TITUS
Ramayana
Part No. 199
Previous part

Chapter: 11 
Adhyāya 11


Verse: 1 
Halfverse: a    sa praviśyāśramapadaṃ   lakṣmaṇo rāgʰavānujaḥ
   sa praviśya_āśrama-padaṃ   lakṣmaṇo rāgʰava_anujaḥ /
Halfverse: c    agastyaśiṣyam āsādya   vākyam etad uvāca ha
   agastya-śiṣyam āsādya   vākyam etad uvāca ha /1/

Verse: 2 
Halfverse: a    rājā daśaratʰo nāma   jyeṣṭʰas tasya suto balī
   rājā daśaratʰo nāma   jyeṣṭʰas tasya suto balī /
Halfverse: c    rāmaḥ prāpto muniṃ draṣṭuṃ   bʰāryayā saha sītayā
   rāmaḥ prāpto muniṃ draṣṭuṃ   bʰāryayā saha sītayā /2/

Verse: 3 
Halfverse: a    lakṣmaṇo nāma tasyāhaṃ   bʰrātā tv avarajo hitaḥ
   lakṣmaṇo nāma tasya_ahaṃ   bʰrātā tv avarajo hitaḥ /
Halfverse: c    anukūlaś ca bʰaktaś ca   yadi te śrotram āgataḥ
   anukūlaś ca bʰaktaś ca   yadi te śrotram āgataḥ /3/

Verse: 4 
Halfverse: a    te vayaṃ vanam atyugraṃ   praviṣṭāḥ pitr̥śāsanāt
   te vayaṃ vanam atyugraṃ   praviṣṭāḥ pitr̥-śāsanāt /
Halfverse: c    draṣṭum iccʰāmahe sarve   bʰagavantaṃ nivedyatām
   draṣṭum iccʰāmahe sarve   bʰagavantaṃ nivedyatām /4/

Verse: 5 
Halfverse: a    tasya tadvacanaṃ śrutvā   lakṣmaṇasya tapodʰanaḥ
   tasya tad-vacanaṃ śrutvā   lakṣmaṇasya tapo-dʰanaḥ /
Halfverse: c    tatʰety uktvāgniśaraṇaṃ   praviveśa niveditum
   tatʰā_ity uktvā_agni-śaraṇaṃ   praviveśa niveditum /5/

Verse: 6 
Halfverse: a    sa praviśya muni śreṣṭʰaṃ   tapasā duṣpradʰarṣaṇam
   sa praviśya muni śreṣṭʰaṃ   tapasā duṣpradʰarṣaṇam /
Halfverse: c    kr̥tāñjalir uvācedaṃ   rāmāgamanam añjasā
   kr̥ta_añjalir uvāca_idaṃ   rāma_āgamanam añjasā /6/

Verse: 7 
Halfverse: a    putrau daśaratʰasyemau   rāmo lakṣmaṇa eva ca
   putrau daśaratʰasya_imau   rāmo lakṣmaṇa eva ca /
Halfverse: c    praviṣṭāv āśramapadaṃ   sītayā saha bʰāryayā
   praviṣṭāv āśrama-padaṃ   sītayā saha bʰāryayā /7/

Verse: 8 
Halfverse: a    draṣṭuṃ bʰavantam āyātau   śuśrūṣārtʰam ariṃdamau
   draṣṭuṃ bʰavantam āyātau   śuśrūṣa_artʰam ariṃ-damau /
Halfverse: c    yad atrānantaraṃ tattvam   ājñāpayitum arhasi
   yad atra_anantaraṃ tattvam   ājñāpayitum arhasi /8/

Verse: 9 
Halfverse: a    tataḥ śiṣyād upaśrutya   prāptaṃ rāmaṃ salakṣmaṇam
   tataḥ śiṣyād upaśrutya   prāptaṃ rāmaṃ salakṣmaṇam /
Halfverse: c    vaidehīṃ ca mahābʰāgām   idaṃ vacanam abravīt
   vaidehīṃ ca mahā-bʰāgām   idaṃ vacanam abravīt /9/

Verse: 10 
Halfverse: a    diṣṭyā rāmaś cirasyādya   draṣṭuṃ māṃ samupāgataḥ
   diṣṭyā rāmaś cirasya_adya   draṣṭuṃ māṃ samupāgataḥ /
Halfverse: c    manasā kāṅkṣitaṃ hy asya   mayāpy āgamanaṃ prati
   manasā kāṅkṣitaṃ hy asya   mayā_apy āgamanaṃ prati /10/

Verse: 11 
Halfverse: a    gamyatāṃ satkr̥to rāmaḥ   sabʰāryaḥ sahalakṣmaṇaḥ
   gamyatāṃ satkr̥to rāmaḥ   sabʰāryaḥ saha-lakṣmaṇaḥ /
Halfverse: c    praveśyatāṃ samīpaṃ me   kiṃ cāsau na praveśitaḥ
   praveśyatāṃ samīpaṃ me   kiṃ ca_asau na praveśitaḥ /11/

Verse: 12 
Halfverse: a    evam uktas tu muninā   dʰarmajñena mahātmanā
   evam uktas tu muninā   dʰarmajñena mahātmanā /
Halfverse: c    abʰivādyābravīc cʰiṣyas   tatʰeti niyatāñjaliḥ
   abʰivādya_abravīt śiṣyas   tatʰā_iti niyata_añjaliḥ /12/

Verse: 13 
Halfverse: a    tato niṣkramya saṃbʰrāntaḥ   śiṣyo lakṣmaṇam abravīt
   tato niṣkramya saṃbʰrāntaḥ   śiṣyo lakṣmaṇam abravīt /
Halfverse: c    kvāsau rāmo muniṃ draṣṭum   etu praviśatu svayam
   kva_asau rāmo muniṃ draṣṭum   etu praviśatu svayam /13/

Verse: 14 
Halfverse: a    tato gatvāśramapadaṃ   śiṣyeṇa sahalakṣmaṇaḥ
   tato gatvā_āśrama-padaṃ   śiṣyeṇa saha-lakṣmaṇaḥ /
Halfverse: c    darśayām āsa kākutstʰaṃ   sītāṃ ca janakātmajām
   darśayām āsa kākutstʰaṃ   sītāṃ ca janaka_ātmajām /14/

Verse: 15 
Halfverse: a    taṃ śiṣyaḥ praśritaṃ vākyam   agastyavacanaṃ bruvan
   taṃ śiṣyaḥ praśritaṃ vākyam   agastya-vacanaṃ bruvan /
Halfverse: c    prāveśayad yatʰānyāyaṃ   satkārārtʰaṃ susatkr̥tam
   prāveśayad yatʰā-nyāyaṃ   satkāra_artʰaṃ susatkr̥tam /15/

Verse: 16 
Halfverse: a    praviveśa tato rāmaḥ   sītayā sahalakṣmaṇaḥ
   praviveśa tato rāmaḥ   sītayā saha-lakṣmaṇaḥ /
Halfverse: c    praśāntahariṇākīrṇam   āśramaṃ hy avalokayan
   praśānta-hariṇa_ākīrṇam   āśramaṃ hy avalokayan /16/

Verse: 17 
Halfverse: a    sa tatra brahmaṇaḥ stʰānam   agneḥ stʰānaṃ tatʰaiva ca
   sa tatra brahmaṇaḥ stʰānam   agneḥ stʰānaṃ tatʰaiva ca /
Halfverse: c    viṣṇoḥ stʰānaṃ mahendrasya   stʰānaṃ caiva vivasvataḥ
   viṣṇoḥ stʰānaṃ mahā_indrasya   stʰānaṃ caiva vivasvataḥ /17/

Verse: 18 
Halfverse: a    somastʰānaṃ bʰagastʰānaṃ   stʰānaṃ kauberam eva ca
   soma-stʰānaṃ bʰaga-stʰānaṃ   stʰānaṃ kauberam eva ca /
Halfverse: c    dʰātur vidʰātuḥ stʰānaṃ ca   vāyoḥ stʰānaṃ tatʰaiva ca
   dʰātur vidʰātuḥ stʰānaṃ ca   vāyoḥ stʰānaṃ tatʰaiva ca /18/

Verse: 19 
Halfverse: a    tataḥ śiṣyaiḥ parivr̥to   munir apy abʰiniṣpatat
   tataḥ śiṣyaiḥ parivr̥to   munir apy abʰiniṣpatat /
Halfverse: c    taṃ dadarśāgrato rāmo   munīnāṃ dīptatejasaṃ
   taṃ dadarśa_agrato rāmo   munīnāṃ dīpta-tejasaṃ /
Halfverse: e    abravīd vacanaṃ vīro   lakṣmaṇaṃ lakṣmivardʰanam
   abravīd vacanaṃ vīro   lakṣmaṇaṃ lakṣmi-vardʰanam /19/

Verse: 20 
Halfverse: a    eṣa lakṣmaṇa niṣkrāmaty   agastyo bʰagavān r̥ṣiḥ
   eṣa lakṣmaṇa niṣkrāmaty   agastyo bʰagavān r̥ṣiḥ /
Halfverse: c    audāryeṇāvagaccʰāmi   nidʰānaṃ tapasām imam
   audāryeṇa_avagaccʰāmi   nidʰānaṃ tapasām imam /20/

Verse: 21 
Halfverse: a    evam uktvā mahābāhur   agastyaṃ sūryavarcasaṃ
   evam uktvā mahā-bāhur   agastyaṃ sūrya-varcasaṃ /
Halfverse: c    jagrāha paramaprītas   tasya pādau paraṃtapaḥ
   jagrāha parama-prītas   tasya pādau paraṃ-tapaḥ /21/

Verse: 22 
Halfverse: a    abʰivādya tu dʰarmātmā   tastʰau rāmaḥ kr̥tāñjaliḥ
   abʰivādya tu dʰarma_ātmā   tastʰau rāmaḥ kr̥ta_añjaliḥ /
Halfverse: c    sītayā saha vaidehyā   tadā rāma salakṣmaṇaḥ
   sītayā saha vaidehyā   tadā rāma salakṣmaṇaḥ /22/

Verse: 23 
Halfverse: a    pratigr̥hya ca kākutstʰam   arcayitvāsanodakaiḥ
   pratigr̥hya ca kākutstʰam   arcayitvā_āsana_udakaiḥ /
Halfverse: c    kuśalapraśnam uktvā ca   āsyatām iti so 'bravīt
   kuśala-praśnam uktvā ca   āsyatām iti so_abravīt /23/

Verse: 24 
Halfverse: a    agniṃ hutvā pradāyārgʰyam   atitʰiṃ pratipūjya ca
   agniṃ hutvā pradāya_argʰyam   atitʰiṃ pratipūjya ca /
Halfverse: c    vānaprastʰena dʰarmeṇa   sa teṣāṃ bʰojanaṃ dadau
   vānaprastʰena dʰarmeṇa   sa teṣāṃ bʰojanaṃ dadau /24/

Verse: 25 
Halfverse: a    pratʰamaṃ copaviśyātʰa   dʰarmajño munipuṃgavaḥ
   pratʰamaṃ ca_upaviśya_atʰa   dʰarmajño muni-puṃgavaḥ /
Halfverse: c    uvāca rāmam āsīnaṃ   prāñjaliṃ dʰarmakovidam
   uvāca rāmam āsīnaṃ   prāñjaliṃ dʰarma-kovidam /25/

Verse: 26 
Halfverse: a    anyatʰā kʰalu kākutstʰa   tapasvī samudācaran
   anyatʰā kʰalu kākutstʰa   tapasvī samudācaran /
Halfverse: c    duḥsākṣīva pare loke   svāni māṃsāni bʰakṣayet
   duḥsākṣī_iva pare loke   svāni māṃsāni bʰakṣayet /26/

Verse: 27 
Halfverse: a    rājā sarvasya lokasya   dʰarmacārī mahāratʰaḥ
   rājā sarvasya lokasya   dʰarma-cārī mahā-ratʰaḥ /
Halfverse: c    pūjanīyaś ca mānyaś ca   bʰavān prāptaḥ priyātitʰiḥ
   pūjanīyaś ca mānyaś ca   bʰavān prāptaḥ priya_atitʰiḥ /27/

Verse: 28 
Halfverse: a    evam uktvā pʰalair mūlaiḥ   puṣpaiś cānyaiś ca rāgʰavam
   evam uktvā pʰalair mūlaiḥ   puṣpaiś ca_anyaiś ca rāgʰavam /
Halfverse: c    pūjayitvā yatʰākāmaṃ   punar eva tato 'bravīt
   pūjayitvā yatʰā-kāmaṃ   punar eva tato_abravīt /28/

Verse: 29 
Halfverse: a    idaṃ divyaṃ mahac cāpaṃ   hemavajravibʰūṣitam
   idaṃ divyaṃ mahac cāpaṃ   hema-vajra-vibʰūṣitam /
Halfverse: c    vaiṣṇavaṃ puruṣavyāgʰra   nirmitaṃ viśvakarmaṇā
   vaiṣṇavaṃ puruṣa-vyāgʰra   nirmitaṃ viśva-karmaṇā /29/

Verse: 30 
Halfverse: a    amogʰaḥ sūryasaṃkāśo   brahmadattaḥ śarottamaḥ
   amogʰaḥ sūrya-saṃkāśo   brahma-dattaḥ śara_uttamaḥ /
Halfverse: c    datto mama mahendreṇa   tūṇī cākṣayasāyakau
   datto mama mahā_indreṇa   tūṇī ca_akṣaya-sāyakau /30/

Verse: 31 
Halfverse: a    saṃpūrṇau niśitair bāṇair   jvaladbʰir iva pāvakaiḥ
   saṃpūrṇau niśitair bāṇair   jvaladbʰir iva pāvakaiḥ /
Halfverse: c    mahārājata kośo 'yam   asir hemavibʰūṣitaḥ
   mahā-rājata kośo_ayam   asir hema-vibʰūṣitaḥ /

Verse: 32 
Halfverse: a    anena dʰanuṣā rāma   hatvā saṃkʰye mahāsurān
   anena dʰanuṣā rāma   hatvā saṃkʰye mahā_asurān /
Halfverse: c    ājahāra śriyaṃ dīptāṃ   purā viṣṇur divaukasām
   ājahāra śriyaṃ dīptāṃ   purā viṣṇur diva_okasām /32/

Verse: 33 
Halfverse: a    tad dʰanus tau ca tūṇīrau   śaraṃ kʰaḍgaṃ ca mānada
   tad dʰanus tau ca tūṇīrau   śaraṃ kʰaḍgaṃ ca mānada /
Halfverse: c    jayāya pratigr̥hṇīṣva   vajraṃ vajradʰaro yatʰā
   jayāya pratigr̥hṇīṣva   vajraṃ vajra-dʰaro yatʰā /33/

Verse: 34 
Halfverse: a    evam uktvā mahātejāḥ   samastaṃ tad varāyudʰam
   evam uktvā mahā-tejāḥ   samastaṃ tad vara_āyudʰam /
Halfverse: c    dattvā rāmāya bʰagavān   agastyaḥ punar abravīt
   dattvā rāmāya bʰagavān   agastyaḥ punar abravīt /34/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.