TITUS
Ramayana
Part No. 211
Previous part

Chapter: 23 
Adhyāya 23


Verse: 1 
Halfverse: a    āśramaṃ prati yāte tu   kʰare kʰaraparākrame
   āśramaṃ prati yāte tu   kʰare kʰara-parākrame /
Halfverse: c    tān evautpātikān rāmaḥ   saha bʰrātrā dadarśa ha
   tān eva_autpātikān rāmaḥ   saha bʰrātrā dadarśa ha /1/

Verse: 2 
Halfverse: a    tān utpātān mahāgʰorān   uttʰitān romaharṣaṇān
   tān utpātān mahā-gʰorān   uttʰitān roma-harṣaṇān /
Halfverse: c    prajānām ahitān dr̥ṣṭvā   vākyaṃ lakṣmaṇam abravīt
   prajānām ahitān dr̥ṣṭvā   vākyaṃ lakṣmaṇam abravīt /2/

Verse: 3 
Halfverse: a    imān paśya mahābāho   sarvabʰūtāpahāriṇaḥ
   imān paśya mahā-bāho   sarva-bʰūta_apahāriṇaḥ /
Halfverse: c    samuttʰitān mahotpātān   saṃhartuṃ sarvarākṣasān
   samuttʰitān mahā_utpātān   saṃhartuṃ sarva-rākṣasān /3/

Verse: 4 
Halfverse: a    amī rudʰiradʰārās tu   visr̥jantaḥ kʰarasvanān
   amī rudʰira-dʰārās tu   visr̥jantaḥ kʰara-svanān /
Halfverse: c    vyomni megʰā vivartante   paruṣā gardabʰāruṇāḥ
   vyomni megʰā vivartante   paruṣā gardabʰa_aruṇāḥ /4/

Verse: 5 
Halfverse: a    sadʰūmāś ca śarāḥ sarve   mama yuddʰābʰinandinaḥ
   sadʰūmāś ca śarāḥ sarve   mama yuddʰa_abʰinandinaḥ /
Halfverse: c    rukmapr̥ṣṭʰāni cāpāni   viveṣṭante ca lakṣmaṇa
   rukma-pr̥ṣṭʰāni cāpāni   viveṣṭante ca lakṣmaṇa /5/

Verse: 6 
Halfverse: a    yādr̥śā iha kūjanti   pakṣiṇo vanacāriṇaḥ
   yādr̥śā iha kūjanti   pakṣiṇo vana-cāriṇaḥ /
Halfverse: c    agrato no bʰayaṃ prāptaṃ   saṃśayo jīvitasya ca
   agrato no bʰayaṃ prāptaṃ   saṃśayo jīvitasya ca /6/

Verse: 7 
Halfverse: a    saṃprahāras tu sumahān   bʰaviṣyati na saṃśayaḥ
   saṃprahāras tu sumahān   bʰaviṣyati na saṃśayaḥ /
Halfverse: c    ayam ākʰyāti me bāhuḥ   spʰuramāṇo muhur muhuḥ
   ayam ākʰyāti me bāhuḥ   spʰuramāṇo muhur muhuḥ /7/

Verse: 8 
Halfverse: a    saṃnikarṣe tu naḥ śūra   jayaṃ śatroḥ parājayam
   saṃnikarṣe tu naḥ śūra   jayaṃ śatroḥ parājayam /
Halfverse: c    suprabʰaṃ ca prasannaṃ ca   tava vaktraṃ hi lakṣyate
   suprabʰaṃ ca prasannaṃ ca   tava vaktraṃ hi lakṣyate /8/

Verse: 9 
Halfverse: a    udyatānāṃ hi yuddʰārtʰaṃ   yeṣāṃ bʰavati lakṣmaṇaḥ
   udyatānāṃ hi yuddʰa_artʰaṃ   yeṣāṃ bʰavati lakṣmaṇaḥ /
Halfverse: c    niṣprabʰaṃ vadanaṃ teṣāṃ   bʰavaty āyuḥ parikṣayaḥ
   niṣprabʰaṃ vadanaṃ teṣāṃ   bʰavaty āyuḥ parikṣayaḥ /9/

Verse: 10 
Halfverse: a    anāgatavidʰānaṃ tu   kartavyaṃ śubʰam iccʰatā
   anāgata-vidʰānaṃ tu   kartavyaṃ śubʰam iccʰatā /
Halfverse: c    āpadaṃ śaṅkamānena   puruṣeṇa vipaścitā
   āpadaṃ śaṅkamānena   puruṣeṇa vipaścitā /10/

Verse: 11 
Halfverse: a    tasmād gr̥hītvā vaidehīṃ   śarapāṇir dʰanurdʰaraḥ
   tasmād gr̥hītvā vaidehīṃ   śara-pāṇir dʰanur-dʰaraḥ /
Halfverse: c    guhām āśrayaśailasya   durgāṃ pādapasaṃkulām
   guhām āśraya-śailasya   durgāṃ pādapa-saṃkulām /11/

Verse: 12 
Halfverse: a    pratikūlitum iccʰāmi   na hi vākyam idaṃ tvayā
   pratikūlitum iccʰāmi   na hi vākyam idaṃ tvayā /
Halfverse: c    śāpito mama pādābʰyāṃ   gamyatāṃ vatsa māciram
   śāpito mama pādābʰyāṃ   gamyatāṃ vatsa māciram /12/

Verse: 13 
Halfverse: a    evam uktas tu rāmeṇa   lakṣmaṇaḥ saha sītayā
   evam uktas tu rāmeṇa   lakṣmaṇaḥ saha sītayā /
Halfverse: c    śarān ādāya cāpaṃ ca   guhāṃ durgāṃ samāśrayat
   śarān ādāya cāpaṃ ca   guhāṃ durgāṃ samāśrayat /13/

Verse: 14 
Halfverse: a    tasmin praviṣṭe tu guhāṃ   lakṣmaṇe saha sītayā
   tasmin praviṣṭe tu guhāṃ   lakṣmaṇe saha sītayā /
Halfverse: c    hanta niryuktam ity uktvā   rāmaḥ kavacam āviśat
   hanta niryuktam ity uktvā   rāmaḥ kavacam āviśat /14/

Verse: 15 
Halfverse: a    sā tenāgninikāśena   kavacena vibʰūṣitaḥ
   sā tena_agni-nikāśena   kavacena vibʰūṣitaḥ /
Halfverse: c    babʰūva rāmas timire   vidʰūmo 'gnir ivottʰitaḥ
   babʰūva rāmas timire   vidʰūmo_agnir iva_uttʰitaḥ /15/

Verse: 16 
Halfverse: a    sa cāpam udyamya mahac   cʰarān ādāya vīryavān
   sa cāpam udyamya mahat   śarān ādāya vīryavān /
Halfverse: c    babʰūvāvastʰitas tatra   jyāsvanaiḥ pūrayan diśaḥ
   babʰūva_avastʰitas tatra   jyā-svanaiḥ pūrayan diśaḥ /16/

Verse: 17 
Halfverse: a    tato devāḥ sagandʰarvāḥ   siddʰāś ca saha cāraṇaiḥ
   tato devāḥ sagandʰarvāḥ   siddʰāś ca saha cāraṇaiḥ /
Halfverse: c    ūcuḥ paramasaṃtrastā   guhyakāś ca parasparam
   ūcuḥ parama-saṃtrastā   guhyakāś ca parasparam /17/

Verse: 18 
Halfverse: a    caturdaśa sahasrāṇi   rakṣasāṃ bʰīmakarmaṇām
   caturdaśa sahasrāṇi   rakṣasāṃ bʰīma-karmaṇām /
Halfverse: c    ekaś ca rāmo dʰarmātmā   katʰaṃ yuddʰaṃ bʰaviṣyati
   ekaś ca rāmo dʰarma_ātmā   katʰaṃ yuddʰaṃ bʰaviṣyati /18/

Verse: 19 
Halfverse: a    tato gambʰīranirhrādaṃ   gʰoravarmāyudʰadʰvajam
   tato gambʰīra-nirhrādaṃ   gʰora-varma_āyudʰa-dʰvajam /
Halfverse: c    anīkaṃ yātudʰānānāṃ   samantāt pratyadr̥śyata
   anīkaṃ yātu-dʰānānāṃ   samantāt pratyadr̥śyata /19/

Verse: 20 
Halfverse: a    siṃhanādaṃ visr̥jatām   anyonyam abʰigarjatām
   siṃha-nādaṃ visr̥jatām   anyonyam abʰigarjatām /
Halfverse: c    cāpāni vispʰarayatāṃ   jr̥mbʰatāṃ cāpy abʰīkṣṇaśaḥ
   cāpāni vispʰarayatāṃ   jr̥mbʰatāṃ ca_apy abʰīkṣṇaśaḥ /20/

Verse: 21 
Halfverse: a    vipragʰuṣṭasvanānāṃ ca   dundubʰīṃś cāpi nigʰnatām
   vipragʰuṣṭa-svanānāṃ ca   dundubʰīṃś ca_api nigʰnatām /
Halfverse: c    teṣāṃ sutumulaḥ śabdaḥ   pūrayām āsa tad vanam
   teṣāṃ sutumulaḥ śabdaḥ   pūrayām āsa tad vanam /21/

Verse: 22 
Halfverse: a    tena śabdena vitrastāḥ   śvāpadā vanacāriṇaḥ
   tena śabdena vitrastāḥ   śvā-padā vana-cāriṇaḥ /
Halfverse: c    dudruvur yatra niḥśabdaṃ   pr̥ṣṭʰato nāvalokayan
   dudruvur yatra niḥśabdaṃ   pr̥ṣṭʰato na_avalokayan /22/

Verse: 23 
Halfverse: a    tat tv anīkaṃ mahāvegaṃ   rāmaṃ samupasarpata
   tat tv anīkaṃ mahā-vegaṃ   rāmaṃ samupasarpata /
Halfverse: c    gʰr̥tanānāpraharaṇaṃ   gambʰīraṃ sāgaropamam
   gʰr̥ta-nānā-praharaṇaṃ   gambʰīraṃ sāgara_upamam /23/

Verse: 24 
Halfverse: a    rāmo 'pi cārayaṃś cakṣuḥ   sarvato raṇapaṇḍitaḥ
   rāmo_api cārayaṃś cakṣuḥ   sarvato raṇa-paṇḍitaḥ /
Halfverse: c    dadarśa kʰarasainyaṃ tad   yuddʰābʰimukʰam udyatam
   dadarśa kʰara-sainyaṃ tad   yuddʰa_abʰimukʰam udyatam /24/

Verse: 25 
Halfverse: a    vitatya ca dʰanur bʰīmaṃ   tūṇyāś coddʰr̥tya sāyakān
   vitatya ca dʰanur bʰīmaṃ   tūṇyāś ca_uddʰr̥tya sāyakān /
Halfverse: c    krodʰam āhārayat tīvraṃ   vadʰārtʰaṃ sarvarakṣasām
   krodʰam āhārayat tīvraṃ   vadʰa_artʰaṃ sarva-rakṣasām /25/

Verse: 26 
Halfverse: a    duṣprekṣyaḥ so 'bʰavat kruddʰo   yugāntāgnir iva jvalan
   duṣprekṣyaḥ so_abʰavat kruddʰo   yuga_anta_agnir iva jvalan /
Halfverse: c    taṃ dr̥ṣṭvā tejasāviṣṭaṃ   prāvyatʰan vanadevatāḥ
   taṃ dr̥ṣṭvā tejasā_āviṣṭaṃ   prāvyatʰan vana-devatāḥ /26/

Verse: 27 
Halfverse: a    tasya kruddʰasya rūpaṃ tu   rāmasya dadr̥śe tadā
   tasya kruddʰasya rūpaṃ tu   rāmasya dadr̥śe tadā /
Halfverse: c    dakṣasyeva kratuṃ hantum   udyatasya pinākinaḥ
   dakṣasya_iva kratuṃ hantum   udyatasya pinākinaḥ /27/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.