataṃ puṇḍarīka_akṣa   sa-pʰalāni tapāṃsi naḥ /
Halfverse: c    yat pūjyaḥ pūjayasi no   draṣṭavyo draṣṭum iccʰasi
   yat pūjyaḥ pūjayasi no   draṣṭavyo draṣṭum iccʰasi /46/

Verse: 47 
Halfverse: a    tam ahaṃ prāñjalir bʰūtvā   mr̥gapakṣiṣv atʰāgniṣu
   tam ahaṃ prāñjalir bʰūtvā   mr̥ga-pakṣiṣv atʰa_agniṣu /
Halfverse: c    dʰarme ca śiṣyavarge ca   samapr̥ccʰam anāmayam
   dʰarme ca śiṣya-varge ca   samapr̥ccʰam anāmayam /47/ ՙ

Verse: 48 
Halfverse: a    tato māṃ bʰagavān āha   sāmnā paramavalgunā
   tato māṃ bʰagavān āha   sāmnā parama-valgunā /
Halfverse: c    lapsyase tanayaṃ kr̥ṣṇa   ātmatulyam asaṃśayam
   lapsyase tanayaṃ kr̥ṣṇa ātma-tulyam asaṃśayam /48/ ՙ

Verse: 49 
Halfverse: a    tapaḥ sumahad āstʰāya   toṣayeśānam īśvaram
   tapaḥ su-mahad āstʰāya   toṣaya_īśānam īśvaram /
Halfverse: c    iha devaḥ sa patnīkaḥ   samākrīḍaty adʰikṣaja
   iha devaḥ sa patnīkaḥ   samākrīḍaty adʰikṣaja /49/

Verse: 50 
Halfverse: a    ihaiva devatā śreṣṭʰaṃ   devāḥ sarṣigaṇā purā
   iha_eva devatā śreṣṭʰaṃ   devāḥ sa-r̥ṣi-gaṇā purā /
Halfverse: c    tapasā brahmacaryeṇa   satyena ca damena ca
   tapasā brahma-caryeṇa   satyena ca damena ca /
Halfverse: e    toṣayitvā śubʰān kāmān   prāpnuvaṃs te janārdana
   toṣayitvā śubʰān kāmān   prāpnuvaṃs te jana_ardana /50/ 50

Verse: 51 
Halfverse: a    tejasāṃ tapasāṃ caiva   nidʰiḥ sa bʰagavān iha
   tejasāṃ tapasāṃ caiva   nidʰiḥ sa bʰagavān iha /
Halfverse: c    śubʰāśubʰānvitān bʰāvān   visr̥jan saṃkṣipann api
   śubʰa_aśubʰa_anvitān bʰāvān   visr̥jan saṃkṣipann api /
Halfverse: e    āste devyā sahācintyo   yaṃ prārtʰayasi śatruhan
   āste devyā saha_acintyo   yaṃ prārtʰayasi śatruhan /51/

Verse: 52 
Halfverse: a    hiraṇyakaśipur yo 'bʰūd   dānavo merukampanaḥ
   hiraṇya-kaśipur yo_abʰūd   dānavo meru-kampanaḥ /
Halfverse: c    tena sarvāmaraiśvaryaṃ   śarvāt prāptaṃ samārbudam
   tena sarva_amara_aiśvaryaṃ   śarvāt prāptaṃ sama_arbudam /52/

Verse: 53 
Halfverse: a    tasyaiva putra pravaro   mandaro nāma viśrutaḥ
   tasya_eva putra pravaro   mandaro nāma viśrutaḥ /
Halfverse: c    mahādevavarāc cʰakraṃ   varṣārbudam ayodʰayat
   mahā-deva-varāt śakraṃ   varṣa_arbudam ayodʰayat /53/

Verse: 54 
Halfverse: a    viṣṇoś cakraṃ ca tad gʰoraṃ   vajram ākʰaṇḍalasya ca
   viṣṇoś cakraṃ ca tad gʰoraṃ   vajram ākʰaṇḍalasya ca /
Halfverse: c    śīrṇaṃ purābʰavat tāta   grahasyāṅgeṣu keśava
   śīrṇaṃ purā_abʰavat tāta   grahasya_aṅgeṣu keśava /54/

Verse: 55 
Halfverse: a    ardyamānāś ca vibudʰā   graheṇa subalīyasā
   ardyamānāś ca vibudʰā   graheṇa su-balīyasā /
Halfverse: c    śiva dattavarāñ jagʰnur   asurendrān surā bʰr̥śam
   śiva datta-varān jagʰnur   asura_indrān surā bʰr̥śam /55/

Verse: 56 
Halfverse: a    tuṣṭo vidyutprabʰasyāpi   trilokeśvaratām adāt
   tuṣṭo vidyut-prabʰasya_api   triloka_īśvaratām adāt /
Halfverse: c    śataṃ varṣasahasrāṇāṃ   sarvalokeśvaro 'bʰavat
   śataṃ varṣa-sahasrāṇāṃ   sarva-loka_īśvaro_abʰavat /
Halfverse: e    mamaivānucaro nityaṃ   bʰavitāsīti cābravīt
   mama_eva_anucaro nityaṃ   bʰavitā_asi_iti ca_abravīt /56/

Verse: 57 
Halfverse: a    tatʰā putrasahasrāṇām   ayutaṃ ca dadau prabʰuḥ
   tatʰā putra-sahasrāṇām   ayutaṃ ca dadau prabʰuḥ /
Halfverse: c    kuśa dvīpaṃ ca sa dadau   rājyena bʰagavān ajaḥ
   kuśa dvīpaṃ ca sa dadau   rājyena bʰagavān ajaḥ /57/

Verse: 58 
Halfverse: a    tatʰā śatamukʰo nāma   dʰātrā sr̥ṣṭo mahāsuraḥ
   tatʰā śata-mukʰo nāma   dʰātrā sr̥ṣṭo mahā_asuraḥ /
Halfverse: c    yena varṣaśataṃ sāgram   ātmamāṃsair huto 'nalaḥ
   yena varṣa-śataṃ sa_agram   ātma-māṃsair huto_analaḥ /
Halfverse: e    taṃ prāha bʰagavāṃs tuṣṭaḥ   kiṃ karomīti śaṃkaraḥ
   taṃ prāha bʰagavāṃs tuṣṭaḥ   kiṃ karomi_iti śaṃkaraḥ /58/

Verse: 59 
Halfverse: a    taṃ vai śatamukʰaḥ prāha   yogo bʰavatu me 'dbʰutaḥ
   taṃ vai śata-mukʰaḥ prāha   yogo bʰavatu me_adbʰutaḥ /
Halfverse: c    balaṃ ca daivataśreṣṭʰa   śāśvataṃ saṃmprayaccʰa me
   balaṃ ca daivata-śreṣṭʰa   śāśvataṃ saṃmprayaccʰa me /59/

Verse: 60 
Halfverse: a    svāyambʰuvaḥ kratuś cāpi   putrārtʰam abʰavat purā
   svāyambʰuvaḥ kratuś ca_api   putra_artʰam abʰavat purā /
Halfverse: c    āviśya yogenātmānaṃ   trīṇi varṣaśatāny api
   āviśya yogena_ātmānaṃ   trīṇi varṣa-śatāny api /60/ 60

Verse: 61 
Halfverse: a    tasya devo 'dadat putrān   sahasraṃ kratusaṃmitān
   tasya devo_adadat putrān   sahasraṃ kratu-saṃmitān /
Halfverse: c    yogeśvaraṃ deva gītaṃ   vettʰa kr̥ṣṇa na saṃśayaḥ
   yoga_īśvaraṃ deva gītaṃ   vettʰa kr̥ṣṇa na saṃśayaḥ /61/

Verse: 62 
Halfverse: a    vālakʰilyā magʰavatā   avajñātāḥ purā kila
   vālakʰilyā magʰavatā avajñātāḥ purā kila / ՙ
Halfverse: c    taiḥ kruddʰair bʰagavān rudras   tapasā toṣito hy abʰūt
   taiḥ kruddʰair bʰagavān rudras   tapasā toṣito hy abʰūt /62/

Verse: 63 
Halfverse: a    tāṃś cāpi daivataśreṣṭʰaḥ   prāha prīto jagatpatiḥ
   tāṃś ca_api daivata-śreṣṭʰaḥ   prāha prīto jagat-patiḥ /
Halfverse: c    suparṇaṃ somahartāraṃ   tapasotpādayiṣyatʰa
   suparṇaṃ soma-hartāraṃ   tapasā_utpādayiṣyatʰa /63/

Verse: 64 
Halfverse: a    mahādevasya roṣāc ca   āpo naṣṭāḥ purābʰavan
   mahā-devasya roṣāc ca āpo naṣṭāḥ purā_abʰavan / ՙ
Halfverse: c    tāṃś ca sapta kapālena   devair anyāḥ pravartitāḥ
   tāṃś ca sapta kapālena   devair anyāḥ pravartitāḥ /64/

Verse: 65 
Halfverse: a    atrer bʰāryāpi bʰartāraṃ   saṃtyajya brahmavādinī
   atrer bʰāryā_api bʰartāraṃ   saṃtyajya brahma-vādinī /
Halfverse: c    nāhaṃ tasya muner bʰūyo   vaśagā syāṃ katʰaṃ cana
   na_ahaṃ tasya muner bʰūyo   vaśa-gā syāṃ katʰaṃ cana /
Halfverse: e    ity uktvā sā mahādevam   agaccʰac cʰaraṇaṃ kila
   ity uktvā sā mahā-devam   agaccʰat śaraṇaṃ kila /65/

Verse: 66 
Halfverse: a    nir āhārā bʰayād atres   triṇi varṣaśatāny api
   nir āhārā bʰayād atres   triṇi varṣa-śatāny api /
Halfverse: c    aśeta musaleṣv eva   prasādārtʰaṃ bʰavasya sā
   aśeta musaleṣv eva   prasāda_artʰaṃ bʰavasya sā /66/

Verse: 67 
Halfverse: a    tām abravīd dʰasan devo   bʰavitā vai sutas tava
   tām abravīdd^hasan devo   bʰavitā vai sutas tava /
Halfverse: c    vaṃśe tavaiva nāmnā tu   kʰyātiṃ yāsyati cepsitām
   vaṃśe tava_eva nāmnā tu   kʰyātiṃ yāsyati ca_īpsitām /67/

Verse: 68 
Halfverse: a    śākalyaḥ saṃśitātmā vai   navavarṣaśatāny api
   śākalyaḥ saṃśita_ātmā vai   nava-varṣa-śatāny api /
Halfverse: c    ārādʰayām āsa bʰavaṃ   mano yajñena keśava
   ārādʰayāmāsa bʰavaṃ   mano yajñena keśava /68/

Verse: 69 
Halfverse: a    taṃ cāha bʰagavāṃs tuṣṭo   grantʰa kāro bʰaviṣyasi
   taṃ ca_āha bʰagavāṃs tuṣṭo   grantʰa kāro bʰaviṣyasi /
Halfverse: c    vatsākṣayā ca te kīrtis   trailokye vai bʰaviṣyati
   vatsa_akṣayā ca te kīrtis   trailokye vai bʰaviṣyati /
Halfverse: e    akṣayaṃ ca kulaṃ te 'stu   maharṣibʰir alaṃ kr̥tam
   akṣayaṃ ca kulaṃ te_astu   maharṣibʰir alaṃ kr̥tam /69/

Verse: 70 
Halfverse: a    sāvarṇiś cāpi vikʰyāta   r̥ṣir āsīt kr̥te yuge
   sāvarṇiś ca_api vikʰyāta r̥ṣir āsīt kr̥te yuge / ՙ
Halfverse: c    iha tena tapas taptaṃ   ṣaṣṭiṃ varṣaśatāny atʰa
   iha tena tapas taptaṃ   ṣaṣṭiṃ varṣa-śatāny atʰa /70/ 70

Verse: 71 
Halfverse: a    tam āha bʰagavān rudraḥ   sākṣāt tuṣṭo 'smi te 'nagʰa
   tam āha bʰagavān rudraḥ   sākṣāt tuṣṭo_asmi te_anagʰa /
Halfverse: c    grantʰa kr̥l lokavikʰyāto   bʰavitāsy ajarāmaraḥ
   grantʰa kr̥l loka-vikʰyāto   bʰavitā_asy ajara_amaraḥ /71/

Verse: 72 
Halfverse: a    mayāpi ca yatʰādr̥ṣṭo   devadevaḥ purā vibʰuḥ
   mayā_api ca yatʰā-dr̥ṣṭo   deva-devaḥ purā vibʰuḥ /
Halfverse: c    sākṣāt paśupatis tāta   tac cāpi śr̥ṇu mādʰava
   sākṣāt paśu-patis tāta   tac ca_api śr̥ṇu mādʰava /72/

Verse: 73 
Halfverse: a    yadartʰaṃ ca mahādevaḥ   prayatena mayā purā
   yad-artʰaṃ ca mahā-devaḥ   prayatena mayā purā /
Halfverse: c    ārādʰito mahātejās   tac cāpi śr̥ṇu vistaram
   ārādʰito mahā-tejās   tac ca_api śr̥ṇu vistaram /73/

Verse: 74 
Halfverse: a    yad avāptaṃ ca me pūrvaṃ   devadevān maheśvarāt
   yad avāptaṃ ca me pūrvaṃ   deva-devān mahā_īśvarāt /
Halfverse: c    tat sarvam akʰilenādya   katʰayiṣyāmi te 'nagʰa
   tat sarvam akʰilena_adya   katʰayiṣyāmi te_anagʰa /74/

Verse: 75 
Halfverse: a    purā kr̥tayuge tāta   r̥ṣir āsīn mahāyaśāḥ
   purā kr̥ta-yuge tāta r̥ṣir āsīn mahā-yaśāḥ / ՙ
Halfverse: c    vyāgʰrapāda iti kʰyāto   vedavedāṅgapāragaḥ
   vyāgʰra-pāda\ iti kʰyāto   veda-veda_aṅga-pāragaḥ / ՙ
Halfverse: e    tasyāham abʰavaṃ putro   dʰaumyaś cāpi mamānujaḥ
   tasya_aham abʰavaṃ putro   dʰaumyaś ca_api mama_anujaḥ /75/

Verse: 76 
Halfverse: a    kasya cit tv atʰa kālasya   dʰaumyena saha mādʰava
   kasyacit tv atʰa kālasya   dʰaumyena saha mādʰava /
Halfverse: c    āgaccʰam āśramaṃ krīḍan   munīnāṃ bʰāvitātmanām
   āgaccʰam āśramaṃ krīḍan   munīnāṃ bʰāvita_ātmanām /76/

Verse: 77 
Halfverse: a    tatrāpi ca mayā dr̥ṣṭā   duhyamānā payasvinī
   tatra_api ca mayā dr̥ṣṭā   duhyamānā payasvinī /
Halfverse: c    lakṣitaṃ ca mayā kṣīraṃ   svāduto hy amr̥topamam
   lakṣitaṃ ca mayā kṣīraṃ   svāduto hy amr̥ta_upamam /77/

Verse: 78 
Halfverse: a    tataḥ piṣṭaṃ samāloḍya   toyena saha mādʰava
   tataḥ piṣṭaṃ samāloḍya   toyena saha mādʰava /
Halfverse: c    āvayoḥ kṣīram ity eva   pānārtʰam upanīyate
   āvayoḥ kṣīram ity eva   pāna_artʰam upanīyate /78/

Verse: 79 
Halfverse: a    atʰa gavyaṃ payas tāta   kadā cit prāśitaṃ mayā
   atʰa gavyaṃ payas tāta   kadācit prāśitaṃ mayā /
Halfverse: c    tataḥ piṣṭa rasaṃ tāta   na me prītim udāvahat
   tataḥ piṣṭa rasaṃ tāta   na me prītim udāvahat /79/ ՙ

Verse: 80 
Halfverse: a    tato 'ham abruvaṃ bālyāj   jananīm ātmanas tadā
   tato_aham abruvaṃ bālyāj   jananīm ātmanas tadā /
Halfverse: c    kṣīraudana samāyuktaṃ   bʰojanaṃ ca prayaccʰa me
   kṣīra_odana samāyuktaṃ   bʰojanaṃ ca prayaccʰa me /80/ 80 [kṣīrodana]

Verse: 81 
Halfverse: a    tato mām abravīn mātā   duḥkʰaśokasamanvitā
   tato mām abravīn mātā   duḥkʰa-śoka-samanvitā /
Halfverse: c    putrasnehāt pariṣvajya   mūrdʰni cāgʰrāya mādʰava
   putra-snehāt pariṣvajya   mūrdʰni ca_āgʰrāya mādʰava /81/

Verse: 82 
Halfverse: a    kutaḥ kṣīrodanaṃ vatsa   munīnāṃ bʰāvitātmanām
   kutaḥ kṣīrodanaṃ vatsa   munīnāṃ bʰāvita_ātmanām / ՙ
Halfverse: c    vane nivasatāṃ nityaṃ   kandamūlapʰalāśinām
   vane nivasatāṃ nityaṃ   kanda-mūla-pʰala_āśinām /82/

Verse: 83 
Halfverse: a    aprasādya virūpākṣaṃ   varadaṃ stʰāṇum avyayam
   aprasādya virūpa_akṣaṃ   varadaṃ stʰāṇum avyayam /
Halfverse: c    kutaḥ kṣīrodanaṃ vatsa   sukʰāni vasanāni ca
   kutaḥ kṣīrodanaṃ vatsa   sukʰāni vasanāni ca /83/

Verse: 84 
Halfverse: a    taṃ prapadya sadā vatsa   sarvabʰāvena śaṃkaram
   taṃ prapadya sadā vatsa   sarva-bʰāvena śaṃkaram /
Halfverse: c    tatprasādāc ca kāmebʰyaḥ   pʰalaṃ prāpsyasi putraka
   tat-prasādāc ca kāmebʰyaḥ   pʰalaṃ prāpsyasi putraka /84/

Verse: 85 
Halfverse: a    jananyās tad vacaḥ śrutvā   tadā prabʰr̥ti śatruhan
   jananyās tad vacaḥ śrutvā   tadā prabʰr̥ti śatruhan /
Halfverse: c    mama bʰaktir mahādeve   naiṣṭʰikī samapadyata
   mama bʰaktir mahā-deve   naiṣṭʰikī samapadyata /85/

Verse: 86 
Halfverse: a    tato 'haṃ tapa āstʰāya   toṣayām āsa śaṃkaram
   tato_ahaṃ tapa\ āstʰāya   toṣayām āsa śaṃkaram / ՙ
Halfverse: c    divyaṃ varṣasahasraṃ tu   pādāṅguṣṭʰāgraviṣṭʰitaḥ
   divyaṃ varṣa-sahasraṃ tu   pāda_aṅguṣṭʰa_agra-viṣṭʰitaḥ /86/

Verse: 87 
Halfverse: a    ekaṃ varṣaśataṃ caiva   pʰalāhāras tadābʰavam
   ekaṃ varṣa-śataṃ caiva   pʰala_āhāras tadā_abʰavam /
Halfverse: c    dvitīyaṃ śīrṇaparṇāśī   tr̥tīyaṃ cāmbubʰojanaḥ
   dvitīyaṃ śīrṇa-parṇa_āśī   tr̥tīyaṃ ca_ambu-bʰojanaḥ /
Halfverse: e    śatāni sapta caivāhaṃ   vāyubʰakṣas tadābʰavam
   śatāni sapta caiva_ahaṃ   vāyu-bʰakṣas tadā_abʰavam /87/

Verse: 88 
Halfverse: a    tataḥ prīto mahādevaḥ   sarvalokeśvaraḥ prabʰuḥ
   tataḥ prīto mahā-devaḥ   sarva-loka_īśvaraḥ prabʰuḥ /
Halfverse: c    śakra rūpaṃ sa kr̥tvā tu   sarvair devagaṇair vr̥taḥ
   śakra rūpaṃ sa kr̥tvā tu   sarvair deva-gaṇair vr̥taḥ /
Halfverse: e    sahasrākṣas tadā bʰūtvā   varja pāṇir mahāyaśāḥ
   sahasra_akṣas tadā bʰūtvā   varja pāṇir mahā-yaśāḥ /88/

Verse: 89 
Halfverse: a    sudʰāvadātaṃ raktākṣaṃ   stabdʰakarṇaṃ madotkaṭam
   sudʰā_avadātaṃ rakta_akṣaṃ   stabdʰa-karṇaṃ mada_utkaṭam /
Halfverse: c    āveṣṭita karaṃ raudraṃ   caturdaṃṣṭraṃ mahāgajam
   āveṣṭita karaṃ raudraṃ   catur-daṃṣṭraṃ mahā-gajam /89/

Verse: 90 
Halfverse: a    samāstʰitaś ca bʰagavān   dīpyamānaḥ svatejasā
   samāstʰitaś ca bʰagavān   dīpyamānaḥ sva-tejasā /
Halfverse: c    ājagāma kirīṭī tu   hārakeyūrabʰūṣitaḥ
   ājagāma kirīṭī tu   hāra-keyūra-bʰūṣitaḥ /90/ 90

Verse: 91 
Halfverse: a    pāṇḍureṇātapatreṇa   dʰriyamāṇena mūrdʰani
   pāṇḍureṇa_ātapatreṇa   dʰriyamāṇena mūrdʰani /
Halfverse: c    sevyamāno 'psarobʰiś ca   divyagandʰarvanāditaḥ
   sevyamāno_apsarobʰiś ca   divya-gandʰarva-nāditaḥ /91/

Verse: 92 
Halfverse: a    tato mām āha devendraḥ   prītas te 'haṃ dvijottama
   tato mām āha deva_indraḥ   prītas te_ahaṃ dvija_uttama /
Halfverse: c    varaṃ vr̥ṇīṣva mattas tva   yat te manasi vartate
   varaṃ vr̥ṇīṣva mattas tva   yat te manasi vartate /92/

Verse: 93 
Halfverse: a    śakrasya tu vacaḥ śrutvā   nāhaṃ prītamanābʰavam
   śakrasya tu vacaḥ śrutvā   na_ahaṃ prīta-manā_abʰavam /
Halfverse: c    abruvaṃ ca tadā kr̥ṣṇa   devarājam idaṃ vacaḥ
   abruvaṃ ca tadā kr̥ṣṇa   devarājam idaṃ vacaḥ /93/

Verse: 94 
Halfverse: a    nāhaṃ tvatto varaṃ kāṅkṣe   nānyasmād api daivatāt
   na_ahaṃ tvatto varaṃ kāṅkṣe   na_anyasmād api daivatāt /
Halfverse: c    mahādevād r̥te saumya   satyam etad bravīmi te
   mahā-devād r̥te saumya   satyam etad bravīmi te /94/


Verse: 95 
Halfverse: a    paśupativacanād bʰavāmi sadyaḥ; kr̥mir atʰa vā tarur apy anekaśākʰaḥ
   paśu-pati-vacanād bʰavāmi sadyaḥ   kr̥mir atʰa vā tarur apy aneka-śākʰaḥ / q
Halfverse: c    apaśu pativaraprasādajā me; tribʰuvana rājyavibʰūtir apy aniṣṭā
   apaśu pati-vara-prasādajā me   tri-bʰuvana rājya-vibʰūtir apy aniṣṭā /95/ q


Verse: 96 
Halfverse: a    api kīṭaḥ pataṃgo vā   bʰaveyaṃ śaṃkarājñayā
   api kīṭaḥ pataṃgo vā   bʰaveyaṃ śaṃkara_ājñayā /
Halfverse: c    na tu śakra tvayā dattaṃ   trailokyam api kāmaye
   na tu śakra tvayā dattaṃ   trailokyam api kāmaye /96/


Verse: 97 
Halfverse: a    yāvac cʰaśāṅka śakalāmala baddʰamaulir; na prīyate paśupatir bʰagavān mameśaḥ
   yāvat śaśa_aṅka śakala_amala baddʰa-maulir   na prīyate paśu-patir bʰagavān mama_īśaḥ / q
Halfverse: c    tāvaj jarāmaraṇajanma śatābʰigʰātair; duḥkʰāni dehavihitāni samudvahāmi
   tāvaj jarā-maraṇa-janma śata_abʰigʰātair   duḥkʰāni deha-vihitāni samudvahāmi /97/ q

Verse: 98 
Halfverse: a    divasakara śaśāṅkavahni dīptaṃ; tribʰuvana sāram apāram ādyam ekam
   diva-sakara śaśa_aṅka-vahni dīptaṃ   tri-bʰuvana sāram apāram ādyam ekam / q
Halfverse: c    ajaram amaram aprasādya rudraṃ; jagati pumān iha ko labʰeta śāntim
   ajaram amaram aprasādya rudraṃ   jagati pumān iha ko labʰeta śāntim /98/ q


Verse: 99  {Śakra uvāca}
Halfverse: a    kaḥ punas tava hetur vai   īśe kāraṇakāraṇe
   kaḥ punas tava hetur vai īśe kāraṇa-kāraṇe / ՙ
Halfverse: c    yena devād r̥te 'nyasmāt   prasādaṃ nābʰikāṅkṣasi
   yena devād r̥te_anyasmāt   prasādaṃ na_abʰikāṅkṣasi /99/

Verse: 100  {Upamanyur uvāca}
Halfverse: a    hetubʰir vā kim anyais te   īśaḥ kāraṇakāraṇam
   hetubʰir vā kim anyais te īśaḥ kāraṇa-kāraṇam / ՙ
Halfverse: c    na śuśruma yad anyasya   liṅgam abʰyarcyate suraiḥ
   na śuśruma yad anyasya   liṅgam abʰyarcyate suraiḥ /100/ 100

Verse: 101 
Halfverse: a    kasyānyasya suraiḥ sarvair   liṅgaṃ muktvā maheśvaram
   kasya_anyasya suraiḥ sarvair   liṅgaṃ muktvā mahā_īśvaram /
Halfverse: c    arcyate 'rcita pūrvaṃ vā   brūhi yady asti te śrutiḥ
   arcyate_arcita pūrvaṃ vā   brūhi yady asti te śrutiḥ /101/

Verse: 102 
Halfverse: a    yasya brahmā ca viṣṇuś ca   tvaṃ cāpi saha daivataiḥ
   yasya brahmā ca viṣṇuś ca   tvaṃ ca_api saha daivataiḥ /
Halfverse: c    arcayadʰvaṃ sadā liṅgaṃ   tasmāc cʰreṣṭʰa tamo hi saḥ
   arcayadʰvaṃ sadā liṅgaṃ   tasmāt śreṣṭʰa tamo hi saḥ /102/

Verse: 103 
Halfverse: a    tasmād varam ahaṃ kāṅkṣe   nidʰanaṃ vāpi kauśika
   tasmād varam ahaṃ kāṅkṣe   nidʰanaṃ vā_api kauśika /
Halfverse: c    gaccʰa vā tiṣṭʰa vā śakra   yatʰeṣṭaṃ balasūdana
   gaccʰa vā tiṣṭʰa vā śakra   yatʰā_iṣṭaṃ bala-sūdana /103/

Verse: 104 
Halfverse: a    kāmam eṣa varo me 'stu   śāpo vāpi maheśvarāt
   kāmam eṣa varo me_astu   śāpo vā_api mahā_īśvarāt /
Halfverse: c    na cānyāṃ devatāṃ kāṅkṣe   sarvakāmapʰalāny api
   na ca_anyāṃ devatāṃ kāṅkṣe   sarva-kāma-pʰalāny api /104/

Verse: 105 
Halfverse: a    evam uktvā tu devendraṃ   duḥkʰād ākulitendriyaḥ
   evam uktvā tu deva_indraṃ   duḥkʰād ākulita_indriyaḥ /
Halfverse: c    na prasīdati me rudraḥ   kim etad iti cintayan
   na prasīdati me rudraḥ   kim etad iti cintayan /
Halfverse: e    atʰāpaśyaṃ kṣaṇenaiva   tam evairāvataṃ punaḥ
   atʰa_apaśyaṃ kṣaṇena_eva   tam eva_airāvataṃ punaḥ /105/

Verse: 106 
Halfverse: a    haṃsakundendu sadr̥śaṃ   mr̥ṇālakumudaprabʰam
   haṃsa-kunda_indu sadr̥śaṃ   mr̥ṇāla-kumuda-prabʰam /
Halfverse: c    vr̥ṣarūpadʰaraṃ sākṣāt   kṣīrodam iva sāgaram
   vr̥ṣa-rūpa-dʰaraṃ sākṣāt   kṣīra_udam iva sāgaram /106/

Verse: 107 
Halfverse: a    kr̥ṣṇa puccʰaṃ mahākāyaṃ   madʰupiṅgala locanam
   kr̥ṣṇa puccʰaṃ mahā-kāyaṃ   madʰu-piṅgala locanam /
Halfverse: c    jāmbūnadena dāmnā ca   sarvataḥ samalaṃkr̥tam
   jāmbū-nadena dāmnā ca   sarvataḥ samalaṃkr̥tam /107/

Verse: 108 
Halfverse: a    raktākṣaṃ sumahānāsaṃ   sukarṇaṃ sukaṭī taṭam
   rakta_akṣaṃ su-mahā-nāsaṃ   su-karṇaṃ su-kaṭī taṭam /
Halfverse: c    supārśvaṃ vipura skandʰaṃ   surūpaṃ cārudarśanam
   su-pārśvaṃ vipura skandʰaṃ   surūpaṃ cāru-darśanam /108/

Verse: 109 
Halfverse: a    kakudaṃ tasya cābʰāti   skandʰam āpūrya viṣṭʰitam
   kakudaṃ tasya ca_ābʰāti   skandʰam āpūrya viṣṭʰitam /
Halfverse: c    tuṣāragirikūṭābʰaṃ   sitābʰraśikʰaropamam
   tuṣāra-giri-kūṭa_ābʰaṃ   sita_abʰra-śikʰara_upamam /109/

Verse: 110 
Halfverse: a    tam āstʰitaś ca bʰagavān   devadevaḥ sahomayā
   tam āstʰitaś ca bʰagavān   deva-devaḥ saha_umayā /
Halfverse: c    aśobʰata mahādevaḥ   paurṇamāsyām ivoḍurāṭ
   aśobʰata mahā-devaḥ   paurṇamāsyām iva_uḍu-rāṭ /110/ 110

Verse: 111 
Halfverse: a    tasya tejo bʰavo vahniḥ   sa megʰaḥ stanayitnumān
   tasya tejo bʰavo vahniḥ   sa megʰaḥ stanayitnumān /
Halfverse: c    sahasram iva sūryāṇāṃ   sarvam āvr̥tya tiṣṭʰati
   sahasram iva sūryāṇāṃ   sarvam āvr̥tya tiṣṭʰati /111/

Verse: 112 
Halfverse: a    īśvaraḥ sumahātejāḥ   saṃvartaka ivānalaḥ
   īśvaraḥ sumahā-tejāḥ   saṃvartaka\ iva_analaḥ / ՙ
Halfverse: c    yugānte sarvabʰūtāni   didʰakṣur iva codyataḥ
   yuga_ante sarva-bʰūtāni   didʰakṣur iva ca_udyataḥ /112/

Verse: 113 
Halfverse: a    tejasā tu tadā vyāpte   durnirīkṣye samantataḥ
   tejasā tu tadā vyāpte   durnirīkṣye samantataḥ /
Halfverse: c    punar udvignahr̥dayaḥ   kim etad iti cintayam
   punar udvigna-hr̥dayaḥ   kim etad iti cintayam /113/

Verse: 114 
Halfverse: a    muhūrtam iva tat tejo   vyāpya sarvā diśo diśa
   muhūrtam iva tat tejo   vyāpya sarvā diśo diśa /
Halfverse: c    praśāntaṃ ca kṣaṇenaiva   devadevasya māyayā
   praśāntaṃ ca kṣaṇena_eva   deva-devasya māyayā /114/

Verse: 115 
Halfverse: a    atʰāpaśyaṃ stʰitaṃ stʰāṇuṃ   bʰagavantaṃ maheśvaram
   atʰa_apaśyaṃ stʰitaṃ stʰāṇuṃ   bʰagavantaṃ mahā_īśvaram /
Halfverse: c    saurabʰeya gataṃ saumyaṃ   vidʰūmam iva pāvakam
   saurabʰeya gataṃ saumyaṃ   vidʰūmam iva pāvakam /
Halfverse: e    sahitaṃ cārusarvāṅgyā   pārvatyā parameśvaram
   sahitaṃ cāru-sarva_aṅgyā   pārvatyā parama_īśvaram /115/

Verse: 116 
Halfverse: a    nīlakanhaṃ mahātmānam   asaktaṃ tejasāṃ nidʰim
   nīla-kanhaṃ mahā_ātmānam   asaktaṃ tejasāṃ nidʰim /
Halfverse: c    aṣṭādaśa bʰujaṃ stʰāṇuṃ   sarvābʰaraṇabʰūṣitam
   aṣṭādaśa bʰujaṃ stʰāṇuṃ   sarva_ābʰaraṇa-bʰūṣitam /116/

Verse: 117 
Halfverse: a    śuklāmbara dʰaraṃ devaṃ   śuklamālyānulepanam
   śukla_ambara dʰaraṃ devaṃ   śukla-mālya_anulepanam /
Halfverse: c    śukladʰvajam anādʰr̥ṣyaṃ   śuklayajñopavītinam
   śukla-dʰvajam anādʰr̥ṣyaṃ   śukla-yajña_upavītinam /117/

Verse: 118 
Halfverse: a    gāyadbʰir nr̥tyamānaiś ca   utpatadbʰir itas tataḥ
   gāyadbʰir nr̥tyamānaiś ca utpatadbʰir itas tataḥ / ՙ
Halfverse: c    vr̥ttaṃ pāriṣadair divyair   ātmatulyaparākramaiḥ
   vr̥ttaṃ pāriṣadair divyair   ātma-tulya-parākramaiḥ /118/

Verse: 119 
Halfverse: a    bālendu mukuṭaṃ pāṇḍuṃ   śarac candram ivoditam
   bāla_indu mukuṭaṃ pāṇḍuṃ   śarat candram iva_uditam /
Halfverse: c    tribʰir netraiḥ kr̥toddyotaṃ   tribʰiḥ sūryair ivoditaiḥ
   tribʰir netraiḥ kr̥ta_uddyotaṃ   tribʰiḥ sūryair iva_uditaiḥ /119/

Verse: 120 
Halfverse: a    aśobʰata ca devasya   mālā gātre sitaprabʰe
   aśobʰata ca devasya   mālā gātre sita-prabʰe /
Halfverse: c    jātarūpamayaiḥ padmair   gratʰitā ratnabʰūṣitā
   jāta-rūpa-mayaiḥ padmair   gratʰitā ratna-bʰūṣitā /120/ 120

Verse: 121 
Halfverse: a    mūrtimanti tatʰāstrāṇi   sarvatejomayāni ca
   mūrtimanti tatʰā_astrāṇi   sarva-tejo-mayāni ca /
Halfverse: c    mayā dr̥ṣṭāni govinda   bʰavasyāmita tejasaḥ
   mayā dr̥ṣṭāni govinda   bʰavasya_amita tejasaḥ /121/

Verse: 122 
Halfverse: a    indrāyudʰasahasrābʰaṃ   dʰanus tasya mahātmanaḥ
   indra_āyudʰa-sahasra_ābʰaṃ   dʰanus tasya mahā_ātmanaḥ /
Halfverse: c    pinākam iti vikʰyātaṃ   sa ca vai pannago mahān
   pinākam iti vikʰyātaṃ   sa ca vai pannago mahān /122/

Verse: 123 
Halfverse: a    sapta śīrṣo mahākāyas   tīkṣṇadaṃṣṭro viṣolbaṇaḥ
   sapta śīrṣo mahā-kāyas   tīkṣṇa-daṃṣṭro viṣa_ulbaṇaḥ /
Halfverse: c    jyā veṣṭitamahāgrīvaḥ   stʰitaḥ puruṣavigrahaḥ
   jyā veṣṭita-mahā-grīvaḥ   stʰitaḥ puruṣa-vigrahaḥ /123/

Verse: 124 
Halfverse: a    śaraś ca sūryasaṃkāśaḥ   kālānalasamadyutiḥ
   śaraś ca sūrya-saṃkāśaḥ   kāla_anala-sama-dyutiḥ /
Halfverse: c    yat tad astraṃ mahāgʰoraṃ   divyaṃ pāśupataṃ mahat
   yat tad astraṃ mahā-gʰoraṃ   divyaṃ pāśupataṃ mahat /124/

Verse: 125 
Halfverse: a    advitīyam anirdeśyaṃ   sarvabʰūtabʰayāvaham
   advitīyam anirdeśyaṃ   sarva-bʰūta-bʰaya_āvaham /
Halfverse: c    sa spʰuliṅgaṃ mahākāyaṃ   visr̥jantam ivānalam
   sa spʰuliṅgaṃ mahā-kāyaṃ   visr̥jantam iva_analam /125/

Verse: 126 
Halfverse: a    ekapādaṃ mahādaṃṣṭraṃ   sahasraśirasodaram
   eka-pādaṃ mahā-daṃṣṭraṃ   sahasra-śirasā_udaram /
Halfverse: c    sahasrabʰuja jihvākṣam   udgirantam ivānalam
   sahasra-bʰuja jihva_akṣam   udgirantam iva_analam /126/

Verse: 127 
Halfverse: a    brāhmān nārāyaṇād aindrād   āgneyād api vāruṇāt
   brāhmān nārāyaṇād aindrād   āgneyād api vāruṇāt /
Halfverse: c    yad viśiṣṭaṃ mahābāho   sarvaśastravigʰātanam
   yad viśiṣṭaṃ mahā-bāho   sarva-śastra-vigʰātanam /127/

Verse: 128 
Halfverse: a    yena tat tripuraṃ dagdʰvā   kṣaṇād bʰasmīkr̥taṃ purā
   yena tat tripuraṃ dagdʰvā   kṣaṇād bʰasmī-kr̥taṃ purā /
Halfverse: c    śareṇaikena govinda   mahādevena līlayā
   śareṇa_ekena govinda   mahā-devena līlayā /128/

Verse: 129 
Halfverse: a    nirdadāha jagat kr̥tsnaṃ   trailokyaṃ sa carācaram
   nirdadāha jagat kr̥tsnaṃ   trailokyaṃ sa cara_acaram /
Halfverse: c    maheśvara bʰujotsr̥ṣṭaṃ   nimeṣārdʰān na saṃśayaḥ
   mahā_īśvara bʰuja_utsr̥ṣṭaṃ   nimeṣa_ardʰān na saṃśayaḥ /129/

Verse: 130 
Halfverse: a    nāvadʰyo yasya loke 'smin   brahma viṣṇusureṣv api
   na_avadʰyo yasya loke_asmin   brahma viṣṇu-sureṣv api /
Halfverse: c    tad ahaṃ dr̥ṣṭavāṃs tāta   āścaryād bʰūtam uttamam
   tad ahaṃ dr̥ṣṭavāṃs tāta āścaryād bʰūtam uttamam /130/ 130ՙ

Verse: 131 
Halfverse: a    guhyam astraṃ paraṃ cāpi   tattulyādʰikam eva vā
   guhyam astraṃ paraṃ ca_api   tat-tulya_adʰikam eva vā /
Halfverse: c    yat tac cʰūlam iti kʰyātaṃ   sarvalokeṣu śūlinaḥ
   yat tat śūlam iti kʰyātaṃ   sarva-lokeṣu śūlinaḥ /131/

Verse: 132 
Halfverse: a    dārayed yan mahīṃ kr̥tsnāṃ   śoṣayed vā mahodadʰim
   dārayed yan mahīṃ kr̥tsnāṃ   śoṣayed vā mahā_udadʰim /
Halfverse: c    saṃhared vā jagat kr̥tsnaṃ   visr̥ṣṭaṃ śūlapāṇinā
   saṃhared vā jagat kr̥tsnaṃ   visr̥ṣṭaṃ śūla-pāṇinā /132/

Verse: 133 
Halfverse: a    yauvanāśvo hato yena   māṃdʰātā sa balaḥ purā
   yauvana_aśvo hato yena   māṃdʰātā sa balaḥ purā /
Halfverse: c    cakravartī mahātejās   trilokavijayī nr̥paḥ
   cakra-vartī mahā-tejās   tri-loka-vijayī nr̥paḥ /133/

Verse: 134 
Halfverse: a    mahābalo mahāvīryaḥ   śakratulyaparākramaḥ
   mahā-balo mahā-vīryaḥ   śakra-tulya-parākramaḥ /
Halfverse: c    karastʰenaiva govinda   lavaṇasyeha rakṣasaḥ
   karastʰena_eva govinda   lavaṇasya_iha rakṣasaḥ /134/

Verse: 135 
Halfverse: a    tac cʰūlam atitīkṣṇāgraṃ   subʰīmaṃ lomaharṣaṇam
   tat śūlam atitīkṣṇa_agraṃ   su-bʰīmaṃ loma-harṣaṇam /
Halfverse: c    triśikʰāṃ bʰrukuṭīṃ kr̥tvā   tarjamānam iva stʰitam
   tri-śikʰāṃ bʰrukuṭīṃ kr̥tvā   tarjamānam iva stʰitam /135/

Verse: 136 
Halfverse: a    vidʰūmaṃ sārcisaṃ kr̥ṣṇaṃ   kālasūryam ivoditam
   vidʰūmaṃ sa_arcisaṃ kr̥ṣṇaṃ   kāla-sūryam iva_uditam /
Halfverse: c    sarpahastam anirdeśyaṃ   pāśahastam ivāntakam
   sarpa-hastam anirdeśyaṃ   pāśa-hastam iva_antakam /
Halfverse: e    dr̥ṣṭavān asmi govinda   tad astraṃ rudra saṃnidʰau
   dr̥ṣṭavān asmi govinda   tad astraṃ rudra saṃnidʰau /136/

Verse: 137 
Halfverse: a    paraśus tīkṣṇadʰāraś ca   datto rāmasya yaḥ purā
   paraśus tīkṣṇa-dʰāraś ca   datto rāmasya yaḥ purā / ՙ
Halfverse: c    mahādevena tuṣṭena   kṣatriyāṇāṃ kṣayaṃ karaḥ
   mahā-devena tuṣṭena   kṣatriyāṇāṃ kṣayaṃ karaḥ /
Halfverse: e    kārtavīryo hato yena   cakravartī mahāmr̥dʰe
   kārtavīryo hato yena   cakra-vartī mahā-mr̥dʰe /137/

Verse: 138 
Halfverse: a    triḥ saptakr̥tvaḥ pr̥tʰivī   yena niḥkṣatriyā kr̥tā
   triḥ sapta-kr̥tvaḥ pr̥tʰivī   yena niḥkṣatriyā kr̥tā /
Halfverse: c    jāmadagnyena govinda   rāmeṇākliṣṭakarmaṇā
   jāmadagnyena govinda   rāmeṇa_akliṣṭa-karmaṇā /138/

Verse: 139 
Halfverse: a    dīptadʰāraḥ suraudrāsyaḥ   sarpakaṇṭʰāgra veṣṭitaḥ
   dīpta-dʰāraḥ suraudra_āsyaḥ   sarpa-kaṇṭʰa_agra veṣṭitaḥ /
Halfverse: c    abʰavac cʰūlino 'bʰyāśe   dīptavahni śikʰopamaḥ
   abʰavat śūlino_abʰyāśe   dīpta-vahni śikʰa_upamaḥ /139/

Verse: 140 
Halfverse: a    asaṃkʰyeyāni cāstrāṇi   tasya divyāni dʰīmataḥ
   asaṃkʰyeyāni ca_astrāṇi   tasya divyāni dʰīmataḥ /
Halfverse: c    pradʰānyato mayaitāni   kīrtitāni tavānagʰa
   pradʰānyato mayā_etāni   kīrtitāni tava_anagʰa /140/ 140

Verse: 141 
Halfverse: a    savyadeśe tu devasya   brahmā lokapitāmahaḥ
   savya-deśe tu devasya   brahmā loka-pitāmahaḥ /
Halfverse: c    divyaṃ vimānam āstʰāya   haṃsayuktaṃ manojavam
   divyaṃ vimānam āstʰāya   haṃsa-yuktaṃ mano-javam /141/

Verse: 142 
Halfverse: a    vāmapārśva gataś caiva   tatʰā nārāyaṇaḥ stʰitaḥ
   vāma-pārśva gataś caiva   tatʰā nārāyaṇaḥ stʰitaḥ /
Halfverse: c    vainateyaṃ samāstʰāya   śaṅkʰacakragadādʰaraḥ
   vainateyaṃ samāstʰāya   śaṅkʰa-cakra-gadā-dʰaraḥ /142/

Verse: 143 
Halfverse: a    skando mayūram āstʰāya   stʰito devyāḥ samīpataḥ
   skando mayūram āstʰāya   stʰito devyāḥ samīpataḥ /
Halfverse: c    śaktiṃ kanhe samādʰāya   dvitīya iva pāvakaḥ
   śaktiṃ kanhe samādʰāya   dvitīya\ iva pāvakaḥ /143/ ՙ

Verse: 144 
Halfverse: a    purastāc caiva devasya   nandiṃ paśyāmy avastʰitam
   purastāc caiva devasya   nandiṃ paśyāmy avastʰitam /
Halfverse: c    śūlaṃ viṣṭabʰya tiṣṭʰantaṃ   dvitīyam iva śaṃkaram
   śūlaṃ viṣṭabʰya tiṣṭʰantaṃ   dvitīyam iva śaṃkaram /144/

Verse: 145 
Halfverse: a    svāyambʰuvādyā manavo   bʰr̥gvādyā r̥ṣayas tatʰā
   svāyambʰuva_ādyā manavo   bʰr̥gv-ādyā\ r̥ṣayas tatʰā / ՙ
Halfverse: c    śakrādyā devatāś caiva   sarva eva samabʰyayuḥ
   śakra_ādyā devatāś caiva   sarva\ eva samabʰyayuḥ /145/ ՙ

Verse: 146 
Halfverse: a    te 'bʰivādya mahātmānaṃ   parivārya samantataḥ
   te_abʰivādya mahā_ātmānaṃ   parivārya samantataḥ /
Halfverse: c    astuvan vividʰaiḥ stotrair   mahādevaṃ surās tadā
   astuvan vividʰaiḥ stotrair   mahā-devaṃ surās tadā /146/

Verse: 147 
Halfverse: a    brahmā bʰavaṃ tadā stunvan   ratʰantaram udīrayan
   brahmā bʰavaṃ tadā stunvan   ratʰantaram udīrayan /
Halfverse: c    jyeṣṭʰasāmnā ca deveśaṃ   jagau nārāyaṇas tadā
   jyeṣṭʰa-sāmnā ca deva_īśaṃ   jagau nārāyaṇas tadā /
Halfverse: e    gr̥ṇañ śakraḥ paraṃ brahma   śatarudrīyam uttamam
   gr̥ṇan śakraḥ paraṃ brahma   śata-rudrīyam uttamam /147/

Verse: 148 
Halfverse: a    brahmā nārāyaṇaś caiva   devarājaś ca kauśikaḥ
   brahmā nārāyaṇaś caiva   deva-rājaś ca kauśikaḥ /
Halfverse: c    aśobʰanta mahātmānas   trayas traya ivāgnayaḥ
   aśobʰanta mahā_ātmānas   trayas traya\ iva_agnayaḥ /148/ ՙ

Verse: 149 
Halfverse: a    teṣāṃ madʰyagato devo   rarāja bʰagavāñ śivaḥ
   teṣāṃ madʰya-gato devo   rarāja bʰagavān śivaḥ /
Halfverse: c    śaradgʰanavinirmuktaḥ   pariviṣṭa ivāṃśumān
   śarad-gʰana-vinirmuktaḥ   pariviṣṭa\ iva_aṃśumān / ՙ
Halfverse: e    tato 'ham astuvaṃ devaṃ   stavenānena suvratam
   tato_aham astuvaṃ devaṃ   stavena_anena suvratam /149/

Verse: 150 
Halfverse: a    namo devādʰidevāya   mahādevāya vai namaḥ
   namo deva_adʰidevāya   mahā-devāya vai namaḥ /
Halfverse: c    śakrāya śakra rūpāya   śakra veṣadʰarāya ca
   śakrāya śakra rūpāya   śakra veṣa-dʰarāya ca /150/ 150

Verse: 151 
Halfverse: a    namas te varja hastāya   piṅgalāyāruṇāya ca
   namas te varja hastāya   piṅgalāya_aruṇāya ca /
Halfverse: c    pināka pāṇaye nityaṃ   kʰaḍgaśūladʰarāya ca
   pināka pāṇaye nityaṃ   kʰaḍga-śūla-dʰarāya ca /151/

Verse: 152 
Halfverse: a    namas te kr̥ṣṇa vāsāya   kr̥ṣṇa kuñcitamūrdʰaje
   namas te kr̥ṣṇa vāsāya   kr̥ṣṇa kuñcita-mūrdʰaje /
Halfverse: c    kr̥ṣṇājinottarīyāya   kr̥ṣṇāṣṭam itarāya ca
   kr̥ṣṇa_ajina_uttarīyāya   kr̥ṣṇa_aṣṭam itarāya ca /152/

Verse: 153 
Halfverse: a    śuklavarṇāya śuklāya   śuklāmbara dʰarāya ca
   śukla-varṇāya śuklāya   śukla_ambara dʰarāya ca /
Halfverse: c    śuklabʰasmāvaliptāya   śuklakarma ratāya ca
   śukla-bʰasma_avaliptāya   śukla-karma ratāya ca /153/

Verse: 154 
Halfverse: a    tvaṃ brahmā sarvadevānāṃ   rudrāṇāṃ nīlalohitaḥ
   tvaṃ brahmā sarva-devānāṃ   rudrāṇāṃ nīla-lohitaḥ /
Halfverse: c    ātmā ca sarvabʰūtānāṃ   sāṃkʰye puruṣa ucyase
   ātmā ca sarva-bʰūtānāṃ   sāṃkʰye puruṣa\ ucyase /154/ ՙ

Verse: 155 
Halfverse: a    r̥ṣabʰas tvaṃ pavitrāṇāṃ   yogināṃ niṣkalaḥ śivaḥ
   r̥ṣabʰas tvaṃ pavitrāṇāṃ   yogināṃ niṣkalaḥ śivaḥ /
Halfverse: c    āśramāṇāṃ gr̥hastʰas tvam   īśvarāṇāṃ maheśvaraḥ
   āśramāṇāṃ gr̥hastʰas tvam   īśvarāṇāṃ mahā_īśvaraḥ /
Halfverse: e    kuberaḥ sarvayakṣāṇāṃ   kratūnāṃ viṣṇur ucyase
   kuberaḥ sarva-yakṣāṇāṃ   kratūnāṃ viṣṇur ucyase /155/

Verse: 156 
Halfverse: a    parvatānāṃ mahāmerur   nakṣatrāṇāṃ ca candramāḥ
   parvatānāṃ mahā-merur   nakṣatrāṇāṃ ca candramāḥ /
Halfverse: c    vasiṣṭʰas tvam r̥ṣīṇāṃ ca   grahāṇāṃ sūrya ucyase
   vasiṣṭʰas tvam r̥ṣīṇāṃ ca   grahāṇāṃ sūrya\ ucyase /156/ ՙ

Verse: 157 
Halfverse: a    āraṇyānāṃ paśūnāṃ ca   siṃhas tvaṃ parameśvaraḥ
   āraṇyānāṃ paśūnāṃ ca   siṃhas tvaṃ parama_īśvaraḥ /
Halfverse: c    grāhyāṇāṃ govr̥ṣaś cāsi   bʰagavām̐l lokapūjitaḥ
   grāhyāṇāṃ go-vr̥ṣaś ca_asi   bʰagavām̐l loka-pūjitaḥ /157/

Verse: 158 
Halfverse: a    ādityānāṃ bʰavān viṣṇur   vasūnāṃ caiva pāvakaḥ
   ādityānāṃ bʰavān viṣṇur   vasūnāṃ caiva pāvakaḥ /
Halfverse: c    pakṣiṇāṃ vainateyaś ca   ananto bʰujageṣu ca
   pakṣiṇāṃ vainateyaś ca ananto bʰujageṣu ca /158/ ՙ

Verse: 159 
Halfverse: a    sāmavedaś ca vedānāṃ   yajuṣāṃ śatarudriyam
   sāma-vedaś ca vedānāṃ   yajuṣāṃ śata-rudriyam /
Halfverse: c    sanatkumāro yogīnāṃ   sāṃkʰyānāṃ kapilo hy asi
   sanatkumāro yogīnāṃ   sāṃkʰyānāṃ kapilo hy asi /159/

Verse: 160 
Halfverse: a    śakro 'si marutāṃ deva   pitr̥̄ṇāṃ dʰarmarāḍ asi
   śakro_asi marutāṃ deva   pitr̥̄ṇāṃ dʰarma-rāḍ asi /
Halfverse: c    brahmalokaś ca lokānāṃ   gatīnāṃ mokṣa ucyase
   brahma-lokaś ca lokānāṃ   gatīnāṃ mokṣa\ ucyase /160/ 160ՙ

Verse: 161 
Halfverse: a    kṣīrodaḥ sāgarāṇāṃ ca   śailānāṃ himavān giriḥ
   kṣīra_udaḥ sāgarāṇāṃ ca   śailānāṃ himavān giriḥ /
Halfverse: c    varṇānāṃ brāhmaṇaś cāsi   viprāṇāṃ dīkṣito dvijaḥ
   varṇānāṃ brāhmaṇaś ca_asi   viprāṇāṃ dīkṣito dvijaḥ /
Halfverse: e    ādis tvam asi lokānāṃ   saṃhartā kāla eva ca
   ādis tvam asi lokānāṃ   saṃhartā kāla\ eva ca /161/ ՙ

Verse: 162 
Halfverse: a    yac cānyad api lokeṣu   sattvaṃ tejo 'dʰikaṃ smr̥tam
   yac ca_anyad api lokeṣu   sattvaṃ tejo_adʰikaṃ smr̥tam /
Halfverse: c    tat sarvaṃ bʰagavān eva   iti me niścitā matiḥ
   tat sarvaṃ bʰagavān eva iti me niścitā matiḥ /162/ ՙ

Verse: 163 
Halfverse: a    namas te bʰagavan deva   namas te bʰakta vatsala
   namas te bʰagavan deva   namas te bʰakta vatsala /
Halfverse: c    yogeśvara namas te 'stu   namas te viśvasaṃbʰava
   yoga_īśvara namas te_astu   namas te viśva-saṃbʰava /163/

Verse: 164 
Halfverse: a    prasīda mama bʰaktasya   dīnasya kr̥paṇasya ca
   prasīda mama bʰaktasya   dīnasya kr̥paṇasya ca /
Halfverse: c    anaiśvaryeṇa yuktasya   gatir bʰava sanātana
   anaiśvaryeṇa yuktasya   gatir bʰava sanātana /164/

Verse: 165 
Halfverse: a    yaṃ cāparādʰaṃ kr̥tavān   ajñānāt parameśvara
   yaṃ ca_aparādʰaṃ kr̥tavān   ajñānāt parama_īśvara /
Halfverse: c    madbʰakta iti deveśa   tat sarvaṃ kṣantum arhasi
   mad-bʰakta\ iti deva_īśa   tat sarvaṃ kṣantum arhasi /165/ ՙ

Verse: 166 
Halfverse: a    mohitaś cāsmi deveśa   tubʰyaṃ rūpaviparyayāt
   mohitaś ca_asmi deva_īśa   tubʰyaṃ rūpa-viparyayāt /
Halfverse: c    tena nārgʰyaṃ mayā dattaṃ   pādyaṃ cāpi sureśvara
   tena na_argʰyaṃ mayā dattaṃ   pādyaṃ ca_api sura_īśvara /166/

Verse: 167 
Halfverse: a    evaṃ stutvāham īśānaṃ   pādyam argʰyaṃ ca bʰaktitaḥ
   evaṃ stutvā_aham īśānaṃ   pādyam argʰyaṃ ca bʰaktitaḥ /
Halfverse: c    kr̥tāñjalipuṭo bʰūtvā   sarvaṃ tasmai nyavedayam
   kr̥ta_añjali-puṭo bʰūtvā   sarvaṃ tasmai nyavedayam /167/

Verse: 168 
Halfverse: a    tataḥ śīlāmbusaṃyuktā   divyagandʰasamanvitā
   tataḥ śīla_ambu-saṃyuktā   divya-gandʰa-samanvitā /
Halfverse: c    puṣpavr̥ṣṭiḥ śubʰā tāta   papāta mama mūrdʰani
   puṣpa-vr̥ṣṭiḥ śubʰā tāta   papāta mama mūrdʰani /168/

Verse: 169 
Halfverse: a    dundubʰiś ca tato divyas   tāḍito devakiṃkaraiḥ
   dundubʰiś ca tato divyas   tāḍito deva-kiṃkaraiḥ /
Halfverse: c    vavau ca mārutaḥ puṇyaḥ   śuci gandʰaḥ sukʰāvahaḥ
   vavau ca mārutaḥ puṇyaḥ   śuci gandʰaḥ sukʰa_āvahaḥ /169/

Verse: 170 
Halfverse: a    tataḥ prīto mahādevaḥ   sapatnīko vr̥ṣadʰvajaḥ
   tataḥ prīto mahā-devaḥ   sapatnīko vr̥ṣa-dʰvajaḥ /
Halfverse: c    abravīt tridaśāṃs tatra   harṣayann iva māṃ tadā
   abravīt tridaśāṃs tatra   harṣayann iva māṃ tadā /170/ 170

Verse: 171 
Halfverse: a    paśyadʰvaṃ tridaśāḥ sarve   upamanyor mahātmanaḥ
   paśyadʰvaṃ tridaśāḥ sarve upamanyor mahā_ātmanaḥ / ՙ
Halfverse: c    mayi bʰaktiṃ parāṃ divyām   ekabʰāvād avastʰitām
   mayi bʰaktiṃ parāṃ divyām   eka-bʰāvād avastʰitām /171/

Verse: 172 
Halfverse: a    evam uktās tataḥ kr̥ṣṇa   surās te śūlapāṇinā
   evam uktās tataḥ kr̥ṣṇa   surās te śūla-pāṇinā /
Halfverse: c    ūcuḥ prāñjalayaḥ sarve   namaskr̥tvā vr̥ṣadʰvajam
   ūcuḥ prāñjalayaḥ sarve   namas-kr̥tvā vr̥ṣa-dʰvajam /172/

Verse: 173 
Halfverse: a    bʰagavan devadeveśa   lokanātʰa jagatpate
   bʰagavan deva-deva_īśa   loka-nātʰa jagat-pate /
Halfverse: c    labʰatāṃ sarvakāmebʰyaḥ   pʰalaṃ tvatto dvijottamaḥ
   labʰatāṃ sarva-kāmebʰyaḥ   pʰalaṃ tvatto dvija_uttamaḥ /173/

Verse: 174 
Halfverse: a    evam uktas tataḥ śarvaḥ   surair brahmādibʰis tatʰā
   evam uktas tataḥ śarvaḥ   surair brahma_ādibʰis tatʰā /
Halfverse: c    āha māṃ bʰagavān īśaḥ   prahasann iva śaṃkaraḥ
   āha māṃ bʰagavān īśaḥ   prahasann iva śaṃkaraḥ /174/

Verse: 175 
Halfverse: a    vatsopamanyo prīto 'smi   paśya māṃ munipuṃgava
   vatsa_upamanyo prīto_asmi   paśya māṃ muni-puṃgava /
Halfverse: c    dr̥ḍʰabʰakto 'si viprarṣe   mayā jijñāsito hy asi
   dr̥ḍʰa-bʰakto_asi vipra-r̥ṣe   mayā jijñāsito hy asi /175/

Verse: 176 
Halfverse: a    anayā caiva bʰaktyā te   atyartʰaṃ prītimān aham
   anayā caiva bʰaktyā te atyartʰaṃ prītimān aham / ՙ
Halfverse: c    tasmāt sarvān dadāmy adya   kāmāṃs tava yatʰepśitān
   tasmāt sarvān dadāmy adya   kāmāṃs tava yatʰā_ipśitān /176/

Verse: 177 
Halfverse: a    evam uktasya caivātʰa   mahādevena me vibʰo
   evam uktasya caiva_atʰa   mahā-devena me vibʰo /
Halfverse: c    harṣād aśrūṇy avartanta   loma harṣaś ca jāyate
   harṣād aśrūṇy avartanta   loma harṣaś ca jāyate /177/

Verse: 178 
Halfverse: a    abruvaṃ ca tadā devaṃ   harṣagadgadayā girā
   abruvaṃ ca tadā devaṃ   harṣa-gadgadayā girā /
Halfverse: c    jānubʰyām avaniṃ gatvā   praṇamya ca punaḥ punaḥ
   jānubʰyām avaniṃ gatvā   praṇamya ca punaḥ punaḥ /178/ ՙ

Verse: 179 
Halfverse: a    adya jāto hy ahaṃ deva   adya me sapʰalaṃ tapaḥ
   adya jāto hy ahaṃ deva adya me sa-pʰalaṃ tapaḥ / ՙ
Halfverse: c    yan me sākṣān mahādevaḥ   prasannas tiṣṭʰate 'grataḥ
   yan me sākṣān mahā-devaḥ   prasannas tiṣṭʰate_agrataḥ /179/

Verse: 180 
Halfverse: a    yaṃ na paśyanti cārādʰya   devā hy amitavikramam
   yaṃ na paśyanti ca_ārādʰya   devā hy amita-vikramam /
Halfverse: c    tam ahaṃ dr̥ṣṭavān devaṃ   ko 'nyo dʰanyataro mayā
   tam ahaṃ dr̥ṣṭavān devaṃ   ko_anyo dʰanyataro mayā /180/ 180

Verse: 181 
Halfverse: a    evaṃ dʰyāyanti vidvāṃsaḥ   paraṃ tattvaṃ sanātanam
   evaṃ dʰyāyanti vidvāṃsaḥ   paraṃ tattvaṃ sanātanam /
Halfverse: c    ṣaḍviṃśakam iti kʰyātaṃ   yat parāt param akṣaram
   ṣaḍviṃśakam iti kʰyātaṃ   yat parāt param akṣaram /181/

Verse: 182 
Halfverse: a    sa eṣa bʰagavān devaḥ   sarvatattvādir avyayaḥ
   sa\ eṣa bʰagavān devaḥ   sarva-tattva_ādir avyayaḥ / ՙ
Halfverse: c    sarvatattvavidʰānajñaḥ   pradʰānapuruṣeśvaraḥ
   sarva-tattva-vidʰāna-jñaḥ   pradʰāna-puruṣa_īśvaraḥ /182/

Verse: 183 
Halfverse: a    yo 'sr̥jad dakṣiṇād aṅgād   brahmāṇaṃ lokasaṃbʰavam
   yo_asr̥jad dakṣiṇād aṅgād   brahmāṇaṃ loka-saṃbʰavam /
Halfverse: c    vāmapārśvāt tatʰā viṣṇuṃ   lokarakṣārtʰam īśvaraḥ
   vāma-pārśvāt tatʰā viṣṇuṃ   loka-rakṣa_artʰam īśvaraḥ /
Halfverse: e    yugānte caiva saṃprāpte   rudram aṅgāt sr̥jat prabʰuḥ
   yuga_ante caiva saṃprāpte   rudram aṅgāt sr̥jat prabʰuḥ /183/

Verse: 184 
Halfverse: a    sa rudraḥ saṃharan kr̥tsnaṃ   jagat stʰāvarajaṅgamam
   sa rudraḥ saṃharan kr̥tsnaṃ   jagat stʰāvara-jaṅgamam /
Halfverse: c    kālo bʰūtvā mahātejāḥ   saṃvartaka ivānalaḥ
   kālo bʰūtvā mahā-tejāḥ   saṃvartaka\ iva_analaḥ /184/ ՙ

Verse: 185 
Halfverse: a    eṣa devo mahādevo   jagat sr̥ṣṭvā carācaram
   eṣa devo mahā-devo   jagat sr̥ṣṭvā cara_acaram /
Halfverse: c    kalpānte caiva sarveṣāṃ   smr̥tim ākṣipya tiṣṭʰati
   kalpa_ante caiva sarveṣāṃ   smr̥tim ākṣipya tiṣṭʰati /185/

Verse: 186 
Halfverse: a    sarvagaḥ sarvabʰūtātmā   sarvabʰūtabʰavodbʰavaḥ
   sarvagaḥ sarva-bʰūta_ātmā   sarva-bʰūta-bʰava_udbʰavaḥ /
Halfverse: c    āste sarvagato nityam   adr̥śyaḥ sarvadaivataiḥ
   āste sarva-gato nityam   adr̥śyaḥ sarva-daivataiḥ /186/

Verse: 187 
Halfverse: a    yadi deyo varo mahyaṃ   yadi tuṣṭaś ca me prabʰuḥ
   yadi deyo varo mahyaṃ   yadi tuṣṭaś ca me prabʰuḥ /
Halfverse: c    bʰaktir bʰavatu me nityaṃ   śāśvatī tvayi śaṃkara
   bʰaktir bʰavatu me nityaṃ   śāśvatī tvayi śaṃkara /187/

Verse: 188 
Halfverse: a    atītānāgataṃ caiva   vartamānaṃ ca yad vibʰo
   atīta_anāgataṃ caiva   vartamānaṃ ca yad vibʰo /
Halfverse: c    jānīyām iti me buddʰis   tvatprasādāt surottama
   jānīyām iti me buddʰis   tvat-prasādāt sura_uttama /188/

Verse: 189 
Halfverse: a    kṣīraudanaṃ ca bʰuñjīyām   akṣayaṃ saha bāndʰavaiḥ
   kṣīra_odanaṃ ca bʰuñjīyām   akṣayaṃ saha bāndʰavaiḥ / [kṣīrodanam]
Halfverse: c    āśrame ca sadā mahyaṃ   sāmindʰyaṃ paramas tu te
   āśrame ca sadā mahyaṃ   sāmindʰyaṃ paramas tu te /189/

Verse: 190 
Halfverse: a    evam uktaḥ sa māṃ prāha   bʰagavām̐l lokapūjitaḥ
   evam uktaḥ sa māṃ prāha   bʰagavām̐l loka-pūjitaḥ /
Halfverse: c    maheśvaro mahātejāś   carācaraguruḥ prabʰuḥ
   mahā_īśvaro mahā-tejāś   cara_acara-guruḥ prabʰuḥ /190/ 190

Verse: 191 
Halfverse: a    ajaraś cāmaraś caiva   bʰava duḥkʰavivarjitaḥ
   ajaraś ca_amaraś caiva   bʰava duḥkʰa-vivarjitaḥ /
Halfverse: c    śīlavān guṇasaṃpannaḥ   sarvajñaḥ priyadarśanaḥ
   śīlavān guṇa-saṃpannaḥ   sarvajñaḥ priya-darśanaḥ /191/

Verse: 192 
Halfverse: a    akṣayaṃ yauvanaṃ te 'stu   tejaś caivānalopamam
   akṣayaṃ yauvanaṃ te_astu   tejaś caiva_anala_upamam /
Halfverse: c    kṣīrodaḥ sāgaraś caiva   yatra yatreccʰase mune
   kṣīrodaḥ sāgaraś caiva   yatra yatra_iccʰase mune /192/

Verse: 193 
Halfverse: a    tatra te bʰavitā kāmaṃ   sāṃnidʰyaṃ payaso nidʰeḥ {!}
   tatra te bʰavitā kāmaṃ   sāṃnidʰyaṃ payaso nidʰeḥ / {!}
Halfverse: c    kṣīrodanaṃ ca bʰuṅkṣva tvam   amr̥tena samanvitam
   kṣīrodanaṃ ca bʰuṅkṣva tvam   amr̥tena samanvitam /193/

Verse: 194 
Halfverse: a    bandʰubʰiḥ sahitaḥ kalpaṃ   tato mām upayāsyasi
   bandʰubʰiḥ sahitaḥ kalpaṃ   tato mām upayāsyasi /
Halfverse: c    sāṃnidʰyam āśrame nityaṃ   kariṣyāmi dvijottama {!}
   sāṃnidʰyam āśrame nityaṃ   kariṣyāmi dvija_uttama /194/ {!}

Verse: 195 
Halfverse: a    tiṣṭʰa vatsa yatʰā kāmanotkaṇṭʰāṃ   kartum arhasi
   tiṣṭʰa vatsa yatʰā kāma-na_utkaṇṭʰāṃ   kartum arhasi /
Halfverse: c    smr̥taḥ smr̥taś ca te vipra   sadā dāsyāmi darśanam
   smr̥taḥ smr̥taś ca te vipra   sadā dāsyāmi darśanam /195/

Verse: 196 
Halfverse: a    evam uktvā sa bʰagavān   sūryakoṭi samaprabʰaḥ
   evam uktvā sa bʰagavān   sūrya-koṭi sama-prabʰaḥ /
Halfverse: c    mameśāno varaṃ dattvā   tatraivāntaradʰīyata
   mama_īśāno varaṃ dattvā   tatraiva_antaradʰīyata /196/

Verse: 197 
Halfverse: a    evaṃ dr̥ṣṭo mayā kr̥ṣṇa   devadevaḥ samādʰinā
   evaṃ dr̥ṣṭo mayā kr̥ṣṇa   deva-devaḥ samādʰinā /
Halfverse: c    tad avāptaṃ ca me sarvaṃ   yad uktaṃ tena dʰīmatā
   tad avāptaṃ ca me sarvaṃ   yad uktaṃ tena dʰīmatā /197/

Verse: 198 
Halfverse: a    pratyakṣaṃ caiva te kr̥ṣṇa   paśya siddʰān vyavastʰitān
   pratyakṣaṃ caiva te kr̥ṣṇa   paśya siddʰān vyavastʰitān /
Halfverse: c    r̥ṣīn vidyādʰarān yakṣān   gandʰarvāpsarasas tatʰā
   r̥ṣīn vidyā-dʰarān yakṣān   gandʰarva_apsarasas tatʰā /198/

Verse: 199 
Halfverse: a    paśya vr̥kṣān manoramyān   sadā puṣpapʰalānvitān
   paśya vr̥kṣān mano-ramyān   sadā puṣpa-pʰala_anvitān /
Halfverse: c    sarvartukusumair yuktān   snigdʰapatrān suśākʰinaḥ
   sarva-r̥tu-kusumair yuktān   snigdʰa-patrān su-śākʰinaḥ /
Halfverse: e    sarvam etan mahābāho   divyabʰāvasamanvitam
   sarvam etan mahā-bāho   divya-bʰāva-samanvitam /199/ (E)199



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.