TITUS
Ramayana
Part No. 167
Previous part

Chapter: 90 
Adhyāya 90


Verse: 1 
Halfverse: a    tatʰā tatrāsatas tasya   bʰaratasyopayāyinaḥ
   tatʰā tatra_āsatas tasya   bʰaratasya_upayāyinaḥ /
Halfverse: c    sainya reṇuś ca śabdaś ca   prādurāstāṃ nabʰaḥ spr̥śau
   sainya reṇuś ca śabdaś ca   prādur-āstāṃ nabʰaḥ spr̥śau /1/

Verse: 2 
Halfverse: a    etasminn antare trastāḥ   śabdena mahatā tataḥ
   etasminn antare trastāḥ   śabdena mahatā tataḥ /
Halfverse: c    arditā yūtʰapā mattāḥ   sayūtʰā dudruvur diśaḥ
   arditā yūtʰapā mattāḥ   sayūtʰā dudruvur diśaḥ /2/

Verse: 3 
Halfverse: a    sa taṃ sainyasamudbʰūtaṃ   śabdaṃ śuśrava rāgʰavaḥ
   sa taṃ sainya-samudbʰūtaṃ   śabdaṃ śuśrava rāgʰavaḥ /
Halfverse: c    tāṃś ca vipradrutān sarvān   yūtʰapān anvavaikṣata
   tāṃś ca vipradrutān sarvān   yūtʰapān anvavaikṣata /3/

Verse: 4 
Halfverse: a    tāṃś ca vidravato dr̥ṣṭvā   taṃ ca śrutvā sa niḥsvanam
   tāṃś ca vidravato dr̥ṣṭvā   taṃ ca śrutvā sa niḥsvanam /
Halfverse: c    uvāca rāmaḥ saumitriṃ   lakṣmaṇaṃ dīptatejasaṃ
   uvāca rāmaḥ saumitriṃ   lakṣmaṇaṃ dīpta-tejasaṃ /4/

Verse: 5 
Halfverse: a    hanta lakṣmaṇa paśyeha   sumitrā suprajās tvayā
   hanta lakṣmaṇa paśya_iha   sumitrā suprajās tvayā /
Halfverse: c    bʰīmastanitagambʰhiras   tumulaḥ śrūyate svanaḥ
   bʰīma-stanita-gambʰhiras   tumulaḥ śrūyate svanaḥ /5/

Verse: 6 
Halfverse: a    rājā vā rājamātro vā   mr̥gayām aṭate vane
   rājā vā rāja-mātro vā   mr̥gayām aṭate vane /
Halfverse: c    anyad vā śvāpadaṃ kiṃ cit   saumitre jñātum arhasi
   anyad vā śvā-padaṃ kiṃcit   saumitre jñātum arhasi /
Halfverse: e    sarvam etad yatʰātattvam   acirāj jñātum arhasi
   sarvam etad yatʰā-tattvam   acirāj jñātum arhasi /6/

Verse: 7 
Halfverse: a    sa lakṣmaṇaḥ saṃtvaritaḥ   sālam āruhya puṣpitam
   sa lakṣmaṇaḥ saṃtvaritaḥ   sālam āruhya puṣpitam /
Halfverse: c    prekṣamāṇo diśaḥ sarvāḥ   pūrvāṃ diśam avaikṣata
   prekṣamāṇo diśaḥ sarvāḥ   pūrvāṃ diśam avaikṣata /7/

Verse: 8 
Halfverse: a    udaṅmukʰaḥ prekṣamāṇo   dadarśa mahatīṃ camūm
   udaṅ-mukʰaḥ prekṣamāṇo   dadarśa mahatīṃ camūm /
Halfverse: c    ratʰāśvagajasaṃbādʰāṃ   yattair yuktāṃ padātibʰiḥ
   ratʰa_aśva-gaja-saṃbādʰāṃ   yattair yuktāṃ padātibʰiḥ /8/

Verse: 9 
Halfverse: a    tām aśvagajasaṃpūrṇāṃ   ratʰadʰvajavibʰūṣitām
   tām aśva-gaja-saṃpūrṇāṃ   ratʰa-dʰvaja-vibʰūṣitām /
Halfverse: c    śaśaṃsa senāṃ rāmāya   vacanaṃ cedam abravīt
   śaśaṃsa senāṃ rāmāya   vacanaṃ ca_idam abravīt /9/

Verse: 10 
Halfverse: a    agniṃ saṃśamayatv āryaḥ   sītā ca bʰajatāṃ guhām
   agniṃ saṃśamayatv āryaḥ   sītā ca bʰajatāṃ guhām /
Halfverse: c    sajyaṃ kuruṣva cāpaṃ ca   śarāṃś ca kavacaṃ tatʰā
   sajyaṃ kuruṣva cāpaṃ ca   śarāṃś ca kavacaṃ tatʰā /10/

Verse: 11 
Halfverse: a    taṃ rāmaḥ puruṣavyāgʰro   lakṣmaṇaṃ pratyuvāca ha
   taṃ rāmaḥ puruṣa-vyāgʰro   lakṣmaṇaṃ pratyuvāca ha /
Halfverse: c    aṅgāvekṣasva saumitre   kasyaitāṃ manyase camūm
   aṅga_avekṣasva saumitre   kasya_etāṃ manyase camūm /11/

Verse: 12 
Halfverse: a    evam ukktas tu rāmeṇa   lakṣmāṇo vākyam abravīt
   evam ukktas tu rāmeṇa   lakṣmāṇo vākyam abravīt /
Halfverse: c    didʰakṣann iva tāṃ senāṃ   ruṣitaḥ pāvako yatʰā
   didʰakṣann iva tāṃ senāṃ   ruṣitaḥ pāvako yatʰā /12/

Verse: 13 
Halfverse: a    saṃpannaṃ rājyam iccʰaṃs tu   vyaktaṃ prāpyābʰiṣecanam
   saṃpannaṃ rājyam iccʰaṃs tu   vyaktaṃ prāpya_abʰiṣecanam /
Halfverse: c    āvāṃ hantuṃ samabʰyeti   kaikeyyā bʰarataḥ sutaḥ
   āvāṃ hantuṃ samabʰyeti   kaikeyyā bʰarataḥ sutaḥ /13/

Verse: 14 
Halfverse: a    eṣa vai sumahāñ śrīmān   viṭapī saṃprakāśate
   eṣa vai sumahān śrīmān   viṭapī saṃprakāśate /
Halfverse: c    virājaty udgataskandʰaḥ   kovidāra dʰvajo ratʰe
   virājaty udgata-skandʰaḥ   kovidāra dʰvajo ratʰe /14/

Verse: 15 
Halfverse: a    bʰajanty ete yatʰākāmam   aśvān āruhya śīgʰragān
   bʰajanty ete yatʰā-kāmam   aśvān āruhya śīgʰragān /
Halfverse: c    ete bʰrājanti saṃhr̥ṣṭā   jagān āruhya sādinaḥ
   ete bʰrājanti saṃhr̥ṣṭā   jagān āruhya sādinaḥ /15/

Verse: 16 
Halfverse: a    gr̥hītadʰanuṣau cāvāṃ   giriṃ vīra śrayāvahe
   gr̥hīta-dʰanuṣau ca_āvāṃ   giriṃ vīra śrayāvahe /
Halfverse: c    api nau vaśam āgaccʰet   kovidāradʰvajo raṇe
   api nau vaśam āgaccʰet   kovidāra-dʰvajo raṇe /16/

Verse: 17 
Halfverse: a    api drakṣyāmi bʰarataṃ   yatkr̥te vyasanaṃ mahat
   api drakṣyāmi bʰarataṃ   yat-kr̥te vyasanaṃ mahat /
Halfverse: c    tvayā rāgʰava saṃprāptaṃ   sītayā ca mayā tatʰā
   tvayā rāgʰava saṃprāptaṃ   sītayā ca mayā tatʰā /17/

Verse: 18 
Halfverse: a    yannimittaṃ bʰavān rājyāc   cyuto rāgʰava śāśvatīm
   yan-nimittaṃ bʰavān rājyāc   cyuto rāgʰava śāśvatīm /
Halfverse: c    saṃprāpto 'yam arir vīra   bʰarato vadʰya eva me
   saṃprāpto_ayam arir vīra   bʰarato vadʰya eva me /18/

Verse: 19 
Halfverse: a    bʰaratasya vadʰe doṣaṃ   nāhaṃ paśyāmi rāgʰava
   bʰaratasya vadʰe doṣaṃ   na_ahaṃ paśyāmi rāgʰava /
Halfverse: c    pūrvāpakariṇāṃ tyāge   na hy adʰarmo vidʰīyate
   pūrva_apakariṇāṃ tyāge   na hy adʰarmo vidʰīyate /
Halfverse: e    etasminn nihate kr̥tsnām   anuśādʰi vasuṃdʰarām
   etasminn nihate kr̥tsnām   anuśādʰi vasuṃdʰarām /19/

Verse: 20 
Halfverse: a    adya putraṃ hataṃ saṃkʰye   kaikeyī rājyakāmukā
   adya putraṃ hataṃ saṃkʰye   kaikeyī rājya-kāmukā /
Halfverse: c    mayā paśyet suduḥkʰārtā   hastibʰagnam iva drumam
   mayā paśyet suduḥkʰa_ārtā   hasti-bʰagnam iva drumam /20/

Verse: 21 
Halfverse: a    kaikeyīṃ ca vadʰiṣyāmi   sānubandʰāṃ sabāndʰavām
   kaikeyīṃ ca vadʰiṣyāmi   sānubandʰāṃ sabāndʰavām /
Halfverse: c    kaluṣeṇādya mahatā   medinī parimucyatām
   kaluṣeṇa_adya mahatā   medinī parimucyatām /21/

Verse: 22 
Halfverse: a    adyemaṃ saṃyataṃ krodʰam   asatkāraṃ ca mānada
   adya_imaṃ saṃyataṃ krodʰam   asatkāraṃ ca mānada /
Halfverse: c    mokṣyāmi śatrusainyeṣu   kakṣeṣv iva hutāśanam
   mokṣyāmi śatru-sainyeṣu   kakṣeṣv iva huta_aśanam /22/

Verse: 23 
Halfverse: a    adyaitac citrakūṭasya   kānanaṃ niśitaiḥ śaraiḥ
   adya_etac citra-kūṭasya   kānanaṃ niśitaiḥ śaraiḥ /
Halfverse: c    bʰindañ śatruśarīrāṇi   kariṣye śoṇitokṣitam
   bʰindan śatru-śarīrāṇi   kariṣye śoṇita_ukṣitam /23/

Verse: 24 
Halfverse: a    śarair nirbʰinnahr̥dayān   kuñjarāṃs turagāṃs tatʰā
   śarair nirbʰinna-hr̥dayān   kuñjarāṃs turagāṃs tatʰā /
Halfverse: c    śvāpadāḥ parikarṣantu   narāś ca nihatān mayā
   śvāpadāḥ parikarṣantu   narāś ca nihatān mayā /24/

Verse: 25 
Halfverse: a    śarāṇāṃ dʰanuṣaś cāham   anr̥ṇo 'smi mahāvane
   śarāṇāṃ dʰanuṣaś ca_aham   anr̥ṇo_asmi mahā-vane /
Halfverse: c    sasainyaṃ bʰarataṃ hatvā   bʰaviṣyāmi na saṃśayaḥ
   sasainyaṃ bʰarataṃ hatvā   bʰaviṣyāmi na saṃśayaḥ /25/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.