TITUS
Ramayana
Part No. 190
Previous part

Chapter: 2 
Adhyāya 2


Verse: 1 
Halfverse: a    kr̥tātitʰyo 'tʰa rāmas tu   sūryasyodayanaṃ prati
   kr̥ta_ātitʰyo_atʰa rāmas tu   sūryasya_udayanaṃ prati /
Halfverse: c    āmantrya sa munīn sarvān   vanam evānvagāhata
   āmantrya sa munīn sarvān   vanam eva_anvagāhata /1/

Verse: 2 
Halfverse: a    nānāmr̥gagaṇākīrṇaṃ   śārdūlavr̥kasevitam
   nānā-mr̥ga-gaṇa_ākīrṇaṃ   śārdūla-vr̥ka-sevitam /
Halfverse: c    dʰvastavr̥kṣalatāgulmaṃ   durdarśa salilāśayam
   dʰvasta-vr̥kṣa-latā-gulmaṃ   durdarśa salila_āśayam /2/

Verse: 3 
Halfverse: a    niṣkūjanānāśakuni   jʰillikā gaṇanāditam
   niṣkūja-nānā-śakuni   jʰillikā gaṇa-nāditam /
Halfverse: c    lakṣmaṇānugato rāmo   vanamadʰyaṃ dadarśa ha
   lakṣmaṇa_anugato rāmo   vana-madʰyaṃ dadarśa ha /3/

Verse: 4 
Halfverse: a    vanamadʰye tu kākutstʰas   tasmin gʰoramr̥gāyute
   vana-madʰye tu kākutstʰas   tasmin gʰora-mr̥ga_āyute /
Halfverse: c    dadarśa giriśr̥ṅgābʰaṃ   puruṣādaṃ mahāsvanam
   dadarśa giri-śr̥ṅga_ābʰaṃ   puruṣa_adaṃ mahā-svanam /4/

Verse: 5 
Halfverse: a    gabʰīrākṣaṃ mahāvaktraṃ   vikaṭaṃ viṣamodaram
   gabʰīra_akṣaṃ mahā-vaktraṃ   vikaṭaṃ viṣama_udaram /
Halfverse: c    bībʰatsaṃ viṣamaṃ dīrgʰaṃ   vikr̥taṃ gʰoradarśanam
   bībʰatsaṃ viṣamaṃ dīrgʰaṃ   vikr̥taṃ gʰora-darśanam /5/

Verse: 6 
Halfverse: a    vasānaṃ carmavaiyāgʰraṃ   vasārdraṃ rudʰirokṣitam
   vasānaṃ carma-vaiyāgʰraṃ   vasa_ārdraṃ rudʰira_ukṣitam /
Halfverse: c    trāsanaṃ sarvabʰūtānāṃ   vyāditāsyam ivāntakam
   trāsanaṃ sarva-bʰūtānāṃ   vyādita_āsyam iva_antakam /6/

Verse: 7 
Halfverse: a    trīn siṃhāṃś caturo vyāgʰrān   dvau vr̥kau pr̥ṣatān daśa
   trīn siṃhāṃś caturo vyāgʰrān   dvau vr̥kau pr̥ṣatān daśa /
Halfverse: c    saviṣāṇaṃ vasādigdʰaṃ   gajasya ca śiro mahat
   saviṣāṇaṃ vasā-digdʰaṃ   gajasya ca śiro mahat /7/

Verse: 8 
Halfverse: a    avasajyāyase śūle   vinadantaṃ mahāsvanam
   avasajya_āyase śūle   vinadantaṃ mahā-svanam /
Halfverse: c    sa rāmaṃ lakṣmaṇaṃ caiva   sītāṃ dr̥ṣṭvā ca maitʰilīm {!}
   sa rāmaṃ lakṣmaṇaṃ caiva   sītāṃ dr̥ṣṭvā ca maitʰilīm /8/ {!} {!}

Verse: 9 
Halfverse: a    abʰyadʰāvat susaṃkruddʰaḥ   prajāḥ kāla ivāntakaḥ
   abʰyadʰāvat susaṃkruddʰaḥ   prajāḥ kāla iva_antakaḥ /
Halfverse: c    sa kr̥tvā bʰairavaṃ nādaṃ   cālayann iva medinīm
   sa kr̥tvā bʰairavaṃ nādaṃ   cālayann iva medinīm /9/

Verse: 10 
Halfverse: a    aṅgenādāya vaidehīm   apakramya tato 'bravīt
   aṅgena_ādāya vaidehīm   apakramya tato_abravīt /
Halfverse: c    yuvāṃ jaṭācīradʰarau   sabʰāryau kṣīṇajīvitau
   yuvāṃ jaṭā-cīra-dʰarau   sabʰāryau kṣīṇa-jīvitau /10/

Verse: 11 
Halfverse: a    praviṣṭau daṇḍakāraṇyaṃ   śaracāpāsidʰāriṇau
   praviṣṭau daṇḍaka_araṇyaṃ   śara-cāpa_asi-dʰāriṇau /
Halfverse: c    katʰaṃ tāpasayor vāṃ ca   vāsaḥ pramadayā saha
   katʰaṃ tāpasayor vāṃ ca   vāsaḥ pramadayā saha /11/

Verse: 12 
Halfverse: a    adʰarmacāriṇau pāpau   kau yuvāṃ munidūṣakau
   adʰarma-cāriṇau pāpau   kau yuvāṃ muni-dūṣakau /
Halfverse: c    ahaṃ vanam idaṃ durgaṃ   virāgʰo nāma rākṣasaḥ
   ahaṃ vanam idaṃ durgaṃ   virāgʰo nāma rākṣasaḥ /12/

Verse: 13 
Halfverse: a    carāmi sāyudʰo nityam   r̥ṣimāṃsāni bʰakṣayan
   carāmi sāyudʰo nityam   r̥ṣi-māṃsāni bʰakṣayan /
Halfverse: c    iyaṃ nārī varārohā   mama bʰaryā bʰaviṣyati
   iyaṃ nārī vara_ārohā   mama bʰaryā bʰaviṣyati /
Halfverse: e    yuvayoḥ pāpayoś cāhaṃ   pāsyāmi rudʰiraṃ mr̥dʰe
   yuvayoḥ pāpayoś ca_ahaṃ   pāsyāmi rudʰiraṃ mr̥dʰe /13/

Verse: 14 
Halfverse: a    tasyaivaṃ bruvato dʰr̥ṣṭaṃ   virādʰasya durātmanaḥ
   tasya_evaṃ bruvato dʰr̥ṣṭaṃ   virādʰasya durātmanaḥ /
Halfverse: c    śrutvā sagarvitaṃ vākyaṃ   saṃbʰrāntā janakātmajā
   śrutvā sagarvitaṃ vākyaṃ   saṃbʰrāntā janaka_ātmajā /
Halfverse: e    sītā prāvepatodvegāt   pravāte kadalī yatʰā
   sītā prāvepata_udvegāt   pravāte kadalī yatʰā /14/

Verse: 15 
Halfverse: a    tāṃ dr̥ṣṭvā rāgʰavaḥ sītāṃ   virādʰāṅkagatāṃ śubʰām
   tāṃ dr̥ṣṭvā rāgʰavaḥ sītāṃ   virādʰa_aṅka-gatāṃ śubʰām /
Halfverse: c    abravīl lakṣmaṇaṃ vākyaṃ   mukʰena pariśuṣyatā
   abravīl lakṣmaṇaṃ vākyaṃ   mukʰena pariśuṣyatā /15/

Verse: 16 
Halfverse: a    paśya saumya narendrasya   janakasyātmasaṃbʰavām
   paśya saumya nara_indrasya   janakasya_ātma-saṃbʰavām /
Halfverse: c    mama bʰāryāṃ śubʰācārāṃ   virādʰāṅke praveśitām
   mama bʰāryāṃ śubʰa_ācārāṃ   virādʰa_aṅke praveśitām /
Halfverse: e    atyanta sukʰasaṃvr̥ddʰāṃ   rājaputrīṃ yaśasvinīm
   atyanta sukʰa-saṃvr̥ddʰāṃ   rāja-putrīṃ yaśasvinīm /16/

Verse: 17 
Halfverse: a    yad abʰipretam asmāsu   priyaṃ vara vr̥taṃ ca yat
   yad abʰipretam asmāsu   priyaṃ vara vr̥taṃ ca yat /
Halfverse: c    kaikeyyās tu susaṃvr̥ttaṃ   kṣipram adyaiva lakṣmaṇa
   kaikeyyās tu susaṃvr̥ttaṃ   kṣipram adya_eva lakṣmaṇa /17/

Verse: 18 
Halfverse: a    yā na tuṣyati rājyena   putrārtʰe dīrgʰadarśinī
   yā na tuṣyati rājyena   putra_artʰe dīrgʰa-darśinī / {!}
Halfverse: c    yayāhaṃ sarvabʰūtānāṃ   hitaḥ prastʰāpito vanam
   yayā_ahaṃ sarva-bʰūtānāṃ   hitaḥ prastʰāpito vanam /
Halfverse: e    adyedānīṃ sakāmā sā   yā mātā mama madʰyamā
   adya_idānīṃ sakāmā sā   yā mātā mama madʰyamā /18/

Verse: 19 
Halfverse: a    parasparśāt tu vaidehyā   na duḥkʰataram asti me
   para-sparśāt tu vaidehyā   na duḥkʰataram asti me /
Halfverse: c    pitur vināśāt saumitre   svarājyaharaṇāt tatʰā
   pitur vināśāt saumitre   sva-rājya-haraṇāt tatʰā /19/

Verse: 20 
Halfverse: a    iti bruvati kākutstʰe   bāṣpaśokapariplute
   iti bruvati kākutstʰe   bāṣpa-śoka-pariplute /
Halfverse: c    abravīl lakṣmaṇaḥ kruddʰo   ruddʰo nāga iva śvasan
   abravīl lakṣmaṇaḥ kruddʰo   ruddʰo nāga iva śvasan /20/

Verse: 21 
Halfverse: a    anātʰa iva bʰūtānāṃ   nātʰas tvaṃ vāsavopamaḥ
   anātʰa iva bʰūtānāṃ   nātʰas tvaṃ vāsava_upamaḥ /
Halfverse: c    mayā preṣyeṇa kākutstʰa   kimartʰaṃ paritapsyase
   mayā preṣyeṇa kākutstʰa   kim-artʰaṃ paritapsyase /21/

Verse: 22 
Halfverse: a    śareṇa nihatasyādya   mayā kruddʰena rakṣasaḥ
   śareṇa nihatasya_adya   mayā kruddʰena rakṣasaḥ /
Halfverse: c    virādʰasya gatāsor hi   mahī pāsyati śoṇitam
   virādʰasya gata_asor hi   mahī pāsyati śoṇitam /22/

Verse: 23 
Halfverse: a    rājyakāme mama krodʰo   bʰarate yo babʰūva ha
   rājya-kāme mama krodʰo   bʰarate yo babʰūva ha /
Halfverse: c    taṃ virādʰe vimokṣyāmi   vajrī vajram ivācale
   taṃ virādʰe vimokṣyāmi   vajrī vajram iva_acale /23/

Verse: 24 
Halfverse: a    mama bʰujabalavegavegitaḥ   patatu śaro 'sya mahān mahorasi
   mama bʰuja-bala-vega-vegitaḥ   patatu śaro_asya mahān mahā_urasi /
Halfverse: c    vyapanayatu tanoś ca   jīvitaṃ patatu tataś ca mahīṃ vigʰūrṇitaḥ
   vyapanayatu tanoś ca   jīvitaṃ patatu tataś ca mahīṃ vigʰūrṇitaḥ /24/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.