TITUS
Ramayana
Part No. 171
Previous part

Chapter: 94 
Adhyāya 94


Verse: 1 
Halfverse: a    āgʰrāya rāmas taṃ mūrdʰni   pariṣvajya ca rāgʰavaḥ
   āgʰrāya rāmas taṃ mūrdʰni   pariṣvajya ca rāgʰavaḥ /
Halfverse: c    aṅke bʰaratam āropya   paryapr̥ccʰat samāhitaḥ
   aṅke bʰaratam āropya   paryapr̥ccʰat samāhitaḥ /1/

Verse: 2 
Halfverse: a    kva nu te 'bʰūt pitā tāta   yad araṇyaṃ tvam āgataḥ
   kva nu te_abʰūt pitā tāta   yad araṇyaṃ tvam āgataḥ /
Halfverse: c    na hi tvaṃ jīvatas tasya   vanam āgantum arhasi
   na hi tvaṃ jīvatas tasya   vanam āgantum arhasi /2/

Verse: 3 
Halfverse: a    cirasya bata paśyāmi   dūrād bʰaratam āgatam
   cirasya bata paśyāmi   dūrād bʰaratam āgatam /
Halfverse: c    duṣpratīkam araṇye 'smin   kiṃ tāta vanam āgataḥ
   duṣpratīkam araṇye_asmin   kiṃ tāta vanam āgataḥ /3/

Verse: 4 
Halfverse: a    kac cid daśaratʰo rājā   kuśalī satyasaṃgaraḥ
   kaccid daśaratʰo rājā   kuśalī satya-saṃgaraḥ /
Halfverse: c    rājasūyāśvamedʰānām   āhartā dʰarmaniścayaḥ
   rāja-sūya_aśva-medʰānām   āhartā dʰarma-niścayaḥ /4/

Verse: 5 
Halfverse: a    sa kac cid brāhmaṇo vidvān   dʰarmanityo mahādyutiḥ
   sa kaccid brāhmaṇo vidvān   dʰarma-nityo mahā-dyutiḥ /
Halfverse: c    ikṣvākūṇām upādʰyāyo   yatʰāvat tāta pūjyate
   ikṣvākūṇām upādʰyāyo   yatʰāvat tāta pūjyate /5/

Verse: 6 
Halfverse: a    tāta kac cic ca kausalyā   sumitrā ca prajāvatī
   tāta kaccic ca kausalyā   sumitrā ca prajāvatī /
Halfverse: c    sukʰinī kac cid āryā ca   devī nandati kaikayī
   sukʰinī kaccid āryā ca   devī nandati kaikayī /6/

Verse: 7 
Halfverse: a    kac cid vinaya saṃpannaḥ   kulaputro bahuśrutaḥ
   kaccid vinaya saṃpannaḥ   kula-putro bahu-śrutaḥ /
Halfverse: c    anasūyur anudraṣṭā   satkr̥tas te purohitaḥ
   anasūyur anudraṣṭā   satkr̥tas te purohitaḥ /7/

Verse: 8 
Halfverse: a    kac cid agniṣu te yukto   vidʰijño matimān r̥juḥ
   kaccid agniṣu te yukto   vidʰijño matimān r̥juḥ /
Halfverse: c    hutaṃ ca hoṣyamāṇaṃ ca   kāle vedayate sadā
   hutaṃ ca hoṣyamāṇaṃ ca   kāle vedayate sadā /8/

Verse: 9 
Halfverse: a    iṣvastravarasaṃpannam   artʰaśāstraviśāradam
   iṣv-astra-vara-saṃpannam   artʰa-śāstra-viśāradam /
Halfverse: c    sudʰanvānam upādʰyāyaṃ   kac cit tvaṃ tāta manyase
   sudʰanvānam upādʰyāyaṃ   kaccit tvaṃ tāta manyase /9/

Verse: 10 
Halfverse: a    kac cid ātma samāḥ śūrāḥ   śrutavanto jitendriyāḥ
   kaccid ātma samāḥ śūrāḥ   śrutavanto jita_indriyāḥ /
Halfverse: c    kulīnāś ceṅgitajñāś ca   kr̥tās te tāta mantriṇaḥ
   kulīnāś ca_iṅgitajñāś ca   kr̥tās te tāta mantriṇaḥ /10/

Verse: 11 
Halfverse: a    mantro vijayamūlaṃ hi   rājñāṃ bʰavati rāgʰava
   mantro vijaya-mūlaṃ hi   rājñāṃ bʰavati rāgʰava /
Halfverse: c    susaṃvr̥to mantradʰarair   amātyaiḥ śāstrakovidaiḥ
   susaṃvr̥to mantra-dʰarair   amātyaiḥ śāstra-kovidaiḥ /11/

Verse: 12 
Halfverse: a    kac cin nidrāvaśaṃ naiṣi   kac cit kāle vibudʰyase
   kaccin nidrā-vaśaṃ na_eṣi   kaccit kāle vibudʰyase /
Halfverse: c    kac cic cāpararātriṣu   cintayasy artʰanaipuṇam {!}
   kaccic ca_apara-rātriṣu   cintayasy artʰa-naipuṇam /12/ {!} {!}

Verse: 13 
Halfverse: a    kac cin mantrayase naikaḥ   kac cin na bahubʰiḥ saha
   kaccin mantrayase na_ekaḥ   kaccin na bahubʰiḥ saha /
Halfverse: c    kac cit te mantrito mantro   rāṣṭraṃ na paridʰāvati
   kaccit te mantrito mantro   rāṣṭraṃ na paridʰāvati /13/

Verse: 14 
Halfverse: a    kac cid artʰaṃ viniścitya   lagʰumūlaṃ mahodayam
   kaccid artʰaṃ viniścitya   lagʰu-mūlaṃ mahā_udayam /
Halfverse: c    kṣipram ārabʰase kartuṃ   na dīrgʰayasi rāgʰava
   kṣipram ārabʰase kartuṃ   na dīrgʰayasi rāgʰava /14/

Verse: 15 
Halfverse: a    kac cit tu sukr̥tāny eva   kr̥tarūpāṇi vā punaḥ
   kaccit tu sukr̥tāny eva   kr̥ta-rūpāṇi vā punaḥ /
Halfverse: c    vidus te sarvakāryāṇi   na kartavyāni pārtʰivāḥ
   vidus te sarva-kāryāṇi   na kartavyāni pārtʰivāḥ /15/

Verse: 16 
Halfverse: a    kac cin na tarkair yuktvā vā   ye cāpy aparikīrtitāḥ
   kaccin na tarkair yuktvā vā   ye ca_apy aparikīrtitāḥ /
Halfverse: c    tvayā vā tava vāmātyair   budʰyate tāta mantritam
   tvayā vā tava vā_amātyair   budʰyate tāta mantritam /16/

Verse: 17 
Halfverse: a    kac cit sahasrān mūrkʰāṇām   ekam iccʰasi paṇḍitam
   kaccit sahasrān mūrkʰāṇām   ekam iccʰasi paṇḍitam /
Halfverse: c    paṇḍito hy artʰakr̥ccʰreṣu   kuryān niḥśreyasaṃ mahat
   paṇḍito hy artʰa-kr̥ccʰreṣu   kuryān niḥśreyasaṃ mahat /17/

Verse: 18 
Halfverse: a    sahasrāṇy api mūrkʰāṇāṃ   yady upāste mahīpatiḥ
   sahasrāṇy api mūrkʰāṇāṃ   yady upāste mahī-patiḥ /
Halfverse: c    atʰa vāpy ayutāny eva   nāsti teṣu sahāyatā
   atʰa vā_apy ayutāny eva   na_asti teṣu sahāyatā /18/

Verse: 19 
Halfverse: a    eko 'py amātyo medʰāvī   śūro dakṣo vicakṣaṇaḥ
   eko_apy amātyo medʰāvī   śūro dakṣo vicakṣaṇaḥ /
Halfverse: c    rājānaṃ rājamātraṃ vā   prāpayen mahatīṃ śriyam
   rājānaṃ rāja-mātraṃ vā   prāpayen mahatīṃ śriyam /19/

Verse: 20 
Halfverse: a    kac cin mukʰyā mahatsv eva   madʰyameṣu ca madʰyamāḥ
   kaccin mukʰyā mahatsv eva   madʰyameṣu ca madʰyamāḥ /
Halfverse: c    jagʰanyāś ca jagʰanyeṣu   bʰr̥tyāḥ karmasu yojitāḥ
   jagʰanyāś ca jagʰanyeṣu   bʰr̥tyāḥ karmasu yojitāḥ /20/

Verse: 21 
Halfverse: a    amātyān upadʰātītān   pitr̥paitāmahāñ śucīn
   amātyān upadʰā_atītān   pitr̥-paitāmahān śucīn /
Halfverse: c    śreṣṭʰāñ śreṣṭʰeṣu kac cit tvaṃ   niyojayasi karmasu
   śreṣṭʰān śreṣṭʰeṣu kaccit tvaṃ   niyojayasi karmasu /21/

Verse: 22 
Halfverse: a    kac cit tvāṃ nāvajānanti   yājakāḥ patitaṃ yatʰā
   kaccit tvāṃ na_avajānanti   yājakāḥ patitaṃ yatʰā /
Halfverse: c    ugrapratigrahītāraṃ   kāmayānam iva striyaḥ
   ugra-pratigrahītāraṃ   kāmayānam iva striyaḥ /22/

Verse: 23 
Halfverse: a    upāyakuśalaṃ vaidyaṃ   bʰr̥tyasaṃdūṣaṇe ratam
   upāya-kuśalaṃ vaidyaṃ   bʰr̥tya-saṃdūṣaṇe ratam /
Halfverse: c    śūram aiśvaryakāmaṃ ca   yo na hanti sa vadʰyate
   śūram aiśvarya-kāmaṃ ca   yo na hanti sa vadʰyate /23/

Verse: 24 
Halfverse: a    kaccid dʰr̥ṣṭaś ca śūraś ca   dʰr̥timān matimāñ śuciḥ
   kaccidd^hr̥ṣṭaś ca śūraś ca   dʰr̥timān matimān śuciḥ /
Halfverse: c    kulīnaś cānuraktaś ca   dakṣaḥ senāpatiḥ kr̥taḥ
   kulīnaś ca_anuraktaś ca   dakṣaḥ senā-patiḥ kr̥taḥ /24/

Verse: 25 
Halfverse: a    balavantaś ca kac cit te   mukʰyā yuddʰaviśāradāḥ
   balavantaś ca kaccit te   mukʰyā yuddʰa-viśāradāḥ /
Halfverse: c    dr̥ṣṭāpadānā vikrāntās   tvayā satkr̥tya mānitāḥ
   dr̥ṣṭa_apadānā vikrāntās   tvayā satkr̥tya mānitāḥ /25/

Verse: 26 
Halfverse: a    ka cid balasya bʰaktaṃ ca   vetanaṃ ca yatʰocitam
   kacid balasya bʰaktaṃ ca   vetanaṃ ca yatʰā_ucitam /
Halfverse: c    saṃprāptakālaṃ dātavyaṃ   dadāsi na vilambase
   saṃprāpta-kālaṃ dātavyaṃ   dadāsi na vilambase /26/

Verse: 27 
Halfverse: a    kālātikramaṇe hy eva   bʰakta vetanayor bʰr̥tāḥ
   kāla_atikramaṇe hy eva   bʰakta vetanayor bʰr̥tāḥ /
Halfverse: c    bʰartuḥ kupyanti duṣyanti   so 'nartʰaḥ sumahān smr̥taḥ
   bʰartuḥ kupyanti duṣyanti   so_anartʰaḥ sumahān smr̥taḥ /27/

Verse: 28 
Halfverse: a    kac cit sarve 'nuraktās tvāṃ   kulaputrāḥ pradʰānataḥ
   kaccit sarve_anuraktās tvāṃ   kula-putrāḥ pradʰānataḥ /
Halfverse: c    kac cit prāṇāṃs tavārtʰeṣu   saṃtyajanti samāhitāḥ
   kaccit prāṇāṃs tava_artʰeṣu   saṃtyajanti samāhitāḥ /28/

Verse: 29 
Halfverse: a    kac cij jānapado vidvān   dakṣiṇaḥ pratibʰānavān
   kaccij jānapado vidvān   dakṣiṇaḥ pratibʰānavān /
Halfverse: c    yatʰoktavādī dūtas te   kr̥to bʰarata paṇḍitaḥ
   yatʰā_ukta-vādī dūtas te   kr̥to bʰarata paṇḍitaḥ /29/

Verse: 30 
Halfverse: a    kac cid aṣṭādaśāny eṣu   svapakṣe daśa pañca ca
   kaccid aṣṭādaśāny eṣu   sva-pakṣe daśa pañca ca /
Halfverse: c    tribʰis tribʰir avijñātair   vetsi tīrtʰāni cārakaiḥ
   tribʰis tribʰir avijñātair   vetsi tīrtʰāni cārakaiḥ /30/

Verse: 31 
Halfverse: a    kac cid vyapāstān ahitān   pratiyātāṃś ca sarvadā
   kaccid vyapāstān ahitān   pratiyātāṃś ca sarvadā /
Halfverse: c    durbalān anavajñāya   vartase ripusūdana
   durbalān anavajñāya   vartase ripu-sūdana /31/

Verse: 32 
Halfverse: a    kac cin na lokāyatikān   brāhmaṇāṃs tāta sevase
   kaccin na lokāyatikān   brāhmaṇāṃs tāta sevase /
Halfverse: c    anartʰa kuśalā hy ete   bālāḥ paṇḍitamāninaḥ
   anartʰa kuśalā hy ete   bālāḥ paṇḍita-māninaḥ /32/

Verse: 33 
Halfverse: a    dʰarmaśāstreṣu mukʰyeṣu   vidyamāneṣu durbudʰāḥ
   dʰarma-śāstreṣu mukʰyeṣu   vidyamāneṣu durbudʰāḥ /
Halfverse: c    buddʰimān vīkṣikīṃ prāpya   nirartʰaṃ pravadanti te
   buddʰimān vīkṣikīṃ prāpya   nirartʰaṃ pravadanti te /33/

Verse: 34 
Halfverse: a    vīrair adʰyuṣitāṃ pūrvam   asmākaṃ tāta pūrvakaiḥ
   vīrair adʰyuṣitāṃ pūrvam   asmākaṃ tāta pūrvakaiḥ /
Halfverse: c    satyanāmāṃ dr̥ḍʰadvārāṃ   hastyaśvaratʰasaṃkulām
   satya-nāmāṃ dr̥ḍʰa-dvārāṃ   hasty-aśva-ratʰa-saṃkulām /34/

Verse: 35 
Halfverse: a    brāhmaṇaiḥ kṣatriyair vaiśyaiḥ   svakarmanirataiḥ sadā
   brāhmaṇaiḥ kṣatriyair vaiśyaiḥ   sva-karma-nirataiḥ sadā /
Halfverse: c    jitendriyair mahotsāhair   vr̥tāmātyaiḥ sahasraśaḥ
   jita_indriyair mahā_utsāhair   vr̥ta_amātyaiḥ sahasraśaḥ /35/

Verse: 36 
Halfverse: a    prāsādair vividʰākārair   vr̥tāṃ vaidyajanākulām
   prāsādair vividʰa_ākārair   vr̥tāṃ vaidya-jana_ākulām /
Halfverse: c    kac cit samuditāṃ spʰītām   ayodʰyāṃ parirakṣasi
   kaccit samuditāṃ spʰītām   ayodʰyāṃ parirakṣasi /36/

Verse: 37 
Halfverse: a    kac cic caityaśatair juṣṭaḥ   suniviṣṭajanākulaḥ
   kaccic caitya-śatair juṣṭaḥ   suniviṣṭa-jana_ākulaḥ /
Halfverse: c    devastʰānaiḥ prapābʰiś ca   taḍāgaiś copaśobʰitaḥ
   deva-stʰānaiḥ prapābʰiś ca   taḍāgaiś ca_upaśobʰitaḥ /37/

Verse: 38 
Halfverse: a    prahr̥ṣṭanaranārīkaḥ   samājotsavaśobʰitaḥ
   prahr̥ṣṭa-nara-nārīkaḥ   samāja_utsava-śobʰitaḥ /
Halfverse: c    sukr̥ṣṭasīmā paśumān   hiṃsābʰir abʰivarjitaḥ
   sukr̥ṣṭa-sīmā paśumān   hiṃsābʰir abʰivarjitaḥ /38/

Verse: 39 
Halfverse: a    adevamātr̥ko ramyaḥ   śvāpadaiḥ parivarjitaḥ
   adeva-mātr̥ko ramyaḥ   śvā-padaiḥ parivarjitaḥ /
Halfverse: c    kac cij janapadaḥ spʰītaḥ   sukʰaṃ vasati rāgʰava
   kaccij jana-padaḥ spʰītaḥ   sukʰaṃ vasati rāgʰava /39/

Verse: 40 
Halfverse: a    kac cit te dayitāḥ sarve   kr̥ṣigorakṣajīvinaḥ
   kaccit te dayitāḥ sarve   kr̥ṣi-go-rakṣa-jīvinaḥ /
Halfverse: c    vārtāyāṃ saṃśritas tāta   loko hi sukʰam edʰate
   vārtāyāṃ saṃśritas tāta   loko hi sukʰam edʰate /40/

Verse: 41 
Halfverse: a    teṣāṃ guptiparīhāraiḥ   kac cit te bʰaraṇaṃ kr̥tam
   teṣāṃ gupti-parīhāraiḥ   kaccit te bʰaraṇaṃ kr̥tam /
Halfverse: c    rakṣyā hi rājñā dʰarmeṇa   sarve viṣayavāsinaḥ
   rakṣyā hi rājñā dʰarmeṇa   sarve viṣaya-vāsinaḥ /41/

Verse: 42 
Halfverse: a    kac cit striyaḥ sāntvayasi   kac cit tāś ca surakṣitāḥ
   kaccit striyaḥ sāntvayasi   kaccit tāś ca surakṣitāḥ /
Halfverse: c    kac cin na śraddadʰāsyāsāṃ   kac cid guhyaṃ na bʰāṣase
   kaccin na śraddadʰāsya_āsāṃ   kaccid guhyaṃ na bʰāṣase /42/

Verse: 43 
Halfverse: a    kac cin nāga vanaṃ guptaṃ   kuñjarāṇaṃ ca tr̥pyasi
   kaccin nāga vanaṃ guptaṃ   kuñjarāṇaṃ ca tr̥pyasi / {kuñjarāṇa txt}
Halfverse: c    kac cid darśayase nityaṃ   manuṣyāṇāṃ vibʰūṣitam
   kaccid darśayase nityaṃ   manuṣyāṇāṃ vibʰūṣitam /
Halfverse: e    uttʰāyottʰāya pūrvāhṇe   rājaputro mahāpatʰe
   uttʰāya_uttʰāya pūrva_ahṇe   rāja-putro mahā-patʰe /43/

Verse: 44 
Halfverse: a    kac cit sarvāṇi durgāṇi   dʰanadʰānyāyudʰodakaiḥ
   kaccit sarvāṇi durgāṇi   dʰana-dʰānya_āyudʰa_udakaiḥ /
Halfverse: c    yantraiś ca paripūrṇāni   tatʰā śilpidʰanurdʰaraiḥ
   yantraiś ca paripūrṇāni   tatʰā śilpi-dʰanur-dʰaraiḥ /44/

Verse: 45 
Halfverse: a    āyas te vipulaḥ kac cit   kac cid alpataro vyayaḥ
   āyas te vipulaḥ kaccit   kaccid alpataro vyayaḥ /
Halfverse: c    apātreṣu na te kac cit   kośo gaccʰati rāgʰava
   apātreṣu na te kaccit   kośo gaccʰati rāgʰava /45/

Verse: 46 
Halfverse: a    devatārtʰe ca pitrartʰe   brāhmaṇābʰyāgateṣu ca
   devatā_artʰe ca pitr-artʰe   brāhmaṇa_abʰyāgateṣu ca /
Halfverse: c    yodʰeṣu mitravargeṣu   kac cid gaccʰati te vyayaḥ
   yodʰeṣu mitra-vargeṣu   kaccid gaccʰati te vyayaḥ /46/

Verse: 47 
Halfverse: a    kac cid āryo viśuddʰātmā   kṣāritaś corakarmaṇā
   kaccid āryo viśuddʰa_ātmā   kṣāritaś cora-karmaṇā /
Halfverse: c    apr̥ṣṭaḥ śāstrakuśalair   na lobʰād badʰyate śuciḥ
   apr̥ṣṭaḥ śāstra-kuśalair   na lobʰād badʰyate śuciḥ /47/

Verse: 48 
Halfverse: a    gr̥hītaś caiva pr̥ṣṭaś ca   kāle dr̥ṣṭaḥ sakāraṇaḥ
   gr̥hītaś caiva pr̥ṣṭaś ca   kāle dr̥ṣṭaḥ sakāraṇaḥ /
Halfverse: c    kac cin na mucyate coro   dʰanalobʰān nararṣabʰa
   kaccin na mucyate coro   dʰana-lobʰān nara-r̥ṣabʰa /48/

Verse: 49 
Halfverse: a    vyasane kac cid āḍʰyasya   dugatasya ca rāgʰava
   vyasane kaccid āḍʰyasya   dugatasya ca rāgʰava /
Halfverse: c    artʰaṃ virāgāḥ paśyanti   tavāmātyā bahuśrutāḥ
   artʰaṃ virāgāḥ paśyanti   tava_amātyā bahu-śrutāḥ /49/

Verse: 50 
Halfverse: a    yāni mitʰyābʰiśastānāṃ   patanty asrāṇi rāgʰava
   yāni mitʰyā_abʰiśastānāṃ   patanty asrāṇi rāgʰava /
Halfverse: c    tāni putrapaśūn gʰnanti   prītyartʰam anuśāsataḥ
   tāni putra-paśūn gʰnanti   prīty-artʰam anuśāsataḥ /50/

Verse: 51 
Halfverse: a    kac cid vr̥dʰāṃś ca bālāṃś ca   vaidyamukʰyāṃś ca rāgʰava
   kaccid vr̥dʰāṃś ca bālāṃś ca   vaidya-mukʰyāṃś ca rāgʰava /
Halfverse: c    dānena manasā vācā   tribʰir etair bubʰūṣase
   dānena manasā vācā   tribʰir etair bubʰūṣase /51/

Verse: 52 
Halfverse: a    kac cid gurūṃś ca vr̥ddʰāṃś ca   tāpasān devatātitʰīn
   kaccid gurūṃś ca vr̥ddʰāṃś ca   tāpasān devatā_atitʰīn /
Halfverse: c    caityāṃś ca sarvān siddʰārtʰān   brāhmaṇāṃś ca namasyasi
   caityāṃś ca sarvān siddʰa_artʰān   brāhmaṇāṃś ca namasyasi /52/

Verse: 53 
Halfverse: a    kac cid artʰena vā dʰarmaṃ   dʰarmaṃ dʰarmeṇa vā punaḥ
   kaccid artʰena vā dʰarmaṃ   dʰarmaṃ dʰarmeṇa vā punaḥ /
Halfverse: c    ubʰau vā prītilobʰena   kāmena na vibādʰase
   ubʰau vā prīti-lobʰena   kāmena na vibādʰase /53/

Verse: 54 
Halfverse: a    kac cid artʰaṃ ca dʰarmaṃ ca   kāmaṃ ca jayatāṃ vara
   kaccid artʰaṃ ca dʰarmaṃ ca   kāmaṃ ca jayatāṃ vara /
Halfverse: c    vibʰajya kāle kālajña   sarvān bʰarata sevase
   vibʰajya kāle kālajña   sarvān bʰarata sevase /54/

Verse: 55 
Halfverse: a    kac cit te brāhmaṇāḥ śarma   sarvaśāstrārtʰakovidaḥ
   kaccit te brāhmaṇāḥ śarma   sarva-śāstra_artʰa-kovidaḥ /
Halfverse: c    āśaṃsante mahāprājña   paurajānapadaiḥ saha
   āśaṃsante mahā-prājña   paura-jānapadaiḥ saha /55/

Verse: 56 
Halfverse: a    nāstikyam anr̥taṃ krodʰaṃ   pramādaṃ dīrgʰasūtratām
   nāstikyam anr̥taṃ krodʰaṃ   pramādaṃ dīrgʰa-sūtratām /
Halfverse: c    adarśanaṃ jñānavatām   ālasyaṃ pañcavr̥ttitām
   adarśanaṃ jñānavatām   ālasyaṃ pañca-vr̥ttitām /56/

Verse: 57 
Halfverse: a    ekacintanam artʰānām   anartʰajñaiś ca mantraṇam
   eka-cintanam artʰānām   anartʰajñaiś ca mantraṇam /
Halfverse: c    niścitānām anārambʰaṃ   mantrasyāparilakṣaṇam
   niścitānām anārambʰaṃ   mantrasya_aparilakṣaṇam /57/

Verse: 58 
Halfverse: a    maṅgalasyāprayogaṃ ca   pratyuttʰānaṃ ca sarvaśaḥ
   maṅgalasya_aprayogaṃ ca   pratyuttʰānaṃ ca sarvaśaḥ /
Halfverse: c    kac cit tvaṃ varjayasy etān   rājadoṣāṃś caturdaśa
   kaccit tvaṃ varjayasy etān   rāja-doṣāṃś catur-daśa /58/ {ՙ}

Verse: 59 
Halfverse: a    kac cit svādukr̥taṃ bʰojyam   eko nāśnāsi rāgʰava
   kaccit svādu-kr̥taṃ bʰojyam   eko na_aśnāsi rāgʰava /
Halfverse: c    kac cid āśaṃsamānebʰyo   mitrebʰyaḥ saṃprayaccʰasi
   kaccid āśaṃsamānebʰyo   mitrebʰyaḥ saṃprayaccʰasi /59/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.