TITUS
Mahabharata
Part No. 292
Previous part

Chapter: 67 
Adhyāya 67


Verse: 1  {Vaiśaṃpāyana uvāca}
Halfverse: a    tato vyadʰvagataṃ pārtʰaṃ   prātikāmī yudʰiṣṭʰiram
   tato vyadʰva-gataṃ pārtʰaṃ   prātikāmī yudʰiṣṭʰiram /
Halfverse: c    uvāca vacanād rājño   dʰr̥tarāṣṭrasya dʰīmataḥ
   uvāca vacanād rājño   dʰr̥ta-rāṣṭrasya dʰīmataḥ /1/

Verse: 2 
Halfverse: a    upastīrṇā sabʰā rājann   akṣān uptvā yudʰiṣṭʰira
   upastīrṇā sabʰā rājann   akṣān uptvā yudʰiṣṭʰira /
Halfverse: c    ehi pāṇḍava dīvyeti   pitā tvām āha bʰārata
   ehi pāṇḍava dīvya_iti   pitā tvām āha bʰārata /2/

Verse: 3  {Yudʰiṣṭʰira uvāca}
Halfverse: a    dʰātur niyogād bʰūtāni   prāpnuvanti śubʰāśubʰam
   dʰātur niyogād bʰūtāni   prāpnuvanti śubʰa_aśubʰam /
Halfverse: c    na nivr̥ttis tayor asti   devitavyaṃ punar yadi
   na nivr̥ttis tayor asti   devitavyaṃ punar yadi /3/

Verse: 4 
Halfverse: a    akṣadyūte samāhvānaṃ   niyogāt stʰavirasya ca
   akṣa-dyūte samāhvānaṃ   niyogāt stʰavirasya ca /
Halfverse: c    jānann api kṣayakaraṃ   nātikramitum utsahe
   jānann api kṣaya-karaṃ   na_atikramitum utsahe /4/

Verse: 5  {Yudʰiṣṭʰira uvāca}
Halfverse: a    iti bruvan nivavr̥te   bʰrātr̥bʰiḥ saha pāṇḍavaḥ
   iti bruvan nivavr̥te   bʰrātr̥bʰiḥ saha pāṇḍavaḥ /
Halfverse: c    jānaṃś ca śakuner māyāṃ   pārtʰo dyūtam iyāt punaḥ
   jānaṃś ca śakuner māyāṃ   pārtʰo dyūtam iyāt punaḥ /5/

Verse: 6 
Halfverse: a    viviśus te sabʰāṃ tāṃ tu   punar eva mahāratʰāḥ
   viviśus te sabʰāṃ tāṃ tu   punar eva mahā-ratʰāḥ /
Halfverse: c    vyatʰayanti sma cetāṃsi   suhr̥dāṃ bʰaratarṣabʰāḥ
   vyatʰayanti sma cetāṃsi   suhr̥dāṃ bʰarata-r̥ṣabʰāḥ /6/

Verse: 7 
Halfverse: a    yatʰopajoṣam āsīnāḥ   punardyūtapravr̥ttaye
   yatʰā_upajoṣam āsīnāḥ   punar-dyūta-pravr̥ttaye /
Halfverse: c    sarvalokavināśāya   daivenopanipīḍitāḥ
   sarva-loka-vināśāya   daivena_upanipīḍitāḥ /7/

Verse: 8  {Śiśupāla uvāca}
Halfverse: a    amuñcat stʰaviro yad vo   dʰanaṃ pūjitam eva tat
   amuñcat stʰaviro yad vo   dʰanaṃ pūjitam eva tat /
Halfverse: c    mahādʰanaṃ glahaṃ tv ekaṃ   śr̥ṇu me bʰaratarṣabʰa
   mahā-dʰanaṃ glahaṃ tv ekaṃ   śr̥ṇu me bʰarata-r̥ṣabʰa /8/

Verse: 9 
Halfverse: a    vayaṃ dvādaśa varṣāṇi   yuṣmābʰir dyūtanirjitāḥ
   vayaṃ dvādaśa varṣāṇi   yuṣmābʰir dyūta-nirjitāḥ /
Halfverse: c    praviśema mahāraṇyaṃ   rauravājinavāsasaḥ
   praviśema mahā_araṇyaṃ   raurava_ajina-vāsasaḥ /9/

Verse: 10 
Halfverse: a    trayodaśaṃ ca sajane   ajñātāḥ parivatsaram
   trayodaśaṃ ca sa-jane ajñātāḥ parivatsaram / ՙ
Halfverse: c    jñātāś ca punar anyāni   vane varṣāṇi dvādaśa
   jñātāś ca punar anyāni   vane varṣāṇi dvādaśa /10/ q

Verse: 11 
Halfverse: a    asmābʰir vā jitā yūyaṃ   vane varṣāṇi dvādaśa
   asmābʰir vā jitā yūyaṃ   vane varṣāṇi dvādaśa / q
Halfverse: c    vasadʰvaṃ kr̥ṣṇayā sārdʰam   ajinaiḥ prativāsitāḥ
   vasadʰvaṃ kr̥ṣṇayā sārdʰam   ajinaiḥ prativāsitāḥ /11/

Verse: 12 
Halfverse: a    trayodaśe ca nirvr̥tte   punar eva yatʰocitam
   trayodaśe ca nirvr̥tte   punar eva yatʰā_ucitam /
Halfverse: c    svarājyaṃ pratipattavyam   itarair atʰa vetaraiḥ
   sva-rājyaṃ pratipattavyam   itarair atʰa vā_itaraiḥ /12/

Verse: 13 
Halfverse: a    anena vyavasāyena   sahāsmābʰir yudʰiṣṭʰira
   anena vyavasāyena   saha_asmābʰir yudʰiṣṭʰira /
Halfverse: c    akṣān uptvā punardyūtam   ehi dīvyasva bʰārata
   akṣān uptvā punar-dyūtam   ehi dīvyasva bʰārata /13/

Verse: 14  {Sabʰāsada ūcuḥ}
Halfverse: a    aho dʰig bāndʰavā nainaṃ   bodʰayanti mahad bʰayam
   aho dʰig bāndʰavā na_enaṃ   bodʰayanti mahad bʰayam /
Halfverse: c    buddʰyā bodʰyaṃ na budʰyante   svayaṃ ca bʰaratarṣabʰāḥ
   buddʰyā bodʰyaṃ na budʰyante   svayaṃ ca bʰarata-r̥ṣabʰāḥ /14/

Verse: 15  {Vaiśaṃpāyana uvāca}
Halfverse: a    janapravādān subahūn   iti śr̥ṇvan narādʰipaḥ
   jana-pravādān subahūn   iti śr̥ṇvan nara_adʰipaḥ /
Halfverse: c    hriyā ca dʰarmasaṅgāc ca   pārtʰo dyūtam iyāt punaḥ
   hriyā ca dʰarma-saṅgāc ca   pārtʰo dyūtam iyāt punaḥ /15/

Verse: 16 
Halfverse: a    jānann api mahābuddʰiḥ   punardyūtam avartayat
   jānann api mahā-buddʰiḥ   punar-dyūtam avartayat /
Halfverse: c    apy ayaṃ na vināśaḥ syāt   kurūṇām iti cintayan
   apy ayaṃ na vināśaḥ syāt   kurūṇām iti cintayan /16/

Verse: 17  {Yudʰiṣṭʰira uvāca}
Halfverse: a    katʰaṃ vai madvidʰo rājā   svadʰarmam anupālayan
   katʰaṃ vai mad-vidʰo rājā   sva-dʰarmam anupālayan /
Halfverse: c    āhūto vinivarteta   dīvyāmi śakune tvayā
   āhūto vinivarteta   dīvyāmi śakune tvayā /17/

Verse: 18  {Śiśupāla uvāca}
Halfverse: a    gavāśvaṃ bahudʰenūkam   aparyantam ajāvikam
   gava_aśvaṃ bahu-dʰenūkam   aparyantam aja_avikam /
Halfverse: c    gajāḥ kośo hiraṇyaṃ ca   dāsīdāsaṃ ca sarvaśaḥ
   gajāḥ kośo hiraṇyaṃ ca   dāsī-dāsaṃ ca sarvaśaḥ /18/

Verse: 19 
Halfverse: a    eṣa no glaha evaiko   vanavāsāya pāṇḍavāḥ
   eṣa no glaha\ eva_eko   vana-vāsāya pāṇḍavāḥ /
Halfverse: c    yūyaṃ vayaṃ vā vijitā   vasema vanam āśritāḥ
   yūyaṃ vayaṃ vā vijitā   vasema vanam āśritāḥ /19/

Verse: 20 
Halfverse: a    anena vyavasāyena   dīvyāma bʰaratarṣabʰa
   anena vyavasāyena   dīvyāma bʰarata-r̥ṣabʰa /
Halfverse: c    samutkṣepeṇa caikena   vanavāsāya bʰārata
   samutkṣepeṇa ca_ekena   vana-vāsāya bʰārata /20/

Verse: 21  {Vaiśaṃpāyana uvāca}
Halfverse: a    pratijagrāha taṃ pārtʰo   glahaṃ jagrāha saubalaḥ
   pratijagrāha taṃ pārtʰo   glahaṃ jagrāha saubalaḥ /
Halfverse: c    jitam ity eva śakunir   yudʰiṣṭʰiram abʰāṣata
   jitam ity eva śakunir   yudʰiṣṭʰiram abʰāṣata /21/ (E)21



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.