TITUS
Mahabharata
Part No. 291
Previous part

Chapter: 66 
Adhyāya 66


Verse: 1  {Jarāsaṃdʰa uvāca}
Halfverse: a    anujñātāṃs tān viditvā   saratnadʰanasaṃcayān
   anujñātāṃs tān viditvā   saratna-dʰana-saṃcayān /
Halfverse: c    pāṇḍavān dʰārtarāṣṭrāṇāṃ   katʰam āsīn manas tadā
   pāṇḍavān dʰārtarāṣṭrāṇāṃ   katʰam āsīt manas tadā /1/

Verse: 2  {Vaiśaṃpāyana uvāca}
Halfverse: a    anujñātāṃs tān viditvā   dʰr̥tarāṣṭreṇa dʰīmatā
   anujñātāṃs tān viditvā   dʰr̥ta-rāṣṭreṇa dʰīmatā /
Halfverse: c    rājan duḥśāsanaḥ kṣipraṃ   jagāma bʰrātaraṃ prati
   rājan duḥśāsanaḥ kṣipraṃ   jagāma bʰrātaraṃ prati /2/

Verse: 3 
Halfverse: a    duryodʰanaṃ samāsādya   sāmātyaṃ bʰaratarṣabʰa
   duryodʰanaṃ samāsādya   sāmātyaṃ bʰarata-r̥ṣabʰa /
Halfverse: c    duḥkʰārto bʰarataśreṣṭʰa   idaṃ vacanam abravīt
   duḥkʰa_ārto bʰarata-śreṣṭʰa idaṃ vacanam abravīt /3/

Verse: 4 
Halfverse: a    duḥkʰenaitat samānītaṃ   stʰaviro nāśayaty asau
   duḥkʰena_etat samānītaṃ   stʰaviro nāśayaty asau /
Halfverse: c    śatrusād gamayad dravyaṃ   tad budʰyadʰvaṃ mahāratʰāḥ
   śatrusād gamayad dravyaṃ   tad budʰyadʰvaṃ mahā-ratʰāḥ /4/

Verse: 5 
Halfverse: a    atʰa duryodʰanaḥ karṇaḥ   śakuniś cāpi saubalaḥ
   atʰa duryodʰanaḥ karṇaḥ   śakuniś ca_api saubalaḥ /
Halfverse: c    mitʰaḥ saṃgamya sahitāḥ   pāṇḍavān prati māninaḥ
   mitʰaḥ saṃgamya sahitāḥ   pāṇḍavān prati māninaḥ /5/

Verse: 6 
Halfverse: a    vaicitravīryaṃ rājānaṃ   dʰr̥tarāṣṭraṃ manīṣiṇam
   vaicitravīryaṃ rājānaṃ   dʰr̥ta-rāṣṭraṃ manīṣiṇam /
Halfverse: c    abʰigamya tvarāyuktāḥ   ślakṣṇaṃ vacanam abruvan
   abʰigamya tvarā-yuktāḥ   ślakṣṇaṃ vacanam abruvan /6/

Verse: 7  {Duryodʰana uvāca}
Halfverse: a    na tvayedaṃ śrutaṃ rājan   yaj jagāda br̥haspatiḥ
   na tvayā_idaṃ śrutaṃ rājan   yat jagāda br̥haspatiḥ /
Halfverse: c    śakrasya nītiṃ pravadan   vidvān devapurohitaḥ
   śakrasya nītiṃ pravadan   vidvān deva-puro-hitaḥ /7/

Verse: 8 
Halfverse: a    sarvopāyair nihantavyāḥ   śatravaḥ śatrukarṣaṇa
   sarva_upāyair ni-hantavyāḥ   śatravaḥ śatru-karṣaṇa /
Halfverse: c    purā yuddʰād balād vāpi   prakurvanti tavāhitam
   purā yuddʰād balād vā_api   prakurvanti tava_ahitam /8/

Verse: 9 
Halfverse: a    te vayaṃ pāṇḍavadʰanaiḥ   sarvān saṃpūjya pārtʰivān
   te vayaṃ pāṇḍava-dʰanaiḥ   sarvān saṃpūjya pārtʰivān /
Halfverse: c    yadi tān yodʰayiṣyāmaḥ   kiṃ vā naḥ parihāsyati
   yadi tān yodʰayiṣyāmaḥ   kiṃ vā naḥ parihāsyati /9/

Verse: 10 
Halfverse: a    ahīn āśīviṣān kruddʰān   daṃśāya samupastʰitān
   ahīn āśī-viṣān kruddʰān   daṃśāya samupastʰitān /10/
Halfverse: c    kr̥tvā kaṇṭʰe ca pr̥ṣṭʰe ca   kaḥ samutsraṣṭum arhati
   kr̥tvā kaṇṭʰe ca pr̥ṣṭʰe ca   kaḥ samutsraṣṭum arhati /10/

Verse: 11 
Halfverse: a    āttaśastrā ratʰagatāḥ   kupitās tāta pāṇḍavāḥ
   ātta-śastrā ratʰa-gatāḥ   kupitās tāta pāṇḍavāḥ /
Halfverse: c    niḥśeṣaṃ naḥ kariṣyanti   kruddʰā hy āśīviṣā yatʰā
   niḥśeṣaṃ naḥ kariṣyanti   kruddʰā hy āśī-viṣā yatʰā /11/

Verse: 12 
Halfverse: a    saṃnaddʰo hy arjuno yāti   vivr̥tya parameṣudʰī
   saṃnaddʰo hy arjuno yāti   vivr̥tya parama_iṣudʰī /
Halfverse: c    gāṇḍīvaṃ muhur ādatte   niḥśvasaṃś ca nirīkṣate
   gāṇḍīvaṃ muhur ādatte   niḥśvasaṃś ca nirīkṣate /12/

Verse: 13 
Halfverse: a    gadāṃ gurvīṃ samudyamya   tvaritaś ca vr̥kodaraḥ
   gadāṃ gurvīṃ samudyamya   tvaritaś ca vr̥kodaraḥ /
Halfverse: c    svaratʰaṃ yojayitvāśu   niryāta iti naḥ śrutam
   sva-ratʰaṃ yojayitvā_āśu   niryāta\ iti naḥ śrutam /13/

Verse: 14 
Halfverse: a    nakulaḥ kʰaḍgam ādāya   carma cāpy aṣṭacandrakam
   nakulaḥ kʰaḍgam ādāya   carma ca_apy aṣṭa-candrakam /
Halfverse: c    sahadevaś ca rājā ca   cakrur ākāram iṅgitaiḥ
   saha-devaś ca rājā ca   cakrur ākāram iṅgitaiḥ /14/

Verse: 15 
Halfverse: a    te tv āstʰāya ratʰān sarve   bahuśastrapariccʰadān
   te tv āstʰāya ratʰān sarve   bahu-śastra-pariccʰadān /
Halfverse: c    abʰigʰnanto ratʰavrātān   senāyogāya niryayuḥ
   abʰigʰnanto ratʰa-vrātān   senā-yogāya niryayuḥ /15/

Verse: 16 
Halfverse: a    na kṣaṃsyante tatʰāsmābʰir   jātu viprakr̥tā hi te
   na kṣaṃsyante tatʰā_asmābʰir   jātu viprakr̥tā hi te /
Halfverse: c    draupadyāś ca parikleśaṃ   kas teṣāṃ kṣantum arhati
   draupadyāś ca parikleśaṃ   kas teṣāṃ kṣantum arhati /16/ ՙ

Verse: 17 
Halfverse: a    punar dīvyāma bʰadraṃ te   vanavāsāya pāṇḍavaiḥ
   punar dīvyāma bʰadraṃ te   vana-vāsāya pāṇḍavaiḥ /
Halfverse: c    evam etān vaśe kartuṃ   śakṣyāmo bʰaratarṣabʰa
   evam etān vaśe kartuṃ   śakṣyāmo bʰarata-r̥ṣabʰa /17/

Verse: 18 
Halfverse: a    te vā dvādaśa varṣāṇi   vayaṃ vā dyūtanirjitāḥ
   te vā dvādaśa varṣāṇi   vayaṃ vā dyūta-nirjitāḥ /
Halfverse: c    praviśema mahāraṇyam   ajinaiḥ prativāsitāḥ
   praviśema mahā_araṇyam   ajinaiḥ prativāsitāḥ /18/

Verse: 19 
Halfverse: a    trayodaśaṃ ca sajane   ajñātāḥ parivatsaram
   trayodaśaṃ ca sajane ajñātāḥ parivatsaram /
Halfverse: c    jñātāś ca punar anyāni   vane varṣāṇi dvādaśa
   jñātāś ca punar anyāni   vane varṣāṇi dvādaśa /19/ q

Verse: 20 
Halfverse: a    nivasema vayaṃ te vā   tatʰā dyūtaṃ pravartatām
   nivasema vayaṃ te vā   tatʰā dyūtaṃ pravartatām /
Halfverse: c    akṣān uptvā punardyūtam   idaṃ dīvyantu pāṇḍavāḥ
   akṣān uptvā punar-dyūtam   idaṃ dīvyantu pāṇḍavāḥ /20/

Verse: 21 
Halfverse: a    etat kr̥tyatamaṃ rājann   asmākaṃ bʰaratarṣabʰa
   etat kr̥tyatamaṃ rājann   asmākaṃ bʰarata-r̥ṣabʰa /
Halfverse: c    ayaṃ hi śakunir veda   savidyām akṣasaṃpadam
   ayaṃ hi śakunir veda   savidyām akṣa-saṃpadam /21/

Verse: 22 
Halfverse: a    dr̥ḍʰamūlā vayaṃ rājye   mitrāṇi parigr̥hya ca
   dr̥ḍʰa-mūlā vayaṃ rājye   mitrāṇi parigr̥hya ca /
Halfverse: c    sāravad vipulaṃ sainyaṃ   satkr̥tya ca durāsadam
   sāravad vipulaṃ sainyaṃ   sat-kr̥tya ca durāsadam /22/

Verse: 23 
Halfverse: a    te ca trayodaśe varṣe   pārayiṣyanti ced vratam
   te ca trayodaśe varṣe   pārayiṣyanti ced vratam /
Halfverse: c    jeṣyāmas tān vayaṃ rājan   rocatāṃ te paraṃtapa
   jeṣyāmas tān vayaṃ rājan   rocatāṃ te paraṃ-tapa /23/

Verse: 24  {Dʰr̥tarāṣṭra uvāca}
Halfverse: a    tūrṇaṃ pratyānayasvaitān   kāmaṃ vyadʰvagatān api
   tūrṇaṃ pratyānayasva_etān   kāmaṃ vy-adʰva-gatān api /
Halfverse: c    āgaccʰantu punardyūtam   idaṃ kurvantu pāṇḍavāḥ
   āgaccʰantu punar-dyūtam   idaṃ kurvantu pāṇḍavāḥ /24/

Verse: 25  {Vaiśaṃpāyana uvāca}
Halfverse: a    tato droṇaḥ somadatto   bāhlīkaś ca mahāratʰaḥ
   tato droṇaḥ soma-datto   bāhlīkaś ca mahā-ratʰaḥ /
Halfverse: c    viduro droṇaputraś ca   vaiśyāputraś ca vīryavān
   viduro droṇa-putraś ca   vaiśyā-putraś ca vīryavān /25/

Verse: 26 
Halfverse: a    bʰūriśravāḥ śāṃtanavo   vikarṇaś ca mahāratʰaḥ
   bʰūri-śravāḥ śāṃtanavo   vikarṇaś ca mahā-ratʰaḥ /
Halfverse: c    mā dyūtam ity abʰāṣanta   śamo 'stv iti ca sarvaśaḥ
   mā dyūtam ity abʰāṣanta   śamo_astv iti ca sarvaśaḥ /26/

Verse: 27 
Halfverse: a    akāmānāṃ ca sarveṣāṃ   suhr̥dām artʰadarśinām
   akāmānāṃ ca sarveṣāṃ   suhr̥dām artʰa-darśinām /
Halfverse: c    akarot pāṇḍavāhvānaṃ   dʰr̥tarāṣṭraḥ sutapriyaḥ
   akarot pāṇḍava_āhvānaṃ   dʰr̥ta-rāṣṭraḥ suta-priyaḥ /27/

Verse: 28 
Halfverse: a    atʰābravīn mahārāja   dʰr̥tarāṣṭraṃ janeśvaram
   atʰa_abravīn mahā-rāja   dʰr̥ta-rāṣṭraṃ jana_īśvaram /
Halfverse: c    putrahārdād dʰarmayuktaṃ   gāndʰārī śokakarśitā
   putra-hārdād dʰarma-yuktaṃ   gāndʰārī śoka-karśitā /28/

Verse: 29 
Halfverse: a    jāte duryodʰane kṣattā   mahāmatir abʰāṣata
   jāte duryodʰane kṣattā   mahā-matir abʰāṣata /
Halfverse: c    nīyatāṃ paralokāya   sādʰv ayaṃ kulapāṃsanaḥ
   nīyatāṃ para-lokāya   sādʰv ayaṃ kula-pāṃsanaḥ /29/

Verse: 30 
Halfverse: a    vyanadaj jātamātro hi   gomāyur iva bʰārata
   vyanadaj jāta-mātro hi   gomāyur iva bʰārata /
Halfverse: c    anto nūnaṃ kulasyāsya   kuravas tan nibodʰata
   anto nūnaṃ kulasya_asya   kuravas tat nibodʰata /30/

Verse: 31 
Halfverse: a    mā bālānām aśiṣṭānām   abʰimaṃstʰā matiṃ prabʰo
   mā bālānām aśiṣṭānām   abʰimaṃstʰā matiṃ prabʰo /
Halfverse: c    mā kulasya kṣaye gʰore   kāraṇaṃ tvaṃ bʰaviṣyasi
   mā kulasya kṣaye gʰore   kāraṇaṃ tvaṃ bʰaviṣyasi /31/

Verse: 32 
Halfverse: a    baddʰaṃ setuṃ ko nu bʰindyād   dʰamec cʰāntaṃ ca pāvakam
   baddʰaṃ setuṃ ko nu bʰindyād   dʰamet śāntaṃ ca pāvakam /
Halfverse: c    śame dʰr̥tān punaḥ pārtʰān   kopayet ko nu bʰārata
   śame dʰr̥tān punaḥ pārtʰān   kopayet ko nu bʰārata /32/

Verse: 33 
Halfverse: a    smarantaṃ tvām ājamīḍʰa   smārayiṣyāmy ahaṃ punaḥ
   smarantaṃ tvām ājamīḍʰa   smārayiṣyāmy ahaṃ punaḥ /
Halfverse: c    śāstraṃ na śāsti durbuddʰiṃ   śreyase vetarāya vā
   śāstraṃ na śāsti durbuddʰiṃ   śreyase vā_itarāya vā /33/

Verse: 34 
Halfverse: a    na vai vr̥ddʰo bālamatir   bʰaved rājan katʰaṃ cana
   na vai vr̥ddʰo bāla-matir   bʰaved rājan katʰaṃcana /
Halfverse: c    tvannetrāḥ santu te putrā   mā tvāṃ dīrṇāḥ prahāsiṣuḥ
   tvad-netrāḥ santu te putrā   mā tvāṃ dīrṇāḥ prahāsiṣuḥ /34/


Verse: 35 
Halfverse: a    śamena dʰarmeṇa parasya buddʰyā; jātā buddʰiḥ sāstu te mā pratīpā
   śamena dʰarmeṇa parasya buddʰyā   jātā buddʰiḥ sā_astu te mā pratīpā /
Halfverse: c    pradʰvaṃsinī krūrasamāhitā śrīr; mr̥duprauḍʰā gaccʰati putrapautrān
   pradʰvaṃsinī krūra-samāhitā śrīr   mr̥du-prauḍʰā gaccʰati putra-pautrān /35/


Verse: 36 
Halfverse: a    atʰābravīn mahārājo   gāndʰārīṃ dʰarmadarśinīm
   atʰa_abravīt mahā-rājo   gāndʰārīṃ dʰarma-darśinīm /
Halfverse: c    antaḥ kāmaṃ kulasyāstu   na śakṣyāmi nivāritum
   antaḥ kāmaṃ kulasya_astu   na śakṣyāmi nivāritum /36/

Verse: 37 
Halfverse: a    yatʰeccʰanti tatʰaivāstu   pratyāgaccʰantu pāṇḍavāḥ
   yatʰā_iccʰanti tatʰā_eva_astu   pratyāgaccʰantu pāṇḍavāḥ /
Halfverse: c    punardyūtaṃ prakurvantu   māmakāḥ pāṇḍavaiḥ saha
   punar-dyūtaṃ prakurvantu   māmakāḥ pāṇḍavaiḥ saha /37/ (E)37



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.