TITUS
Ramayana
Part No. 189
Previous part

Book: 3 
Araṇya-Kāṇḍa



Chapter: 1 
Adhyāya 1


Verse: 1 
Halfverse: a    praviśya tu mahāraṇyaṃ   daṇḍakāraṇyam ātmavān
   praviśya tu mahā_araṇyaṃ   daṇḍaka_araṇyam ātmavān /
Halfverse: c    dadarśa rāmo durdʰarṣas   tāpasāśramamaṇḍalam
   dadarśa rāmo durdʰarṣas   tāpasa_āśrama-maṇḍalam /1/

Verse: 2 
Halfverse: a    kuśacīraparikṣiptaṃ   brāhmyā lakṣmyā samāvr̥tam
   kuśa-cīra-parikṣiptaṃ   brāhmyā lakṣmyā samāvr̥tam /
Halfverse: c    yatʰā pradīptaṃ durdʰarśaṃ   gagane sūryamaṇḍalam
   yatʰā pradīptaṃ durdʰarśaṃ   gagane sūrya-maṇḍalam /2/

Verse: 3 
Halfverse: a    śaraṇyaṃ sarvabʰūtānāṃ   susamr̥ṣṭājiraṃ sadā
   śaraṇyaṃ sarva-bʰūtānāṃ   susamr̥ṣṭa_ajiraṃ sadā /
Halfverse: c    pūjitaṃ copanr̥ttaṃ ca   nityam apsarasāṃ gaṇaiḥ
   pūjitaṃ ca_upanr̥ttaṃ ca   nityam apsarasāṃ gaṇaiḥ /3/

Verse: 4 
Halfverse: a    viśālair agniśaraṇaiḥ   srugbʰāṇḍair ajinaiḥ kuśaiḥ
   viśālair agni-śaraṇaiḥ   srug-bʰāṇḍair ajinaiḥ kuśaiḥ /
Halfverse: c    samidbʰis toyakalaśaiḥ   pʰalamūlaiś ca śobʰitam
   samidbʰis toya-kalaśaiḥ   pʰala-mūlaiś ca śobʰitam /4/

Verse: 5 
Halfverse: a    āraṇyaiś ca mahāvr̥kṣaiḥ   puṇyaiḥ svādupʰalair vr̥tam
   āraṇyaiś ca mahā-vr̥kṣaiḥ   puṇyaiḥ svādu-pʰalair vr̥tam /
Halfverse: c    balihomārcitaṃ puṇyaṃ   brahmagʰoṣanināditam
   bali-homa_arcitaṃ puṇyaṃ   brahma-gʰoṣa-nināditam /5/

Verse: 6 
Halfverse: a    puṣpair vanyaiḥ parikṣiptaṃ   padminyā ca sapadmayā
   puṣpair vanyaiḥ parikṣiptaṃ   padminyā ca sapadmayā /
Halfverse: c    pʰalamūlāśanair dāntaiś   cīrakr̥ṣṇājināmbaraiḥ
   pʰala-mūla_aśanair dāntaiś   cīra-kr̥ṣṇa_ajina_ambaraiḥ /6/

Verse: 7 
Halfverse: a    sūryavaiśvānarābʰaiś ca   purāṇair munibʰir vr̥tam
   sūrya-vaiśvānara_ābʰaiś ca   purāṇair munibʰir vr̥tam /
Halfverse: c    puṇyaiś ca niyatāhāraiḥ   śobʰitaṃ paramarṣibʰiḥ {!}
   puṇyaiś ca niyata_āhāraiḥ   śobʰitaṃ parama-r̥ṣibʰiḥ /7/ {!} {!}

Verse: 8 
Halfverse: a    tad brahmabʰavanaprakʰyaṃ   brahmagʰoṣanināditam
   tad brahma-bʰavana-prakʰyaṃ   brahma-gʰoṣa-nināditam /
Halfverse: c    brahmavidbʰir mahābʰāgair   brāhmaṇair upaśobʰitam
   brahmavidbʰir mahā-bʰāgair   brāhmaṇair upaśobʰitam /8/

Verse: 9 
Halfverse: a    tad dr̥ṣṭvā rāgʰavaḥ śrīmāṃs   tāpasāśramamaṇḍalam
   tad dr̥ṣṭvā rāgʰavaḥ śrīmāṃs   tāpasa_āśrama-maṇḍalam /
Halfverse: c    abʰyagaccʰan mahātejā   vijyaṃ kr̥tvā mahad dʰanuḥ
   abʰyagaccʰan mahā-tejā   vijyaṃ kr̥tvā mahad dʰanuḥ /9/

Verse: 10 
Halfverse: a    divyajñānopapannās te   rāmaṃ dr̥ṣṭvā maharṣayaḥ
   divya-jñāna_upapannās te   rāmaṃ dr̥ṣṭvā maharṣayaḥ /
Halfverse: c    abʰyagaccʰaṃs tadā prītā   vaidehīṃ ca yaśasvinīm
   abʰyagaccʰaṃs tadā prītā   vaidehīṃ ca yaśasvinīm /10/

Verse: 11 
Halfverse: a    te taṃ somam ivodyantaṃ   dr̥ṣṭvā vai dʰarmacāriṇaḥ
   te taṃ somam iva_udyantaṃ   dr̥ṣṭvā vai dʰarma-cāriṇaḥ /
Halfverse: c    maṅgalāni prayuñjānāḥ   pratyagr̥hṇan dr̥ḍʰavratāḥ
   maṅgalāni prayuñjānāḥ   pratyagr̥hṇan dr̥ḍʰa-vratāḥ /11/

Verse: 12 
Halfverse: a    rūpasaṃhananaṃ lakṣmīṃ   saukumāryaṃ suveṣatām
   rūpa-saṃhananaṃ lakṣmīṃ   saukumāryaṃ suveṣatām /
Halfverse: c    dadr̥śur vismitākārā   rāmasya vanavāsinaḥ
   dadr̥śur vismita_ākārā   rāmasya vana-vāsinaḥ /12/

Verse: 13 
Halfverse: a    vaidehīṃ lakṣmaṇaṃ rāmaṃ   netrair animiṣair iva
   vaidehīṃ lakṣmaṇaṃ rāmaṃ   netrair animiṣair iva /
Halfverse: c    āścaryabʰūtān dadr̥śuḥ   sarve te vanacāriṇaḥ
   āścarya-bʰūtān dadr̥śuḥ   sarve te vana-cāriṇaḥ /13/

Verse: 14 
Halfverse: a    atrainaṃ hi mahābʰāgāḥ   sarvabʰūtahite ratāḥ
   atra_enaṃ hi mahā-bʰāgāḥ   sarva-bʰūta-hite ratāḥ /
Halfverse: c    atitʰiṃ parṇaśālāyāṃ   rāgʰavaṃ saṃnyaveśayan
   atitʰiṃ parṇa-śālāyāṃ   rāgʰavaṃ saṃnyaveśayan /14/

Verse: 15 
Halfverse: a    tato rāmasya satkr̥tya   vidʰinā pāvakopamāḥ
   tato rāmasya satkr̥tya   vidʰinā pāvaka_upamāḥ /
Halfverse: c    ājahrus te mahābʰāgāḥ   salilaṃ dʰarmacāriṇaḥ
   ājahrus te mahā-bʰāgāḥ   salilaṃ dʰarma-cāriṇaḥ /15/

Verse: 16 
Halfverse: a    mūlaṃ puṣpaṃ pʰalaṃ vanyam   āśramaṃ ca mahātmanaḥ
   mūlaṃ puṣpaṃ pʰalaṃ vanyam   āśramaṃ ca mahātmanaḥ /
Halfverse: c    nivedayītvā dʰarmajñās   tataḥ prāñjalayo 'bruvan
   nivedayītvā dʰarmajñās   tataḥ prāñjalayo_abruvan /16/

Verse: 17 
Halfverse: a    dʰarmapālo janasyāsya   śaraṇyaś ca mahāyaśāḥ
   dʰarma-pālo janasya_asya   śaraṇyaś ca mahā-yaśāḥ /
Halfverse: c    pūjanīyaś ca mānyaś ca   rājā daṇḍadʰaro guruḥ
   pūjanīyaś ca mānyaś ca   rājā daṇḍa-dʰaro guruḥ /17/

Verse: 18 
Halfverse: a    indrasyaiva caturbʰāgaḥ   prajā rakṣati rāgʰava
   indrasya_eva catur-bʰāgaḥ   prajā rakṣati rāgʰava /
Halfverse: c    rājā tasmād vanān bʰogān   bʰuṅkte lokanamaskr̥taḥ
   rājā tasmād vanān bʰogān   bʰuṅkte loka-namas-kr̥taḥ /18/

Verse: 19 
Halfverse: a    te vayaṃ bʰavatā rakṣyā   bʰavadviṣayavāsinaḥ
   te vayaṃ bʰavatā rakṣyā   bʰavad-viṣaya-vāsinaḥ /
Halfverse: c    nagarastʰo vanastʰo vā   tvaṃ no rājā janeśvaraḥ
   nagarastʰo vanastʰo vā   tvaṃ no rājā jana_īśvaraḥ /19/

Verse: 20 
Halfverse: a    nyastadaṇḍā vayaṃ rājañ   jitakrodʰā jitendriyāḥ
   nyasta-daṇḍā vayaṃ rājan   jita-krodʰā jita_indriyāḥ /
Halfverse: c    rakṣitavyās tvayā śaśvad   garbʰabʰūtās tapodʰanāḥ
   rakṣitavyās tvayā śaśvad   garbʰa-bʰūtās tapo-dʰanāḥ /20/

Verse: 21 
Halfverse: a    evam uktvā pʰalair mūlaiḥ   puṣpair vanyaiś ca rāgʰavam
   evam uktvā pʰalair mūlaiḥ   puṣpair vanyaiś ca rāgʰavam /
Halfverse: c    anyaiś ca vividʰāhāraiḥ   salakṣmaṇam apūjayan
   anyaiś ca vividʰa_āhāraiḥ   salakṣmaṇam apūjayan /21/

Verse: 22 
Halfverse: a    tatʰānye tāpasāḥ siddʰā   rāmaṃ vaiśvānaropamāḥ
   tatʰā_anye tāpasāḥ siddʰā   rāmaṃ vaiśvānara_upamāḥ /
Halfverse: c    nyāyavr̥ttā yatʰānyāyaṃ   tarpayām āsur īśvaram
   nyāya-vr̥ttā yatʰā-nyāyaṃ   tarpayāmāsur īśvaram /22/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.