TITUS
Mahabharata
Part No. 295
Previous part

Chapter: 70 
Adhyāya 70


Verse: 1  {Vaiśaṃpāyana uvāca}
Halfverse: a    tasmin saṃprastʰite kr̥ṣṇā   pr̥tʰāṃ prāpya yaśasvinīm
   tasmin saṃprastʰite kr̥ṣṇā   pr̥tʰāṃ prāpya yaśasvinīm /
Halfverse: c    āpr̥ccʰad bʰr̥śaduḥkʰārtā   yāś cānyās tatra yoṣitaḥ
   āpr̥ccʰad bʰr̥śa-duḥkʰa_ārtā   yāś ca_anyās tatra yoṣitaḥ /1/

Verse: 2 
Halfverse: a    yatʰārhaṃ vandanāśleṣān   kr̥tvā gantum iyeṣa sā
   yatʰā_arhaṃ vandana_āśleṣān   kr̥tvā gantum iyeṣa sā /
Halfverse: c    tato ninādaḥ sumahān   pāṇḍavāntaḥ pure 'bʰavat
   tato ninādaḥ sumahān   pāṇḍava_antaḥ pure_abʰavat /2/

Verse: 3 
Halfverse: a    kuntī ca bʰr̥śasaṃtaptā   draupadīṃ prekṣya gaccʰatīm
   kuntī ca bʰr̥śa-saṃtaptā   draupadīṃ prekṣya gaccʰatīm /
Halfverse: c    śokavihvalayā vācā   kr̥ccʰrād vacanam abravīt
   śoka-vihvalayā vācā   kr̥ccʰrād vacanam abravīt /3/

Verse: 4 
Halfverse: a    vatse śoko na te kāryaḥ   prāpyedaṃ vyasanaṃ mahat
   vatse śoko na te kāryaḥ   prāpya_idaṃ vyasanaṃ mahat /
Halfverse: c    strī dʰarmāṇām abʰijñāsi   śīlācāravatī tatʰā
   strī dʰarmāṇām abʰijñā_asi   śīla_ācāravatī tatʰā /4/

Verse: 5 
Halfverse: a    na tvāṃ saṃdeṣṭum arhāmi   bʰartr̥̄n prati śucismite
   na tvāṃ saṃdeṣṭum arhāmi   bʰartr̥̄n prati śuci-smite /
Halfverse: c    sādʰvī guṇasamādʰānair   bʰūṣitaṃ te kuladvayam
   sādʰvī guṇa-samādʰānair   bʰūṣitaṃ te kula-dvayam /5/

Verse: 6 
Halfverse: a    sabʰāgyāḥ kuravaś ceme   ye na dagdʰās tvayānage
   sabʰāgyāḥ kuravaś ca_ime   ye na dagdʰās tvayā_anage /
Halfverse: c    ariṣṭaṃ vraja pantʰānaṃ   mad anudʰyāna br̥ṃhitā
   ariṣṭaṃ vraja pantʰānaṃ   mad anudʰyāna br̥ṃhitā /6/

Verse: 7 
Halfverse: a    bʰāviny artʰe hi sat strīṇāṃ   vaiklavyaṃ nopajāyate
   bʰāviny artʰe hi sat strīṇāṃ   vaiklavyaṃ na_upajāyate /
Halfverse: c    gurudʰarmābʰiguptā ca   śreyo kṣipram avāpsyasi
   guru-dʰarma_abʰiguptā ca   śreyo kṣipram avāpsyasi /7/

Verse: 8 
Halfverse: a    sahadevaś ca me putraḥ   sadāvekṣyo vane vasan
   sahadevaś ca me putraḥ   sadā_avekṣyo vane vasan /
Halfverse: c    yatʰedaṃ vyasanaṃ prāpya   nāsya sīden mahan manaḥ
   yatʰā_idaṃ vyasanaṃ prāpya   na_asya sīden mahat manaḥ /8/

Verse: 9 
Halfverse: a    tatʰety uktvā tu sā devī   sravan netrajalāvilā
   tatʰā_ity uktvā tu sā devī   sravan netra-jala_āvilā /
Halfverse: c    śoṇitāktaika vasanā   muktakeśy abʰiniryayau
   śoṇita_akta_eka vasanā   mukta-keśy abʰiniryayau /9/

Verse: 10 
Halfverse: a    tāṃ krośantīṃ pr̥tʰā duḥkʰād   anuvavrāja gaccʰatīm
   tāṃ krośantīṃ pr̥tʰā duḥkʰād   anuvavrāja gaccʰatīm /
Halfverse: c    atʰāpaśyat sutān sarvān   hr̥tābʰaraṇa vāsasaḥ
   atʰa_apaśyat sutān sarvān   hr̥ta_ābʰaraṇa vāsasaḥ /10/

Verse: 11 
Halfverse: a    rurucarmāvr̥ta tanūn   hriyā kiṃ cid avāṅmukʰān
   ruru-carma_āvr̥ta tanūn   hriyā kiṃcid avāṅ-mukʰān /
Halfverse: c    paraiḥ parītān saṃhr̥ṣṭaiḥ   suhr̥dbʰiś cānuśocitān
   paraiḥ parītān saṃhr̥ṣṭaiḥ   suhr̥dbʰiś ca_anuśocitān /

Verse: 12 
Halfverse: a    tadavastʰān sutān sarvān   upasr̥tyātivatsalā
   tad-avastʰān sutān sarvān   upasr̥tya_ativatsalā /
Halfverse: c    sasvajānāvadac cʰokāt   tat tad vilapatī bahu
   sasvajānā_avadat śokāt   tat tad vilapatī bahu /12/

Verse: 13 
Halfverse: a    katʰaṃ sad dʰarmacāritravr̥ttastʰiti   vibʰūṣitān
   katʰaṃ sad dʰarma-cāritra-vr̥tta-stʰiti   vibʰūṣitān /
Halfverse: c    akṣudrān dr̥ḍʰabʰaktāṃś ca   daivatejyā parān sadā
   akṣudrān dr̥ḍʰa-bʰaktāṃś ca   daivata_ijyā parān sadā /13/

Verse: 14 
Halfverse: a    vyasanaṃ vaḥ samabʰyāgāt   ko 'yaṃ vidʰiviparyayaḥ
   vyasanaṃ vaḥ samabʰyāgāt   ko_ayaṃ vidʰi-viparyayaḥ /
Halfverse: c    kasyāpadʰyānajaṃ cedam   āgo paśyāmi vo dʰiyā
   kasya_apadʰyānajaṃ ca_idam   āgo paśyāmi vo dʰiyā /14/

Verse: 15 
Halfverse: a    syāt tu madbʰāgyadoṣo 'yaṃ   yāhaṃ yuṣmān ajījanam
   syāt tu mad-bʰāgya-doṣo_ayaṃ   yā_ahaṃ yuṣmān ajījanam / q
Halfverse: c    duḥkʰāyāsa bʰujo 'tyartʰaṃ   yuktān apy uttamair guṇaiḥ
   duḥkʰa_āyāsa bʰujo_atyartʰaṃ   yuktān apy uttamair guṇaiḥ /15/

Verse: 16 
Halfverse: a    katʰaṃ vatsyatʰa durgeṣu   vaneṣv r̥ddʰivinākr̥tāḥ
   katʰaṃ vatsyatʰa durgeṣu   vaneṣv r̥ddʰi-vinā-kr̥tāḥ /
Halfverse: c    vīryasattvabalotsāha   tejobʰir akr̥śāḥ kr̥śāḥ
   vīrya-sattva-bala_utsāha   tejobʰir akr̥śāḥ kr̥śāḥ /16/

Verse: 17 
Halfverse: a    yady etad aham ajñāsyaṃ   vanavāso hi vo dʰruvam
   yady etad aham ajñāsyaṃ   vana-vāso hi vo dʰruvam /
Halfverse: c    śataśr̥ṅgān mr̥te pāṇḍau   nāgamiṣyaṃ gajāhvayam
   śata-śr̥ṅgān mr̥te pāṇḍau   na_agamiṣyaṃ gaja_āhvayam /17/

Verse: 18 
Halfverse: a    dʰanyaṃ vaḥ pitaraṃ manye   tapo medʰānvitaṃ tatʰā
   dʰanyaṃ vaḥ pitaraṃ manye   tapo medʰa_anvitaṃ tatʰā /
Halfverse: c    yaḥ putrādʰim asaṃprāpya   svargeccʰām akarot priyām
   yaḥ putra_ādʰim asaṃprāpya   svarga_iccʰām akarot priyām /18/

Verse: 19 
Halfverse: a    dʰanyāṃ cātīndriyajñānām   imāṃ prāptāṃ parāṃ gatim
   dʰanyāṃ ca_atīndriyajñānām   imāṃ prāptāṃ parāṃ gatim /
Halfverse: c    manye 'dya mādrīṃ dʰarmajñāṃ   kalyāṇīṃ sarvatʰaiva hi
   manye_adya mādrīṃ dʰarma-jñāṃ   kalyāṇīṃ sarvatʰā_eva hi /19/

Verse: 20 
Halfverse: a    ratyā matyā ca gatyā ca   yayāham abʰisaṃdʰitā
   ratyā matyā ca gatyā ca   yayā_aham abʰisaṃdʰitā /
Halfverse: c    jīvitapriyatāṃ mahyaṃ   dʰig imāṃ kleśabʰāginīm
   jīvita-priyatāṃ mahyaṃ   dʰig imāṃ kleśa-bʰāginīm /20/

Verse: 21 
Halfverse: a    evaṃ vilapatīṃ kuntīm   abʰisāntvya pranamya ca
   evaṃ vilapatīṃ kuntīm   abʰisāntvya pranamya ca /
Halfverse: c    pāṇḍavā vigatānandā   vanāyaiva pravavrajuḥ
   pāṇḍavā vigata_ānandā   vanāya_eva pravavrajuḥ /21/

Verse: 22 
Halfverse: a    vidurādayaś ca tām ārtāṃ   kuntīm āśvāsya hetubʰiḥ
   vidurā_ādayaś ca tām ārtāṃ   kuntīm āśvāsya hetubʰiḥ / q
Halfverse: c    prāveśayan gr̥haṃ kṣattuḥ   svayam ārtatarāḥ śanaiḥ
   prāveśayan gr̥haṃ kṣattuḥ   svayam ārtatarāḥ śanaiḥ /22/

Verse: 23 
Halfverse: a    rājā ca dʰr̥tarāṣṭraḥ sa   śokākulita cetanaḥ
   rājā ca dʰr̥ta-rāṣṭraḥ sa   śoka_ākulita cetanaḥ /
Halfverse: c    kṣattuḥ saṃpreṣayām āsa   śīgʰram āgamyatām iti
   kṣattuḥ saṃpreṣayām āsa   śīgʰram āgamyatām iti /23/

Verse: 24 
Halfverse: a    tato jagāma viduro   dʰr̥tarāṣṭra niveśanam
   tato jagāma viduro   dʰr̥ta-rāṣṭra niveśanam /
Halfverse: c    taṃ paryapr̥ccʰat saṃvigno   dʰr̥tarāṣṭro narādʰipaḥ
   taṃ paryapr̥ccʰat saṃvigno   dʰr̥ta-rāṣṭro nara_adʰipaḥ /24/ (E)24



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.