TITUS
Ramayana
Part No. 235
Previous part

Chapter: 47 
Adhyāya 47


Verse: 1 
Halfverse: a    sītāyā vacanaṃ śrutvā   daśagrīvaḥ pratāpavān
   sītāyā vacanaṃ śrutvā   daśagrīvaḥ pratāpavān /
Halfverse: c    haste hastaṃ samāhatya   cakāra sumahad vapuḥ
   haste hastaṃ samāhatya   cakāra sumahad vapuḥ /1/

Verse: 2 
Halfverse: a    sa maitʰilīṃ punar vākyaṃ   babʰāṣe ca tato bʰr̥śam
   sa maitʰilīṃ punar vākyaṃ   babʰāṣe ca tato bʰr̥śam /
Halfverse: c    nonmattayā śrutau manye   mama vīryaparākramau
   na_unmattayā śrutau manye   mama vīrya-parākramau /2/

Verse: 3 
Halfverse: a    udvaheyaṃ bʰujābʰyāṃ tu   medinīm ambare stʰitaḥ
   udvaheyaṃ bʰujābʰyāṃ tu   medinīm ambare stʰitaḥ /
Halfverse: c    āpibeyaṃ samudraṃ ca   mr̥tyuṃ hanyāṃ raṇe stʰitaḥ
   āpibeyaṃ samudraṃ ca   mr̥tyuṃ hanyāṃ raṇe stʰitaḥ /3/

Verse: 4 
Halfverse: a    arkaṃ rundʰyāṃ śarais tīkṣṇair   vibʰindyāṃ hi mahītalam
   arkaṃ rundʰyāṃ śarais tīkṣṇair   vibʰindyāṃ hi mahī-talam /
Halfverse: c    kāmarūpiṇam unmatte   paśya māṃ kāmadaṃ patim
   kāma-rūpiṇam unmatte   paśya māṃ kāmadaṃ patim /4/

Verse: 5 
Halfverse: a    evam uktavatas tasya   rāvaṇasya śikʰiprabʰe
   evam uktavatas tasya   rāvaṇasya śikʰi-prabʰe /
Halfverse: c    kruddʰasya hariparyante   rakte netre babʰūvatuḥ
   kruddʰasya hari-paryante   rakte netre babʰūvatuḥ /5/

Verse: 6 
Halfverse: a    sadyaḥ saumyaṃ parityajya   bʰikṣurūpaṃ sa rāvaṇaḥ
   sadyaḥ saumyaṃ parityajya   bʰikṣu-rūpaṃ sa rāvaṇaḥ /
Halfverse: c    svaṃ rūpaṃ kālarūpābʰaṃ   bʰeje vaiśravaṇānujaḥ
   svaṃ rūpaṃ kāla-rūpa_ābʰaṃ   bʰeje vaiśravaṇa_anujaḥ /6/

Verse: 7 
Halfverse: a    saṃraktanayanaḥ śrīmāṃs   taptakāñcanakuṇḍalaḥ
   saṃrakta-nayanaḥ śrīmāṃs   tapta-kāñcana-kuṇḍalaḥ /
Halfverse: c    daśāsyaḥ kārmukī bāṇī   babʰūva kṣaṇadācaraḥ
   daśa_āsyaḥ kārmukī bāṇī   babʰūva kṣaṇadā-caraḥ /7/

Verse: 8 
Halfverse: a    sa parivrājakaccʰadma   mahākāyo vihāya tat
   sa parivrājakac-cʰadma   mahā-kāyo vihāya tat /
Halfverse: c    pratipede svakaṃ rūpaṃ   rāvaṇo rākṣasādʰipaḥ
   pratipede svakaṃ rūpaṃ   rāvaṇo rākṣasa_adʰipaḥ /8/

Verse: 9 
Halfverse: a    saṃraktanayanaḥ krodʰāj   jīmūtanicayaprabʰaḥ
   saṃrakta-nayanaḥ krodʰāj   jīmūta-nicaya-prabʰaḥ /
Halfverse: c    raktāmbaradʰaras tastʰau   strīratnaṃ prekṣya maitʰilīm
   rakta_ambara-dʰaras tastʰau   strī-ratnaṃ prekṣya maitʰilīm /9/

Verse: 10 
Halfverse: a    sa tām asitakeśāntāṃ   bʰāskarasya prabʰām iva
   sa tām asita-keśa_antāṃ   bʰāskarasya prabʰām iva /
Halfverse: c    vasanābʰaraṇopetāṃ   maitʰilīṃ rāvaṇo 'bravīt
   vasana_ābʰaraṇa_upetāṃ   maitʰilīṃ rāvaṇo_abravīt /10/

Verse: 11 
Halfverse: a    triṣu lokeṣu vikʰyātaṃ   yadi bʰartāram iccʰasi
   triṣu lokeṣu vikʰyātaṃ   yadi bʰartāram iccʰasi /
Halfverse: c    mām āśraya varārohe   tavāhaṃ sadr̥śaḥ patiḥ
   mām āśraya vara_ārohe   tava_ahaṃ sadr̥śaḥ patiḥ /11/

Verse: 12 
Halfverse: a    māṃ bʰajasva cirāya tvam   ahaṃ ślāgʰyas tava priyaḥ
   māṃ bʰajasva cirāya tvam   ahaṃ ślāgʰyas tava priyaḥ /
Halfverse: c    naiva cāhaṃ kva cid bʰadre   kariṣye tava vipriyam
   na_eva ca_ahaṃ kvacid bʰadre   kariṣye tava vipriyam /
Halfverse: e    tyajyatāṃ mānuṣo bʰāvo   mayi bʰāvaḥ praṇīyatām
   tyajyatāṃ mānuṣo bʰāvo   mayi bʰāvaḥ praṇīyatām /12/

Verse: 13 
Halfverse: a    rājyāc cyutam asiddʰārtʰaṃ   rāmaṃ parimitāyuṣam
   rājyāc cyutam asiddʰa_artʰaṃ   rāmaṃ parimita_āyuṣam /
Halfverse: c    kair guṇair anuraktāsi   mūḍʰe paṇḍitamānini
   kair guṇair anuraktā_asi   mūḍʰe paṇḍita-mānini /13/

Verse: 14 
Halfverse: a    yaḥ striyā vacanād rājyaṃ   vihāya sasuhr̥jjanam
   yaḥ striyā vacanād rājyaṃ   vihāya sasuhr̥j-janam /
Halfverse: c    asmin vyālānucarite   vane vasati durmatiḥ
   asmin vyāla_anucarite   vane vasati durmatiḥ /14/

Verse: 15 
Halfverse: a    ity uktvā maitʰilīṃ vākyaṃ   priyārhāṃ priyavādinīm
   ity uktvā maitʰilīṃ vākyaṃ   priya_arhāṃ priya-vādinīm /
Halfverse: c    jagrāha rāvaṇaḥ sītāṃ   budʰaḥ kʰe rohiṇīm iva
   jagrāha rāvaṇaḥ sītāṃ   budʰaḥ kʰe rohiṇīm iva /15/

Verse: 16 
Halfverse: a    vāmena sītāṃ padmākṣīṃ   mūrdʰajeṣu kareṇa saḥ
   vāmena sītāṃ padma_akṣīṃ   mūrdʰajeṣu kareṇa saḥ /
Halfverse: c    ūrvos tu dakṣiṇenaiva   parijagrāha pāṇinā
   ūrvos tu dakṣiṇena_eva   parijagrāha pāṇinā /16/

Verse: 17 
Halfverse: a    taṃ dr̥ṣṭvā giriśr̥ṅgābʰaṃ   tīkṣṇadaṃṣṭraṃ mahābʰujam
   taṃ dr̥ṣṭvā giri-śr̥ṅga_ābʰaṃ   tīkṣṇa-daṃṣṭraṃ mahā-bʰujam /
Halfverse: c    prādravan mr̥tyusaṃkāśaṃ   bʰayārtā vanadevatāḥ
   prādravan mr̥tyu-saṃkāśaṃ   bʰaya_ārtā vana-devatāḥ /17/

Verse: 18 
Halfverse: a    sa ca māyāmayo divyaḥ   kʰarayuktaḥ kʰarasvanaḥ
   sa ca māyāmayo divyaḥ   kʰara-yuktaḥ kʰara-svanaḥ /
Halfverse: c    pratyadr̥śyata hemāṅgo   rāvaṇasya mahāratʰaḥ
   pratyadr̥śyata hema_aṅgo   rāvaṇasya mahā-ratʰaḥ /18/

Verse: 19 
Halfverse: a    tatas tāṃ paruṣair vākyair   abʰitarjya mahāsvanaḥ
   tatas tāṃ paruṣair vākyair   abʰitarjya mahā-svanaḥ /
Halfverse: c    aṅkenādāya vaidehīṃ   ratʰam āropayat tadā
   aṅkena_ādāya vaidehīṃ   ratʰam āropayat tadā /19/

Verse: 20 
Halfverse: a    sā gr̥hītāticukrośa   rāvaṇena yaśasvinī
   sā gr̥hītā_aticukrośa   rāvaṇena yaśasvinī /
Halfverse: c    rāmeti sītā duḥkʰārtā   rāmaṃ dūragataṃ vane
   rāma_iti sītā duḥkʰa_ārtā   rāmaṃ dūra-gataṃ vane /20/

Verse: 21 
Halfverse: a    tām akāmāṃ sa kāmārtaḥ   pannagendravadʰūm iva
   tām akāmāṃ sa kāma_ārtaḥ   pannaga_indra-vadʰūm iva /
Halfverse: c    viveṣṭamānām ādāya   utpapātʰātʰa rāvaṇaḥ
   viveṣṭamānām ādāya   utpapātʰa_atʰa rāvaṇaḥ /21/

Verse: 22 
Halfverse: a    tataḥ sā rākṣasendreṇa   hriyamāṇā vihāyasā
   tataḥ sā rākṣasa_indreṇa   hriyamāṇā vihāyasā /
Halfverse: c    bʰr̥śaṃ cukrośa matteva   bʰrāntacittā yatʰāturā
   bʰr̥śaṃ cukrośa mattā_iva   bʰrānta-cittā yatʰā_āturā /22/ {!}

Verse: 23 
Halfverse: a    hā lakṣmaṇa mahābāho   gurucittaprasādaka
   hā lakṣmaṇa mahā-bāho   guru-citta-prasādaka /
Halfverse: c    hriyamāṇāṃ na jānīṣe   rakṣasā kāmarūpiṇā
   hriyamāṇāṃ na jānīṣe   rakṣasā kāma-rūpiṇā /23/

Verse: 24 
Halfverse: a    jīvitaṃ sukʰam artʰāṃś ca   dʰarmahetoḥ parityajan
   jīvitaṃ sukʰam artʰāṃś ca   dʰarma-hetoḥ parityajan /
Halfverse: c    hriyamāṇām adʰarmeṇa   māṃ rāgʰava na paśyasi
   hriyamāṇām adʰarmeṇa   māṃ rāgʰava na paśyasi /24/

Verse: 25 
Halfverse: a    nanu nāmāvinītānāṃ   vinetāsi paraṃtapa
   nanu nāma_avinītānāṃ   vinetā_asi paraṃ-tapa /
Halfverse: c    katʰam evaṃvidʰaṃ pāpaṃ   na tvaṃ śādʰi hi rāvaṇam
   katʰam evaṃ-vidʰaṃ pāpaṃ   na tvaṃ śādʰi hi rāvaṇam /25/

Verse: 26 
Halfverse: a    nanu sadyo 'vinītasya   dr̥śyate karmaṇaḥ pʰalam
   nanu sadyo_avinītasya   dr̥śyate karmaṇaḥ pʰalam /
Halfverse: c    kālo 'py aṅgī bʰavaty atra   sasyānām iva paktaye
   kālo_apy aṅgī bʰavaty atra   sasyānām iva paktaye /26/

Verse: 27 
Halfverse: a    sa karma kr̥tavān etat   kālopahatacetanaḥ
   sa karma kr̥tavān etat   kāla_upahata-cetanaḥ /
Halfverse: c    jīvitāntakaraṃ gʰoraṃ   rāmād vyasanam āpnuhi
   jīvita_anta-karaṃ gʰoraṃ   rāmād vyasanam āpnuhi /27/

Verse: 28 
Halfverse: a    hantedānīṃ sakāmā tu   kaikeyī bāndʰavaiḥ saha
   hanta_idānīṃ sakāmā tu   kaikeyī bāndʰavaiḥ saha /
Halfverse: c    hriyeyaṃ dʰarmakāmasya   dʰarmapatnī yaśasvinaḥ
   hriyeyaṃ dʰarma-kāmasya   dʰarma-patnī yaśasvinaḥ /28/

Verse: 29 
Halfverse: a    āmantraye janastʰānaṃ   karṇikārāṃś ca puṣpitān
   āmantraye jana-stʰānaṃ   karṇi-kārāṃś ca puṣpitān /
Halfverse: c    kṣipraṃ rāmāya śaṃsadʰvaṃ   sītāṃ harati rāvaṇaḥ
   kṣipraṃ rāmāya śaṃsadʰvaṃ   sītāṃ harati rāvaṇaḥ /29/

Verse: 30 
Halfverse: a    mālyavantaṃ śikʰariṇaṃ   vande prasravaṇaṃ girim
   mālyavantaṃ śikʰariṇaṃ   vande prasravaṇaṃ girim /
Halfverse: c    kṣipraṃ rāmāya śaṃsadʰvaṃ   sītāṃ harati rāvaṇaḥ
   kṣipraṃ rāmāya śaṃsadʰvaṃ   sītāṃ harati rāvaṇaḥ /30/

Verse: 31 
Halfverse: a    haṃsasārasasaṃgʰuṣṭāṃ   vande godāvarīṃ nadīm
   haṃsa-sārasa-saṃgʰuṣṭāṃ   vande godāvarīṃ nadīm /
Halfverse: c    kṣipraṃ rāmāya śaṃsadʰvaṃ   sītāṃ harati rāvaṇaḥ
   kṣipraṃ rāmāya śaṃsadʰvaṃ   sītāṃ harati rāvaṇaḥ /31/

Verse: 32 
Halfverse: a    daivatāni ca yānty asmin   vane vividʰapādape
   daivatāni ca yānty asmin   vane vividʰa-pādape /
Halfverse: c    namaskaromy ahaṃ tebʰyo   bʰartuḥ śaṃsata māṃ hr̥tām
   namas-karomy ahaṃ tebʰyo   bʰartuḥ śaṃsata māṃ hr̥tām /32/

Verse: 33 
Halfverse: a    yāni kāni cid apy atra   sattvāni nivasanty uta
   yāni kānicid apy atra   sattvāni nivasanty uta /
Halfverse: c    sarvāṇi śaraṇaṃ yāmi   mr̥gapakṣigaṇān api
   sarvāṇi śaraṇaṃ yāmi   mr̥ga-pakṣi-gaṇān api /33/

Verse: 34 
Halfverse: a    hriyamāṇāṃ priyāṃ bʰartuḥ   prāṇebʰyo 'pi garīyasīm
   hriyamāṇāṃ priyāṃ bʰartuḥ   prāṇebʰyo_api garīyasīm /
Halfverse: c    vivaśāpahr̥tā sītā   rāvaṇeneti śaṃsata
   vivaśa_apahr̥tā sītā   rāvaṇena_iti śaṃsata /34/

Verse: 35 
Halfverse: a    viditvā māṃ mahābāhur   amutrāpi mahābalaḥ
   viditvā māṃ mahā-bāhur   amutra_api mahā-balaḥ /
Halfverse: c    āneṣyati parākramya   vaivasvatahr̥tām api
   āneṣyati parākramya   vaivasvata-hr̥tām api /35/

Verse: 36 
Halfverse: a    rāmāya tu yatʰātattvaṃ   jaṭāyo haraṇaṃ mama
   rāmāya tu yatʰā-tattvaṃ   jaṭāyo haraṇaṃ mama /
Halfverse: c    lakṣmaṇāya ca tat sarvam   ākʰyātavyam aśeṣataḥ
   lakṣmaṇāya ca tat sarvam   ākʰyātavyam aśeṣataḥ /36/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.