TITUS
Mahabharata
Part No. 304
Previous part

Chapter: 7 
Adhyāya 7


Verse: 1  {Vaiśaṃpāyana uvāca}
Halfverse: a    gate tu vidure rājann   āśramaṃ pāṇḍavān prati
   gate tu vidure rājann   āśramaṃ pāṇḍavān prati /
Halfverse: c    dʰr̥tarāṣṭro mahāprājñaḥ   paryatapyata bʰārata
   dʰr̥tarāṣṭro mahā-prājñaḥ   paryatapyata bʰārata /1/

Verse: 2 
Halfverse: a    sa sabʰā dvāram āgamya   vidura smara mohitaḥ
   sa sabʰā dvāram āgamya   vidura smara mohitaḥ /
Halfverse: c    samakṣaṃ pārtʰivendrāṇāṃ   papātāviṣṭa cetanaḥ
   samakṣaṃ pārtʰiva_indrāṇāṃ   papāta_āviṣṭa cetanaḥ /2/

Verse: 3 
Halfverse: a    sa tu labdʰvā punaḥ saṃjñāṃ   samuttʰāya mahītalāt
   sa tu labdʰvā punaḥ saṃjñāṃ   samuttʰāya mahī-talāt /
Halfverse: c    samīpopastʰitaṃ rājā   saṃjayaṃ vākyam abravīt
   samīpa_upastʰitaṃ rājā   saṃjayaṃ vākyam abravīt /3/

Verse: 4 
Halfverse: a    bʰrātā mama suhr̥c caiva   sākṣād dʰarma ivāparaḥ
   bʰrātā mama suhr̥c caiva   sākṣād dʰarma\ iva_aparaḥ /
Halfverse: c    tasya smr̥tvādya subʰr̥śaṃ   hr̥dayaṃ dīryatīva me
   tasya smr̥tvā_adya subʰr̥śaṃ   hr̥dayaṃ dīryati_iva me /4/

Verse: 5 
Halfverse: a    tam ānayasva dʰarmajñaṃ   mama bʰrātaram āśu vai
   tam ānayasva dʰarmajñaṃ   mama bʰrātaram āśu vai /
Halfverse: c    iti bruvan sa nr̥patiḥ   karuṇaṃ paryadevayat
   iti bruvan sa nr̥patiḥ   karuṇaṃ paryadevayat /5/

Verse: 6 
Halfverse: a    paścāt tāpābʰisaṃtapto   vidura smāra karśitaḥ
   paścāt tāpa_abʰisaṃtapto   vidura smāra karśitaḥ /
Halfverse: c    bʰrātr̥snehād idaṃ rājan   saṃjayaṃ vākyam abravīt
   bʰrātr̥-snehād idaṃ rājan   saṃjayaṃ vākyam abravīt /6/

Verse: 7 
Halfverse: a    gaccʰa saṃjaya jānīhi   bʰrātaraṃ viduraṃ mama
   gaccʰa saṃjaya jānīhi   bʰrātaraṃ viduraṃ mama /
Halfverse: c    yadi jīvati roṣeṇa   mayā pāpena nirdʰutaḥ
   yadi jīvati roṣeṇa   mayā pāpena nirdʰutaḥ /7/

Verse: 8 
Halfverse: a    na hi tena mama bʰrātrā   susūkṣmam api kiṃ cana
   na hi tena mama bʰrātrā   susūkṣmam api kiṃcana /
Halfverse: c    vyalīkaṃ kr̥tapūrvaṃ me   prājñenāmita buddʰinā
   vyalīkaṃ kr̥ta-pūrvaṃ me   prājñena_amita buddʰinā /8/

Verse: 9 
Halfverse: a    sa vyalīkaṃ katʰaṃ prāpto   mattaḥ paramabuddʰimān
   sa vyalīkaṃ katʰaṃ prāpto   mattaḥ parama-buddʰimān /
Halfverse: c    na janyāj jīvitaṃ prājñas   taṃ gaccʰānaya saṃjaya
   na janyāj jīvitaṃ prājñas   taṃ gaccʰa_ānaya saṃjaya /9/

Verse: 10 
Halfverse: a    tasya tad vacanaṃ śrutvā   rājñas tam anumānya ca
   tasya tad vacanaṃ śrutvā   rājñas tam anumānya ca /
Halfverse: c    saṃjayo bāḍʰam ity uktvā   prādravat kāmyakaṃ vanam
   saṃjayo bāḍʰam ity uktvā   prādravat kāmyakaṃ vanam /10/

Verse: 11 
Halfverse: a    so 'cireṇa samāsādya   tad vanaṃ yatra pāṇḍavāḥ
   so_acireṇa samāsādya   tad vanaṃ yatra pāṇḍavāḥ /
Halfverse: c    rauravājinasaṃvītaṃ   dadarśātʰa yudʰiṣṭʰiram
   raurava_ajina-saṃvītaṃ   dadarśa_atʰa yudʰiṣṭʰiram /11/

Verse: 12 
Halfverse: a    vidureṇa sahāsīnaṃ   brāhmaṇaiś ca sahasraśaḥ
   vidureṇa saha_āsīnaṃ   brāhmaṇaiś ca sahasraśaḥ /
Halfverse: c    bʰrātr̥bʰiś cābʰisaṃguptaṃ   devair iva śatakratum
   bʰrātr̥bʰiś ca_abʰisaṃguptaṃ   devair iva śata-kratum /12/

Verse: 13 
Halfverse: a    yudʰiṣṭʰiram atʰābʰyetya   pūjayām āsa saṃjayaḥ
   yudʰiṣṭʰiram atʰa_abʰyetya   pūjayām āsa saṃjayaḥ /
Halfverse: c    bʰīmārjunayamāṃś cāpi   tad arhaṃ pratyapadyata
   bʰīma_arjuna-yamāṃś ca_api   tad arhaṃ pratyapadyata /13/

Verse: 14 
Halfverse: a    rājñā pr̥ṣṭaḥ sa kuśalaṃ   sukʰāsīnaś ca saṃjayaḥ
   rājñā pr̥ṣṭaḥ sa kuśalaṃ   sukʰa_āsīnaś ca saṃjayaḥ /
Halfverse: c    śaśaṃsāgamane hetum   idaṃ caivābravīd vacaḥ
   śaśaṃsa_āgamane hetum   idaṃ caiva_abravīd vacaḥ /14/

Verse: 15 
Halfverse: a    rājā smarati te kṣattar   dʰr̥tarāṣṭro 'mbikā sutaḥ
   rājā smarati te kṣattar   dʰr̥tarāṣṭro_ambikā sutaḥ /
Halfverse: c    taṃ paśya gatvā tvaṃ kṣipraṃ   saṃjīvaya ca pārtʰivam
   taṃ paśya gatvā tvaṃ kṣipraṃ   saṃjīvaya ca pārtʰivam /15/

Verse: 16 
Halfverse: a    so 'numānya naraśreṣṭʰān   pāṇḍavān kurunandanān
   so_anumānya nara-śreṣṭʰān   pāṇḍavān kuru-nandanān /
Halfverse: c    niyogād rājasiṃhasya   gantum arhasi mānada
   niyogād rāja-siṃhasya   gantum arhasi mānada /16/

Verse: 17 
Halfverse: a    evam uktas tu viduro   dʰīmān svajanavatsalaḥ
   evam uktas tu viduro   dʰīmān sva-jana-vatsalaḥ /
Halfverse: c    yudʰiṣṭʰirasyānumate   punar āyād gajāhvayam
   yudʰiṣṭʰirasya_anumate   punar āyād gaja_āhvayam /17/

Verse: 18 
Halfverse: a    tam abravīn mahāprājñaṃ   dʰr̥tarāṣṭraḥ pratāpavān
   tam abravīn mahā-prājñaṃ   dʰr̥tarāṣṭraḥ pratāpavān /
Halfverse: c    diṣṭyā prāpto 'si dʰarmajña   diṣṭyā smarasi me 'nagʰa
   diṣṭyā prāpto_asi dʰarmajña   diṣṭyā smarasi me_anagʰa /18/

Verse: 19 
Halfverse: a    adya rātrau divā cāhaṃ   tvatkr̥te bʰaratarṣabʰa
   adya rātrau divā ca_ahaṃ   tvat-kr̥te bʰarata-r̥ṣabʰa /
Halfverse: c    prajāgare papaśyāmi   vicitraṃ deham ātmanaḥ
   prajāgare papaśyāmi   vicitraṃ deham ātmanaḥ /19/

Verse: 20 
Halfverse: a    so 'ṅkam ādāya viduraṃ   mūrdʰny upāgʰrāya caiva ha
   so_aṅkam ādāya viduraṃ   mūrdʰny upāgʰrāya caiva ha /
Halfverse: c    kṣamyatām iti covāca   yad ukto 'si mayā ruṣā
   kṣamyatām iti ca_uvāca   yad ukto_asi mayā ruṣā /20/

Verse: 21  {Vidura uvāca}
Halfverse: a    kṣāntam eva mayā rājan   gurur naḥ paramo bʰavān
   kṣāntam eva mayā rājan   gurur naḥ paramo bʰavān /
Halfverse: c    tatʰā hy asmy āgataḥ kṣipraṃ   tvaddarśanaparāyaṇaḥ
   tatʰā hy asmy āgataḥ kṣipraṃ   tvad-darśana-parāyaṇaḥ /21/

Verse: 22 
Halfverse: a    bʰavanti hi naravyāgʰra   puruṣā dʰarmacetasaḥ
   bʰavanti hi nara-vyāgʰra   puruṣā dʰarma-cetasaḥ /
Halfverse: c    dīnābʰipātino rājan   nātra kāryā vicāraṇā
   dīna_abʰipātino rājan   na_atra kāryā vicāraṇā /22/

Verse: 23 
Halfverse: a    pāṇḍoḥ sutā yādr̥śā me   tādr̥śā me sutās tava
   pāṇḍoḥ sutā yādr̥śā me   tādr̥śā me sutās tava /
Halfverse: c    dīnā iti hi me buddʰir   abʰipannādya tān rpati
   dīnā\ iti hi me buddʰir   abʰipannā_adya tān rpati /23/

Verse: 24  {Vaiśaṃpāyana uvāca}
Halfverse: a    anyonyam anunīyaivaṃ   bʰrātarau tau mahādyutī {!}
   anyonyam anunīya_evaṃ   bʰrātarau tau mahā-dyutī / {!}
Halfverse: c    viduro dʰr̥tarāṣṭraś ca   lebʰāte paramāṃ mudam
   viduro dʰr̥tarāṣṭraś ca   lebʰāte paramāṃ mudam /24/ (E)



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.