TITUS
Ramayana
Part No. 247
Previous part

Chapter: 59 
Adhyāya 59


Verse: 1 
Halfverse: a    dr̥ṣṭāśramapadaṃ śūnyaṃ   rāmo daśaratʰātmajaḥ
   dr̥ṣṭa_āśrama-padaṃ śūnyaṃ   rāmo daśaratʰa_ātmajaḥ /
Halfverse: c    rahitāṃ parṇaśālāṃ ca   vidʰvastāny āsanāni ca
   rahitāṃ parṇa-śālāṃ ca   vidʰvastāny āsanāni ca /1/

Verse: 2 
Halfverse: a    adr̥ṣṭvā tatra vaidehīṃ   saṃnirīkṣya ca sarvaśaḥ
   adr̥ṣṭvā tatra vaidehīṃ   saṃnirīkṣya ca sarvaśaḥ /
Halfverse: c    uvāca rāmaḥ prākruśya   pragr̥hya rucirau bʰujau
   uvāca rāmaḥ prākruśya   pragr̥hya rucirau bʰujau /2/

Verse: 3 
Halfverse: a    kva nu lakṣmaṇa vaidehī   kaṃ vā deśam ito gatā
   kva nu lakṣmaṇa vaidehī   kaṃ vā deśam ito gatā /
Halfverse: c    kenāhr̥tā vā saumitre   bʰakṣitā kena vā priyā
   kena_āhr̥tā vā saumitre   bʰakṣitā kena vā priyā /3/

Verse: 4 
Halfverse: a    vr̥ṣkeṇāvārya yadi māṃ   sīte hasitum iccʰasi
   vr̥ṣkeṇa_āvārya yadi māṃ   sīte hasitum iccʰasi /
Halfverse: c    alaṃ te hasitenādya   māṃ bʰajasva suduḥkʰitam
   alaṃ te hasitena_adya   māṃ bʰajasva suduḥkʰitam /4/

Verse: 5 
Halfverse: a    yaiḥ saha krīḍase sīte   viśvastair mr̥gapotakaiḥ
   yaiḥ saha krīḍase sīte   viśvastair mr̥ga-potakaiḥ /
Halfverse: c    ete hīnās tvayā saumye   dʰyāyanty asrāvilekṣaṇāḥ
   ete hīnās tvayā saumye   dʰyāyanty asra_āvila_īkṣaṇāḥ /5/

Verse: 6 
Halfverse: a    mr̥taṃ śokena mahatā   sītāharaṇajena mām
   mr̥taṃ śokena mahatā   sītā-haraṇajena mām /
Halfverse: c    paraloke mahārājo   nūnaṃ drakṣyati me pitā
   para-loke mahā-rājo   nūnaṃ drakṣyati me pitā /6/

Verse: 7 
Halfverse: a    katʰaṃ pratijñāṃ saṃśrutya   mayā tvam abʰiyojitaḥ
   katʰaṃ pratijñāṃ saṃśrutya   mayā tvam abʰiyojitaḥ /
Halfverse: c    apūrayitvā taṃ kālaṃ   matsakāśam ihāgataḥ
   apūrayitvā taṃ kālaṃ   mat-sakāśam iha_āgataḥ /7/

Verse: 8 
Halfverse: a    kāmavr̥ttam anāryaṃ māṃ   mr̥ṣāvādinam eva ca
   kāma-vr̥ttam anāryaṃ māṃ   mr̥ṣā-vādinam eva ca /
Halfverse: c    dʰik tvām iti pare loke   vyaktaṃ vakṣyati me pitā
   dʰik tvām iti pare loke   vyaktaṃ vakṣyati me pitā /8/

Verse: 9 
Halfverse: a    vivaśaṃ śokasaṃtaptaṃ   dīnaṃ bʰagnamanoratʰam
   vivaśaṃ śoka-saṃtaptaṃ   dīnaṃ bʰagna-mano-ratʰam /
Halfverse: c    mām ihotsr̥jya karuṇaṃ   kīrtir naram ivānr̥jum
   mām iha_utsr̥jya karuṇaṃ   kīrtir naram iva_anr̥jum /9/

Verse: 10 
Halfverse: a    kva gaccʰasi varārohe   mām utsr̥jya sumadʰyame
   kva gaccʰasi vara_ārohe   mām utsr̥jya sumadʰyame /
Halfverse: c    tvayā virahitaś cāhaṃ   mokṣye jīvitam ātmanaḥ
   tvayā virahitaś ca_ahaṃ   mokṣye jīvitam ātmanaḥ /10/

Verse: 11 
Halfverse: a    itīva vilapan rāmaḥ   sītādarśanalālasaḥ
   iti_iva vilapan rāmaḥ   sītā-darśana-lālasaḥ /
Halfverse: c    na dadarśa suduḥkʰārto   rāgʰavo janakātmajām
   na dadarśa suduḥkʰa_ārto   rāgʰavo janaka_ātmajām /11/

Verse: 12 
Halfverse: a    anāsādayamānaṃ taṃ   sītāṃ daśaratʰātmajam
   anāsādayamānaṃ taṃ   sītāṃ daśaratʰa_ātmajam /
Halfverse: c    paṅkam āsādya vipulaṃ   sīdantam iva kuñjaram
   paṅkam āsādya vipulaṃ   sīdantam iva kuñjaram /
Halfverse: e    lakṣmaṇo rāmam atyartʰam   uvāca hitakāmyayā
   lakṣmaṇo rāmam atyartʰam   uvāca hita-kāmyayā /12/

Verse: 13 
Halfverse: a    mā viṣādaṃ mahābāho   kuru yatnaṃ mayā saha
   mā viṣādaṃ mahā-bāho   kuru yatnaṃ mayā saha /
Halfverse: c    idaṃ ca hi vanaṃ śūra   bahukandaraśobʰitam
   idaṃ ca hi vanaṃ śūra   bahu-kandara-śobʰitam /13/

Verse: 14 
Halfverse: a    priyakānanasaṃcārā   vanonmattā ca maitʰilī
   priya-kānana-saṃcārā   vana_unmattā ca maitʰilī /
Halfverse: c    sā vanaṃ vā praviṣṭā syān   nalinīṃ vā supuṣpitām
   sā vanaṃ vā praviṣṭā syān   nalinīṃ vā supuṣpitām /14/

Verse: 15 
Halfverse: a    saritaṃ vāpi saṃprāptā   mīnavañjurasevitām
   saritaṃ vā_api saṃprāptā   mīna-vañjura-sevitām /
Halfverse: c    vitrāsayitukāmā vā   līnā syāt kānane kva cit
   vitrāsayitu-kāmā vā   līnā syāt kānane kvacit /
Halfverse: e    jijñāsamānā vaidehī   tvāṃ māṃ ca puruṣarṣabʰa
   jijñāsamānā vaidehī   tvāṃ māṃ ca puruṣa-r̥ṣabʰa /15/

Verse: 16 
Halfverse: a    tasyā hy anveṣaṇe śrīman   kṣipram eva yatāvahe
   tasyā hy anveṣaṇe śrīman   kṣipram eva yatāvahe /
Halfverse: c    vanaṃ sarvaṃ vicinuvo   yatra sā janakātmajā
   vanaṃ sarvaṃ vicinuvo   yatra sā janaka_ātmajā /
Halfverse: e    manyase yadi kākutstʰa   mā sma śoke manaḥ kr̥tʰāḥ
   manyase yadi kākutstʰa   mā sma śoke manaḥ kr̥tʰāḥ /16/

Verse: 17 
Halfverse: a    evam uktas tu sauhārdāl   lakṣmaṇena samāhitaḥ
   evam uktas tu sauhārdāl   lakṣmaṇena samāhitaḥ /
Halfverse: c    saha saumitriṇā rāmo   vicetum upacakrame
   saha saumitriṇā rāmo   vicetum upacakrame /17/
Halfverse: e    tau vanāni girīṃś caiva   saritaś ca sarāṃsi ca
   tau vanāni girīṃś caiva   saritaś ca sarāṃsi ca /

Verse: 18 
Halfverse: a    nikʰilena vicinvantau   sītāṃ daśaratʰātmajau
   nikʰilena vicinvantau   sītāṃ daśaratʰa_ātmajau /18/
Halfverse: c    tasya śailasya sānūni   guhāś ca śikʰarāṇi ca
   tasya śailasya sānūni   guhāś ca śikʰarāṇi ca /

Verse: 19 
Halfverse: a    nikʰilena vicinvantau   naiva tām abʰijagmatuḥ
   nikʰilena vicinvantau   na_eva tām abʰijagmatuḥ /19/
Halfverse: c    vicitya sarvataḥ śailaṃ   rāmo lakṣmaṇam abravīt
   vicitya sarvataḥ śailaṃ   rāmo lakṣmaṇam abravīt /

Verse: 20 
Halfverse: a    neha paśyāmi saumitre   vaidehīṃ parvate śubʰe
   na_iha paśyāmi saumitre   vaidehīṃ parvate śubʰe /20/
Halfverse: c    tato duḥkʰābʰisaṃtapto   lakṣmaṇo vākyam abravīt
   tato duḥkʰa_abʰisaṃtapto   lakṣmaṇo vākyam abravīt /

Verse: 21 
Halfverse: a    vicaran daṇḍakāraṇyaṃ   bʰrātaraṃ dīptatejasaṃ
   vicaran daṇḍaka_araṇyaṃ   bʰrātaraṃ dīpta-tejasaṃ /21/
Halfverse: c    prāpsyasi tvaṃ mahāprājña   maitʰilīṃ janakātmajām
   prāpsyasi tvaṃ mahā-prājña   maitʰilīṃ janaka_ātmajām /

Verse: 22 
Halfverse: a    yatʰā viṣṇur mahābāhur   baliṃ baddʰvā mahīm imām
   yatʰā viṣṇur mahā-bāhur   baliṃ baddʰvā mahīm imām /22/
Halfverse: c    evam uktas tu vīreṇa   lakṣmaṇena sa rāgʰavaḥ
   evam uktas tu vīreṇa   lakṣmaṇena sa rāgʰavaḥ /

Verse: 23 
Halfverse: a    uvāca dīnayā vācā   duḥkʰābʰihatacetanaḥ
   uvāca dīnayā vācā   duḥkʰa_abʰihata-cetanaḥ /23/
Halfverse: c    vanaṃ sarvaṃ suvicitaṃ   padminyaḥ pʰullapaṅkajāḥ
   vanaṃ sarvaṃ suvicitaṃ   padminyaḥ pʰulla-paṅkajāḥ /

Verse: 24 
Halfverse: a    giriś cāyaṃ mahāprājña   bahukandaranirjʰaraḥ
   giriś ca_ayaṃ mahā-prājña   bahu-kandara-nirjʰaraḥ /
Halfverse: c    na hi paśyāmi vaidehīṃ   prāṇebʰyo 'pi garīyasīm
   na hi paśyāmi vaidehīṃ   prāṇebʰyo_api garīyasīm /24/

Verse: 25 
Halfverse: a    evaṃ sa vilapan rāmaḥ   sītāharaṇakarśitaḥ
   evaṃ sa vilapan rāmaḥ   sītā-haraṇa-karśitaḥ /
Halfverse: c    dīnaḥ śokasamāviṣṭo   muhūrtaṃ vihvalo 'bʰavat
   dīnaḥ śoka-samāviṣṭo   muhūrtaṃ vihvalo_abʰavat /25/

Verse: 26 
Halfverse: a    sa vihvalitasarvāṅgo   gatabuddʰir vicetanaḥ
   sa vihvalita-sarva_aṅgo   gata-buddʰir vicetanaḥ /
Halfverse: c    viṣasādāturo dīno   niḥśvasyāśītam āyatam
   viṣasāda_āturo dīno   niḥśvasya_aśītam āyatam /26/ {?}

Verse: 27 
Halfverse: a    bahuśaḥ sa tu niḥśvasya   rāmo rājīvalocanaḥ
   bahuśaḥ sa tu niḥśvasya   rāmo rājīva-locanaḥ /
Halfverse: c    hā priyeti vicukrośa   bahuśo bāṣpagadgadaḥ
   hā priye-ti vicukrośa   bahuśo bāṣpa-gadgadaḥ /27/ {priye_iti}

Verse: 28 
Halfverse: a    taṃ sāntvayām āsa tato   lakṣmaṇaḥ priyabāndʰavaḥ
   taṃ sāntvayām āsa tato   lakṣmaṇaḥ priya-bāndʰavaḥ /
Halfverse: c    bahuprakāraṃ dʰarmajñaḥ   praśritaḥ praśritāñjaliḥ
   bahu-prakāraṃ dʰarmajñaḥ   praśritaḥ praśrita_añjaliḥ /28/

Verse: 29 
Halfverse: a    anādr̥tya tu tad vākyaṃ   lakṣmaṇauṣṭʰapuṭacyutam
   anādr̥tya tu tad vākyaṃ   lakṣmaṇa_oṣṭʰa-puṭa-cyutam /
Halfverse: c    apaśyaṃs tāṃ priyāṃ sītāṃ   prākrośat sa punaḥ punaḥ
   apaśyaṃs tāṃ priyāṃ sītāṃ   prākrośat sa punaḥ punaḥ /29/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.